ABBA - Асацыяцыя беларускага бізнесу за мяжой

🎵Абвяшчаем конкурс на найлепшы гімн для Асацыяцыі беларускага бізнесу за мяжой! Мы запрашаем творцаў да стварэння ўнікальнага гімна, які будзе адлюстроўваць прынцыпы і каштоўнасці АВВА. Удзел у Конкурсе адкрыты для фізічных асоб, прадпрымальнікаў і арганізацый (юрыдычныя асобы і ІП), зарэгістраваных за мяжой Беларусі і Расеі. Удзел могуць узяць як асобныя аўтары, так і калектывы (гурты). З рэгламентам конкурсу і крытэрамі ацэнкі заявак можна азнаёміцца па спасылцы. ⭐️ Пераможца атрымае грашовую ўзнагароду ў памеры 500 еўра. Дасылайце вашыя прапановы да 1 жніўня. Падзяліцеся гэтай навіной з сябрамі і знаёмымі, якім цікавы ўдзел у конкурсе! Маеце пытанні? Калі ласка, звяртайцеся да нас на мэйл [email protected]

📢 Запрашаем беларускіх бізнесоўцаў на канферэнцыю 6 чэрвеня ва Уроцлаве, Польшча. Мерапрыемства пройдзе ў 2 этапы. На першую частку запрашаюцца сябры АВВА. У праграме: ▫️Выступы ваяводы, маршалка і прэзідэнта горада Уроцлаў. ▫️Выступы прадстаўнікоў Нацыянальнай гандлёва-прамысловай палаты (Krajowa Izba Gospodarcza) і Ніжнесілезскай гандлёва-прамысловай палаты (Dolnośląska Izba Gospodarcza). ⏰ 13:30 — пачатак рэгістрацыі. 14:00-18:00 — канферэнцыя. 📍Спасылку на рэгістрацыю і дэталі івэнту вы атрымаеце на электронную скрыню. На другую частку івэнту запрашаем прадстаўнікоў беларускага бізнесу, патрэбная рэгістрацыя. У праграме: ▫️Падводзім вынікі сустрэчы з мясцовымі ўладамі Уроцлава. ▫️Адукацыйныя магчымасці з падтрымкай АВВА: як беларусам у ЕЗ удзельнічаць у грантавых праграмах (Most+, INSEAD). ▫️Прэзентацыя дзейнасці і бліжэйшых планаў АВВА. ▫️Афіцыйнае адкрыццё прадстаўніцтва АВВА ва Уроцлаве, знаёмства з амбасадарам Асацыяцыі па Уроцлаву. ▫️Пытанні і адказы. ▫️Нэтворкінг. ⏰ 18:00 — пачатак рэгістрацыі. 18:30-21:00 — бізнес-івэнт. 📍Cпасылку на месца сустрэчы вы атрымаеце пасля рэгістрацыі. Рэгіструйцеся па спасылцы да 5 чэрвеня. Рэалізуецца пры фінансаванні Еўрапейскага Саюза #EUforBelarus #ЕСдляБеларусі

⚡️Запрашаем сяброў АВВА на бізнес-вячэру ў Варшаве. 4 чэрвеня з працоўным візітам у Варшаве будзе знаходзіцца Віктар Шаўчук, амбасадар АВВА па штаце Мінесота, уладальнік бізнесу MGM Wine & Spirits. ⭐️ У вас будзе магчымасць прыняць удзел у брейнсторме і распрацоўцы новых праектаў АВВА: ▫️Адукацыйныя праекты для сяброў АВВА. ▫️Праект АВВА Invest Club для пашырэння магчымасцяў фінансавання для беларускіх бізнесоўцаў за мяжой. Таксама абмяркуем тэму: Адукацыйныя магчымасці з падтрымкай АВВА: як беларусам удзельнічаць у грантавых праграмах (Most+, INSEAD). Раман Цімафееў, уладальнік бізнесу Lasera Plus, падзеліцца сваім досведам удзелу ў адукацыйных праграмах і распавядзе, як Асацыяцыя дапамагае трапіць на навучанне. 🙌 Вас чакае карысны нэтворкінг у добрай сяброўскай атмасферы, магчымасць абмеркаваць важныя для вас бізнес-пытанні, выказаць свае запыты і патрэбы. ⏰ 4 чэрвеня, 18:00, Варшава. 📍Спасылку на рэгістрацыю і дэталі івэнту вы атрымаеце на электронную скрыню.

