Тафаккур соҳили

Бир ғамгин киши, донишманднинг ҳузурига келиб: – Айтингчи, мени қийнаётган бу ғам–ташвишлардан қутилишнинг бирор чораси борми? – дея дардини достон қилди. – Аввал сен менинг икки саволимга жавоб бер, – деди. Киши донишмандга қараб: – Марҳамат сўранг! – деди. – Сен дунёга келган вақтингда сени қийнаётган шу муаммолар бор эдими? – деб сўради. – Йўқ, – Дунёдан кетар вақтингда шу ғам ташвишларни ўзинг билан бирга олиб кетасанми? – деди донишманд. У яна: – Йўқ, – деди. – Сен билан келмаган, сен билан кетмайдиган, нарса учун нечун ғам чекасан?! Сен дунё ишларида сабрли бўл! Назарингни ерга эмас, самога қарат! Шунда муродинг ҳосил бўлади. Табассум қил! Ризқинг ўлчаб қўйилган. Тақдиринг белгиланган. Дунё ишлари ғам чекишга арзимайди. Чунки у мудом Тирик ва абадий Зотнинг қўлидадир. Тафаккур қилинг! Тафаккур соҳили ва ибрат маскани: @tafakkur_sohili

Бола тарбиясидаги 5 хато Психология фани бўйича қатор илмий адабиётлар муаллифи Тим Элмор бола тарбиясида йўл қўйиладиган хатолар хусусида қуйидагиларни маълум қилади. Ўқиб кўринг, балки излаётган саволларингизга жавоб топарсиз! 1. Керагидан ортиқ эътибор! Бола кичиклигида йиқилиб тушса, мустақил ўрнидан туриши керак. Ана шунда улғайгач, турли фобиялардан холи болади. Бироқ аксарият ота-оналар «йиқилиб тушса-чи, туртиб юборишлари мумкин» деган хавотир билан эътиборни керагидан орттириб юборишади. 2. Ёрдамга шошиламиз! «Дарсингни ойинг билан тайёрла, кийимларингни опанг кийдириб қўяди» Эҳ, набиралари учун қайғурган бувижонлар боланинг шахс сифатида шаклланишига тўсқинлик қилишаётганини билишса эди. Тўғри, болага кўмаклашиш керак. Аммо мустақиллигини ҳам чегаралаб қўйманг-да. 3. Рағбатлантирамиз, керак бўлмаса ҳам... Илгари ўйинчоғу ширинликлар билан чалғиган болаларни бугун уяли телефон, комютер ёки интернет билан «йўлга солишади». Ҳатто баъзи ҳотамтой ота-оналар пуллик рағбат йўлини ҳам ўйлаб топишган. Аммо бу нотўғри! Бу билан унда қизиқиш уйғота оласиз, аммо тамагирликни ҳам шакллантириб қўйишингиз мумкин. 4. Яхшиси боламга... Кайфиятингиз йўқ, толиққансиз. Аммо фарзандингиз сайрга олиб чиқишни ёки бирор егулик тайёрлаб беришни талаб қилаяпти. Унга ён босиш, «Менинг истагим, ҳаммасидан устун» деган тушунчани юзага келтиради. «Йўқ», «Кейинроқ», «Мен чарчадим» каби жумлалар билан бошқалар ҳолатига киришишни ҳам ўргатиб боринг. 5. «Буванг шундай жазоларди-ки...» Қулоқсизлик қилган ёки мактабда паст баҳо олган болани жазолашда аксарият ота-оналар болаликдаги хотираларга берилишади. «Дадам бизга шундай танбеҳ берган», «Икки соат оч қолдирган» каби усуллар, сизнингча тўғри. Аммо бу болаликдаги аразни шу йўл билан чиқариб олиш, холос. Тафаккур қилинг! Тафаккур соҳили ва ибрат маскани: @tafakkur_sohili

