Бейишке карай жол

Курман айт майрамы менен ар бириңиздерди чын жүрөктөн куттуктайм! Айтыңыздар маарек болсун! Аллах таала үйүңүздөргө кут, береке, бакыт ыроолосун. Элибизде тынчтык, токчулук, молчулук болсун. Аллах таала баарыбыздын кылган ибадаттарыбызды, кылган жакшылыктарыбызды жана сойгон курмандыгыбызды кабыл кылсын. Акыретте Өзүнүн ырайымына алып, бейишке кирген сүйүктүү пенделеринин катарында кылсын! Баарыңыздарга бекем ден-соолук, үй-бүлөлүк бакыт, ишиңиздерге албан ийгиликтерди каалайм. Майрамдык маанай ар бир күнүңүздөрдү коштосун! Аамиин!

🟤 КУРМАН АЙТ КҮНҮ НАМАЗДАН КАЙТЫП КЕЛИП ӨЗ КУРМАНДЫГЫНАН ЖЕГЕНГЕ ЧЕЙИН ЭЧ НЕРСЕ ЖЕБЕЙ ТУРУУ Бурайда ибну Хусайб, радыяллаху анху, риваят кылат: «Пайгамбар ﷺ орозо айт күнү бир нерседен даам татмайынча үйүнөн чыкчу эмес эле. Ал эми курман айт күнү намаздан кайтып келгенге чейин эч нерсе жечү эмес». (Тирмизи) Ал эми имам Ахмаддын риваятында мындай деп айтылат: «Аллахтын элчиси ﷺ орозо айт күнү бир нерсе жемейинче үйүнөн чыкчу эмес. Ал эми курман айт күнү намаздан кайтып келип өз курмандыгынан жегенге чейин эч нерсе жебейт эле». (Ахмад) 💌 Маалыматты башкалар менен бөлүшүңүз

⚠️ Мусулман бир туугандар! Арафат тууралуу маалыматтарды башкалар менен бөлүшүп коюңуздар. Балким сиз себептүү кимдир-бирөө эртең орозо кармаса, сиз да ошондой соопко ээ болосуз. Пайгамбарыбыз ﷺ айтты: «Жакшылыкка жол көргөзгөн адам, ошол жакшылыкты кылган адамдын сообундай сооп алат». (Сахих Муслим) ═════════ ➤➤ https://t.me/tilmech

🎞 АРАФАТ КҮНҮНҮН ОРОЗОСУ ТУУРАЛУУ Максат ажы Токтомушев ▷ t.me/risalatkg

⚠️ ЭСКЕРТҮҮ:   Быйыл 2024-жылы Арафат күнү 15-июнга туш келет.

🔴 ЭРТЕҢ УЛУУ АРАФАТ КҮНҮ Кечээ эле башталган Зулхижжа айынын баштапкы улуу он күнү да бүтөөрүнө аз калды. Бул күндөрү жакшылыктарды кылууга жанталашкан адам акыретте эң улуу сооп-сыйлыктарга жетээринде эч кандай шек жок. Бул мүмкүнчүлүктү пайдаланган адам пайдаланып калды, пайдаланбаганы көптөгөн жакшылыктардан жана сооп-сыйлыктардан куру калды.    Дагы да болсо Аллахтын пенделерине болгон ырайымы чексиз. Пенделери көптөгөн сооп-сыйлыктарга жетүүлөрү үчүн аларга Зулхижжанын он күнүн тартуулады. Муну менен эле чектелбестен, ошол он күндүн ичинде дагы бир улуу күндү белгиледи. Ал күн – албетте, Арафат күнү. Ал күндүн да келээрине саналуу гана күн калды.  Арафат күнү – жыл ичиндеги улуу күндөрдүн бири жана анын артыкчылыктары да өтө көп. Аллах Таала ыйык Куранда Арафат күнү менен ант берген жана бул күндү башка күндөрдөн өзгөчөлөп улуктаган. Мына ушул күнү пенделеринин күнөөлөрүн кечирип, Тозоктон куткарам деп убада кылган. Жеке эле кечиримди убада кылбастан, аларга ырайым тартуулап, алардын кылган дубаларын, сураган ой-тилектерин кабыл кылам деп убада берген. Бул күнү ким орозо туткан болсо, ошол адамдын эки жылдык күнөөлөрү кечирилет деп айтылган.   Арафат күнү – тозок азабынан кутулуунун жана күнөөлөр кечирилген күн. Ошондой эле Аллахтын каргышына калган Иблис кирерге жер таппай кордоло турган күн. Мына ушул күнү Аллах Таала Ислам динин толуктаган, пенделерине Өз нээматын толук берген жана Исламды дин катары тутунууга Өзү ыраазы болгон.    Арафат күнү – Аллах Таала бүткүл адамзаттан жалгыз Ага гана сыйынууга убадаларын алган күн. Бул күн – теңдиктин күнү. Анткени жер бетинин ар тарабынан ажылык кылууга чогулган адамдар, өң-түсүнө, байлык-бийлигине карабай, баарысы бирдей ихрам кийип, Арафат тоосунда Аллахка сыйынышат, Аны улукташат жана Ага гана жалбарып дуба кылышат.   Мусулман бир тууган! Ушундай улуу күндөгү жакшылыктардан өзүңүздү куру калтырбаңыз. Бул күнү сөзсүз орозо тутуңуз, Аллахтан дуба кылып каалаган ой-тилегиңизди сураңыз, Аны зикир кылыңыз, Куран окуңуз, колуңуздан келген жакшылыктарды кылууга аракет жасаңыз.   ⚠️ ЭСКЕРТҮҮ:   Быйыл 2024-жылы Арафат күнү 15-июнга туш келет.  Намаз календарында көрсөтүлгөн багымдаттын убактысына чейин ооз жабылат жана шамдын убактысында ооз ачылат.   ТИЛМЕЧ | Эрланбек Кушчубек уулу ═════════ ➤➤ https://t.me/tilmech ➤➤ https://t.me/tilmech 💌 Маалыматты башкалар менен бөлүшүңүз