🩺القناة🫀

سيرفرات الفيس واقعة والكل فاكر حسابه اتهكر انا هنا بطمنك غالبا الفيس كله اتهكر مش حسابك بس

بم ان الترند بيخلص دي شوية تنبيهات لكل اتباع العوضي الراغبين في التوبة والعودة الى رشدهم: أولا لو انت لا تعاني من أمراض مزمنة: ١. لو بيحصل لك تنميل في الاطراف او تعب في ظهرك او جفاف واحمرار في العين او تقشير في الجلد أو ألم في جنابك أو ألم في صدرك خصوصا عند النوم أو تعب في مفاصلك --> دي من أعراض النظام العبيط اللي حارمك من المياة والبروتين والفيتامينات والمعادن الضرورية لجسمك ده مش جسمك بينضف نفسه جسمك عشان ينضف نفسه محتاج ماية وتحافظ ع الكلى والكبد وهما هيقوموا بالواجب ٢. جسمك بقى مش متعود على اطعمة كثيرة فلما ترجع وتاكل اكل البشر العادي هتتعب لأن جسمك فقد وظايف كثيرة فما تستعجلش ودخل الأطعمة واحدة واحدة التعب اللي بيحصل مش بسبب ان الأكل ده ضار أو وحش ده شيء مؤقت بسبب عدم التعود مش أكثر ٣. لو انت استمريت كثير ع النظام ممكن جسمك يبدأ يكون حساسيات لبعض الأطعمة اللي كنت بتاكلها بشكل عادي دي هتضطر تتجنبها للأسف فانتبه ٤. ممكن تحتاج بعض الفيتامينات والمعادن من الصيدلية بشكل مؤقت بس الأفضل تعمل تحاليل وتشوف ايه اللي ناقص عندك وتركز في التحاليل على صورة الدم والمعادن الأساسية وفيتامين د وفيتامين سي ٥. اهتم بشرب الماء ولو لقيت نفسك بتخش الحمام كتير اعمل سكر صايم وفاطر وتراكمي لأن ممكن للاسف يكون جسمك عمل مقاومة انسولين بسبب كثرة السكريات ٦. لو حسيت بأي مشاكل في نظرك ما تتأخرش في فحص البصر والسكر برده ثانيا بالنسبة للي عندهم أمراض مزمنة: مرضى السكر: في الغالب انت هتكون روحت المستشفى كذا مرة خلال اتباعك للهبل ده فاسمع كلام الدكاترة الله يهديك مرضى الضغط: لو لسة ما روحتش المستشفى ولسة عايش الحق نفسك وراقب ضغطك ونزله تدريجي وما تدمرش جسمك اكثر من كده مرضى القلب: انت غالبا الوقتي بتنهج وانت بتقرأ البوست الحق نفسك وروح افحص مرة تانية والتزم بالادوية مرضى المناعة: لو لسة عايش الحق نفسك والتزم بالادوية وارفع جرعاتها تدريجي زي ما بدأت أول مرة وقلل السكر بسرعة مرضى الكلى: لو لسة عايش قلل السكر بسرعة وزود المياة فورا مرضى القاولون والجهاز الهضمي: بعض الأطعمة هتكون مريحاك فعلا في منعها فرجع الأطعمة الاساسية بالتدريج عشان لو في حاجة معينة بتهيج القاولون بشكل كبير توقفها او تقلل منها وتعرفها هي تحديدا أخيرا: ممكن تحس ببعض المشاكل النفسية في تقبل بعض الأكل والتعايش الطبيعي مع النمط العادي للانسان لو ماعرفتش تتغلب ع الشعور ده راجع طبيبك النفسي ولو لقيت حاجة مضايقاك في دماغك كده ما تقلقش ده عقلك بدأ يشتغل تاني استحمله شوية وهتتعود عليه طبعا الكلام ده موجه للي عاوز يعيش طبيعي ويرجع لرشده أما اللي حابب حياة فأر التجارب كمل يا غالي انت بتفيدنا جدا وكل المعلومات دي عرفناها من تجاربنا عليكم بالفعل ❤️❤️

