IV Notes 💉

الأسباب الخفية لحدوث ال Hypoglycemia في عيانين السكر هتفهمها من خلال ال pathophysiology https://youtu.be/jnB1Dg2MLCA?si=1surFDgVJqiyTvjw

https://youtu.be/vVaUVN_3YDE?si=x7U3NTyEGhOJPFqV طريقة علاجك الصحيحة لل Hypoglycemia متوقفة على تصنيفك لل Hypoglycemia , إزاي تصنفها بقى ؟

https://www.youtube.com/watch?v=nhty_HqtjZk&t=5s كون لعيان عليه أعراض Hypoglycemia فقط ده للأسف لا يعطيك الحق إنك تشخص Hypoglycemia كون سكر العيان منخفض وفقط ده بردو لا يعطيك الحق إنك تشخص العيان ب Hypoglycemia وفقط ال whipple triad حاول يلخص الموضوع ده في معادلة السهل الممتنع

جرعة ال glucose infusion لو أنا هدخل العيان وأحجزه معايا الجرعة دي ملهاش أي رقم ثابت يا جماعة , لسبب إن كل عيان بحجزه بيكون مختلف في سرعة وقوة حدوث ال hypoglycemia عن التاني بمعنى عيان مش risky بس سكره كان 40 ورفع ل 140 وبعد ساعتين هبط ل 80 , غير عيان risky كان سكره 40 ورفع ل 140 وفي ظرف نص ساعة هبط ل 60 غير عيان سكره معداش ال 100 أصلا .. كل واحد هنديله جرعة مختلفة , الموضوع متقف على تقدريك انت للعيان وافتكر دايما إنك لو سيبت العيان على ال hyperglycemic side 200 مثلا خير من إنك تسيبه على ال hypoglycemic side 80 مثلا ولكن عشان مكونش سيبتك لوحدك بردو , ممكن نقول أقل جرعة infusion ممكن تبدأ بيها هي جلوكوز 10% بمعدل 10 والسماء عندك مفتوحة بقى , بس افتكر حاجة مهمة إنك لو إحتجت تعلى بالجرعات جامد , سيبك من التركيز القليل بقى وخليك في الأعلى , بمعنى الجلوكوز ال 5% ماء كتير وسكر قليل , فده بختاره لما أكون مش محتاج سكر كتير أو أكون محتاج ماية كتير تعمل dilution لحاجة تركيزها عالي في الدم زي حالات ال hypernatremia صوديوم كتير محتاج أخففه بماية أروح مديله جلوكوز 5% , وزي ما اتفقنا انت مش بتعالج مرض , انت بتعالج مريض هتلاقي فيه كذا حوار , ساعتها ممكن أمشي تركيز ال5% بمعدل 20 أو 40 أو 60 لو احتجت أزود سكر عن كدة أخش بقى على تركيز ال 10% بمعدل 20 أو 40 أو 60 لو أحتجت أزود سكر عن كدة أخش بقى على تركيز ال 25% بمعدل 20 أو 40 أو 60 تركيز ال 25% ده بقى ممكن ابدأ بيه مباشرة لو انا مش عايز أدي العيان ماية خالص عايز أديله سكر فقط لأني خايف من زيادة المياة زي العيان المورم بسبب edema أي كان مكانها , أو عيان ال hyponatremia ده صوديوم قليل في ماء كتير , مينفعش أديله ماء زيادة , وهكذا فكر في الموضوع بشكل منطقي متقلقش من حاجة , بس تفكيرك ده هو اللي هيخليك شاطر بعد كدة وتعود مخك إنه يشتغل ويستنتج ميحفظش فقط . ومتقلقش من حاجة معاك إزازة المحلول في ايد وجهاز قياس السكر في الايد التانية , وكل ساعة شك العيان لحد ما تطمن إنك ماشي بجرعة مظبوطة تحافظ على سكر العيان ما بين ال 100 وال 180 , ساعتها ثبت جرعتك وقلل عدد شكاتك لحد ما توصل للسبب وتوقف العلاج .

جزء من ال feedback على الورشة ❤️

الفيسبوك https://www.facebook.com/Dr22Mo قناة اليوتيوب وعليها المحاضرات اللي اتسجلت https://www.youtube.com/@IVNotesMo جروب الواتساب https://chat.whatsapp.com/G2vCUGOv1x1Flr9PiHf2vf

تم بحمد الله الإنتهاء من ال Hypoglycemia workshop إنضم ليها أكثر من 700 مشارك وتفاعل بشكل عملي في الإمتحانات حوالي 400 فرد , عملنا إختبار تقييم مبدأي قبل الورشة كانت متوسط النتائج فيه 46% وبعدين عرضنا محاضرة الشرح وتفاعلنا لايف في محاضرة cases و لما نزلنا الإختبار النهائي كانت متوسط النتائج 79% الحمد لله 🤩 حابين نشارك معاكم المحاضرتين اللي سجلناهم لتعميم الفائدة , وبإذن الله قريباً نحضر workshop جديدة مجانية تكون أقوى من سابقتها 💪

