VOL 2.0

Trump did it again 😱

🇺🇸 ამერიკელებმა, რომლებიც ამჟამად ვენესუელაში მოქმედების სრულ თავისუფლებას ფლობენ, თავად ქვეყნის ტერიტორიაზე დაიწყეს დარტყმები. გაანადგურეს ნარკოკარტელ „Tren De Aragua“-ს ლიდერი, რომელშიც, გავრცელებული ინფორმაციით, 4000-ზე მეტი წევრი ირიცხება. კარტელი ცნობილია იმით, რომ დაკავებულია ადამიანებით ვაჭრობით, შეკვეთილი მკვლელობებით, ნარკოტიკებით ვაჭრობითა და იარაღის უკანონო რეალიზაციით. ვენესუელის „დამორჩილებით“ აშშ-მა მიიღო გიგანტური პოლიგონი სხვადასხვა სისტემებისა და საბრძოლო მასალების გამოსაცდელად.

💥 უკრაინის შეიარაღებული ძალების სადესანტო-მოიერიშე ჯარების 81-ე აერომობილური ბრიგადის მედესანტეების მიერ რუსული იერიშის მოგერიება. რუსების ლოჯისტიკის შეფერხებისკენ მიმართული ძალისხმევის ფარგლებში, უკრაინელი მედესანტეები დრონებით პონტონურ გადასასვლელსაც ურტყამენ. ასევე, მედესანტეებმა აღნიშნეს რუსული „კუ“ ტიპის ტანკის მწყობრიდან გამოყვანა, რომელიც გამოიყენებოდა ფრონტის ხაზზე ქვეითთა გადასაყვანად.

🇭🇺 🇺🇦 პიტერ მადიარმა გამოაცხადა უნგრეთსა და უკრაინას შორის ისტორიული შეთანხმების მიღწევის შესახებ უკრაინის ამიერკარპატების რეგიონში მცხოვრები უნგრელების უფლებების შესახებ. შესაბამისი ვალდებულებები შეტანილია უკრაინის ევროკავშირში გაწევრიანების სამოქმედო გეგმაში.

„სულ რაღაც რამდენიმე კვირაში ჩვენ წარმატებით გადავჭერით საკითხი, რომლის მოგვარებაც ორბანის მთავრობამ 10 წლის განმავლობაში ვერ შეძლო“ – განაცხადა მადიარმა.

ყურადღება მიაქციეთ ამ ფრაზას. მადიარი უკრაინას არ ადანაშაულებს მოუქნელობაში, ის მიუთითებს ორბანის მხრიდან საბოტაჟზე, რაც აბსოლუტურად სამართლიანია, რადგან სწორედ ასე იყო ყველაფერი. ორბანს არ სჭირდებოდა შეთანხმებები უნგრელების უფლებებზე, მას სჭირდებოდა მუდმივად პრობლემა, რათა დამატებით დაესუსტებინა უკრაინა პუტინის ზეწოლის წინაშე. ეჰჰ, ქოცისტანს როდის გვეშველბა ეგ გამაგებინა ნეტა

