Xalayaa gurraacha!π€
Awwaalchaa koo irraa hin dhaabatiin...!
Jireenya duβan qixxee lubbuu jireenyi gidirsitu, raroo dhoqqeen makame keessatti kan ati gattee...duuti isaa fudhatte! Awwaalcha koo irraa dhaabbatte hin boo'in.
Eeyyee qaama koo, gola icciitii kooti jedhen ture fuula keetti kaniin boo'e, madaa nama kamittu hin agarsiifne bakka siif qaba jedhen baase sitti himadhe...dhibeen kee dhibee kooπdhibeen koo dhibee kee natti fakkate ture...
Ati garuu maal goote na dhiifte...kophatti na gattee, warra natti kolfu natti qoosutti dabarsite na laatte...si amanen ture...ati birmadu kaan irraa adda akka taateetti yaadeen ture...nama kooti, hiriyaa kooti jedhen ture...amantoon kun hundi ni laamsha'ee!
Si amanen na gante..."akkamitti?" "maaliif?" jette nan gaafatin! Takka ergan murteesse eessatti na argattas...garuu ofuma koo na dhabutti, of wallaalu kootti fi amma immoo lubbuu koo dhabutti sababa akka taate hin dagatiin.
Eenyuma olitti iccitii rakkina itti jiru osoo beektu furmaata na barbaadu irraa qaama madaan tortore mukukkula itti keesse as deebitee "Akkam fayya qabda?" jette laphee koo haga dandeettii isaa ol kan miidhe si'idha!
Ati jechuun na arrabsite dabarsite warra yeeyyii gogaa hoolaa uffatanitti na laatte...kenna hiriyummaa an ulfinaan siif laadhee tuffatte gatii hiriyaa natti hirdhiste.
Nama hedduuf laphee koo laadhe beeka, gonfoo kabaja onnee koo keessatti namaaf hire beeka, yoo hedduu miidhameera, ni beekta onneen tiyya xiqqoon kun baay'ee ganamuun dhiige beeka, godaannisni ishee haga dhumatti waliin kan turu...garuu anaaf namni maaliidha hin jedhu, namni hundi gantuudha jedhes hin murteessine...ammas hin murteessu...carraa kooti!
Bara baraaf nagaa ta'i...eeyyen nagaa tahi...daba yoomiyyu sirratti hin hawwuu, kan facaafte haammadhu sin hin jedhu...maaliif jedhe?...hiriyaa akka kee irraa si haa eegu...yoo sirraa hin bareedne hin bareedne kaa jettu yoo sirraa bareede bareedde jirta kan jettu...kolfa fi gadda kee ilaala namoota biratti akka ati hin siqiqne hiriyaa si eegdu siif haa kennu!
Waaqni daba mishaan deebisuu hiriyaa gaarii siif haa kennu...onnee yoo qabatte tarii sitti dhaga'amu mala deebi'uus dandeessa. Akkuma daawitii sumaan agarsiisturraa darbe kan keessaa kee sitti himtu si sirreessitu hiriyaa dawaa taate sitti haa qabu...hunduma keenyaf haa kennu.
Ani garuu bakka hin deebi'amne waanan deemuuf hiriyaa akka kee hin barbaadu, sababni isaas akka kee imimmaan nyaacha kan naaf boossu osoo hin ta'in onneen ishee kan na waliin boo'u waan fedhuuf beekta animmoo nama miidhu hin barbaadu...
Duraas hiriyaa akka ishee osoo naaf laate asiis yoomiin gaha ture...carraa kooti maal haa godhu?
@orolovechats