မြန်မာ့သမိုင်းနှင့် သုတစုံ

ဆေးသောက်တဲ့အခါ သတိပြုကြရန်

ကလေးတွေကို သင်ပေးဖို့ ....

Social media တွေဆိုတာ အသုံးချတတ်ရင် အသုံးချတတ်သလောက် ကောင်းကျိုးကျေးဇူးများပါတယ်

အခမဲ့ AI TOOLS ပြန်လည်မျှဝေပါသည်။

42. wikiart . org — အွန်လိုင်း အနုပညာနှင့် ပန်းချီကားများ စုစည်းမှု 43. publicdomainreview . org — သမိုင်းဝင် အနုပညာနှင့် စာပေရတနာများ စုစည်းရာ 44. openculture . com — အခမဲ့ ယဉ်ကျေးမှုနှင့် ပညာရေးဆိုင်ရာ သင်တန်း/စာအုပ်များ 45. metmuseum . org — The Met ပြတိုက်၏ အနုပညာပစ္စည်း စုဆောင်းမှုများ ၆။ အပျင်းပြေ၊ ဂီတနှင့် ထူးဆန်းထွေလာ အတွေ့အကြုံများ 🎧🕹️ 46. neal . fun — ဆော့ကစားရင်း ဗဟုသုတရစေမယ့် interactive game များနှင့် စမ်းသပ်ချက်များ (အရမ်းပျော်ဖို့ကောင်း) 47. musicmap . info — ကမ္ဘာ့ဂီတအမျိုးအစား (Music Genres) များရဲ့ ဆင့်ကဲပြောင်းလဲမှု မြေပုံ 48. radiooooo . com — နိုင်ငံနဲ့ ဆယ်စုနှစ်အလိုက် ခေတ်ဟောင်းသီချင်းများ ရွေးနားထောင်နိုင်တဲ့ ဂီတအချိန်စက် 49. listen . hatnote . com — Wikipedia မှာ တစ်ယောက်ယောက် စာပြင်ရေးလိုက်တိုင်း တူရိယာသံလေးတွေ ထွက်ပေါ်လာတဲ့ နေရာ 50. wikipedia . org/wiki/Special:Random — နှိပ်လိုက်တိုင်း မထင်မှတ်ထားတဲ့ ဗဟုသုတအသစ်တစ်ခုဆီ ကျပန်းပို့ပေးမယ့် စာမျက်နှာ တကယ်ကို အချိန်ကုန်မှန်းမသိ ကုန်သွားစေမယ့် Website တွေမို့လို့ နောက်မှ အေးဆေးဝင်ကြည့်ဖို့ အခုပဲ Save/Share လုပ်ထားလိုက်ပါဦးနော်။ Nang Htike Aung

