مسـار | Masar

السلام عليكم ورحمة الله وبركاته ارجو الدعاء والمغفره لجد الأدمن مريم أحمد وربنا يصبرها ويصبر أهلها على فراقه ربنا يرحمه ويغفر له ويسكنه فسيح جناته يارب

امبارح لعبنا حلو اوي بجد لعبنا بشرف كنا بنلعب قدام الحكم والفيفا والارجنتين السيناريو كان وحش اوي حقيقي بس يكفي ان اللعيبه جابت آخرها لحد اخر دقيقه أحنا من اول كأس العالم مكناش حاطين امل اننا هنوصل الأرجنتين اصلا احنا قولنا هنخسر من بلجيكا ف الحمد لله اه الواحد هيتجنن من امبارح ازاي ده حصل وازاي كنا كسبانين ومره واحده تلاقي انك خسرت ف الحمد لله بجد، بس قولولي ازاي اتعافى من الماتش ده بجد لأن من امبارح محروق دمى وهتجنن😭

ساعات بنمر بأيام بنحس فيها بالإحباط، وبنبقى زعلانين ومش طايقين التفكير فيها لمجرد إننا حاسين بقلة حيلة تجاه حاجات معينة بتمناها في حياتنا ونفسنا تمشي... بس بلاش تيجوا على نفسكم بزيادة، ولا تلوموا ظروفكم ولا أحلامكم كل حاجة متأخرة ليها سبب والصبر على الحاجه اللي بنحبها هو اللي بيديها قيمة في الآخر بكره كل حاجة تتصلح وتيجوا تقولوا لعلها خير الحمد لله انها جات في الوقت ده 🧡

السلام عليكم ورحمة الله وبركاته أتمنى تكونوا بخير يا أحباب 🧡 _مش عارفه في هنا ثانويه عامه ولالا! ولكن حبيت ابلغ رساله دي كالعاده كل سنه _بإذن الله بكره اول امتحانات ثانويه عامه ربنا يعينكم ويوفقكم _ثانويه عامه هي بدايه وليس نهايه، بدايه لطريق جديد وحياه مختلفه _عارفه انكم خايفين ومتوترين حاسه بيكم حقيقي والله بس سيبوها على ربنا بجد واعرف ان اقدارك مكتوبه من قبل ما تتولد ما عليك إلا السعي! النتيجه دي مش بتاعتك نهائي! اهم حاجه متسيبش صلواتك وقراءه القرآن دا أهم حاجه بجد! وادعي بالتوفيق والتيسير وهي فتره بالطول وبالعرض هتعدي كده كده بس اهم حاجه الماده اللي تخلص ف هي خلصت متقعدش تراجع ولا تفكر فيها، فكر دايما في اللي جاي بعد كده _واخيرا كل الكليات ليها مستقبل وكل كليه انت اللي بتصنع نجاحك بيدك فيها وبتثبت نفسك فيها مش الكليه هي اللي هتخليك ناجح! بسكدا باااي🧡

السلام عليكم ورحمة الله وبركاته لو في يوم من الايام سيبت أثر قي القناه دي أو أفادت حد بمعلومه ف تدعوا ل ماما بالشفاء العاجل وانها تبقا كويسه وصحتها ترجع أحسن من الأول حقيقي انا محتاجه أوي الدعوات دي ل ماما اعز ما ليا 🤎

السلام عليكم ورحمة الله وبركاته اتمني جميعا تكونوا بأفضل حال وأن قبل نهاية شهر رمضان تكون جميع دعواتكم مستجابة🤍 من بعض كلماتكم حبيت اقولكم بس *إن خطة الوصول ملهاش طريق واحد* اوقات كتير تلاقي نفسك متعلق بالخطة اكتر من الهدف. لو رايح لحد من صحابك و هو باعتلك لوكيشن.. لو حصل و فوّت فتحة يمين.. اللوكيشن مش هيعطل و يقولك انك فشلت و مش هتوصل.. بالعكس هو هيعملك اعادة توجيه و ياخدك من سكه اطول شويه او هيدوّر علي طريق مختصر تاني عشان توصل لنفس المكان. خلي اهدافك في الحياة بنفس المنطق.. لو الطريق ده او الخطة دي منجحتش.. اعمل اعادة توجيه و شوف طريق و خطة جديدة يوصلوك لنفس المكان بطريقة مختلفة. *الهدف ليه مليون طريق.. متعلقش نفسك بطريق واحد بس* وافتكر ليس الطريق لمن سبق انما الطريق لمن صدق... ومتنسوش الصلاة على النبي فأنها تزيد من الأرزاق اللهم صلِّ وسلم وبارك على نبينا محمد🤍🤍

لقيت البوست ده قولت ابعته تاني علشان تحمدوا ربنا بجد عن كل حاجه في حياتكم وعن اللي حصل واللي بيحصل واللي هيحصل. اتأكد دايما ان رب الخير لا ياتي الا بالخير. الحمد لله بجد ديما وابدا❤️

