Dövlət Proqramı

Azərbaycanlı təhsil mütəxəssisi Sevinc Məmmədovanı ABŞ-nin nüfuzlu ali təhsil müəssisələrindən biri olan Corc Vaşinqton Universitetində prorektor vəzifəsinə təyin olunması münasibətilə təbrik edirik! O, Azərbaycan Dövlət Pedaqoji Universiteti ilə Corc Vaşinqton Universiteti arasında həyata keçirilən ikili diplom proqramının Corc Vaşinqton Universitetindəki rəhbəri kimi fəaliyyət göstərib. Bu müddətdə proqramın inkişafına, eləcə də Azərbaycan və ABŞ arasında ali təhsil sahəsində əməkdaşlığın genişləndirilməsinə mühüm töhfələr verib. Qeyd edək ki, Sevinc Məmmədova yeni vəzifəsində Corc Vaşinqton Universitetinin akademik və institusional inkişafına dair müvafiq istiqamətlər üzrə fəaliyyətini davam etdirəcək.

📚 Yeni biliklər, yeni dostluqlar və hədəflərinizə doğru yeni addımlar – Bilik Gününüz mübarək!

Azərbaycan Dövlət Neft və Sənaye Universitetində (ADNSU) “Bərpa olunan enerji resursları” mərkəzi və laboratoriyalarının açılış mərasimi keçirilib. Yeni laboratoriyalar ADNSU-nun tələbə və tədqiqatçıları üçün də geniş praktiki və elmi-tədqiqat imkanları yaratmaqla yanaşı, ADNSU ilə Böyük Britaniyanın Vorvik Universiteti arasında həyata keçirilən bərpa olunan enerji üzrə ikili diplom magistr proqramının tədris bazasının gücləndirilməsinə xidmət edəcək. Bu baxımdan mərkəz həm tədris, həm də elmi-tədqiqat fəaliyyəti üçün mühüm platforma rolunu oynayacaq. 🔗 Ətraflı: https://dp.edu.az/az/news/5027

🇦🇿🇬🇧Azərbaycan Respublikasının Böyük Britaniya və Şimali İrlandiya Birləşmiş Krallığındakı Səfirliyinin təşəbbüsü ilə 2026/2027-ci tədris ili üzrə Dövlət Proqramı çərçivəsində Birləşmiş Krallığın nüfuzlu ali təhsil müəssisələrində təhsil almaq hüququ qazanan Proqram iştirakçıları ilə onlayn görüş keçirilib. 📌Görüş zamanı tələbələrə səfər öncəsi hazırlıq, viza prosedurları, yeni mühitə uyğunlaşma, Birləşmiş Krallıqdakı təhsil sistemi və mövcud dəstək mexanizmləri barədə məlumat verilib. 🔗Ətraflı dp.edu.az saytında.

Tuncay Seyidəli hazırda Dövlət Proqramı çərçivəsində Böyük Britaniya və Şimali İrlandiya Birləşmiş Krallığında🇬🇧 yerləşən “King’s College London” ali təhsil müəssisəsində bakalavriat səviyyəsi üzrə “Kompüter elmləri” ixtisasında təhsilini davam etdirir. 💡 Tuncay qazandığı akademik nəticələrlə kifayətlənməyib həyata keçirdiyi təşəbbüslərlə fərqlənən təqaüdçülərimizdəndir. 📌 Onun təsisçisi olduğu “Mnemoria” startapı erkən inkişaf mərhələsində olan startaplara texnoloji resurslar və inkişaf imkanları təqdim edən “Claude for Startups” proqramına qəbul olunub. Ətraflı: https://dp.edu.az/az/news/5025

🇦🇿🇹🇷Azərbaycan – Türkiyə ali təhsil əməkdaşlığında yeni mərhələ Qarabağ Universiteti ilə İstanbul Texniki Universiteti arasında mühəndislik istiqamətində əməkdaşlığın genişləndirilməsi ilə bağlı mühüm qərar imzalanıb. Qərara əsasən, Qarabağ Universiteti ilə İstanbul Texniki Universiteti (İTU) arasında mühəndislik istiqaməti üzrə əməkdaşlıq çərçivəsində ikili diplom proqramlarının yaradılması, tələbə və professor-müəllim heyətinin mübadiləsi, birgə elmi-tədqiqat layihələrinin icrası və mühəndislik istiqamətində infrastrukturun yaradılması nəzərdə tutulub. 📌 Qeyd edək ki, bu təşəbbüs Azərbaycan-Türkiyə qardaşlığının elm və ali təhsil sahəsində institusional əməkdaşlıqla daha da möhkəmləndirilməsinin, iki ölkənin akademik və elmi potensialının Qarabağın bərpası və gələcək inkişafına yönəldilməsinin növbəti mühüm nümunəsidir. Ətraflı dp.edu.az saytında.

