TeensLIVE.am

Սիրու՞մ ես ռոմանտիկ ֆիլմեր 📀 Այսօր ես քեզ կառաջարկեմ հրաշալի մի ֆիլմ`«Աստղերն են մեղավոր»✨ Սա սիրո և հույսի հուզիչ պատմություն է, որը կջերմացնի քո սիրտը և կստիպի մտածել կյանքի ամենակարևոր բաների մասին🧷 ❤️‍🩹 Հեյզելը քաղցկեղով հիվանդ է։ Չնայած այն հանգամանքին, որ հիվանդությունը ժամանակավորապես նահանջել է, աղջիկը ուրախության ոչ մի կաթիլ չի զգում: Նա գնում է աջակցության խումբ, որտեղ մի օր հանդիպում է Օգոստոս Ուոթերսին և անմիջապես սիրահարվում նրան։ Օգոստոսը և Հեյզելը սկսում են կիրքով և կյանքով լի ճանապարհորդություն, որը ևս մեկ անգամ ցույց կտա նրանց, որ կյանքի ողջ իմաստը կարելի է գտնել դրա ցանկացած հատվածում 🌅 🤔 Ի՞նչը կարող է ավելի կոմֆորտ լինել ռոմանտիկ ֆիլմ դիտելու ժամանակ, քան սրտաձև թխվածքները🩷🍪 Ահա պարզ և արագ բաղադրատոմս, որը կհամեմի քո երեկոն 🌄 Բաղադրիչներ ✎ 200 գ ալյուր ✎ 100 գ կարագ ✎ 100 գ շաքարավազ ✎ 1 ձու ✎ 1 թեյի գդալ վանիլ Պատրաստման եղանակը𓎩 1. Խառնեք կարագը և շաքարավազը մինչև փափուկ զանգված ստացվի: 2. Ավելացրեք ձուն և վանիլը, լավ խառնեք: 3. Ավելացրեք ալյուրը և խառնեք, մինչև ստացվի միասեռ խմոր: 4. Խմորը բացեք և կտրեք սրտաձև 5. Թխեք նախապես տաքացված 180°C ջեռոցում 10-12 րոպե կամ մինչև ոսկեգույն դառնան: Վայելեք ձեր թխվածքները՝ կիսվելով սիրով🌷❤️ — Պատրաստեց Մարգարիտա Մովսիսյանը։ ℹ️ Ավելին իմանալու և բժշկին կամ հոգեբանին անանուն հարց տալու համար անցի՛ր մեր կայք՝ www.TeensLIVE.am/ask