အင်တာနက်လောကကြီးထဲမှာ ကျွန်တော်တို့ မသိသေးတဲ့ အလွန်အသုံးဝင်ပြီး ဆန်းကြယ်တဲ့ နေရာတွေ အများကြီးရှိပါတယ်။ ဗဟုသုတလည်းရ၊ အပျင်းလည်းပြေစေမယ့် Website (၅၀) ကို ကဏ္ဍအလိုက် စုစည်းဖော်ပြပေးလိုက်ပါတယ်။ တစ်ခုချင်းစီကို ဝင်မွှေကြည့်ရင်း အချိန်ကုန်မှန်းတောင် သိမှာမဟုတ်ပါဘူး။ ၁။ ကမ္ဘာမြေနဲ့ ရာသီဥတုကို Live ကြည့်ချင်သူများအတွက် 🛰️ 1. zoom . earth — ဂြိုဟ်တုကနေ ကမ္ဘာကြီးရဲ့ လက်ရှိအခြေအနေကို Live ကြည့်မယ် 2. flightradar24 . com — ကမ္ဘာတစ်ဝန်းက လေယာဉ်တွေ ဘယ်ပျံနေလဲ အချိန်နဲ့တပြေးညီ ကြည့်မယ် 3. marinetraffic . com — ပင်လယ်သမုဒ္ဒရာထဲက သင်္ဘောတွေရဲ့ သွားလာလှုပ်ရှားမှု radar 4. windy . com — ကမ္ဘာ့လေထု၊ မုန်တိုင်းနဲ့ မိုးလေဝသခန့်မှန်းချက် မြေပုံ 5. lightningmaps . org — လက်ရှိ ကမ္ဘာပေါ် ဘယ်နေရာတွေမှာ မိုးကြိုးပစ်နေလဲ Live ပြတဲ့မြေပုံ 6. earthquake . usgs . gov — လတ်တလော လှုပ်ခတ်သွားတဲ့ ငလျင်သတင်းအချက်အလက်များ 7. submarinecablemap . com — ပင်လယ်ရေအောက်က အင်တာနက် fiber ကြိုးလိုင်းများ မြေပုံ 8. globalforestwatch . org — ကမ္ဘာ့သစ်တော ပြုန်းတီးမှု/ထိန်းသိမ်းမှု အခြေအနေများ ၂။ ကမ္ဘာလှည့် ခရီးသွားချင်သူများအတွက် 🗺️ 9. thetruesize . com — နိုင်ငံတွေရဲ့ အကျယ်အဝန်း အစစ်အမှန်ကို နှိုင်းယှဉ်ကြည့်မယ် 10. oldmapsonline . org — သမိုင်းဝင် ရှေးဟောင်းမြေပုံများကို ရှာဖွေလေ့လာမယ် 11. davidrumsey . com — ကမ္ဘာ့အကြီးဆုံး ရှေးဟောင်းမြေပုံ မော်ကွန်းတိုက် 12. openstreetmap . org — လူထုကိုယ်တိုင် ပူးပေါင်းရေးဆွဲထားတဲ့ ကမ္ဘာ့မြေပုံ 13. window-swap . com — ကမ္ဘာအရပ်ရပ်က လူတွေရဲ့ ပြတင်းပေါက်ကနေ အပြင်ရှုခင်းကို သွားချောင်းမယ် 14. virtualvacation . us — နိုင်ငံတကာ မြို့ကြီးတွေထဲ virtual လမ်းလျှောက် လည်ပတ်မယ် 15. mapcrunch . com — ကမ္ဘာပေါ်က မထင်မှတ်ထားတဲ့ နေရာတစ်ခုဆီကို random ပို့ပေးမယ့် မြေပုံ 16. atlasobscura . com — ကမ္ဘာပေါ်က ထူးဆန်းအံ့သြဖွယ် နေရာများနှင့် လျှို့ဝှက်ချက်များ ၃။ အာကာသနှင့် သိပ္ပံပညာ စိတ်ဝင်စားသူများအတွက် 🚀 17. htwins . net/scale2 — အက်တမ် (Atom) အသေးဆုံးအမှုန်ကနေ စကြဝဠာကြီးတစ်ခုလုံးရဲ့ အရွယ်အစား နှိုင်းယှဉ်ချက် 18. eyes . nasa . gov — အာကာသနှင့် ဂြိုဟ်များကို 3D စနစ်ဖြင့် လေ့လာမယ် 19. stellarium-web . org — ကြယ်တာရာတွေနဲ့ ညကောင်းကင်ယံပြမြေပုံ 20. apod . nasa . gov — NASA က နေ့စဉ်တင်ပေးတဲ့ အာကာသရုပ်ထွက်ပုံများ 21. images . nasa . gov — NASA ရဲ့ ဓာတ်ပုံနှင့် ဗီဒီယို မော်ကွန်းတိုက်ကြီး 22. timeanddate . com — ကမ္ဘာ့အချိန်ဇုန်နှင့် နက္ခတ်ဗေဒဆိုင်ရာ အချက်အလက်များ 23. sciencedaily . com — နောက်ဆုံးပေါ် သိပ္ပံသတင်းများ 24. arxiv . org — သိပ္ပံနှင့် နည်းပညာ သုတေသနစာတမ်းများကို အခမဲ့ဖတ်ရှုနိုင်တဲ့နေရာ ၄။ ကိန်းဂဏန်း၊ စာရင်းဇယားနှင့် Data Visualizations 📊 25. worldometers . info — ကမ္ဘာ့လူဦးရေနှင့် အထွေထွေ အချိန်နဲ့တပြေးညီ စာရင်းဇယားများ 26. internetlivestats . com — အင်တာနက်အသုံးပြုမှု Live ဒေတာများ 27. pudding . cool — စိတ်ဝင်စားစရာ အကြောင်းအရာတွေကို visual data နဲ့ ဇာတ်လမ်းဆင်ပြထားတဲ့ဆိုဒ် 28. ourworldindata . org — ကမ္ဘာ့ပြဿနာများနှင့် ဖွံ့ဖြိုးတိုးတက်မှုဆိုင်ရာ သုတေသနဒေတာများ 29. gapminder . org — ကမ္ဘာ့ခေတ်ရေစီးကြောင်းများကို မျက်မြင်ရှင်းလင်းစေမယ့် ဇယားများ 30. informationisbeautiful . net — ရှုပ်ထွေးတဲ့ ဒေတာတွေကို လှပရှင်းလင်းစွာ ပုံဖော်ထားသော နေရာ 31. data . worldbank . org — ကမ္ဘာ့ဘဏ်၏ နိုင်ငံတကာ စီးပွားရေးနှင့် ဖွံ့ဖြိုးမှုဒေတာများ 32. data . tuik . gov . tr — တူရကီနိုင်ငံ၏ တရားဝင် စာရင်းအင်းအချက်အလက်များ 33. observablehq . com — Interactive ဒေတာ visual များ ဖန်တီးလေ့လာနိုင်တဲ့ platform ၅။ စာအုပ်၊ အနုပညာနှင့် ယဉ်ကျေးမှု မော်ကွန်းတိုက်များ 📚🎨 34. archive . org — ဝက်ဘ်ဆိုဒ်ဟောင်းများ၊ စာအုပ်၊ ရုပ်ရှင်ပေါင်း သန်းချီသိမ်းဆည်းထားရာ ဒစ်ဂျစ်တယ်မော်ကွန်းတိုက်ကြီး 35. gutenberg . org — မူပိုင်ခွင့်လွတ် ရှေးဟောင်းဂန္ထဝင်စာအုပ်များကို အခမဲ့ဖတ်ရှုနိုင်သောဆိုဒ် 36. openlibrary . org — ကမ္ဘာ့စာအုပ်ပေါင်း သန်းပေါင်းများစွာကို ရှာဖွေဖတ်ရှုနိုင်သည့် စာကြည့်တိုက် 37. loc . gov — အမေရိကန် ကွန်ဂရက်စာကြည့်တိုက် မော်ကွန်း 38. europeana . eu — ဥရောပ၏ အနုပညာနှင့် ယဉ်ကျေးမှု ပြတိုက်များ မော်ကွန်း 39. dp . la — အမေရိကန် ဒစ်ဂျစ်တယ် ပြည်သူ့စာကြည့်တိုက် 40. artsandculture . google . com — ကမ္ဘာကျော် ပြတိုက်ကြီးများထဲကို virtual လှည့်လည်ကြည့်ရှုမယ် 41. rijksmuseum . nl — အရည်အသွေးမြင့် ကမ္ဘာကျော် လက်ရာစစ် အနုပညာလက်ရာများ

