КЎНГИЛ ❤️❤️❤️

Эркак эса бир куни чойнинг совиб қолганидан, бошқа куни ноннинг ортиқча қизариб кетганидан нольиб, шикоят қилар экан. Чунки у бу чой ҳам, дастурхон ҳам, ўша мунис аёл ҳам ҳар доим ёнида бўлади деб ўйларди. Бироқ бир кеча тўсатдан аёлнинг мазаси қочиб, аҳволи оғирлашиб қолди. Эркак уни зудлик билан касалхонага олиб борди ва тонггача шифохона йўлагида бедор кутди. Тонг отгач, шифокор чиқиб, аёлнинг аҳволи яхшиланганини, аммо яна бир неча кун назорат остида қолиши кераклигини айтди. Сўнг эркакдан уйга бориб, керакли дори-дармонлар ва кийимларни олиб келишини сўради. Эркак уйга қайтиб эшикни очганида, уй илк бор бунчалик зим-зиё ва совуқ туюлди. Пардалар тортилган, чойнак муздек, дастурхон эса бўм-бўш эди. У секингина ётоқхонага кирди, аммо бу сафар: “Қани, туринг, қуёш чиқди!” деб чақирадиган ҳеч ким йўқ эди.   дераза пардасини очди. Ҳақиқатан ҳам, қуёш яна чиқаётган эди. Қуёш ўша қуёш, уй ўша уй... аммо энди ҳеч нарса аввалгидек эмасди. Кўзлари ёшга тўлган эркак зудлик билан касалхонага қайтди. Хотинининг ёнига кириб, унинг қўлларидан маҳкам тутди. Аёли аста кўзларини очиши билан: — Қуёш чиқдими? — деб сўради. Эркак кўзларидаги ёшни яшира олмай: — Чиқди... Аммо мен унинг қадрини илк марта бугун англадим, — деб жавоб берди. Барчамиз кўпинча севгини баландпарвоз, катта сўзлардан қидирамиз. Аслида эса ҳақиқий меҳр-муҳаббат кўпчилик оилаларда “Уйга етиб келдингизми?”, “Овқат едингизми?”, “Устингизга қалинроқ кийинг”, “Чой дамлаб берайми?”, "Ўзингизни эҳтиёт қилинг" каби оддий, кундалик ғамхўрликлар ичида яшайди. Инсон ана шу оддий сўзлар ва эътиборнинг қадрига кўпинча улардан айрилиб қолгандагина етади. Бугун ёнингиздаги жуфтингизнинг камчилигини қидиришни бас қилинг. Юзига меҳр билан қаранг. Сизни ўйлайдиган, йўлингизга кўз тикиб кутадиган инсон ёнингизда экан, уни асло бепарво қолдирманг. Севган инсонингиз ҳали ҳаёт экан, дилингиздаги бор меҳрингизни ичингизда сақламанг. Чунки бир кун келиб, нимага ва нима учун хафа бўлганингизнинг, ким ҳақ-у ким ноҳақ эканининг мутлақо аҳамияти қолмайди — хотирангизда эса фақатгина унинг ёқимли овози қолиши мумкин...