بوح و شعر و قصيده

‏عساني لابكيتك من غلا ما ابكيك من فقدان ‏ولا اعيش الحياة اللي بدونك ما اتخيّلها ‏أمانة.. لا تموت وينفتح لي للحزن بيبان ‏وانا بيبان حزني ماحدٍ غيرك يقفّلها ‏ولا غيرك يداريني ويعرف راضي او زعلان ‏ويمسح دمعتي ويلعن ثوى من هو ينزّلها.

‏عفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه ‏وعفى الله عن همومٍ ما تخلي مستريح البال ‏يعيش أيام عمره في صفا ذهن و صفا نيّه ‏وعفى الله عن هواجيسٍ توقف بي على الاطلال ‏تعيد الذكريات اللي مع الأيام منسيّه

‏سلام الله على صدري من الضيقات والاحزان ‏وضحكهٍ كنها غيمه و وجهٍ ما عليه قصور ‏قليل حظ لكني أبد ماني قليل شان ‏على كفي منابت ورد وبصدري شجر وطيور ‏ياربي ما معي الا أنت وانت القادر السلطان ‏وطبع ما يعرف الكيد والظلم وعهود الزور

‏كل حلم فاتني بالأمس وصّل له سلامي ‏"ما على الفايت حسايف والندم قصة قديمة" ‏أدري أن الحلم لا منّي عطيته إهتمامي ‏صار حلم للجميع وصار له معنى وقيمة ‏الخساير في حياتي ما تنزّل من مقامي ‏انخلقت بقلب طير وروح ما ترضى الهزيمة.

بلغتُ من السلام مرحلةً ، ‏لا أجاري فيها شيئاً لا يشبهني

‏ولا أساوم على حسن الخلق والذوق والتهذيب ‏ولو تجمح بي أفكاري بغير الخير ما أسرجهّا ‏عسى نفسي إذا لاقت من الدنيا كثير الريب ‏ما توقن غير بالمعروف والإحسان يوهجها🤍

‏أشوفك ذنب يتمرجح على غصن الهوى ويميل وأجيك التّايب المقفي عن أهل الطّيش .. وأرتكبك

‏على دربك لو ان العمر يوقف تمشي الأقدام ‏الين أموت " أبيك" وغيرك من الناس ما أبيها ‏يا مرساي الأخير وذكرياتي في مدى الأعوام ‏يا ضحكة وجهي اللي تذبح أحزاني وتحيّيها

‏إن راح أغسطس وأنتهى حر الأجواء ‏صيف الفراق شلون . . بيروح حره؟

‏والله انك ‏عزيز ، وغالي ً، ومحشوم ‏إن قطعت الـوصل ولا قطعت السلام ‏لـو يموت ‏التواصل بين ليله ويوم ‏ماتموت الضماير في صدور الكرام

اتفيّا في ذرى منهو على الطيب متذري ‏ واتفاخر لاذكرته محزمي وانّه ذرايه

ودك ما يدخل حياتك إلا الضحوك الونيس ‏ اللي لا شفته انشرح صدرك واسفهل خاطرك

أبي أغفى على صوتك وأسارق وجهك المملوح ‏يا وجهٍ كل ما شفت القمر .. تطري تفاصيله

‏أنا لولا القصِيد اللي يسندني قبل لا أزلّ ‏تعثّر باقي العمر القصير وطحت من طولي

من حبها كنّ ماخلق غيري على الدنيا شجاع ‏لو دربها جمرة وطتها الرجل ماحسّيتها ‏اسوق عمري في رجاها لو تعشّاني السباع ‏اهم شيء اشوف شارعها ولفّة بيتها

‏طابت لك دروب العمر والمقادير ‏من حقنا لله عليك نـتشكر 🤍

‏عليك أخاف من جرح الكلام و لوعة التدقيق ‏و أحنّك من قساي ومن قسى الايام و آوي لك  ‏لك الله ماقدرت أسلا بعدك ولا قدرت أطيق ‏تفاصيل الحياه اللي مافيها من تفاصيلك

ابياتي وحروفي كلها لك يا من سكنت بمقله العين العين منزلك والصدر مدهالك وتربع بالقلب واسكن الشرايين

‏جمـيع الـدروب اللي اجيـها تنـبـت ورد ‏وجميع الـوجيه اللي اقابلها محظوظة