қышқылды тәтті

өз өміріңе сыймай, өз өзіңді көтере алмай бәрінен алшақтап басқа адам болып кеткің келеді. иә, ондай болады. Бірақ бұл сенің өмірің. саған қателесуге, ұятқа қалуға, біреудің үмітін ақтамауға, кешігуге, кітап оқымауға, жауапкершілік алмауға, кетіп қалуға, ашулануға — бәріне рұқсат. әрбір сезім, әрбір ой, қалау, мақсат, арман, өкініш, жеккөрініш, көреалмаушылық — бәрі сенің санаңда жиналып тұрған сөредегі киімдей. бүгін қайсысын киетініңді тек өзің таңдайсың. Иә, Сен қателестің. Сенің ойыңдағыдай болмады. Сен қайтадан дұрыс нәрсе істей алмадың. Иә, солай болады. Өмірдегі жағдайларды басқара алмайсың. Үлгермедің. Алмадың. Істей алмадың. Шамаң жетпеді, білім жетпеді, ақша жетпеді. Өзіңді жерден алып, жерге салдың, су шашып, көміп, қайта жерден суырып алдың. Енді өзіңе қамқор бола аласың ба? Дәл қазір денең үшін не істей аласың? Өңкей ауыр эмоцияларды бірінен соң бірін сүрген соң жақсы сөзге де лайықсызбын деп ойлайтын шығарсың, бірақ [ Сен — өзіңнің жалғызыңсың. ] Өміріңдегі ең қатты жақсы көретін, бір ауыз сөзі үшін ұшып келетін, өмірдің бар жақсылығын тілеп, алдына төсеп қойғың келетін адамды елестетші. Елестеттің бе? Ал Сен ол адамнан бір саты жоғары тұруың керек. Жел соқса қисайып құлап қалмайтыныңдай кез келген жағдайдың қиындығын төзуге шамаң жетеді. Өзіңді қатты құшақташы, терең дем ал бәрі жақсы

бүгін «слабый герой-ды» көріп тастадым. фыы, бұл бір біткен іс болды.

« ..Мағжанды сүйемін. Европалығын, жарқыраған, әшекейін сүйемін. Мағжан мәдениеті зор ақын» М.Ә.

мәәә, сенесіңдер ме? құлаққапсыз жүргеніме үш айдың көлемі болыпты. енді іздемейтін де сияқтымын🦵🏻

демография туралы оқуым керек болған. оқыдым да. бірақ дүниежүзі елдерінің демографиялық көрсеткішін көріп, сәл аңтарылып қалдым. яғни, адамның нақты жас ұзақтығы үшін. бірде-бір елде еркек кісінің күтілетін жас ұзақтығы , әйел кісінің жасынан басым емес. Қазақстанның өзінде еркектер кемі 68, әйелдер 77 жыл өмір сүреді. миым тоңқайып жатыр, рас айтамын.

қисынсыз жазбаларымды оқып шаршап кететін шығарсыңдар, әә? өзімде шаршайм.

кез-келген адаммен алғаш рет жүздескен де, оның киіміне аса мән беремін. жооқ, мен материалдық жағдайын киімі арқылы ажыратып, білу үшін қарамаймын. менің жадымда адам киімі арқылы сақталады. жәй ойлашы: «ол сол күні ақ жейдесін киіп келген еді» деп қойын дәптеріңе ойып жазып қоясың. қарапайым сөйлем. бірақ қанша естелік, иә?

сендер ауыр ойдан қалай құтыласыңдар? әлде соны шұқып, екі еселендіресіңдер ме?

ауыр ойлардан қашқым келген сәтте шашымды тарай беремін. оның ұйысып, жазылмай тұрғанын көріп, егілем. сонымен ауыр ойың кеттіііі. арпалыс тек шашпен. факт қой.