Jasmin Abdulkərimova Dövlət Proqramı çərçivəsində Avstraliyanın🇦🇺 nüfuzlu “The Australian National University” (ANU) ali təhsil müəssisəsində “Public Policy” ixtisası üzrə magistr təhsili alacaq. 🎓Jasmin daha əvvəl də Dövlət Proqramına müraciət edib, lakin müsahibə mərhələsində uğur qazana bilməyib. Bundan sonra öz üzərində daha çox çalışan və gələcək karyera hədəflərini dəqiqləşdirən gənc bu il yenidən müraciət edərək Dövlət Proqramının qalibi olub. Eyni zamanda, 🇮🇹İtaliya Xarici İşlər Nazirliyinin tam maliyyələşdirdiyi “Invest Your Talent in Italy” proqramını və İtaliya dövlət universitetlərindən birinin “Excellence” təqaüdünü də qazanan Jasmin seçim zamanı Dövlət Proqramına üstünlük verib. 🔗Jasminin muallim.edu.az-a verdiyi müsahibəyə keçid etmək üçün aşağıdakı linkdən istifadə edə bilərsiniz: https://muallim.edu.az/qazandigim-ugurlarin-arxasinda-zehmet-dayanib-dovlet-proqrami-teqaudcusu

🎓Dövlət Proqramı təqaüdçüsü Ayan Məmmədli 🇺🇸ABŞ-nin nüfuzlu ali təhsil müəssisələrindən biri olan Kaliforniya Universitetinin Berkli kampusunda “Elektrik mühəndisliyi və kompüter elmləri + Biznes” ixtisası üzrə bakalavr təhsili alır. 💡O, universitet auditoriyalarında qazandığı biliklərlə kifayətlənmir, yeni layihələrə qoşulur, ideyalarını real mühitdə sınaqdan keçirir və hər təcrübəni növbəti addımı üçün fürsətə çevirir. Sosial təsir yaradan təşəbbüslərinə görə daha əvvəl nüfuzlu “Diana” mükafatına🏅 layiq görülən Ayan bu dəfə innovasiya dünyasının mərkəzində təcrübə keçmək imkanı qazanıb. 🚀Bu təcrübəni xüsusi edən məqamlardan biri onun dünyanın ən nüfuzlu startap akseleratorlarından sayılan “Y Combinator” ekosisteminə daxil olmasıdır. Onunla hazırladığımız müsahibəni oxumaq üçün aşağıdakı linkə keçid edə bilərsiniz: https://dp.edu.az/az/news/5023

Beynəlxalq fənn olimpiadalarının qalibi olan 9 gəncimiz 2026/2027-ci tədris ili üzrə Dövlət Proqramına qəbul çərçivəsində müsahibə mərhələsindən azad olunaraq proqram iştirakçısı olub. Gəlin onları yaxından tanıyaq! https://www.instagram.com/p/Dca9yj6DBPj/?igsi=MWswY21mcjN3eWhhcA==

⚖️ Altay Mustafayev Dövlət Proqramı çərçivəsində hüquq sahəsində ən yüksək akademik dərəcəni əldə edib. O bu yaxınlarda ABŞ-nin İndiana Universitetində doktorluq dissertasiyasını uğurla müdafiə edib. Beləliklə Altay Mustafayev ABŞ-də hüquq elmləri doktoru (SJD) dərəcəsi almış ilk azərbaycanlı hüquqşünas olub. Qeyd edək ki, Dövlət Proqramı məzunu Azərbaycan Respublikası Vəkillər Kollegiyası və ABŞ-nin Nyu-York Vəkillər Kollegiyasının üzvü olmaqla bərabər, İngiltərə və Uelsdə vəkillik statusuna malikdir. Onun dissertasiyasında ümumi və kontinental hüquq sistemlərində hakimlərin qərarvermə səlahiyyətlərinin hüquqi və institusional xüsusiyyətləri müqayisəli şəkildə təhlil olunub.