🇪🇺🇨🇳 ევროკავშირი ადასტურებს ინფორმაციას იმის შესახებ, რომ ჩინეთი ახორციელებდა რუსი სამხედროების მომზადებას, რომელთა ნაწილიც უკრაინის წინააღმდეგ ომში მონაწილეობდა. ამის შესახებ ევროკავშირის მაღალჩინოსანმა განაცხადა, რომელსაც მედიისთვის ოფიციალური კომენტარის გაკეთების უფლებამოსილება არ ჰქონდა, იუწყება „რადიო თავისუფლება“. „ჩვენ უკვე დავადასტურეთ, ან ახლა დასტურდება, რომ ჩინეთი ავარჯიშებდა რუს ჯარისკაცებს, რომელთაგან ზოგიერთი უშუალოდ იყო ჩართული უკრაინის წინააღმდეგ ომში. ციფრებით, რაც მე ვნახე, საუბარია ასობით ადამიანზე“ - თქვა მან და დასძინა, რომ ინფორმაცია ევროკავშირის შესაბამისმა სამსახურებმა დაადასტურეს. მისი თქმით, მომზადება ჩინეთის ტერიტორიაზე რამდენიმე ადგილას მიმდინარეობდა. მან ხაზგასმით აღნიშნა, რომ საუბარია არა რუსეთის ირიბ მხარდაჭერაზე, არამედ სამხედრო მოსამსახურეების უშუალო მომზადებაზე. „ეს განსხვავდება იმისგან, რასაც ჩინეთი ადრე აკეთებდა. საუბარია ჯარისკაცების კონკრეტულ მომზადებაზე, რომელთა ნაწილი შემდეგ ფრონტზე აღმოჩნდა“ - განაცხადა ჩინოვნიკმა. ჩინეთის თემა 15 ივნისს ევროკავშირის საგარეო საქმეთა საბჭოს სხდომის ერთ-ერთი მთავარი საკითხი იქნება. მინისტრები აპირებენ განიხილონ უსაფრთხოების საკითხები, ევროპული თავდაცვის მრეწველობის დამოკიდებულება ჩინურ მიწოდების ჯაჭვებზე, ასევე პეკინის მიერ რუსეთისთვის გაწეული მხარდაჭერა. ოფიციალური პეკინი მანამდე არაერთხელ უარყოფდა რუსეთისთვის იარაღის მიწოდებას და უკრაინის ომთან დაკავშირებით ნეიტრალურ პოზიციაზე საუბრობდა. ევროკავშირის წარმომადგენლის განცხადება სააგენტო Reuters-ის პუბლიკაციიდან ერთი თვის შემდეგ გაკეთდა, რომელმაც სამი ევროპული სადაზვერვო სამსახურის მონაცემებზე დაყრდნობით განაცხადა, რომ ჩინეთმა 2025 წლის ბოლოს თავის ტერიტორიაზე ფარულად მოამზადა დაახლოებით 200 რუსი სამხედრო მოსამსახურე. სააგენტოს მონაცემებით, მომზადება პეკინისა და ნანკინის სამხედრო ობიექტებზე მიმდინარეობდა 2025 წლის ივლისში რუს და ჩინელ სამხედროებს შორის ხელმოწერილი ორმხრივი შეთანხმების საფუძველზე. Reuters იტყობინებოდა, რომ რუსებს ასწავლიდნენ უპილოტო საფრენი აპარატების, რადიოელექტრონული ბრძოლის საშუალებების, საარმიო ავიაციისა და სატანკო ქვედანაყოფების გამოყენებას.

OSINT-მკვლევარი კლემან მოლენი აღნიშნავს, რომ რუსებმა არმიანსკსა და ჩონგარში დაზიანებული ხიდების გვერდით პონტონური ხიდები დაამონტაჟეს. მოლენი მიუთითებს, რომ პონტონურ ხიდებზე მოძრაობა ბევრად უფრო ნელია, ვიდრე სტანდარტულზე. ის ვარაუდობს, რომ რუსული ავტომობილები პონტონების გამოყენებით გამოწვეული შეზღუდვების გამო ერთმანეთთან ახლოს დაგროვდება, რაც გაამარტივებს უკრაინის ახალ თავდასხმებს ამ მანქანებზე. მკვლევარი ხაზს უსვამს ამ ორი გზის კრიტიკულ ლოჯისტიკურ მნიშვნელობას, რომლებიც ყირიმს უკრაინის სამხრეთთან აკავშირებს.

💥 „სიკვდილის გზა“ პოკროვსკსა და გრიშინოს შორის, რომელიც რუსულმა სარდლობამ ქვეითთა შეტევების ერთ-ერთ მთავარ მიმართულებად აირჩია. ეს გზა პოკროვსკიდან გრიშინომდე ყველაზე მოკლე მარშრუტია. თუმცა, ამავდროულად, უკრაინელი მედესანტეები მიუთითებენ, რომ გზას არ გააჩნია კარგი თავშესაფრები და უპილოტო საფრენი აპარატების ოპერატორები მეთოდურად ანადგურებენ რუს ქვეითებს, რომლებიც ამ გზით გარღვევას ცდილობენ.

🇯🇵 იაპონიამ ტანეგაშიმას კოსმოდრომიდან წარმატებით გაუშვა რაკეტა H3-30-ის ახალი მოდიფიკაცია გვერდითი ამაჩქარებლების გარეშე, რომელმაც ორბიტაზე ექვსი მცირე ზომის თანამგზავრი გაიყვანა. რაკეტამ სტარტიდან 15 წუთის შემდეგ დაახლოებით 580 კმ სიმაღლის ორბიტას მიაღწია, მაშინ როდესაც H3-ის წინა გაშვება დეკემბერში წარუმატებლად დასრულდა.