يوم السبت 23 مارس 1889 | في قاديان - الهند خرج رجل خمسيني يدعى غلام أحمد أعلن للناس أنه ملهم من الله وجاء مجددا لهذا الدين كان المسلمون في الهند يعيشون أوقاتا عصيبة بين احتلال بريطاني وضغط واضطهاد هندوسي مدعوم من الانجليز، ولم تكن الأمة الاسلامية وقتها في حال يسمح لها بعون أحد بل كان كل مشغول بنفسه يصارع من أجل اقامة دولة، او مقاومة احتلال، او صراع داخلي ،او حتى مناهضة الاحتلال العثماني الغاشم. خرج هذا الرجل في وسط أناس فقدوا الأمل لكن لم يفقدوا الدين بعد، فادعى أنه ملهم من الله لتجديد الدين، وقد كان رجلا يناقش ويناظر النصارى والهندوس أحيانا فلم يكن من الجهلة أو العوام مثلا. ظل سنتين يدعو الناس لمبايعته كملهم من الله فحسب حتى جاء العام 1891 اذا أعلن غلام أحمد أنه لم يقصد الالهام العادي والتوفيق بل يقصد الوحي وأنه أوحي اليه أنه "المهدي المنتظر" بل "والمسيح الموعود" فاندفع علماء المسلمين في الهند وغيرها لتكفيره واعلان أنه بذلك خرج من الدين لأنه أنكر معلوما من الدين بالضرورة وادعى النبوة فأنكر ادعاء النبوة في البداية وجرت مناظرات اجتهد فيها لتحريف الدين وتفسيره تفسيرات باطنية مخالفة للعقل والسياق واللغة وكل علماء التفسير وطبعا للصحابة والتابعين وغيرهم ثم وجد أن الانجليز لهم اليد الطولى هناك، وأن الهندوس يصعدون بدعم التاج البريطاني، فأراد أن يكون المحظي والممثل الشرعي للكتلة "المسلمة" عند الانجليز فخطب ودهم بانكار مشروعية الجهاد وادعاء أنه يوحى إليه بلغتهم ومن الوحي الذي أرسل اليه "I love You" فقد كانت الجملة الوحيدة التي يعرفها من الانجليزية وقد نجح في ذلك، فدعمته بريطانيا وخصصت له الأماكن والمعابد والأموال، واستمر دعمهم الى اليوم، حيث مقر هؤلاء الجماعة في لندن في وقتنا الحاضر. لكن غلام أحمد لم يتوقف عند هذا الحد فقبل وفاته بقليل ادعى أنه تجسيد لاله الهندس "كريشنا" وادعى وقتها النبوة بشكل صريح -بعدما كان انكرها في السابق- ثم لم يلبث أن توفي عام 1908 وهو رأسه في المرحاض رحلة عبثية استمرت 19 عاما فقط لكن استمرت دعوته الى اليوم واتباعه وصلوا الى خمسة ملايين حول العالم لن يفشل أبدا الدجال أن يجد له أتباعا ومريدين ومدافعين ومؤيدين لكن يظهر دائما في هذه الظروف حكمة العلماء الربانيين الذين تصدوا له بقوة منذ ظهوره الأول، قبل أن يخرج بدين جديد يشوه فيه العقيدة والشريعة. وتظهر سذاجة المميعين الذين يدعون الى الحوار الهادئ الناقد لأفكار نتنة بالية فبعض الأفكار لا يصح نقاشها وانما لا ينفع معها الا القاطع البتار أي تشابه بين الماضي والحاضر هو من قبيل أن الزمان يعيد نفسه وعلينا أخذ الحيطة والحذر والعبرة

