SOTSIOLOGIYA (18+)

Жамият соғлиги билан боғлиқ, яна битта катта муаммо. Ўзбекистон қонунчилигига кўра, “табиблар” фаолияти умуман тартибга солинмаган. Еки, етарлича тартибга солинмаган ва ижроси деярли йўқ. “Табиблар” жуда кучли психолог бўлиб кетишган. Қўлига келган одамни пулини олиб қолишни санъат даражасига кўтаришган. * Лекин, аксарият ҳолларда, табибларни олдига борган одамлар, аслида касалхонага бориб жиддий даволаниши керак. Ўзим гувоҳи бўлганим – онкологик касалларнинг кўпи, табибларга бориб “шифо топиб кетсам...” деб умид қилишади. Беморнинг онкологик касаллигини билган табиблар ҳам, ҳеч иккиланмай “биз сизни даволаб юборамиз” дейишади. * Ривожланган ҳуқуқий давлатларда касалхонага бориши керак бўлган одамни қабул қилиб олган ҳар қандай муқобил медицина (яъни, табиблар ва бошқалар) – аниқ-муқаррар жиноий жавобгарликка тортилади. Чунки, у ўша беморнинг даволаниши керак бўлган вақтини, умрини ўғирлаяпти, пулини олиб ёлгон ва асоссиз умид бераяпти. Бу – ҳақиқий, онгли жиноят. * Лекин, табибларни олдига борсангиз “биз беморни мажбурламадик, ўзи келди...” дейди. Ўзбекистон қонунчилигига кўра, касаллик турига ва холатига қараб, беморларни нотўғри қабул қилиб олган табибларга жиноий жавобгарлик белгиланиши ва реал ижро этилиши керак. Акс ҳолда, жуда кўплаб одамларнинг эрта ўлимига сабабчи бўлаверади. ©Сиёсатшунос, Камолиддин Раббимов,Фейсбукдан олинди Kanalga ulanish:                   @sotsiologiyaa👈

Amerikada dindorlik pasayib borayotgan ekan. 1965-yilda o’tkazilgan “Gallup” so'roviga ko’ra, amerikaliklarning 70 foizi din ularning hayotida "juda muhim" ekanligini ta’kidlagan; bugun ularning yarmidan kamrog'i (45 foiz) dinni "juda muhim" deb hisoblaydi. O'zini biror dinga yoki e'tiqodga mansub deb bilmaydiganlar soni 28 foiz bo'lsa-da, ularning bor-yo'g'i 4 foizi o'zini ateist deb bilarkan. Qolgani qandaydir ilohiy kuch yoki Xudo borligiga ishonadi. Demak, AQSh jamiyati hanuz boshqa rivojlangan yoki Yevropa davlatlariga qaraganda ancha dindor. Mamlakat asoschilari dindor bo'lgan va rasmiy marosimlarga ham ko'plab diniy ramzlarni kiritishgan. Masalan, "Biz Xudoga ishonamiz" iborasi pul birligida chop etilgan. Kongressning yangi yig’inlari, odatda, ibodat bilan boshlanadi. "Xudo, menga yordam ber" yozuvi prezident qasamyodining bir qismi. Respublikachilar saylovda, asosan, diniy qatlamga tayanadi. Siyosiy nomzodlar o'zini xudojo'y qilib ko'rsatishga urinadi. Isroilni hech qanday shartlarsiz qo'llab-quvvatlash siyosatining boshlanishi ortida ham injilchi nasroniylar turadi. Falastinda Isroil davlatining to'liq tashkil topishini yahudiylardan ham ko'ra, ana shu nasroniylar ko'proq xohlaydi. Chunki ularning e'tiqodiga ko'ra, aynan shundan keyingina Iso Masih yerga qaytib tushadi. @bmamadiev

#биласизми Дунёдаги энг қадимги шаҳар Тадқиқотлар ва тарихий далилларга кўра, Дамашқ биринчи марта милоддан аввалги VII минг йилликнинг иккинчи ярмида яшаган. Бугунги кунда Дамашқ икки миллиондан ортиқ аҳолиси бўлган пойтахт ҳудуди бўлиб, 2008 йилда Араб маданияти пойтахти деб номланган. 🔥 @burchakostida

Глобал тартиб, иқтисодий ҳамкорлик, таълим. Дэвид Кэмерон Марказий Осиё билан муносабатлардаги учта устувор йўналиш ҳақида Буюк Британия ташқи ишлар вазири лорд Дэвид Кэмерон Ўзбекистонга ташрифи олдидан мақола эълон қилди. 👉 https://kun.uz/kr/67942480 Kun.uz расмий канали

The Economist

Podkastimizning yangi soni chiqdi: https://youtu.be/RO77V45vghA Audio formatda: Spotify | Apple Podcast | Yandex Music | Podbean Podkastimizning ushbu epizodi hamkori - aksiyadorlik tijorat banki "AloqaBank". http://www.aloqabank.uz/ https://zoomrad.uz/ Tinglang, ko'ring, do'stlaringiz bilan ulashing va izoh qoldiring. @uzbekonomics

