بوح و شعر و قصيده

لاتنشد عن غلاك وحبَّك إللي ماعليه ظلال ‏أحبَّك والحياه اللي بدونك .. ما أتصوَّرها

‏تباهي وغني واضحكي . . لايهمك شي ‏لا مالت ظروفك فيك لك من يعدلها ‏بتلقين لك في جوف قلبي براد وفي ‏هنا منزلك .. والناس تعرف منازلها ‏ماتقدر تزعلك الليالي وراسي حي ‏لو تزعلك سود الليالي .. بزعلها

‏حطيت راسي في حضن قطعة الجوف ‏وارتاح فكري من عنا الوقت والضيق ‏ ‏كفً صغير يمسح الهم والخوف ‏ويبري جروحً بالضلوع المغاليق ‏انت السعه لا ضيقت صدري ظروف ‏وانت الامل وانت الفرح والتوافيق

«يصبرني على ثقل اللَّيال ان الأمل ما زالّ ينسيني شقى النفسّ ويضوي لي متاهاتي اغيب بلا سبب وبلا سبب يربكني الترحال واعودّ للمكان اللي يضم اربع تجاهَّاتي مع اني هاديه وجه وحكي لو ضاقت الاحوالّ يجي هذا الحزن صخب ويلازم فكرة ابيَاتي ورغم اني لزمت الصمت من رهبة ليالٍ ثقالّ يبان البوح في رجفة يدي ويبعثرّ سَكاتي نهّب هذا التعب حلمي كسر بي قيمة الآمال سرق لذة تفاصَّيلي سلب حلو ابتسَامتي شديدة طبع لكن مرهّفة قلب وطويلة بالّ وبي صبر يتحمل حزن هالدنيا بـ خيباتي ليلة البارح حزنها وسّط صدري طال وقسَاها مثل قسوة دمعي الجارّح وغصَاتي بقت بالذاكره ليله حزينه من سَّنين طوال تجي في بالي السارح ترجعني لعثراتي فقدت احلام عمرّي لين غصني للهّبايب مال وانا ماني مشتاقه ”لأحدّ“ مشتاقه لــ ذاتيّ»

كيف أبين لك غلاك وكيف أوصلك كلامي ‏والحياه قاطع طريق ولهفتي صوبك غوافل ‏وكيف أبين لك خطاك وخافقي طامع وضامي ‏للوصال الي مثل حلم الفقارا بتكافل ‏ليتك تشوف بعيني كان شفت القصد سامي ‏ليت لك قلب مثل قلبي من التوديع جافل .

فتحت جوالي قبل ليلة العيد وقعدت اقلب في جهات اتصالي نويت اهني الكل من دون تحديد لكن قبل ما ارسلهم ضاق بالي قريت اسمن جز بالقلب تنهيد اسم العزيز الي على القلب غالي اللي رحل فجأة من دون تمهيد مات وتقفته الايام الخوالي وجه الفرح عقبه كسته التجاعيد ولا عاد به قلب من الهم خالي

على دفا صوتك يمّر الليل ، مرور الكرام ‏والليل تطويه السوالف ، والسوالف لي قبل ‏أزف لك ، كل المحبة والمودة والسلام ‏أمّا بعد : أحبّك ، وأمّا قبل أنسي قبل ‏صدّي عن الفايت ووليّ الجاي كل الأهتمام ‏ولآ لك ألا زلةً تدمح ، وعذرٍ ينّقبل ‏بـ أيام وصلك عوضي عيني عن أيام الخصام ‏وعلى جفاف الروح ، صبّي صبّ همّال الوبل ‏أنتي غمامة حُب ، واللي خالقك منشي الغمام ‏عليك شرهات الشجر لآ مات ، والورد أن ذبل ‏أعلنت لك كل الغلا ، حملت لك كل الغرام ‏خاويتك بـ كل الطرق ، راضيتك بـ شتى السُبل ‏وإذا أمتلى صدري غزل ، ولآ أمتلى صدري ملام ‏أنا النبيل اللي بـ حزنه نُبل ، و بـ فرحه نُبل ‏" خليني أخبّي شعوري عنك في بعدك مدام : ‏في قربك يصير أوضح مْن النار في راس الجبل " ‏وكلمة أحبّك ، تآج في بالي ، وفي صدري وسام ‏متكوّنه من أربع أحرف ، مدري من أربع قُبل ‏متعلّقه فـ حبالي الصوتيّه ، فـ كل الكلام ‏تهدّ يدها من حبل ، وتشدّ في يدها حبل ‏"وعيونك اللي كنّ صف رموشها صفة إسهام ‏لا سلهمت لي ، سلهمتها كنّها مسة نُبل ‏بتنام ، وبتصحى ، وبإذن اللي عيونه ما تنام ‏مثل ما حبّيتك قبل ، بحبّك أكثر من قبل "