أم ترمي ابنها وأب يرفض يستلمه طقل يتيم وابواه على قيد الحياة ده نتاج سنين من زرع مفاهيم مدمرة في المجتمع الحضانة مش حق للأم الحضانة حق للطفل وواجب على الأب والأم الحضانة مش مكسب للأم وخسارة للأب الحضانة عبء على الطرفين طرف ينفق وطرف يهتم مع عدم اهمال دور الأب في التربية سنين طويلة والنساء في مصر بيستغلوا الأطفال وحضانتهم في الضغط على الرجال وابتزازهم واستغلالهم والأغلب بتاخد الفلوس لنفسها وتحرم عيالها والراجل لما بيلاقي عند بيعند هو كمان على حساب عياله ويتهرب من النفقة وم المسؤولية الأب ده مجرم والأم كمان مجرمة بس غير اجرامهم فيه جرائم أكثر مش مصورة ولو استمرت القوانين زي ماهي والمجتمع زي ماهو هنلاقي جيش من أبناء الشوارع وأيتام الطلاق في كل شبر في مصر الحضانة حق للطفل ومسؤولية على الأبوين انقذوا الطفولة وانقذوا الأجيال الجديدة مش هنستحمل انهيار اكثر من كده للأسف

يعني ايه يبقى كشفك الف جنيه وانت مش مفصول من نقابة الأطباء ولا منتحل صفة طبيب؟! انت بتستعبط؟

اللهم إني أسألك أن تثيب كل من (ادعى مرضا وأنه تعافى منه) بأقصى وأقسى درجات المرض الذي ادعاه كذبا وزورا ليخدع الناس إن لم يتب ويبين للناس كما خدعهم اللهم إنهم تسببوا في أذى للأطفال والكبار فأذقهم لباس المرض الذي ادعوه واجعلهم عبرة لغيرهم يارب وأسألك أن تبصر كل مخدوع بما هو فيه وتنقذ الناس مما يحيط بهم إنك على كل شيء قدير وحسبنا الله ونعم الوكيل

اكثر الادعاءات سذاجة هو ادعاء أن النسوية ردة فعل مطالبة المرأة بالطاعة --> لا يقود للنسوية التذكير بالواجبات --> لا يقود للنسوية تطبيق الأحكام على المرأة --> لا يقود للنسوية ومن السذاجة أن نتحدث عن "غياب الخطاب الحقوقي للمرأة" في زمن لا صوت يعلو فوق صوت حقوق المرأة أصلا سواء الشرعية أو غير الشرعية والمصيبة أننا ان تكلمنا في حق المرأة في الحماية والرعاية والمكوث في البيت --> اعتبرنها حبسا لها ومنعا لها من حقها الوهمي في السنكحة والخروج من المنزل وان تكلمت في حقها في ان تكفى ماديا ولا تحتاج الى عمل --> اعتبرنها منعا لها من حقها الوهمي في العمل فالحقوق المطلوبة لديهن هي الحقوق التي ما أنزل الله بها من سلطان نفسي اعرف مين دول اللي ناسيين حقوق المرأة الأيام دي ده في مشايخ خلوا المرأة من حقها تجيب لها دخان وتولع لها السيجارة

الانسان كائن مميز وكل فرد في الانسان مميز كل فرد له بصمة صوت واصبع وعين مختلفة أما الحيوانات عبارة عن قطعان لها نظام غذائي شبه ثابت لو غيرته تتعب وتمرض فالحيوان العاشب لا يأكل غير الأعشاب والحيوان اللاحم لا يأكل الا اللحوم مستحيل تلاقي عاشب بياكل لحوم او لاحم معتمد ع الأعشاب ولو حصل هيتعب ويموت الانسان بقى ربنا خلقه متنوع متنوع في غذائه ومتنوع في صفاته فغير انه هو غذاؤه متنوع بيضم معظم المتاح أصلا من عشب ولحوم وخلافه هو كمان متنوع بين افراده فمفيش نظام غذائي ثابت لجنس الانسان كل فرد هتلاقي نظام غذائي يناسبه مختلف عن غيره بشكل كبير بيعتمد على عوامل جينية وصحية وبيئية وحتى على نشاطه وشغله وتفكيره ونفسيته فأي شخص يقول لك انا جبت نظام يصلح للجميع اعرف ان ده معتبرك حيوان وجزء من قطيع وعاوز يوحّد العلف سواء بقى النظام ده نباتي او كارنيفور او كيتو او خبيثات محدش بيربي بقر مثلا وينزل يسأل كل بقرة انتي عاوزة تاكلي ايه النهاردة ؟ وانت حر بقى تشوف اللي يناسبك ولا تعيش جزء من قطيع ؟!