أنواع ال Insulin والإسم التجاري تحت كل نوع دياجرام بيوضح المدى الزمني لكل نوع من أنواع الإنسولين لما بنستخدم أي hormonal replacement therapy في الجسم أفضل حاجة إنك تحاكي الفسيولوجي اللي خلقه ربنا , هو جعلها كدة وهو أدرى بيها فحاول انت بس توصل لكدة الطبيعي إن الإنسان بمجرد ما يدخل الاكل من فمه بحاسة الشم والتذوق بيوصل أمر للبنكرياس يطلع إنسولين ويحرق الجلوكوز اللي هينتج عن الاكله دي وده بيكون كمية كبيرة في وقت قصير بتخرج بسرعة وتنتهي بسرعة , وفي الليل والإنسان نايم مبياكلش فمش محتاج الكمية الكبيرة دي بس محتاج كمية بسيطة جدا تخرج على مدى زمني طويل جدا عشان تمنع ارتفاع السكر , وده اللي إحنا بنحاول نوصله بالإنسولين الخارجي فيه إنسولين سريع المفعول قصير الأجل ده بيتاخد مع الوجبات زي ال actrapid or novorapid عشان يحرق الجلوكوز اللي دخل كتير مرة واحدة في الاكل وفيه إنسولين بطئ المفعول طويل الأجل بنديه للعيان بالليل عشان يمنع السكر من الإرتفاع وهو نايم بس مش عايزينه يشتغل بسرعة لأن العيان نايم ومبياكلش وده اسمه lantus or Tresiba ( بالظبط زي ما الفسيولوجي اتخلقت ) وفيه نوع فيه ميكس الاتنين مع بعض بيدوه للعيان مرة الصبح ومرة بالليل وخلاص اللي هو Mixtard , بس بيني وبينك مبحبوش ومبفضلوش لأنه مبيحاولش يحاكي الطبيعة اللي خلقها ربنا اللي هي short acting during meals , long acting at night

أكتر سؤال إتحل غلط ال post exam كان ده 50% فقط اللي حلوه صح السؤال بيقول إن فيه عيان مش مريض سكر ومبياخدش علاج سكر جالك ب hypoglycemia وخد الجلوكوز وقيسته بعد ربع ساعة لقيته بقى كويس تعمل ايه ؟ هل تدخله الرعاية ؟ لأ طبعا , ايه ال indication مفيش أي سبب متعلق بالسكر أو غير السكر يدخله ICU هل نروحه البيت ؟ لأ طبعا , إحنا قولنا مفيش أي عيان hypoglycemia هيروح قبل ساعتين ( ده إن روح ومتحجزش ) هل نتابعه لمدة ساعتين ثم نروحه البيت ؟ النص الأول صح هنتابع سكراته لمدة ساعتين فعلا عشان نضمن عدم حدوث هبوط جديد في السكر , ولكن ده عيان معندوش أي سبب يهبطله السكر ودي حاجة تخوف , اللي عمل كدة حاجة مجهولة , احتمال تكون حاجة بسيطة واحتمال تكون حاجة مرعبة ولذلك إنك تبعته عيادة الغدد عشان يعرف سبب اللي حصل ده شيء لابد منه لذلك الإجابة هي انك هتتابعه لحد ما تضمن عدم حدوث rebound hypoglycemia ثم تبعته العيادات عشان يتشخص السبب

في الإمتحان الأول اللي قبل الورشة أكتر سؤال اتجاوب غلط كان ده , 13% فقط اللي جاوبوه صح لو جينا نحلله هنقول ايه ... ايه الغرض من السؤال ؟ الغرض انك تعرف تفرق إن فيه نوعين من الأعراض على مريض هبوط السكر , الأول أعراض متعلقة بهياج الجهاز العصبي ، والتانية متعلقة بجوع المخ بسبب نقص الجلوكوز طيب وأيه أهمية إنك تفرق بين النوعين ؟ إنك تعرف تلقط عيان ال hypoglycemia اللي عنده HAAF بسبب ال recurrent hypoglycemia لأن دول بيحصلهم neuroglycopenic symptoms مباشرة بسبب جوع المخ قبل ما يحصلهم أعراض Neurogenic اللي تخص هياج الجهاز العصبي طيب وإزاي أعرف أفرق العرض ده إذا كان يخص المخ ولا الأعصاب بدون ما أحفظهم ؟ انت دكتور ولو مش دكتور وعندك شوية منطق هتعرف من غير ما تحفظ , أي اعراض تخص ال higher function of brain يبقى دي glycopenic أي أعراض تخص الأعصاب الطرفية تبقى neurogenic , طب ازاي ؟ ال tachycardia تفتكر مين متحكم فيها ال brain ولا ال autonomic ؟ انا مش هقول انت عارف لوحدك ال sweating تفتكر مين متحكم فيها ال brain ولا ال autonomic ؟ انا مش هقول انت عارف لوحدك ال Vomiting بتاع ال vagal nerve تفتكر مين متحكم فيها ال brain ولا ال autonomic ؟ انا مش هقول انت عارف لوحدك ال confusion تفتكر مين متحكم في ال concious level عموما ال brain ولا ال autonomic ؟ انا مش هقول انت عارف لوحدك وهكذا اللي agitation , seizures , laterlization كل ده جاي من المخ من فوق أما ال Tremors , anexity , palpitation كل دي أعراض ANS