جيت محتاجك وفيني كلامٍ ما يقال ‏اتعزز وارفع الصوت وامشي واعدي ‏حطني في وجه حضنك من صدوف الليال ‏تايهٍ لا اخطيت من ضمتك وين اغدي ‏غبّ على كيفك وانا بين هقوات الوصال ‏اتحرّى لك و روحي على راحة يدي ‏و اكتبك بالشعر و الشعر دوامة خيال ‏يتضح فيها بعيد المدى و المبتدي

‏يا الله إذا خارت القوّه وقلّ العتاد ‏وعيّت همومي على رجلي تسيّرني ‏واقْبلت مابين مكنون الأسى والمراد ‏تلْفظني دروبي ودمعي يذيّرني ‏لك وجهي اللي تقلّبه الظروف الشداد ‏لـْ وجهٍ تحبّه وترضاه غيّرني ‏وأوزعني أشكر نعمك ودِلّني للرشاد ‏واختار لي يا إلهي لا تخيّرني

‏أشتقت لك ياللي معك يقصر الليل ‏ دقايقي تمضي بلياك ساعات

إستعذت مْن الدروب اللي نهايتها حسافة ‏قبل ترميني ملذّات الزمن .. في جوف غبة

انا الغطا وانا فراشك وانا امك ارقد على يمناي .. وانت نور عيني ورجلك على رجلي .. ورجلي على الشوك لين اتعزوى بك .. والاعب وليدك

‏يا رب في خاطري ضيقه ولا لي سواك ‏ضاقت علي البسيطه وأخلفت نظرتي ‏ولي عبرةٍ يوم تخنقني اطالع سماك ‏وأترجم الخوف من رهبتك في عبرتي ‏و أنا بدونك حياتي للغنى والهلاك ‏من دون رحمتك يا رحمن وش حضرتي؟

‏خلوني أصد دام الصبر عندي شحيح ‏مالله خلقني من الصحرا — وصبّارها ‏ماعاد فيني أوقف . . لجل أوقف وأطيح ‏عندي بقايا ملامح بحفظ أوقارها .

أنتِ عذيَّة . . و العذيَّة و المطر على وِفاق ‏ و أنا بدويٍّ وين ما هلّ المطر شدّ و نزَل

له المرحبا تدبل على شوفته ثنتين ‏ مجيّه مثل وبل المطر لا فرحنا به

‏♡ ⊹ ♡ . ‏　 . ｡ﾟﾟ･｡･ﾟﾟ｡ ‏⊹ اللهم عائلتي ومن أحب في كل عيد ⊹ ‏ . ﾟ･｡･ﾟ ‏⊹ 　　 　 　 ♡ ⊹ 　　 　 ‏ 　　 ♡ ⊹ ⊹

على عيدك مبارك تاقف امال انتظاري سيد ‏هي اللي كانها ما جات منك مالها شاغر ‏تمر الذاكره كنك شغف جدة ثياب العيد ‏شعورً كل ما كني كبرت اعود له صاغر

مع ريحة القهوة وطيب التراحيب ‏يا حيّ عيدٍ.. شوفتك فيه مكسب

‏لو تلبس العادي على شكلها زان ‏ لاهي تكلف به .. ولا هي تزيّن