حجة كنتم فين وهو عايش باظت منهم الحجة اللي بعدها هل جربته على نفسك او مرضاك الأول طبعا اللي يكتب كده يا جماعة تعرفوا ان حدود تفكيره أقل من البهيمة بجد مع الاعتذار للبهيمة كمان ليه بقى؟! الناس دي بتتلكك للدكاترة بحجة الادوية التجريبية وبتجربوا في الناس والادوية التجريبية بتكون عدت اختبارات امان لسنوات هو بقى عاوزنا نجرب نظام ظاهر الفساد والضرر على الناس بدون اختبارات امان ومش بس كده بأضرار أصلا ثابتة عموما احنا مش محتاجين نجرب على نفسنا ولا على مرضانا ولا حتى. عالفئران فئران التجارب بتجيلنا كل يوم العيادات والعنايات وبناخد منها نتائج فشل الدجال ونظامه باستمرار فانت كمل زي مانت انت فار التجارب بتاعنا عشان نعتبر بيك ويعتبر بيك العقلاء خد الدوا يا سمسم لتبقى زي عمو الفار اللي هناك ده

طب تمام

جميل ان الأب عارف ان بنته ما تتعاشرش ومش هتعمر مع جوزها الا لو كانت الجوازة ارخص م الطلاق فنصيحة يابن الناس روح للي جوازتها اغلى من الطلاق واللي اهلها عارفين انها هتعمر معاك عشان انت اللي محتاجها جنبك مش غصب عنك