مهم جدا. بعض الناس ينوي كل عام أن يختم؛ فيبدأ بالبقرة ثم آل عمران والنساء؛ ثم يفتر ويبدأ الملل.. فإما أن يواصل بصعوبة أو يتوقف عند التوبة مثلا. ونفسك كما تتحايل عليك؛ تحايل عليها. فباغتها هذا العام بأن تبدأ الختمة من سورة الكهف إلى أن تصل إلى الناس ثم تعود من البقرة في العشر الأواخر. وفي ذلك عدة فوائد: -الخمسة عشر جزءا متداولون على الأذن. -محببون إلى القلب (والقرءان كله عزيز) -السورة تنتهي سريعا وفي ذلك تحفيز للنفس. -النفس تميل إلى كل جديد.

كبرنا وبقينا بنفتح الايميل اكتر ما بنفتح الواتس مثلآ ف وانا بفلتر الايميل لقيت ده صدمني التاريخ حقيقي والله بس قولت دي فرصه اقولكم كل عام وانتم بخير ورمضان كريم وينعاد علينا بالخير امين ❤️

🌙 إخواني الكرام رمضان قرب خلاص، وشهر الصيام مش مجرد امتناع عن الأكل والشرب… ده عبادة محتاجة علم وفقه 👌 📌 الحمد لله نزل الفيديو الخامس من دورة فقه الصيام واللي فاته حاجة لسه قدامه الفرصة يلحق ويستدرك 💪 الفيديوهات قصيرة ⏱️، والاختبارات بسيطة، والعلم نافع بإذن الله. 💡 متكسلش دقائق النهارده ممكن تكون سبب قبول صيامك بكرة 🤍 كمان متنسوش تدلّوا صحابكم شارك اللينك مع حد بتحبه، يمكن تكون سبب في علم ينتفع به 📖 «والدال على الخير كفاعله» 🎯 شدّ حيلك وكمل وربنا يكتب لينا ولكم الأجر والنفع والقبول بالتوفيق للجميع رابط الجروب الخاص بالدورة: https://t.me/Youm_Eltaghyeer

«ولا أحد أحبُّ إليه المدحة من الله تعالى» أصبحتُ أثني عليك حمدًا، وأشهدُ أن لا إله إلَّا الله.

📌 كنز حرفيًّا لأهل القرآن والمقبلين على حفظه تخيَّل إنك من خلال رابط واحد تقدر تلاقي: • مدارسة لكل سورة من سور القرآن الكريم. • أهداف كل سورة. • التقسيم الموضوعي لكل سورة. • خرائط ذهنية. • تدبرات وتفسير. • القراءات العشر. • فضائل كل سورة، وكيفية ضبط حفظها. أيوه، كل ده في رابط واحد ومجّانًا بفضل الله ‼️ الرابط المباشر للملف على جوجل درايف 👇🏼❤️ https://drive.google.com/drive/folders/1KA2EkueVEh3Yfd-zkbmJN1vzokeydnx1 🔃❤️ قالَ رسولُ اللهِ ﷺ: «الدَّالُّ على الخَيْرِ كَفاعِلِهِ» — رواه الترمذي (2670) وقال: حديثٌ حسنٌ صحيح.

كل سنه الشيوخ بيقولوا حديث مكذوب ونقعد نحذر التايم لاين برضو كل ما رمضان يقرب: بلغ غيرك 🫵

جهز نفسك لشهر شعبان|الشيخ طارق نمر

رُوي أن فرعون قت*ل ١٢ ألف طفل رضيع ليتخلص من ذلك الغلام الذي سيهدد عرشه إذا كبُر، فأبى الله إلا أن يُربى ذلك الغلام في قصره! (والله غالب على أمره)

«أذكر أني رأيت أحد الفضلاء كثير البركةِ في وقتِه، يُنجز في اليومِ ما يضطلِعُ به سواه في أيام أو حتى أسابيع ! فسألتُه عن سر ذلك، فذكرَ لي أنه يُردد كثيراً في ساعات الصباح الأولى: «لا حول ولا قوة إلا بالله» ‏مستشعرًا افتِقاره وضعفه وحاجته، ووجدَ لها مفعولًا عجِيباً» -‏ سليمان العبودي

أذكار الصباح يا شباب (5 دقائق تحصنكم بإذن الله)

ان شاء الله هفوق بس من السنه دي وان شاء الله هيبقا في مفاجأت واهتمام اكتر بالقناه الصبر بس 🤌 يتم التسخين بس على نار هاديه جدا😂 أن شاء الله الرجوع هيبقا أقوى ف انتظرونا بقا🙈ودا كلام حقيقي مش كلام كده وكده 😒😂 ف ان شاء الله نرجع بالخير ونكون عند حسن ظنكم جميعآ ❤️ دمتم بالخير يا أحباب ❤️🙈