Ի՞նչ գիտես սիրո և հարաբերությունների մասին💓 Սերն ու հարաբերությունները առանցքային դեր են խաղում մեր կյանքում, բայց կոնկրետ ի՞նչն է որոշում դրանց ուժն ու նշանակությունը: Արի՛ միասին բացահայտենք այս տերմինների էությունը: ✦ Ի՞նչ է սերը🫶🏼    Սերը յուրաքանչյուր մարդու համար տարբեր նշանակություն ունի, բայց դրա հիմքում ընկած է հուզական կապվածությունն ու հարգանքը դիմացինի նկատմամբ: Ինչպե՞ս կարող ենք բացահայտել իրական սերը: Իսկական սերը դրսևորվում է ոչ միայն բառերով, այլև գործողություններով: Այն ներառում է խորը ջերմություն, հարգանք զուգընկերոջ անհատականության նկատմամբ, դժվար պահերին աջակցելու և կողքին լինելու պատրաստակամություն: Իսկական սերը նույնպես ունակ է փոխզիջումների և ձգտում է զույգի համատեղ զարգացման և երջանկության: 🙌🏼 ✦ Որո՞նք են հարաբերությունները կազմող հիմնական տարրերը🧐    Հարաբերությունները կառուցվում են փոխգործակցության, աջակցության և հաղորդակցության հիման վրա: Ինչպե՞ս կարող ենք ստեղծել առողջ և երջանիկ հարաբերություններ: Առողջ և երջանիկ հարաբերությունները ձևավորվում են փոխադարձ հարգանքի, ազնիվ և բաց հաղորդակցության, ինչպես նաև միմյանց աջակցելու և հասկանալու պատրաստակամության հիման վրա: Կարևոր է հաշվի առնել զուգընկերոջ կարիքներն ու հետաքրքրությունները, ցուցաբերել կարեկցանք և փոխզիջումների պատրաստակամություն: 🤍Վստահության մթնոլորտի ստեղծումը և անձնական սահմանները հարգելը նույնպես կարևոր դեր են խաղում հարաբերությունների ամրապնդման գործում: ✦ Ինչպե՞ս են էմոցիաները ազդում մեր հարաբերությունների վրա🫨    Էմոցիաները կարևոր դեր են խաղում մեր հարաբերությունների մեջ ՝ որոշելով դրանց որակը և կայունությունը: Ինչպե՞ս կարող ենք կառավարել մեր էմոցիաները հարաբերությունների բարելավման համար:  Հարաբերությունները բարելավելու համար կարևոր է, որ կարողանաս վերահսկել քո էմոցիաները: ⛓️‍💥Հարաբերություններում էմոցիաների կառավարումը սկսվում է քո զգացմունքների գիտակցումից և վարքի վրա դրանց ազդեցությունից: Կարևոր է գտնել հանգստանալու ուղիներ, ինչպիսիք են խորը շնչելը կամ ընդմիջումներ անելը, որպեսզի իմպուլսիվ չգործեք: 🧘🏻‍♀️ Կարևոր է նաև լսել և հասկանալ զուգընկերոջ հույզերը ՝ միասին լուծումներ գտնելու և բախումներից խուսափելու համար: ✦ Ի՞նչ կարող ես սովորել քո նախկին հարաբերություններից😊    Նախկին հարաբերությունների փորձը կարող է արժեքավոր դաս լինել քո անձնական աճի և ապագա հարաբերությունների բարելավման համար: Ինչպե՞ս կարող ես օգտագործել այս փորձը հօգուտ քո բարեկեցության: Նախորդ հարաբերությունների փորձը օգնում է գիտակցել, թե որ վարքագծային օրինաչափություններն օգտակար են եղել, և որոնք՝ ոչ:⚖️ Դու կարող ես դասեր քաղել անցյալի սխալներից և հաջողություններից, որպեսզի ավելի պատրաստ լինես նոր հարաբերությունների: Սա քեզ թույլ է տալիս ավելի լավ հաշվի առնել քո հուզական և ֆիզիկական սահմանները, ինչպես նաև հարաբերությունների ակնկալիքները ՝ նպաստելով անձնական աճին և բարեկեցությանը 😀 — Պատրաստեց Մարգարիտա Մովսիսյանը։ ℹ️ Ավելին իմանալու և բժշկին կամ հոգեբանին անանուն հարց տալու համար անցի՛ր մեր կայք՝ www.TeensLIVE.am/ask

📎Ներկայացնում ենք բժիշկ-էնդոկրինոլոգ Իրինա Մուրադյանի հետ առցանց հանդիպման տեսագրությունը: Հանդիպմանը քննարկել ենք հետևյալ ենթաթեմաները` ✅ ի՞նչ փոփոխությունների է ենթարկվում դեռահասի մարմինը հասունացման շրջանում, ✅ հորմոնների ազդեցությունը մարմնի և հույզերի վրա, ✅ սեր և սիրահարվածություն, ✅ պատասխանատու վարքի ձևավորում և այլն։ 🔗 https://youtu.be/d_uR9BGQR44?si=cMIc4qVAAJf7-GQH

Կլիմայի փոփոխությունը  և մեր առողջությունը Հեղեղները և ինչպես պաշտպանվել ⚠️ Կլիմայի փոփոխության մյուս հետևանքներից են հեղեղները, որոնք կարող են առաջացնել համատարած ավերածություններ, մարդկային կորուստներ,վնասներ անձնական գույքին և հանրային առողջության կարևոր ենթակառուցվածքներին: Կլիմայի փոփոխության պատճառով ավելանում է նաև հեղեղների հաճախականությունը 🌧️ Հեղեղների հետևանքները ներառում են👇🏻 ❕Մահեր և վնասվածքներ խեղդվելու հետևանքով, ❕Ֆիզիկական տրավմա, սրտի կաթված, ❕Թունավորում, ❕Աղիքային և մի շարք այլ հիվանդությունների տարածման վտանգ։ 🦠 Ի՞նչ  անել հեղեղի դեպքում վարակիչ հիվանդություններից պաշտանվելու համար ✔️Բնակարանը/ տարածքը մաքրել լվացող-մաքրող միջոցներով (մաքրելիս կրել ռետինե երկարաճիտ կոշիկներ, անջրաթափանց ձեռնոցներ և գոգնոց), ✔️Խմելու և սննդի պատրաստման համար օգտագործել միայն եռացրած կամ շշալցված ջուր, ✔️Միրգը և բանջարեղենը մանրակրկիտ լվանալ եռացրած կամ շշալցված ջրով, ✔️Խուսափել բնակարանում/ տարածքում աղբի կուտակումներից, ✔️Օգտագործել միայն ջերմային մշակում անցած սնունդ, ✔️Հաճախակի լվանալ ձեռքերը, օգտագործել հակասեպտիկ միջոցներ։ 🔰Ինչքան էլ վտանգավոր լինեն նման աղետները, դու ապահով ես, եթե տեղեկացված ես՝ ինչպես պետք է գործել այդ դեպքերում։ ℹ️ «Իմ առողջությունը, իմ իրավունքը» արշավը իրագործվում է Առողջության համաշխարհային օրվա շրջանակում ԱՀԿ հայաստանյան գրասենյակի աջակցությամբ։ #WHO #TeensLIVE

