İslamla yaşa

Aşura günün orucu ilə bağlı xatırlatma Tasua (Məhərrəm ayının doqquzuncu günü) 24.06.2026 (çərşənbə) Allah Rəsulu (sallallahu aleyhi və səlləm) belə demişdir: Əgər gələn ilə qalsaq inşallah doqquzuncu günü də oruc tutarıq. (Muslim 1134) Aşura günü (Məhərrəm ayının onuncu günü) 25.06.2026 (cümə axşamı) Allahdan ümid edirəm ki, Aşura günün orucu keçən bir ilin günahlarına kəffarə olsun. Muslim 1162 🌙✨Faydalanmaq üçün bizi izləyin 💎https://t.me/islamlayasha 💎https://whatsapp.com/channel/0029VaD3weWJJhzSsgPzqh2j 💎 https://www.instagram.com/islamla.yasha?utm_source=qr 💎https://youtube.com/@islamlayasa?si=RAp2qVaAG5t3Bp24

Allah Rəsulu (sallallahu aleyhi və səlləm) belə demişdir: “İman xaincəsinə adam öldürməyə mane olur. Şübhəsiz ki, mömin xaincəsinə cana qıymaz.” (Əbu Davud 2769) “Bir insanı onun xəbərsiz olduğu anda xəyanətlə öldürmək haramdır. Bu hökm həm müsəlman, həm də təhlükəsizlik zəmanəti (əman) verilmiş qeyri-müsəlman barədə keçərlidir. Bu, müharibə vəziyyətinə aid deyil.”

Qəbr əzabının dəlilləri və ona səbəb olacaq günahlar | Muradov Murad https://youtu.be/eJTgCa3VleA?si=UPGgVZjB5zJHGaLT

Muaz ibn Cəbəldən (radiyallahu anhu) rəvayət olunur ki, Allah Rəsulu (sallallahu aleyhi və səlləm) belə demişdir:“ Beytul-Məqdisin abadlaşdırılması Yəsribin (Mədinənin) xarabalığa çevrilməsinin, Yəsribin xarabalığa çevrilməsi böyük müha­ribənin başlanmasının, böyük müharibənin başlanması Kon­stan­tinopolun (İstanbulun) fəthinin, Konstantinopolun fəthi isə Dəccalın gəlməsinin əlamətidir.” Sonra Peyğəmbər (sallallahu aleyhi və səlləm) əlini söhbət etdiyi adamın – yəni, Muaz ibn Cəbəlin – dizinə, ya da çiyninə vurub dedi: “Şübhəsiz ki, bu dediklərim sənin burada olduğun kimi – və ya sənin burada oturmağın kimi – haqdır.” (Əbu Davud 4294)

Allah Rəsulu (sallallahu aleyhi və səlləm) belə demişdir: Həqiqətən, siz və­zi­fəyə can atacaqsınız. Halbuki vəzifə Qiyamət günü peşmançılıq gətirə­cək. O, nə gözəl süd verəndir və nə pis süddən kəsəndir. (Buxari 7148) Qeyd: Burada Peyğəmbər (sallallahu aleyhi və səlləm) vəzifədə oturan adamı südəmər körpəyə bənzədir. Belə ki, vəzifə bu dünyada insana istədiyi ləzzətləri almağa imkan verir, ölüb getdikdə isə bu ləzzətlərə son qoyulur və əgər tutduğu vəzifəni haqqı ilə yerinə yetirməmişsə, buna görə peşmançılıq çəkir.

Ətir ticarəti Ömər ibn Xəttab (radiyallahu anhu) demişdir: “Əgər mən tacir olsaydım, ətirdən başqa bir ticarəti seçməzdim. Çünki qazancı əldən versəm belə, onun xoş qoxusundan məhrum olmazdım. لآداب الشرعة 3/293

Evlənmək istəyən şəxsə nəsihət Əbu Bəkr əs-Siddiq (radiyallahu anhu) demişdir: "Kim bir qadınla evlənmək istəsə, onun atasına və qardaşına baxsın. Çünki o, ona o ikisindən biri ilə gələcəkdir (yəni onlardan birinə bənzəyərək)." تاريخ دمشق لابن عساكر 28/182

Osman ibn Əbil-As (radiyallahu anhu) belə demişdir: "Əgər cümə və camaat namazı olmasaydı, bu bölgənin ən yüksək yerində bir ev tikər, sonra ora girər və qəbrimə doğru çıxarılana qədər oradan çıxmazdım." Əhməd, "əz-Zuhd", 824.

Allah Rəsulu sallallahu aleyhi və səlləm belə demişdir: “İnsanların ən acizi dua etməkdə aciz olandır, insanların ən paxılı isə salam verməkdə paxıllıq edəndir.” Əs silsilətus sahihə 601

Heyvanları ruqyə etməyin icazəli olması Suheym ibn Nofəl (rahiməhullah) demişdir: “Biz Abdullah ibn Məsudun (radiyallahu anhu) yanında oturmuşduq. Birdən bir cariyə ağasının yanına gəlib dedi: Səni nə saxlayır? Qalx, bir ruqyə edən tap! Sənin atına filankəsin gözü dəyib. Atı elə hala salıb ki, dairəvi şəkildə fırlanıb durur. Bunun üzərinə Abdullah ibn Məsud (radiyallahu anhu) dedi: Ruqyə edən axtarma. Atının yanına get, onun sağ burun dəliyinə dörd dəfə, sol burun dəliyinə isə üç dəfə yüngülcə tüpür (nəfəs ver) və belə de: "Bismilləh, Lə bə'sə, əzhibil bə'sə, Rabbən nəsi, vəşfi, əntəş şəfi, lə yəkşifud durra illə əntə". “Allahın adı ilə. Heç bir zərər yoxdur. Ey insanların Rəbbi! Xəstəliyi apar və şəfa ver. Şəfa verən Sənsən. Səndən başqa heç kəs bu zərəri aradan qaldıra bilməz.” Suheym dedi: Biz hələ Abdullah ibn Məsudun yanından qalxmamışdıq ki, həmin adam gəlib dedi: Sənin dediyini etdim. Elə bir az keçmişdi ki, at yeməyə, içməyə başladı, sonra da sidiyini və peyinini etdi.” İbn Əbu Şeybə 29389, Uyunul əxbər libni Quteybə 248/1