🌏🎓 İnformasiya texnologiyalarından maliyyəyə, dövlət idarəetməsindən aviasiya və kosmosa qədər ölkəmizin gələcəyi üçün strateji əhəmiyyət daşıyan sahələr üzrə təhsil alan Dövlət Proqramı təqaüdçüləri artıq məzun olaraq ölkəmizə qayıdırlar. Bu il məzun adını qazanmış gənclərimizin bir qismi ilə tanış olaq: https://www.instagram.com/p/DcLu6BFgGF1/?igsh=azUxNTZxMm44emFq

🏆🥇 Beynəlxalq innovasiya müsabiqələrində qazanılan qızıl medallardan süni intellekt əsaslı biznes həllərinə — Dövlət Proqramı təqaüdçüləri yeni uğurlara imza atmaqda davam edirlər. 🎓Təqaüdçülərimizin yeni nailiyyətləri ilə tanış olun: https://www.instagram.com/p/DcJM7bIAPLg/?igsh=MXQzZmQ3NmJodDQ2aA==

Bu gün 12 Avqust – Beynəlxalq Gənclər Günüdür! Qara qızılın insan kapitalına çevrilməsi ideyasının real nəticəsi olaraq bu gün gənclərimiz dünyanın ən nüfuzlu ali təhsil müəssisələrində müasir bilik və bacarıqlara yiyələnir. Məzunlarımızın qlobal şirkətlərdə, aparıcı beynəlxalq təşkilatlarda və nüfuzlu yerli qurumlarda qazandıqları təcrübələr müstəqil Azərbaycanın dayanıqlı gələcəyini quran ən böyük qüvvələrdəndir. Siz ölkəmizin intellektual gücü və sabahın rəqəmsal liderlərisiniz. Arzularınızın arxasınca cəsarətlə getməkdən, öyrənməkdən və inkişaf etməkdən əsla çəkinməyin. Tükənməz gənclik enerjiniz və zəkanızla gələcək daha parlaqdır! Gününüz mübarək!

🇦🇿🇹🇷 Azərbaycan Dövlət Aqrar Universiteti (ADAU) ilə Ege Universitetinin birgə həyata keçirdiyi beynəlxalq ikili diplom proqramı çərçivəsində üçüncü kursu başa vuran 75 tələbə 2026/2027-ci tədris ilində təhsillərini Ege Universitetində davam etdirmək məqsədilə Türkiyənin İzmir şəhərinə yola düşüb. 📌 Tələbələr Ege Universitetinin Kənd Təsərrüfatı Fakültəsinin kampusu ilə tanış olublar, onlara universitetin kitabxana, səhiyyə, mədəniyyət və idman sahələri üzrə müvafiq struktur bölmələrinin nümayəndələri tərəfindən ali təhsil müəssisəsinin təqdim etdiyi akademik, sosial və mədəni imkanlar barədə ətraflı məlumat verilib. Daha sonra Ege Universitetinin Türk Dünyası Araşdırmaları İnstitutunda geniştərkibli oriyentasiya proqramı təşkil olunub. 🔗 Ətraflı: https://dp.edu.az/az/news/5021

🎓🏫 2026/2027-ci tədris ili üzrə Dövlət Proqramı qaliblərinin məzun olduqları ali təhsil müəssisələri üzrə ilk onluğu təqdim edirik. 📊 İlk onluğa daxil olan universitetlər və müvafiq göstəricilərlə infoqrafikaya nəzər yetirərək tanış ola bilərsiniz.

🇦🇿🇹🇷Azərbaycan Respublikasının Türkiyə Respublikasındakı Səfirliyinin təşəbbüsü ilə 2026/2027-ci tədris ili üzrə Dövlət Proqramı çərçivəsində Türkiyənin nüfuzlu ali təhsil müəssisələrində təhsil almaq hüququ qazanan Proqram iştirakçıları ilə onlayn görüş keçirilib. 📌Görüş zamanı Dövlət Proqramı iştirakçılarının Türkiyədəki təhsil müddətində sosial fəaliyyətlərinin dəstəklənməsi, onların universitet həyatına uğurlu inteqrasiyası və təmsilçilik fəaliyyəti istiqamətində məsələlərə toxunulub. Tələbələrə təhsil alacaqları ali təhsil müəssisələrinin təqdim etdiyi akademik imkanlardan səmərəli istifadə etmələri, universitetdaxili layihələrə, elmi-tədqiqat fəaliyyətinə diqqət ayırmaları və tələbə birliklərində fəal iştirak etmələri tövsiyə edilib. 🔗Ətraflı: https://dp.edu.az/az/news/5020