💘Սեր և հարաբերություններ | Առողջ և անառողջ հարաբերություններ 🤔Իսկ քո կյանքում եղե՞լ է այսպես կոչված «միակողմանի սեր»։ Ինչպե՞ս ես կարողացել հաղթահարել դրա պատճառով առաջացած հոգեկան լարվածությունը: Այսօր քեզ եմ ներկայացնում փոքրիկ նյութ, որի շնորհիվ կարող ես հասկանալ ինքդ քեզ, քո զգացմունքները և կկարողանաս տարբերակել առողջ և անառողջ հարաբերությունները։ 🫣Ի՞նչ է սերը և ի՞նչ է սիրահարվածությունը Առաջին հայացքից այս բառերը իրար նման են, սակայն դրանք իրարից տարբերվում են ❤️Սեր Այս զգացումը ավելի խորն է, կայուն, իրական, երկկողմանի, կոմֆորտ, ինչպես նաև այստեղ գոյություն ունի հարգանք և վստահություն։ 🧚🏻‍♀️Սիրահարվածություն Այս զգացումը ավելի մակերեսային է, այն առաջնորդվում է ֆանտազիայով, ավելի բուռն է, առկա է հուզական լարվածություն, միակողմանի է։ ‼️Եթե դու մտածում ես,որ դու գտել ես և սիրում ես հենց այն մարդուն, ով հոգեպես քեզ հարազատ է, սակայն տվյալ մարդը ստիպում է քեզ անդադար անվստահություն զգալ, ապա հավատա` նման հարաբերությունները անառողջ են։ ❤️‍🔥Այն հարաբերություններում, որոնք հիմնված են փոխվստահության և հարգանքի վրա, չկան էմոցիոնալ տատանումներ, և դու քեզ կոմֆորտ ես զգում, համարվում են առողջ հարաբերություններ։ ⤵️Ինչպե՞ս ստեղծել առողջ հարաբերություններ 1. Չպետք է շտապել մտնել հարաբերությունների մեջ 2. Նախ հարկավոր է ճանաչել ինքդ քեզ ու քո անձին և աշխատել ինքնագնահատականի վրա 3. Հարաբերությունների մեջ պետք է գործի փոխադարձության, վստահության և աջակցության սկզբունքը 4. Ժամանակ, որը կտրամադրեք միասին անցկացնելու համար 5. Պետք է երկուսդ էլ պատրաստ լինեք փոխզիջումների 6. Սահմանիր քո անձնական սահմանները ⤵️Անառողջ հարաբերությունների պատճառով ի հայտ են գալիս մի շարք հետևանքներ։ Որո՞նք են դրանք 1. Տրավմա Ոչ առողջ հարաբերությունների պատճառով առաջացած հոգեկան ապրումները վատ են անդրադառնում մարդու առողջության վրա։ 2. Փոխկախյալություն Իրավիճակ, երբ զույգերից մեկը միշտ զոհաբերում է իր պահանջմունքները հանուն մյուսի։ Անառողջ հարաբերություններից հետո մարդու մոտ առաջացած այս սովորությունը կարող է շարունակվել։ 3. Խնդիրներ ինքնագնահատականի հետ Վնասված ինքնագնահատականի պատճառով մարդկանց համար դժվար է անգամ ադապտացվել որևէ նոր միջավայրի։ Այնպես որ ՀԻՇԻՐ քո ինքնագնահատականը քեզ համար պետք է լինի առաջնային կարևորություն: 4. Տուժում են կյանքի մյուս ոլորտները Վատ էմոցիոնալ վիճակում մարդիկ ցանկություն չեն ունենում աշխատելու, զբաղվելու որևէ գործով և այլն։ Որպեսզի կարողանաս ճիշտ կողմնորոշվել քո զգացմունքների մեջ և ճիշտ հասկանալ ինքդ քեզ, կպատասխանենք հետևյալ հարցին՝ 🌟Ինչի՞ն են սիրահարվում մարդիկ 1. Ծանոթ հոգեվիճակ Երբ գտնում ես այնպիսի մի մարդու, ով ցուցաբերում է քո հանդեպ հարազատ վերաբերմունք։ Դա կարող է լինել ինչպես օրինակ անտարբերություն, այնպես էլ` հոգատարություն։ 2. Ստեղծած կերպար Մեկը, ով դարձել է քեզ համար իդեալական, չունի թերություններ և այլն։ 3. Անհասանելիություն Երբ որևէ մեկը մեզ թվում է անդիպչելի, անհասանելի, մենք սկսում են ավելի շատ հետաքրքրվել և ձգտել նրան։ — Պատրաստեց Մարգարիտա Անուշավանյանը ℹ️ հոգեբանին կամ բժշկին անանուն հարց տալու համար՝ www.TeensLIVE.am/ask #TeensLIVE