🙈

قناة التليجرام الرئيسية https://t.me/IV_NOTES قناة الورشة على التليجرام https://t.me/IVnotesWS1 الفيسبوك https://www.facebook.com/Dr22Mo قناة اليوتيوب وعليها المحاضرات اللي اتسجلت https://www.youtube.com/@IVNotesMo جروب الواتساب https://chat.whatsapp.com/G2vCUGOv1x1Flr9PiHf2vf

المادة المذابة كل ما زاد تركيزها في المذيب كل ما بقت irritant أكتر المادة المذابة عندنا هنا ( السكر ) والمادة المذيبة هنا ( الماء ) فيه جلوكوز ٥% وفيه جلوكوز ١٠% وفيه جلوكوز ٢٥% وفيه جلوكوز ٥٠% كل ما يزيد التركيز كل ما يكون irritant على الانبوبة اللي هو ماشي فيها اللي هي هنا ( veins ) لذلك الطبيعي إنك لو مركب كانيولا في وريد طرفي مينفعش تدي فيه جلوكوز ٢٥% أو ٥٠% أخرك تديله ١٠% أو ٥% ولكن في وضع ال emergency هنا انت بتنقذ حياة المريض فمسموح ليك تديه ال ١٠٠ سم جلوكوز ٢٥% في وريد طرفي ، ولكن لو احتاج يتحجز لأي سبب ويكمل على Dextrose infusion ساعتها ميصحش تديله ٢٥% في وريد طرفي يا إما تمشيه على ١٠% infusion لأنك غالبا مش هتكون مضطر تديله infusion على ال ٢٥ % يا أما تركبله كانيولا في وريد كبير زي ال external jagular في رقبته وتديله فيه ال ٢٥% لو مضطر لده وانت ماشي في ال vessels كل ما تقرب من القلب أكتر كل ما كان الوريد أكبر ويستحمل أكتر

الورشة على التليجرام https://t.me/IVnotesWS1

بكدة إنتهى ال pre test بعتذر للي حاول يدخل على الامتحان بعد الساعة ٢ ، ممكن يكمل معانا ان شاء الله ويمتحن تاني في الأخر اللي اشترك في الإمتحان ٣٦٤ فرد ، ٩١% منهم كملوا إمتحانهم للأخر ، متوسط نسبة الإجابات الصحيحة ٤٦ % ، بإذن الله تتضاعف أقل واجب بعد ما نخلص الكورس النهاردة هناخد ال Main lecture لسة فيه فرصة تشترك ، مجانية تماما ، محتاجة تركيزك فقط 😁

اخر فرصة للامتحان هيقفل كمان ساعة أول خطوة عشان تستفيد استفادة كاملة من ال workshop دي المطلوب منك النهاردة تحل الامتحان ده من 25 سؤال - كل سؤال متاح ليه وقت دقيقة واحدة يعني حد أقصى 25 دقيقة للإمتحان كله - لو فيه سؤال مش قادر توصل لإجابته فيه زرار skip ممكن تأجله لأخر الامتحان - الامتحان مفتوح من يوم الجمعة 2 ظهراً إلى يوم السبت 2 ظهراً - ليك محاولة واحدة فقط للإمتحان - محدش هيشوف درجتك غيرك 😃 سيب نفسك واتعامل بطيبعتك - أخر الامتحان خالص هتعرف درجتك - مش هتعرف الإجابة صح ولا غلط لا أثناء الامتحان ولا بعده هتعرف ده في الإمتحان النهائي كمان خمس أيام ( مش عايز اشغل دماغك دلوقتي خليك ريلاكس واتعلم بس ) مطلوب من حضرتك دلوقتي تضغط على اللينك ده https://quizizz.com/join?gc=22747232 سجل إيميلك وإسمك وتركز وتحل واستناني بكرة في محاضرة الشرح اللي بيستخدم موبايل فيه app على ال store بإسم quizizz ممكن تشتغل من عليه لينك ال workshop على التليجرام https://t.me/IVnotesWS1