MPSC DECODED™

मग ही भयाण शांतता आवडू लागेल तुम्हालाही... अगदी मनापासून ..... मेंदूत घोंगावणारं विचारांचं वादळ कुणाची मन तर दुखावली जाणार नाहीत ना ..आपल्या शब्दांनी ..आपल्या कृतींनी? याच विचाराचं काहूर नेहमीच माजलेलं ... खरंतर या सगळ्याचा कुणाला काहीच फरक पडत नाही ...आपणच अनावश्यक जास्त विचार करतो ...अमूल्य वेळ वाया घालवतो ...आणि दोष मात्र नशिबाला देतो ..नशीब ....ज्याचं अस्तित्वच नगण्य आहे ... तुम्ही निघालेल्या प्रवासाला ...तुमच्या सोबत असणारी,चालणारी लोकं अचानक गायब होतात ...कदाचित तुमची वेळ ...तुमची स्थिती...याला कारणीभूत असावी..लोकं पसार झाल्यानं ...पसरते एक निरव शांतता..जी भयाण वाटू लागते ...मग तुम्ही फसता एका दृष्टचक्रामध्ये ...गर्दीतही तुम्ही एकटे असता ...आणि एकांतात विचारांची गर्दी ... पण या सगळ्याला अर्थ नसतो ...तुम्हांला या जगाबद्दल जी भावना आहे तीच जगानेही तुमच्याबद्दल बाळगावी हा काही नियम नाही ना ... सरतेशेवटी उरते तीच नकोशी शांतता ...या शांततेनं आता आक्राळ रूप धारण केलेलं असत ...पण आपण थांबायचं नाही..एकच जागी पडून राहायचं नाही ...चालायचं ...जिवाच्या आकांतानं...रडू आलं तर रडायचं ...पण चालत राहायचं .. एका वळणावर जीवघेणी भयाण शांतता पुन्हा सापडेल ...नवीन रूपात ...सुरुवातीला गर्दीत राहणाऱ्यांना त्रास होतो ...पण नन्तर सवय होते ...तेव्हाही चालत राहायचं ...अशा वळणांवर कुणीतरी येईल सोबत चालायला ...हा विचार पण निरर्थक ...अगदीच निर्रथक ... या भयाण शांततेत तुम्ही एकटे नाहीत ...खूप जण चालतायत ...पण कोणच कोणाला दिसत नाही किंबहुना पाहत नाही...कोण दिसलाच दुर्लक्ष करणाऱ्यांचीच संख्या जास्त ...पण तुम्ही तस करू नका .... तर दोन पावलं का होईना ...सोबत चाला.. त्याला साथ दया..त्याच्या मंदावलेल्या पावलांना थोडं का होईना पण बळ मिळेल ... याच शांततेत...खूप गोष्टी..व्यक्ती ..परिस्थिती..वर्तणूक ..शब्द ..कृती .. नजरेसमोरून तरळून जातील ..पण आपल्याला फरक पडत नाही ...कसलाच...कोणाचाच ...या अविर्भावात चालायचं ...चेहऱ्यावर गूढ हास्य घेऊन ...आत खोलवर अगदी वणवा लागला असला तरी ...आग धुमसत राहील काही काळ ...पण होईल शांत तीही ..आग अमरत्वाचा पट्टा घेऊन आलेली नाही ... या नंतर तुमच्या मनाला एक अवस्था प्राप्त होईल ...ज्यात तुम्हांला .... ना कोणाकडून अपेक्षा ना कोणाची आपल्याकडून उपेक्षा ना कोणाविरुद्ध जिंकण्याची इच्छा ना कोणाला हरवण्याची इर्ष्या ... हे सारं काही वाटू लागेल ...त्यानंतर थोडं पुढे सरकाल तुम्हांला पुन्हा लाभेल ... तीच अवघड शांतता ... आता या सगळ्या थरार नाट्यांनंतर ही शांतता तुम्हांला आपलीशी वाटायला लागेल ...ज्यात लोकं नसतील ...विचार नसतील ...सवयी नसतील...फक्त तुम्ही असाल ...तुमच्यासाठी ....तुमची तुम्हांला नव्याने ओळख करून देण्यासाठी ... या सगळ्या भयानक नाट्यात सुरू होईल स्वतःला ओळखण्याचा नवा अध्याय ...जो रटाळ असेल सुरुवातीला ...एखाद्या रहस्यमयी कादंबरी सारखा ....पण वाचनाला वेग मिळाला की प्रत्येक उलटलेल्या पानाबरोबर उत्कंठा वाढत जाते...तश्या नवनवीन गोष्टी शोधायला लागाल ...स्वतःला पाहायला शिकाल...स्वतःबरोबर रमायला लागाल ...आता तुम्ही स्वतःबरोबर मैत्री कराल ...स्वतःला ओळखाल ...ही स्वतःची ओळख होणं ...म्हणजे ...कादंबरीचा शेवटी गोड होण्यासारखी भावना ..आता तुम्ही तुम्हांला ओळ्खताय ..अगदी नखशिखांत ....एकदा का तुम्ही तुम्हांला ओळखलं ...तुम्हांला तुमच्या बलाढ्य क्षमतांचा साक्षात्कार झाला .... की .... मग ही भयाण शांतता आवडू लागेल तुम्हालाही अगदी मनापासून ..... © Sagar Kamble STI

#Decodingcurrents Photo मध्ये खाली डाव्या कोपऱ्यात pyq references दिले आहेत..SSM (म्हणजे राज्यसेवा मुख्य), CAPF , आणि UPSC मध्ये MSP वर आयोगाने प्रश्न विचारले आहेत... Join @Mpscdecoded