#бурчакстат Дунёнинг энг қиммат шаҳарлари Economist Intellegence Unit (EIU) 2023 йил учун дунё бўйлаб яшаш қиймати индексини эълон қилди. Унга кўра Сингапур ва Цюрих биргаликда яшаш учун дунёдаги энг қиммат шаҳарлар рейтингида биринчи ўринни эгаллади. Сингапур 2022 йилда Нью-Йорк билан биргаликда ушбу рўйхатда биринчи ўринни эгаллаган эди. Цюрих олтинчи ўриндан биринчи ўринга кўтарилди. Унинг кўтарилиши Швейцария франкининг мустаҳкамланиши, шунингдек, озиқ-овқат, уй-рўзғор буюмлари ва дам олиш учун юқори нархлар билан боғлиқ. Нашр, шунингдек, бу икки шаҳарда йўл-транспорт ва кийим-кечак учун нархларнинг юқори эканлигини кўрсатади. Нью-Йорк 2023 йилги рўйхатда учинчи ўринга тушиб кетди, иккинчи ўриндан Швейцариянинг бошқа бир шаҳри — Женева жой олди. АҚШнинг яна икки шаҳри (Лос-Анжелес ва Сан-Франциско) ҳамда Гонконг, Париж, Копенгаген ва Тел-Авив шаҳарлари кучли ўнталикка кирди. Йиллик индекс дунёнинг 173 шаҳрида озиқ-овқат, кийим-кечак, ижара ёки транспорт каби 200 дан ортиқ кундалик маҳсулот ва хизматлар нархларини таққослайди. Тадқиқотга киритилган шаҳарлардаги нархлар Нью-Йоркники билан таққосланади. Бунда Нью-Йоркнинг индекси 100 га тенг деб ҳисобланади. 🔥 @burchakostida

Яқин Шарқда шунақа гап бор: "Эрон — катта каллали кичик тана, АҚШ — кичик каллали катта тана". Бу гап Эроннинг АҚШ-Исроил коалициясига ақл билан қарши туришини назарда тутади. Экспертнинг ёзишича, эронлик сиёсатчилар, биздаги стереотипларга қарамай, нозик дипломатлардир. Улар проксилар билан ишлайди, давлатлар билан ишлаш мумкин бўлмаган жойларда бошқа сиёсий ва ҳарбий кучларни ярата олади. Исроиллик сиёсатчилар эса иттифоқчиларга пулини аяйди, фақат ўзига ва АҚШнинг ёрдамига таянади. Шу боис минтақада амалда уни қўллайдиган куч йўқ. Шу билан бирга, Исроил жуда катта иқтисодиёт, гўзал хайтек ва мудофаа тизимини ярата олди. Эрон, технологик соҳадаги ютуқларига қарамай, АҚШ санкциялари ва минтақада дўстлари камлиги боис оғир иқтисодий қийинчиликларга учрамоқда. "Свободная Пресса"да чиққан мақолада икки империя кураши ҳақида сўз боради. Империя сўзи бу ерда шартли маънода ишлатилган: Эрон — улкан инсоний ресурсларга, дунёдаги энг ўқимишли давлатлардан бири мақомига, иқтисодий салоҳиятга ва империал ўтмишга эга давлат, Исроил — кичиклигига қарамай, қудратли армия ва иқтисодиётга эга митти империяча. Михаил Магид. Битва империй: удар Ирана по Израилю будет асимметричным @AsanovEldar

Natijani emas, harakatni maqtash Bolalar yoki kattalar yaxshi natijalar koʻrsatsa, ularni maqtamaslik kerakmi, degan savol tugʻilgan boʻlishi mumkin tepadagi postdan soʻng. Carol Dweck shunday tavsiya qiladi: kimnidir maqtashda, uning talanti yoki aqliga baho berishdan tiyilish, iloji boricha mehnatiga urgʻu berish kerak. Odatda shunday maqtagimiz keladi: • “Buncha tez oʻrganding mavzuni. Juda aqllisan!” • “Uni chizgan rasmiga qaranglar. Ikkinchi Pikasso emasmi?” • “Tayyorlanmay turib 5 baho olding. Aqlingga qoyil” Bunday jumlalarni eshitish yoqimli, lekin keyinchalik odamni chegaralay boshlashi mumkin. Mavzuni tez oʻzlashtirolmasa yoki koʻp tayyorlanishiga toʻgʻri kelsa, oʻzini aqlli emas deb hisoblash, murakkab suratlar chizsa — Pikasso emasligi oshkor boʻlishidan qoʻrqishga moyil boʻladi. Yuqoridagilarning oʻrniga, quyidagicha maqtash afzal ekan: • “Masalaning hamma yechimlarini sinab koʻrganing va eng toʻgʻrisini topganing menga juda yoqdi” • “Shunday qiyin loyihani zimmangga olganing xursand qildi. Koʻp narsa oʻrganishing tayin” • “Testga juda yaxshi tayyorlanganing koʻrinib turibdi” • “Bu topshiriq juda qiyin edi. Oxirigacha yetkazganingdan xursandman” • “Suratda ranglardan qanday foydalanganing yoqdi. Nimaga koʻra tanlov qilganing haqida gapirib bergin” Bunday variantlarni oʻylab topish oson emas. Natijani maqtashga shoshilishimiz ehtimoli katta. Lekin uzoq muddatli foyda uchun shunday maqtashni oʻrganganimiz maqul. Oʻzimizga ham natijalar orqali baho bergandan koʻra, mehnatimiz, intilishimiz, kreativ yoʻllardan foydalanganimiz, yangi narsalarni sinab koʻrganimiz uchun maqtasak — nimalar boʻlishini, oʻzimizni qanday his qilishimizni oʻylab koʻring…

Туркияда сайлов натижаларига кўра, 75 нафар хотин-қизлар вилоят ва туманларга ҳоким бўлди.