📢 Бізнес-вячэра ABBA ў Рызе адбудзецца ўжо ў наступны аўторак, 28 траўня. Далучайцеся! Гэта сустрэча для беларускіх прадпрымальнікаў і прадпрымальніц з Латвіі і іншых краінаў, якія хочуць пашырыць свае дзелавыя кантакты, даведацца пра новыя магчымасці, а таксама разам сфармуляваць пазіцыю вырашэння праблем беларускага бізнесу ў ЕЗ. Супольна абмяркуем штодзённыя праблемы беларускага бізнесу ў Латвіі і стратэгічныя аспекты: ▪️Магчымасці пашырэння бізнесу на іншыя краіны. ▪️Патрэбы ў знешнім фінансаванні. ▪️Гранты на адукацыю ў ЕЗ. Спецыяльная тэма: В2B Marketing Strategies. Удзельнік праграмы INSEAD Executive Education Раман Цімафееў падзеліцца ведамі пра сучасны В2В маркетынг ад найлепшай бізнес-вучэльні Еўропы INSEAD. Раман — сябра АВВА, уладальнік кампаніі ва Уроцлаве ў галіне медычнага і касметалагічнага абсталявання Lasera Plus. 👉 Рэгістрацыя на бізнес-вячэру. 28 траўня, 18:00-21:00. Cпасылку на месца сустрэчы вы атрымаеце пасля рэгістрацыі. ⭐️ Нагадваем, што АВВА дапамагае бізнесоўцам праходзіць павышэнне кваліфікацыі: сябрам АВВА мы выдаем рэкамендацыйныя лісты для залічэння на адукацыйныя праграмы. Далучайцеся да АВВА, карыстайцеся лепшымі магчымасцямі для вашага бізнесу!

Самая прыязная для беларускага бізнэсу — Польшча, у краінах Балтыі ўсё горш Апублікаваныя новыя даныя. https://nashaniva.com/343378 Без VPN — па гэтай спасылцы.

Самая прыязная — Польшча, у краінах Балтыі ўсё горш. Апублікаваныя новыя лічбы пра стан беларускага бізнэсу ў ЭЗ Толькі 24% беларускіх прадпрымальнікаў, якія зарэгістравалі бізнэс у краінах Эўразьвязу, задаволеныя падтрымкай краін, якія іх прынялі. Самая прыязная — Польшча. У краінах Балтыі ўмовы рэлякацыі, легалізацыі беларусаў істотна пагоршыліся, кажуць у бізнэс-асацыяцыі АВВА. https://smarturl.click/Ee61L

⚡️ Абвяшчаем конкурс на лепшы мерч для Асацыяцыі беларускага бізнесу за мяжой! Мы запрашаем дызайнераў да cтварэння стылёвага дызайну цішоткі для мерчэндайзінгу ABBA, які будзе падкрэсліваць унікальнасць Асацыяцыі. Удзел у Конкурсе адкрыты для фізічных асоб, прадпрымальнікаў і арганізацый (юрыдычныя асобы і ІП), зарэгістраваных за мяжой Беларусі і Расеі. Удзел могуць узяць як асабістыя аўтары, так і калектывы. З рэгламентам конкурсу і крытэрамі ацэнкі заявак можна азнаёміцца па спасылцы. ⭐️Пераможца атрымае грашовую ўзнагароду ў памеры 500 еўра. Дасылайце вашыя прапановы да 1 жніўня. Падзяліцеся гэтай навіной з сябрамі і знаёмымі, якім цікавы ўдзел у конкурсе! Маеце пытанні? Калі ласка, звяртайцеся да нас на мэйл [email protected]

❤️ Сябры! Сёння, у дзень салідарнасці з палітвязнямі Беларусі, заклікаем падтрымаць дабрачынны збор для дзяцей, чые бацькі знаходзяцца за кратамі. Грошы пойдуць на: ▫️Экскурсіі, паездкі, падарожжы, летнія дзіцячыя лагеры. ▫️Адукацыйныя гурткі па шахматах, маляванні і інш. ▫️Спартовыя секцыі і рыштунак для гульняў. Ужо сабрана €16 450 з €25 000, 160 дзетак з 200 дакладна атрымаюць дапамогу. Давайце зробім так, каб кожны маленькі беларус і беларуска адчулі радасць шчаслівага і бяспечнага дзяцінства! Заданаціць. ⭐️ Падвядзенне вынікаў збору пройдзе ў межах бізнес-мерапрыемства #WhiteDressEvent у Вільні 1 чэрвеня. Запрашаем! У праграме: ▫️Размаўляем пра адукацыю і медычную апеку дзяцей у Літве. ▫️Задаем юрысту пытанні аб правах дзяцей, прадстаўнікоў/прадстаўніц бацькоўскага камітэту беларускай гімназіі ім.Скарыны ў Вільні. ▫️Размаўляем з прадстаўнікамі/прадстаўніцамі муніцыпалітэту Вільні, адказнымі за адукацыю. ▫️Кірмаш прадуктаў і паслуг для дзяцей. ▫️Нэтворкінг, добрыя фота, пазітыўная энергія! Падрабязнасці. ✔️Рэгіструйцеся па спасылцы.