‼️ ოკუპირებულ მირნოგრადში, შახტის ტერიტორიაზე თავმოყრილი რუსული ჯავშანტექნიკისა და კვადროციკლების განადგურების კადრები. რობერტ „მადიარ“ ბროვდი აღნიშნავს, რომ უკრაინელი მებრძოლები ცდილობენ ნებისმიერი ჯავშანტექნიკა იერიშამდე გაანადგურონ, თუმცა მათი კვალის მიგნება ყოველთვის ადვილი არ არის.

🇩🇪 გერმანული F125 კლასის ფრეგატები სერიოზულად გააძლიერებენ თავიანთი საჰაერო თავდაცვის შესაძლებლობებს IRIS-T SLM-ის საზღვაო ვერსიით. ამჟამად ამ ხომალდებს ხშირად აკრიტიკებენ სწორედ სუსტი საჰაერო თავდაცვის გამო, მიუხედავად მათი ზომისა და თანამედროვე ფრეგატის სტატუსისა. IRIS-T სისტემების მწარმოებელი Diehl Defence ამჟამად ამუშავებს თითოეულ გემზე ორი ახალი ინტეგრირებული გამშვები მოდულის დამონტაჟების პროექტს. თითოეული მოდული 16 რაკეტას დაიტევს, რაც ფრეგატს ჯამში 32 ერთეული საზღვაო მოდიფიკაციის IRIS-T SLM რაკეტის განთავსების საშუალებას მისცემს. F125-ისთვის ეს მნიშვნელოვანი ცვლილებაა, რადგან ხომალდი, რომელსაც აქამდე შეზღუდული თავდაცვის შესაძლებლობები ჰქონდა, თანდათან გარდაიქმნება საშუალო რადიუსის საჰაერო თავდაცვის საშუალებების სრულფასოვან მატარებლად. ამავდროულად, სულ უფრო თვალსაჩინო ხდება ტენდენცია, რომ გერმანული IRIS-T ცალკეული საზენიტო კომპლექსიდან იქცევა შეიარაღების მთლიან ოჯახად, გამოყენების სხვადასხვა ვარიანტებით.

უკვე ტრადიციულად აფიპსკის ნგქ-საც მოხვდა, კრასნოდარის მხარეში, უკრაინის მიერ კონტროლირებადი ტერიტორიიდან 275 კმ. ვიდეოზე მკაფიოდ ჩანს ხანძარი, თუმცა რადგან შორიდანაა გადაღებული, ვერ მოხერხდა იმის იდენტიფიცირება, თუ რა იწვის ზუსტად. ველოდებით წყაროებს. ეს აფიპსკის ქარხნის მეშვიდე წარმატებული დარტყმაა, ბოლოს მას 14 მარტს დაარტყეს.

ასევე დარტყმა მოხდა „ტოლიატიკაუჩუკზე“, სამარას ოლქში, უკრაინიდან 900 კმ. ჯერჯერობით უცნობია, ზუსტად რა იწვის, ველოდებით OSINT-მკვლევარებს. „ტოლიატიკაუჩუკს“ შედარებით ცოტა ხნის წინ, 4 აპრილს დაარტყეს.

უკრაინის შეიარაღებული ძალების დრონებმა დაარტყეს ნიჟნეკამსკში (თათარსტანი) მდებარე დიდ სამრეწველო ზონას, სადაც განლაგებულია ორი ნავთობგადამამუშავებელი ქარხანა - სს „ტანეკო“ (იგივე ყოფილი ნიჟნეკამსკის ნგქ) და „ტაიფ-ნკ“, ასევე ქიმიური ქარხანა „ნიჟნეკამსკნეფტეხიმი“. უკრაინიდან დაშორებულია 1150 კმ-ით. იქ სულ მცირე ოთხი ხანძრის კერაა, სამი ერთმანეთის გვერდით და ერთი მოშორებით, რაც მე-4 ვიდეოზე ჩანს. დეტალები ჯერ ზუსტდება, თუმცა უკვე გეოლოცირებული მონაცემებით, დაზიანებულია სს „ტანეკო“. „ASTRA“-ს მონაცემებით, იწვის „АВТ-9“-ის დანადგარი და „АВТ-8“-ის კოლონა, ხოლო „Supernova+“-ის ვიდეოზე (2) ჩანს, რომ იწვის კიდევ ერთი კოლონა. „ტანეკოს“ მანამდე ერთხელ, 2024 წლის აპრილში დაარტყეს.