Հանդիպում ենք օնլայն՝ վաղը 14:00-ին 📍

🌡️ Վերջին տարիներին նկատվող սովորականից բարձր ջերմաստիճանը, որը կլիմայի փոփոխության հետևանքներից մեկն է, կարող է լուրջ ազդեցություն ունենալ մեր առողջության վրա։ Կարևոր է, որ մենք բոլորս տեղյակ լինենք ծայրահեղ շոգի ռիսկերի մասին և թե ինչպես պաշտպանենք մեր առողջությունը, որպեսզի կարողանանք վայելել մեր ամառը։ ❓Ինչպե՞ս է շոգը ազդում մարդու առողջության վրա 💥Բարձր ջերմասիճանը կարող է ուղղակիորեն բացասական ազդեցություն ունենալ մարդկանց վրա:  ✨ Իսկ ինչպե՞ս կարող ենք պաշտպանվել շոգից 👚Կրեք բաց երանգների, օդաթափանց հագուստ, գլխարկ, արևապաշտպան քսուք (SPF 30/50)   💧Օգտագործեք սովորականից շատ հեղուկներ, հատկապես ջուր, 🚫Մի չարաշահեք կոֆեին, շաքար և ալկոհոլ պարունակող ըմպելիքները, 🕜Խուսափեք արևի ուղիղ ճառագայթներից 12։00-ից 17։00 ընկած ժամանակահատվածում, 🍒Օգտագործեք շատ միրգ և հում բանջարեղեն։ Փորձեք պահպանել այս կանոնները, որպեսզի ապահով լինեք շոգ եղանակին։ ℹ️ «Իմ առողջությունը, իմ իրավունքը» արշավը իրագործվում է Առողջության համաշխարհային օրվա շրջանակում ԱՀԿ հայաստանյան գրասենյակի աջակցությամբ։ #WHO #TeensLIVE #կլիմայիփոփոխություն

🌫️ Օդի աղտոտվածությունը վնասակար քիմիական նյութերիև կենսաբանական միկրոօրգանիզմների կուտակումն է մթնոլորտում։  🩻Ակնհայտ է, որ օդի աղտոտվածությունը վատ հետևանքներ է ունենում նաև մեր առողջության վրա․ ինչպե՞ս 📌Աղտոտված օդը վնասում է մեր առողջությունը՝ առաջացնելով մի շարք հիվանդություններ, որոնք կարող են անգամ մահացու լինել։ ❗️Շնչառական խնդիրներ. Աղտոտված օդում առկա վնասակար նյութերը կարող են մոլեկուլի չափերի լինե. այդ պատճառով չեն նկատվում մեր կողմից։ Սակայն դրանց ազդեցությունը զգալի է։  ❗️Քրոնիկ հիվանդության սրացում. Արդեն առկա առողջական խնդիրները, ինչպիսիք են  շնչառական խնդիրները, շաքարախտը, սրտի և այլ հիվանդությունները, կարող են սրվել և բերել լուրջ առողջական հետևանքների։ ❗️Աչքերի, քթի և կոկորդի բորբոքում․ Աղտոտված օդը կարող է առաջացնել գրգռվածություն և անհանգստություն աչքերում, քթի և կոկորդի մեջ։ ❗️Սրտի հետ կապված խնդիրներ․ Հաճախակի աղտոտված օդ շնչելը կարող է մեծացնել սրտի կաթվածի, ինսուլտի և սրտի այլ հիվանդությունների վտանգը: ✨Այսպիսով՝ օդի աղտոտվածությունը կարող է ազդել մեր մարմնի բազմաթիվ օրգանների վրա՝ սկսած թոքերից և սրտից, մինչև մեր իմունային համակարգ։ 🔰Շատ կարևոր է քայլեր ձեռնարկել օդի աղտոտվածությունը նվազեցնելու և մեր առողջությունը պաշտպանելու համար: ℹ️ «Իմ առողջությունը, իմ իրավունքը» արշավը իրագործվում է Առողջության համաշխարհային օրվա շրջանակում ԱՀԿ հայաստանյան գրասենյակի աջակցությամբ։ #WHO #TeensLIVE #աղտոտվածություն