လေဖြန်းခြင်း နှင့် လေဖြတ်ခြင်း ဗဟုသုတ

ဣတိပိ သော ဘဂဝါ အရဟံ သမ္မာသမ္ဗုဒ္ဓေါ ဝိဇ္ဇာစရဏသမ္ပန္နော သုဂတော လောကဝိဒူ အနုတ္တရောပုရိသဒမ္မသာရထိ သတ္ထာဒေဝမနုဿာနံ ဗုဒ္ဓေါ ဘဂဝါ အရဟံဂုဏ်တော် ကိလေသာကင်းစင်၍ အမြတ်ဆုံး ပုဂ္ဂိုလ်ဖြစ်ခြင်း၊ လူ၊ နတ်၊ ဗြဟ္မာတို့၏ ပူဇော်အထူးကို ခံယူထိုက်တော်မူထိုက်သော မြတ်စွာဘုရား။ ဆိတ်ကွယ်ရာအရပ်၌ပင် မကောင်းမှုကို ပြုလုပ်တော်မမှုသော မြတ်စွာဘုရား။ အရဟံဂုဏ်တော် (၅) ချက် ၁။ အာရကတ္တာ - ကိလေသာတို့မှ ဝေးတော်မူသောကြောင့် အရဟမည်၏။ ၂။ ပစ္စယာဒီနံ အရဟတ္ထာပိ - လူနတ်ဗြဟ္မာသုံးပါးတို့၏ ပစ္စည်းလေးပါး စသော ပူဇော်အထူးကို ခံထိုက်သည်၏ အဖြစ်ကြောင့် အရဟမည်၏။ ၃။ နတ္ထိ ရဟော ဧတဿာတိ - ဆိတ်ကွယ်ရာ အရပ်၌ မကောင်းမှုပြုခြင်းသည် မရှိသောကြောင့် အရဟမည်၏။ ၄။ အရီနံ ဟတတ္တာပိ - ကိလေသာ တည်းဟူသော ရန်သူကို သတ်အပ်သည်၏ အဖြစ်ကြောင့် အရဟမည်၏။ ၅။ အရာနံ ဟတတ္တာပိ - သံသရာ စက်တို့ ၏အကန့်တို့ကို ဖျက်ဆီးအပ်သည်၏ အဖြစ်ကြောင့် အရဟမည်၏။ သမ္မာသမ္ဗုဒ္ဓေါ ဂုဏ်တော် တရားအလုံးစုံကို သဗ္ဗညုတဉာဏ်ဖြင့် အလိုလိုသိခြင်း၊ ဉာဏ်ပညာအကြီးဆုံးပုဂ္ဂိုလ်ဖြစ်တော်မူသော မြတ်စွာဘုရား။ (အရာအားလုံးကို ကိုယ်ပိုင်ဉာဏ်စွမ်းဖြင့် အမှန်အတိုင်းသိမြင်တော်မူသော မြတ်စွာဘုရား ) ဝိဇ္ဇာစရဏ သမ္ပန္နော ဂုဏ်တော် ဝိဇ္ဇာဉာဏ် ၃-ပါး(၈ပါး)၊ စရဏ အကျင့် ၁၅ ပါးတို့နှင့် ပြည့်စုံတော်မူခြင်း၊ အကြီးဆုံး ဝိဇ္ဇာနှင့် အကောင်းဆုံး အကျင့်ရှိသူဖြစ်တော်မူသော မြတ်စွာဘုရား။ ဝိဇ္ဇာဉာဏ် (၃) ပါး ၁။ ပုဗ္ဗေနိဝါသဉာဏ်-ရှေးဘဝမှ နေခဲ့သော ခန္ဓာအစဉ်ကို အောက်မေ့နိုင်သော ဉာဏ်။ ၂။ ဒိဗ္ဗစက္ခုဉာဏ် - နတ်တို့၏ မျက်စိကဲ့သို့ အပိတ်အပင် အတားအဆီးမရှိ မြင်နိုင်သော ဉာဏ်။ ၃။ အာသဝက္ခယဉာဏ် - အာသဝေါတရား လေးပါးကို ကုန်စင်အောင် ပြုတတ်သော အရဟတ္တမဂ်ဉာဏ်။ ဝိဇ္ဇာဉာဏ် (၈) ပါး ၁။ ဣဒ္ဓိဝိဓဉာဏ် - တန်ခိုးအမျိုးမျိုး ဖန်ဆင်းနိုင်သောဉာဏ်။ ၂။ မနောမယိဒ္ဓိဉာဏ် - စိတ်သွားတိုင်း ကိုယ်ပါနိုင်သောဉာဏ်။ ၃။ ဒိဗ္ဗသောတဉာဏ် - နတ်တို့၏ နားကဲ့သို့ ကြားနိုင်သောဉာဏ်။ ၄။ ပရစိတ္တဝိဇာနနဉာဏ် - သူတပါး၏စိတ်ကိုပိုင်းခြား၍သိနိုင်သောဉာဏ်။ ၅။ ပုဗ္ဗေနိဝါသဉာဏ် - ရှေးရှေးသော ဘဝပေါင်းခြားများစွာက နေခဲ့ဘူးသော ခန္ဓာအစဉ်ကို အောက်မေ့နိုင်သောဉာဏ်။ ၆။ ဒိဗ္ဗစက္ခုဉာဏ် - နတ်တို့၏မျက်စိကဲ့သို့ မြင်နိုင်သောဉာဏ်။ ၇။ ဝိပဿနာဉာဏ် - ဖြစ်ပေါ်သမျှသော သင်္ခါရတရားတို့ကို လက္ခဏာသုံးပါးတင်၍ ရှုမြင်ဆင်ခြင်နိုင်သောဉာဏ်။ ၈။ အာသဝက္ခယဉာဏ် - အာသဝေါတရားလေးပါးကို ကုန်စင်အောင်ပြုတတ်သော အရဟတ္တမဂ်ဉာဏ်။ စရဏ အကျင့် ၁၅ ပါး သဒ္ဓါ သတိ ဟိရီ ဩတ္တပ္ပ ဝီရိယ သုတ ပညာ ဘောဇနမတ္တညုတာ ဇာဂရိယာနုယောဂ သီလ ဣန္ဒြိယသံဝရ ပထမဈာန် ဒုတိယဈာန် တတိယဈာန် စတုတ္ထဈာန် တို့ကို စရဏတစ်ဆယ့်ငါးပါးဟု ခေါ်ဆိုသည်။ သုဂတော ဂုဏ်တော် အကျိုးရှိသော ဟုတ်မှန်သောစကားကိုသာ ကောင်းစွာဆိုတတ်သောမြတ်စွာဘုရား။ လောကဝိဒူ ဂုဏ်တော် သတ္တလောက၊ သင်္ခါရလောက၊ ဩကာသလောက တည်းဟူသော လောကသုံးပါးကို အကုန်အစင်သိမြင်တော်မူသော မြတ်စွာဘုရား။ အနုတ္တရော ပုရိသဒမ္မသာရထိ ဂုဏ်တော် မယဉ်ကျေးသော ဆုံးမထိုက်သူတို့ကို ယဉ်ကျေးသိမ်မွေ့အောင် ဆုံးမရာ၌ အသာလွန်ဆုံးဖြစ်တော်မူသောမြတ်စွာဘုရား။ သတ္ထာဒေဝ မနုဿာနံ ဂုဏ်တော် လူ၊ နတ်၊ ဗြဟ္မာ သတ္တဝါအားလုံးတို့၏ ဆရာတစ်ဆူ ဖြစ်တော်မူသော မြတ်စွာဘုရား။ ဗုဒ္ဓေါ ဂုဏ်တော် သစ္စာလေးပါးကို ကိုယ်ပိုင်ဉာဏ်ဖြင့် သိတော်မူပြီးတစ်ပါးသူ တို့တို့အားလည်း ဟောကြားညွှန်ပြနိုင်သောမြတ်စွာဘုရား။ သစ္စာလေးပါးသည် ပါဠိဘာသာအားဖြင့် အရိယသစ္စာ ဟု ခေါ်သည်။ ဗုဒ္ဓဘာသာ၏ အနှစ်သာရဖြစ်သော သဘောတရားတစ်ခု ဖြစ်သည်။ အကျဉ်းအားဖြင့် ဆိုလျှင် - ဒုက္ခသစ္စာ - ဒုက္ခဟူသော ဆင်းရဲခြင်းတရားသည် အမှန်တကယ်ရှိသည်။ သမုဒယသစ္စာ - သမုဒယသည် 'ဒုက္ခ'ကိုဖြစ်စေသော အကြောင်းအရင်း အမှန်ဖြစ်သည်။ နိယောဓသစ္စာ- ဒုက္ခ၏ ငြိမ်းအေးရာ နိဗ္ဗာန်သည် အမှန်တကယ်ရှိသည်။ မဂ္ဂသစ္စာ- နိဗ္ဗာန်ကိုရရှိရန် နည်းလမ်းသည် မဂ္ဂင်ရှစ်ပါး အမှန်ပင်ဖြစ်သည်။ ဘဂဝါ ဂုဏ်တော် ဘုန်းတော် ၆-ပါးနှင့် ပြည့်စုံတော်မူခြင်း၊ ဘုန်းတန်ခိုးအကြီးဆုံးပုဂ္ဂိုလ်ဖြစ်သော မြတ်စွာဘုရား။ ဘုန်းတော်ခြောက်ပါး ဣဿရိယဘုန်းတော် - မိမိစိတ်ကိုရော၊ တစ်လောကလုံးကိုပါ အစိုးရတော်မူသော မြတ်စွာဘုရား။ ဓမ္မဘုန်းတော် - မဂ်၊ ဖိုလ်၊ နိဗ္ဗာန်တရားနှင့် ပြည့်စုံတော်မူသော မြတ်စွာဘုရား။ ယသဘုန်းတော် - များပြားသော အခြံအရံ၊ ပျံနှံ့သော အကျော်အစောနှင့် ပြည့်စုံတော်မူသော မြတ်စွာဘုရား။ သိရီဘုန်းတော် - အတုမရှိသော ကျက်သရေတော် နှင့် ပြည့်စုံတော်မူသော မြတ်စွာဘုရား ကာမဘုန်းတော် - လိုအင်ဆန္ဒမှန်သမျှ ခဏချက်ချင်း ပြည့်ဝတော်မူသော မြတ်စွာဘုရား ပယတ္တဘုန်းတော် - အတုမရှိသော လုံလဝီရိယနှင့် ပြည့်စုံတော်မူသော မြတ်စွာဘုရား ဗုဒ္ဓဘါသာဝင်တိုင်ငယ်ငယ်ကနှုတ်တိုက်သင်ပေးခဲ့လို့ ဘာမှန်းမသိနားထောင် သို့မဟုတ် ပါးစပ်ကပွစိပွစိ နေမယ့်အစား တစ်ခုချင်းနားလည်တော့ပိုကောင်းမယ်ထင်လို့ပါခင်ဗျာ။

