КЎНГИЛ ❤️❤️❤️

''Бир КЎНГИЛни ранжитдингми... Йиғлагин! Ранжитишга ранжитиб, узр сўрашни билмас экансан, сендан Дўст чиқмайди, сендан Ёр чиқмайди. Агар сен ранжитган ёки вайрон қилган КЎНГИЛ, Аллоҳ азза ва жалла учун суюкли бўлса-чи? Рoсулуллоҳ соллаллоҳу алайҳи васаллам севадиган КЎНГИЛ бўлса-чи? Ҳаттоки ер-осмондаги (маҳлуқот)лар учун севимли бўлса-чи?! Қаердан ҳам билардинг, билмайсан-да! Билганингда эди, бундай қилишдан аввал юрагинг ёрилар эди...'' Шамс Табризий...

Фил ва арқон ҳикояси Кунларнинг бирида сайёҳ, ингичка нимжон арқонга бойлаб қўйилган ва натижада жазирама иссиқда қийналиб туришга мажбур бўлган катта ва кучли филни кўриб ҳайрон қолди. Сабаби сал нарироқда салқин, ям-яшил ўрмон бор эди, аммо бу гигант иссиқда қийналиб турарди. — Нима учун шундай катта фил нимжондан нимжон бўлган арқонни узиб кетиб озод бўлиш ўрнига жимгина иссиқда қийналиб турибди? — дея сўради сайёҳ. Унга жавобан фил эгаси: — Фил кичиклик пайтида бу арқонни узишга жуда кўп уринган, лекин эплай олмаган. Шунинг учун ҳозир бунга ҳаракат ҳам қилмаяпти. P.S.: Дарҳақиқат кўпчилигимиз фарзандларимизга ёшлигидан "уни қилолмайсан, буни қилолмайсан, ҳали ёшсан" деб, уни синдириб қўямиз ва бутун умр ўзига ишонмаслик ипига боғлаб қўямиз! Фарзандингизни кўринмас иплар билан боғлаб қўйманг! ✨

Нега инсон инсонга, беради озор. Нахот бир бирига, қазиса мозор. Юракнинг қулфи йук, мисоли бозор. Инсон булиб яшанг, азиз инсонлар. Сабабсиз тухматни, тошларин отманг. Юракка аламли, дурларни такманг. Йулингиздан кетинг, сиз ортга боқманг. Инсон булиб яшанг, азиз инсонлар. Қалбини синдириб, нима қиласиз. Вақтлар келиб билинг, афсус қиласиз. Бошингизга тушса, шунда биласиз. Инсон булиб яшанг, азиз инсонлар. Бировни устидан, кулиш сизгамас. Гул каби юрарди, сиз қилдингиз хас. Бу қилган ишингиз, билинг яхшимас. Инсон булиб яшанг, азиз инсонлар. Эркаклик ғурурин, поймол қилманг сиз. Инсонни билмасдан, хамла қилмангиз. Шер булинг хаётда, тулки бўлманг сиз. Инсон булиб яшанг, азиз инсонлар. Ғийбат қилиш бизга, ярашмас кўринг. Ожиза аёллар, хурматин килинг. Онангиз, опангиз, синглингиз билинг. Инсон булиб яшанг, азиз инсонлар.🍃🍃 ✨ 💫💫💫

​​ҚУЛ МАНМАНЛИК ҚИЛМАЙДИ! Расмда Қуёш ва сайёралар солиштирилган. Ерни Қуёшни олдидаги тўртта кўриниб турган сайёрлар орасидан қидирманг. Балки чап тарафдаги кичкина тўртта қорамтир нуқталардан учинчиси биз яшайдиган Ер. Қуёш олдида Ер шу қадар нуқтадек. Шундай юлдузлар борки, уларнинг олдида Қуёш нуқтадек бўлиб қолади, Ер эса нуқтадан анча кичик бўлиб кетади. Энди Қуёшга нисбатан шундай кичкина қора нуқтада, улкан юлдузларга нисбатан эса нуқтадан ҳам анча кичрайиб кетадиган Ерда яшайдиган заррадек инсоннинг кибр, манманлик қилиши ақлга тўғри келадими?! Бизни нима қутуртиряпти? Пулми, қиммат машинами, қасрдек уйимизми, завод, фабрикаларимизми, танишлар,мансаб, мухлисларнинг кўплигими, нима?! Аллоҳ таоло истаса, бир сониянинг триллиондан бир улушида ҳамма нарсамизни олиб қўяди! Нажосат йўлидан икки марта ўтганимизни унутмайлик! фиръавн, ҳомон, қорун, абу жаҳлнинг оқибатини эсдан чиқармайлик! Биз Аллоҳ таолонинг қулимиз. Қулга эса қуллик, хокисорлик, камтарлик ярашади!

Олам яралганининг илк кунлари. Ҳамма паррандалар йиғилиб, ҳаёт учун зарур илмлар ўргатила бошланибди. Ғоз, сава, булбул, каклик... ҳаммаси қатнай бошлабди сабоққа. Уларнинг орасида келишган, хушбичим хўроз айниқса фаол экан. Азбаройи чаққонлигидан, ўргатилган илмларни битта уринишдаёқ ўзлаштириб олар экан. У фақат бир кун сабоққа кечикибди. Бир кунгина! Атиги!.. Ўша куни нима ўргатилган экан, денг? Учиш!.. Шу-шу, семиз каклик, думи чўлтоқ бедана, ҳатто бесўнақай ғоз учишни ўрганибди, хўроз бу ҳунардан бебаҳра қолаверибди. Алқисса, шундан бери каллаи саҳарлаб турволиб, шўрлик “Улгуриб қолинглар, улгуриб қолинглар!” деб қичқиришни одат қилган экан... Бир кун – энг муҳим кун бўлиши мумкин.(Байрам Али саҳифасидан олинди).

🌙 Ассалому алайкум ва рoҳматуллоҳи ва барoкaтуҳ! Бугун Жума 17 Май, 2024 9 Зулқаъда,1445 Тонгда уйғотган, қалбларимизга меҳр-муҳаббат солган, ризқимизга барокат берган Аллоҳ таолого ҳамдлар бўлсин! Янги кун ҳаётимизнинг янги саҳифасидир. Унга нима ёзиш ўзимизнинг қўлимизда. Эзгу амал яхши ният қилишдан бошланади. Янги кун, яна бир имконият, хайрли истак, солиҳ амалларга бисмиллаҳ!