‼️ ოფიციალურად! ილონ მასკი ისტორიაში პირველი ტრილიონერია - ყოფილი მილიარდერის ქონება გაფრინდა მას შემდეგ, რაც SpaceX-ის აქციები ბირჟაზე განთავსდა - მასკის კაპიტალი მომენტალურად 400 მილიარდი დოლარით გაიზარდა. ახლა, იმისთვის, რომ ეს ფული 100 წლამდე დახარჯოს, მას მოუწევს: დღეში სადღაც 59,5 მილიონი დოლარის, საათში 2,48 მილიონი დოლარის. ან ყოველწუთიერად 41 360 დოლარის გადაყრა.

👀 ტრამპმა ირანთან შეთანხმების მალე ხელმოწერის შესახებ გამოაცხადა. დოკუმენტები ფინალურ სტადიაშია და შესაძლოა უკვე ამ შაბათ-კვირას ევროპაში მოეწეროს ხელი. ხელმოწერის ცერემონიალზე შესაძლოა ჯეი დი ვენსი ჩავიდეს. ეს უკვე მეოთხე შემთხვევაა, როდესაც ტრამპი გარიგების შესახებ აცხადებს. წინა სამი მცდელობა ჩაიშალა (17 აპრილი, 6 მაისი, 28 მაისი — მოკლედ, საშუალოდ ორ-სამ კვირაში ერთხელ). ამჯერად ნავთობი ფასის კლებით გამოეხმაურა სიახლეს, ახლა ბრენტის მარკის ბარელი 89 დოლარზე ოდნავ დაბლაა.

🔥 წავიდა უკრაინული დემოკრატია ორკებისკენ

😁 ტრამპმა ირანელები კავშირზე გამოვიდნენ და ამიტომ აღარ დავბომბავ მაგ დასაქცევლებსო პ.ს. ამაზე სერიოზული ტონით უბრალოდ არ შემიძლია ტრამპის მომქედებების შეფასება, თუმცა კარგია ახალი ომის ბურუსის პრინციპი ასეთი იქნება ალბათ

🇳🇴🇺🇸 ნორვეგიულმა KONGSBERG-მა ამერიკული კომპანია Zone 5 Technologies-ის 90%-იანი წილი შეიძინა. ეს კალიფორნიაში დაფუძნებული კომპანია ცნობილია რაკეტებისა და ჩამჭრელი სისტემების წარმოებით, სადაც აქცენტი კეთდება არა ერთეულ, არამედ დიდი პარტიებით მასობრივ წარმოებაზე. Zone 5 ცნობილია ისეთი პროდუქტებით, როგორიცაა დამრტყმელი რაკეტა „Rusty Dagger“ (აგმ-188), საზენიტო „White Spike“, ასევე მონაწილეობით აშშ-ის პროგრამაში „AGM-188 FAMM“ და მის საექსპორტო ვერსიაში „ERAM“, რომელიც, სავარაუდოდ, უკვე მიეწოდა უკრაინას. KONGSBERG-ისთვის, რომელიც უკვე აწარმოებს საკმაოდ პოპულარულ ფრთოსან რაკეტებს „Naval Strike Missile“ და „JSM“, ეს გარიგება პორტფელის გაფართოებას ნიშნავს იაფი, მასობრივი საბრძოლო მასალების წარმოების მიმართულებით, რომელთა საჭიროებაც ათასობით ერთეულს შეადგენს

🇺🇦 100-ზე მეტმა უკრაინულმა კომპანიამ უკვე მიიღო წვდომა პლატფორმა Brave1 Dataroom-ზე და იყენებს მას ხელოვნური ინტელექტის მოდელების რეალურ საბრძოლო მონაცემებზე დასატრენინგებლად. სხვა მონაცემებთან ერთად, მასში ხელმისაწვდომია საჰაერო მიზნების ვიზუალური და თერმული სიგნატურები, რომლებიც შეგროვებულია სხვადასხვა პირობებში და სხვადასხვა სენსორებიდან. რეალური მონაცემები საშუალებას მისცემს ალგორითმებს, უფრო ზუსტად განასხვავონ მიზნები ხმაურისგან, ფრინველებისგან, ღრუბლებისა და სხვა ცრუ ობიექტებისგან. ამავდროულად, Brave1 Dataroom-მა საერთო ჯამში უნდა დააჩქაროს უკრაინული საჰაერო თავდაცვისთვის მანქანური ხედვის სისტემების შემუშავება. ასეთმა ტექნოლოგიებმა შეიძლება გაზარდოს დრონ-გადამჭერების, მობილური საცეცხლე ჯგუფებისა და უპილოტო საფრენი აპარატების წინააღმდეგ ბრძოლის სხვა საშუალებების ეფექტურობა.