🎓İki universitet, iki diplom, beynəlxalq təhsil imkanı! Azərbaycan Dövlət Aqrar Universiteti (ADAU) və Türkiyənin Ege Universitetinin bakalavriat səviyyəsi üzrə birgə həyata keçirdiyi, Dövlət Proqramı çərçivəsində maliyyələşdirilən beynəlxalq ikili diplom proqramı kənd təsərrüfatı sahəsində müasir biliklərə yiyələnmək istəyən gənclərə geniş imkanlar yaradır. Proqramın üstünlükləri: • 3 il Azərbaycan Dövlət Aqrar Universitetində təhsil • 1 il Ege Universitetində təhsil • Ege Universitetində 4 həftəlik istehsalat təcrübəsində iştirak imkanı • Təhsilin tam dövlət hesabına maliyyələşdirilməsi • Məzun olduqda hər iki universitetin diplomunun əldə edilməsi 📚Proqram çərçivəsində dərslər Azərbaycan Dövlət Aqrar Universiteti və Ege Universitetinin professor-müəllim heyəti tərəfindən Azərbaycan və türk dillərində tədris olunacaq. Qeyd edək ki, 1 illik 🇹🇷türk dili hazırlığı və səviyyə imtahanı da tam ödənişsiz təşkil ediləcək. Ətraflı məlumat üçün: dp.edu.az

2026/2027-ci tədris ili üzrə Dövlət Proqramı təqaüdçüsü adını qazanan proqram iştirakçıları ilə görüş keçirilib. ADA Universitetində baş tutan görüşün məqsədi Dövlət Proqramı qaliblərini qarşıdakı təhsil mərhələsinə hazırlamaq, proqram çərçivəsində yaradılan imkanlar və müəyyən edilmiş öhdəliklər barədə məlumatlandırmaq, həmçinin iştirakçıların suallarını cavablandırmaq olub. Ətraflı: https://dp.edu.az/az/news/5018

🎓 İki universitet, iki diplom, beynəlxalq elmi-tədqiqat təcrübəsi! Bakı Dövlət Universiteti (BDU) və Yerusəlim İbrani Universitetinin (HUJI) birgə həyata keçirdiyi “Biotexnologiya” ixtisasının “Bitki biotexnologiyası” ixtisaslaşması üzrə beynəlxalq ikili diplom proqramına qəbul başlayır. Magistratura səviyyəsini əhatə edən proqram çərçivəsində: ✅ Hər iki universitetin diplomu ✅ Təhsil və yaşayış xərclərinin tam dövlət hesabına maliyyələşdirilməsi ✅ Beynəlxalq akademik mühitdə təhsil imkanı Ətraflı: dp.edu.az İkili diplom proqramı ilə bağlı suallarınızı ddp@bsu.edu.az elektron poçt ünvanına və ya +994 10 312 74 72 mobil nömrəsinə ünvanlaya bilərsiniz.

2026/2027-ci tədris ili üzrə Dövlət Proqramı çərçivəsində xaricdə təhsil almaq hüququ qazanan təqaüdçülərin siyahısı müəyyən olunub. Müsabiqənin nəticələrinə əsasən, Dövlət Proqramı çərçivəsində 125 bakalavriat, 353 magistratura və 22 doktorantura səviyyəsində olmaqla, ümumilikdə 500 nəfər təhsil almaq hüququ qazanıb. Dövlət Proqramı çərçivəsində proqram iştirakçısı seçilən 500 nəfərdən 155 nəfəri dünyanın ən nüfuzlu 10 universiteti sırasında yer alan ali təhsil müəssisələrində təhsil alacaqlar. Bu təhsil müəssisələri sırasına "Stanford University", "Massachusetts Institute of Technology", "National University of Singapore", "University of Oxford", "University of California, Berkeley", "ETH Zurich", "Harvard University", "Yale University" kimi dünyanın ən nüfuzlu universitetləri daxildir. Ətraflı: https://dp.edu.az/az/news/5016