Яратган Роббимга ҳамду санолар, Унинг Расулига бўлсин дуолар. Исму амалингиз Жаннатда турсин, Жума айёмингиз муборак бўлсин! Тафаккур соҳили ва ибрат маскани: @tafakkur_sohili

Камайтиринг Камайтиринг: емакларингизни, таомларингизнинг тузини, чойингизнинг шакарини, ичаётганларингизни, уйқуни... Камайтиринг: кийим-кечакларингизни, уй жиҳозларингизни, керак бўлса-бўлмаса йиғиладиган ашқол-дашқолларингизни ва уларга сарфланаётган вақт ва куч-қувват, маблағни камайтиринг... Камайтиринг: интернетга, телефонда валақлашишга, телевизор кўришга, беҳуда кўча кезишга, ғийбатлашишларга кетаётган вақтингизни, сарфингизни камайтиринг... Камайтиринг: одамлардан хафа бўлишни, замондан, қисматдан ёзғиришни, йиғи-сиғиларни, миянгизга сингдириб олган «ҳақиқат»ларингизни, беқадр бўлаётганингизга ўзингизни ва атрофдагиларни ишонтиришни камайтиринг. Шундагина яшашга вақт қолади... Феълингизни, руҳингизни, иймонингизни, кўнглингизни тарбиялашга вақт қолади... Атрофингиздаги яқинларингизга, ўзингизга вақт қолади... Инсондек яшаш учун вақт қолади... Дилфуза Комил Тафаккур қилинг! Tафаккур соҳили ва ибрат маскани: @tafakkur_sohili

• Ҳамма гап сени йиқилишингда эмас, балки йиқилгандан сўнг оёққа тура олишингда. • Мағлубиятга учраганинг, бу сени ҳеч нарсага арзимаслигингни билдирмайди. • Агар сен мағлубиятдан сабоқ олган бўлсанг, ўтган воқеани эсдан чиқар! • Ҳали ниманидир амалга оширишга ҳаракат қилаётган экансан, сен омадсиз одам эмассан. • Мўлжалдаги ишни бажаришдан тўхташ - ҳаётдаги энг катта мағлубият. • Инсоннинг энг катта хатоси эрта таслим бўлишидир. • Токи тирик экансан, таслим бўлма! Тафаккур қил! Тафаккур соҳили ва ибрат маскани: @tafakkur_sohili

Яратган Роббимга ҳамду санолар, Унинг Расулига бўлсин дуолар. Исму амалингиз Жаннатда турсин, Жума айёмингиз муборак бўлсин! Тафаккур соҳили ва ибрат маскани: @tafakkur_sohili

Романтика нима? Романтика - бу сиз Қуръон ўқиётганингизда аёлингиз кўз ёшларини тўкиб тинглашидир; Романтика - бу тунда намоз ўқиш учун аёлингиз сизни оҳиста уйғотишидир; Романтика - бу сиз имом, аёлингиз муқтадий бўлиб таҳажжуд намозини ўқишингиздир; Романтика - бу аёлингиз билан бирга қўлларингизни дуога очиб, солиҳ фарзанд сўрашингиздир; Романтика - бу бир-бирингизни тушуна билишингиздир; Романтика - бу ота-онангиз хизматида аёлингиз билан шай бўлиб туришингиздир; Романтика - бу фарзандингизга биргаликда Қуръон ўқишни ўргатишингиздир; Романтика - бу қариган чоғингизда Қуръон ўқиш учун кўзойнагингизни излаганингизда аёллингиз топиб беришидир; Романтика - бу Аллоҳ учун бир-бирингизни севишингиздир; Ҳақиқий романтика - бу Росулуллоҳ соллаллоҳу алайҳи васалламнинг аёллари билан ўрталаридаги муносабатдир Тафаккур соҳили ва ибрат маскани: @tafakkur_sohili