⚡️Запрашаем беларускіх бізнесоўцаў і экспертаў для кантакту і супрацы. Зараз прэзідэнт АВВА Яўген Буры знаходзіцца з працоўным візітам у ЗША. Ён падзяліўся сваімі ўражаннямі і дасягненнямі за некалькі тыдняў паездкі: "Столькі нэтворкінгу, столькі новых знаёмстваў з супер-прафесійнымі, дасведчанымі і паспяховымі бізнесоўцамі я не атрымліваў ніколі. Гэта велізарны і вельмі карысны досвед, які спатрэбіцца не толькі мне, але і сябрам, камандзе АВВА, а калісьці — і Вольнай Беларусі. Я атрымаў магчымасць доўгі час знаходзіцца побач з моцнымі бізнесменамі, натхняцца імі, атрымліваць інсайты, пазнаваць і лепш разумець праблемы і перавагі бізнесу ў ЗША. Цяпер у мяне (а значыць і ў АВВА) велізарная колькасць новых кантактаў, аднадумцаў і людзей, гатовых укладаць свой час, досвед і рэсурсы ў нашу агульную справу, суправаджаць працэсы, быць ментарамі і інвестарамі". Будзем ўдзячныя за вашыя ідэі і прапановы па наступных, ужо рэалізуемых АВВА напрамках: ▪️VII беларускі бізнес форум АВВА ў Еўразвязе (Варшава, 20 верасня). ▪️АВВА форум у Крэмніевай даліне (сакавік 2025). ▪️Экспертная Рада АВВА. ▪️Развіццё сеткі Амбасадараў АВВА. ▪️Адукацыйныя магчымасці для беларускага бізнесу, у тым ліку ў ЗША. ▪️Крэдытны саюз для беларускага бізнесу ў ЗША. ▪️Палітычны прытулак для сяброў АВВА ў ЗША. ▪️Аўтаматызацыя, ШІ ў бізнес-працэсах. Яўген Буры будзе знаходзіцца ў Каліфорніі яшчэ некалькі тыдняў. Таксама ў сэрцы Крэмніевай даліны, у горадзе Санта-Клара, месціцца прадстаўніцтва АВВА (Santa Clara Square Offices, 2445 Augustine Dr Santa Clara, CA 95054). Запрашаем да кантакту: ▫️Яўген Буры, прэзідэнт ABBA [email protected] |+1 408 5934638. ▫️Мікалай Мурзянкоў, дарадца і прадстаўнік АВВА ў Каліфорніі, [email protected]. ▫️Афіцыйныя кантакты Асацыяцыі: +48797002890 | @ABBA_telegram | [email protected]. Далучайцеся да АВВА! Мы працуем, каб ваш бізнес развіваўся і станавіўся яшчэ больш паспяховым.

🔴 Ці былі ў вас праблемы з легалізацыяй на тэрыторыі Іспаніі? 🔴 Ці сутыкаліся вы з дыскрымінацыяй, наўпрост ці ўскосна звязанай з вашым беларускім грамадзянствам? Гэтыя і іншыя праблемы вы можаце акрэсліць у нашым апытанні. Мы падрыхтавалі спецыяльную анкету для беларускіх бізнесоўцаў Іспаніі і тых, хто плануе там пачаць сваю справу. 👉 Калі ласка, запоўніце анкету, каб мы маглі зразумець, колькі беларускага бізнесу працуе ці збіраецца адчыніцца ў Іспаніі, з якімі асноўнымі перашкодамі вы сутыкаецеся, і які фармат супольнай працы вам найбольш пасуе. Гэта дапаможа нам зразумець, у якіх накірунках праца па дапамозе беларускаму бізнесу ў гэтай краіне, будзе найбольш карыснай і эфектыўнай. Запаўненне анкеты зойме 10-15 хвілінаў. Мы не збіраем вашыя персанальныя дадзеныя, усе адказы ананімныя і будуць выкарыстаныя выключна для ўнутраных інфармацыйных мэтаў АВВА.