မြတ်စွာဘုရားသည် ပူဇော်အထူးကို ခံယူတော်မူထိုက်သော အကြောင်းကြောင့်လည်း 'အရဟံ'မည်တော်မူ၏။ အလုံးစုံသော တရားတို့ကို ကိုယ်တိုင် မှန်ကန်စွာ သိတော်မူသော အကြောင်းကြောင့်လည်း 'သမ္မာသမ္ဗုဒ္ဓ' မည်တော်မူ၏။ အသိဉာဏ် 'ဝိဇ္ဇာ' အကျင့် 'စရဏ' နှင့် ပြည့်စုံတော်မူသော အကြောင်းကြောင့်လည်း 'ဝိဇ္ဇာစရဏသမ္ပန္န' မည်တော်မူ၏။ ကောင်းသော စကားကို ဆိုတော်မူတတ်သော အကြောင်းကြောင့်လည်း 'သုဂတ' မည်တော်မူ၏။ လောကကို သိတော်မူသော အကြောင်းကြောင့်လည်း 'လောကဝိဒူ' မည်တော်မူ၏။ ဆုံးမထိုက်သူကို ဆုံးမတတ်သည့် အတုမဲ့လွန်မြတ်သော ပုဂ္ဂိုလ်ဖြစ်တော်မူသော အကြောင်းကြောင့်လည်း 'အနုတ္တရော ပုရိသဒမ္မသာရထိ' မည်တော်မူ၏။ နတ်လူတို့၏ ဆရာဖြစ်တော်မူသော အကြောင်းကြောင့်လည်း 'သတ္ထာ ဒေဝမနုဿာနံ' မည်တော်မူ၏။ သစ္စာလေးပါးတရားတို့ကို ကိုယ်တိုင် သိ၍ သူတစ်ပါးတို့ကို သိစေတော်မူသော အကြောင်းကြောင့်လည်း 'ဗုဒ္ဓ' မည်တော်မူ၏။ ဘုန်းတန်ခိုးကြီးတော်မူသော အကြောင်းကြောင့်လည်း 'ဘဂဝါ' မည်တော်မူပါပေ၏။

လက်သည်းများကပြောသော သင့် ကျန်းမာရေး

လူတိုင်း ကြီးပွားချမ်းသာနိုင်ကြပါစေ

ကြွက်ပြေးစေကြောင်း နည်းလမ်းကောင်းများ