Ота... Ундан пайдо бўлдингиз. Сизнинг аслингиз. Ризоси хотиржамлик, итоати сакинат, хизмати саодат, оқ қилиши шақоват - бадбахтликдир. Уни рози қилиш Роббни рози қилиш йўлларидан бири. Она... Жаннатни унинг оёқлари остидан қидир. Унинг дуоси боқий хазина.. Ризоси офатсиз бахт, бағрига бош қўйиш, роҳат, Хизмати бош устидаги тождир. У фазилатларнинг энг буюги, саодатнинг калити. Эр... Уйнинг ҳимоячиси, ҳам камони ҳам ўқи, улфат қўрғони, муҳаббат дарёси, ҳузури бахт, йўқлиги машаққат. Тонг у билан мунаввар, борлиги шараф, қайинлар, қариндош - уруғ ўртасида обрўдир. Хонадон у билан обод, йўқ бўлса барбоддир. Аёл... Сизга паноҳ, маскан. Қуршаб олувчи бахт. Беркитувчи сатр, Ўз бағрига олувчи ин, Муаттар қилувчи атир, унга қараш билан ғамлар арийди. Борлиги меҳр - муҳаббат... у сен, сен эса у - сан. Ўғил... Ўзингни кўрсатгувчи кўзгу, ўз аксинг! Болалиги қувонч, Йигитлиги фахр, Белинг букилганда суянч, Қаҳр етганда мададдир. Қиз... Тарбиясини гўзал қилсанг, дўзахдан қалқон. Меҳри жозибали. Фарзандлар ичида энг яқини, Сен учун энг куйинчаги. Сенга нима кераклигини яхши билади. Ака - ука... Сенинг соянг! Душманларинг сенга зарар беришидан доим хавотир олади. Болалигингда энг яқин дўстинг! Улғайганда белинг қуввати! Опа - сингил... Насиҳати малҳам... Унга боғланиб (силаи раҳм) савоб қозонасан! Эрининг олдида фахрисан. Ҳожатлари олдида мададкорсан! Қариндошлик алоқаларини асло узманг! Уларни мустаҳкамланг! Фоний дунёда улар сабаб боқий бахтдан бахра олиб яшанг! Тафаккур соҳили ва ибрат маскани: @tafakkur_sohili

"Алҳамдулиллаҳ" ибораси ҳақида нималарни биласиз? У: — Одам алайҳиссалом айтган илк сўздир. — Қуръондаги биринчи калимадир. — Энг афзал дуодир. — Қиёмат куни одамларнинг энг афзали ҳам ҳамд айтувчилар бўлади. —  Жаннат кўчати. — Дунё ва охират у билан тугалдир. — Хурсандчиликда ҳам, хафачиликда ҳам - ҳар бир ҳолатда айтилади.    Эй, тангрим! То рози бўлгунингча Сенга ҳамд бўлсин! Рози бўлганингда ҳам Сенга ҳамд бўлсин! Рози бўлганингдан кейин ҳам Сенга ҳамд бўлсин! Тафаккур қилинг! Tафаккур соҳили ва ибрат маскани: @tafakkur_sohili

"Алҳамдулиллаҳ" ибораси ҳақида нималарни биласиз? У: — Одам алайҳиссалом айтган илк сўздир. — Қуръондаги биринчи калимадир. — Энг афзал дуодир. — Қиёмат куни одамларнинг энг афзали ҳам ҳамд айтувчилар бўлади. —  Жаннат кўчати. — Дунё ва охират у билан тугалдир. — Хурсандчиликда ҳам, хафачиликда ҳам - ҳар бир ҳолатда айтилади.    Эй, тангрим! То рози бўлгунингча Сенга ҳамд бўлсин! Рози бўлганингда ҳам Сенга ҳамд бўлсин! Рози бўлганингдан кейин ҳам Сенга ҳамд бўлсин! Тафаккур қилинг! Tафаккур соҳили ва ибрат маскани: @tafakkur_sohili