ستعلم اذا انجلى الغبار أفرس تحتك أم حمار

سؤال يتكرر من اتباع الدجال الله ﷻ قال: "لقد خلقنا الإنسان في أحسن تقويم" فكيف يكون هناك أمراض وراثية؟! كيف يكون جسمه عنده استعداد للمرض؟! والحواب: أولا: معنى "أحسن تقويم" في تفاسير السلف (كابن عباس، ومجاهد، وقتادة) و أئمة التفسير المعتمدين (كابن جرير الطبري وابن كثير): ((لقد خلقنا الإنسان في أحسن تقويم)) لا تعني الحصانة المطلقة من الأمراض أو العيوب الجسدية لجميع الأفراد والتفسير الصحيح هو: استواء الخلقة وعموم الجنس: أن جنس الإنسان خُلِق في أعدل شكل وأجمل صورة مقارنة بسائر المخلوقات؛ يمشي قائماً منتصباً، ويأكل بيده، ولديه من الحواس والعقل ما يميزه. لذلك، وجود طفرة جينية أو مرض وراثي في بعض الأفراد لا ينفي أن أصل خلقة الجنس البشري وهيئته العامة هي في "أحسن تقويم" ثانيا: كمسلمين نؤمن بأن الله سبحانه وتعالى ربط المسببات بأسبابها في هذا الكون لحكمة بالغة. والأمراض الوراثية هي جزء من هذه السنن الكونية التي تجري بقدر الله. وقد أشار النبي ﷺ إلى انتقال الصفات الوراثية (ما نسميه اليوم علمياً بالجينات المتنحية والصفات الوراثية) في الحديث الشهير الذي يرويه الإمام البخاري: عَنْ أَبِي هُرَيْرَةَ: أَنَّ رَجُلًا أَتَى النَّبِيَّ ﷺ فَقَالَ: يَا رَسُولَ اللَّهِ، وُلِدَ لِي غُلَامٌ أَسْوَدُ! فَقَالَ: «هَلْ لَكَ مِنْ إِبِلٍ؟» قَالَ: نَعَمْ. قَالَ: «مَا أَلْوَانُهَا؟» قَالَ: حُمْرٌ. قَالَ: «هَلْ فِيهَا مِنْ أَوْرَقَ؟» (رمادي مائل للسواد) قَالَ: نَعَمْ. قَالَ: «فَأَنَّى كَانَ ذَلِكَ؟» قَالَ: أُرَاهُ عِرْقٌ نَزَعَهُ. قَالَ: «فَلَعَلَّ ابْنَكَ هَذَا نَزَعَهُ عِرْقٌ». هذا الحديث أصل شرعي في إثبات "العِرق" أو انتقال الصفات عبر الأجيال (الوراثة)، ولم يرَ النبي ﷺ في نزوع العرق تعارضاً مع خلق الله للإنسان في أحسن تقويم، بل هو من تمام تقدير الله العليم القدير. ثالثا: حكم الابتلاء والكمال البشري النسبي الدنيا ليست دار جزاء أو كمال مطلق، بل هي دار ابتلاء وامتحان. الكمال لله وحده: لو كان كل إنسان كاملاً مبرءاً من كل مرض وعيب، لتحولت الدنيا إلى جنة، ولانتفت الحكمة من خلق الموت والحياة والابتلاء. قال تعالى: الذي خلق الموت والحياة ليبلوكم أيكم أحسن عملاً [الملك: 2]. المرض ليس نقصاً في التكريم: المرض الوراثي أو الجسدي هو ابتلاء يرفع الله به الدرجات ويكفر به الخطايا ولذلك قال ابراهيم عليه السلام "واذا مرضت فهو يشفين" و"اذا" في اللغة تدل على تحقق وقوع الفعل فلم يقل "وان مرضت" حيث "ان" تستخدم للشك وتقليل احتمالية حدوث المرض لكن استخدم "واذا مرضت" لأن وقوع المرض محقق ومرض ابراهيم عليه السلام ومرض محمد ﷺ وليس في أي من هذا اهانة لهم او نقص في كمالهم فالانبياء أكمل البشر خلقا وخلقا وفي الحديث المتفق عليه: «مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ، حَتَّى الشَّوْكَةِ يُشَاكُهَا، إِلَّا كَفَّرَ اللَّهُ بِهَا مِنْ خَطَايَاهُ» [البخاري ومسلم]. بالمقابلة تظهر النعم: يذكر العلماء (كابن القيم في شفاء العليل) أن الله يخلق السقيم ليعرف الصحيح قدر نعمة الله عليه، ويخلق البلاء لتظهر عبودية الصبر من المبتلَى، وعبودية الشكر والرحمة والطب من المعافى. الخلاصة: الآية تتحدث عن جنس الإنسان وهيكله العام مقارنة بالكائنات الأخرى، ولا تتحدث عن الأفراد والحديث يُثبت السنن الوراثية ("نزعه عِرق")، والعقيدة تفسر المرض بأنه ابتلاء لحكمة، وليس خللاً في تقدير العزيز الحكيم. والكمال المطلق ليس من صفات الدنيا ولا من صفات المخلوق.

بمناسبة الواد بتاع التورتة والصليب الناس اللي شغالة في اوروبا في الخنزير والخمر سواء مطاعم او مصانع او مزارع شغلكم حرام وفلوسكم حرام والمال الذي نبت من حرام فالنار أولى به الحق سيب الشغل ده وطهر نفسك من الأكل الحرام ودور على رزق حلال حتى لو أصعب ولو بفلوس أقل دينك وآخرتك أهم ..

الطلبات المبالغ فيها مش شرط يكونوا ماديين ممكن انت اوحيت ليهم انك مرتاح ويقدروا يطلبوا براحتهم لذلك كن صريحا اللي ما تقدرش عليه ارفضه بشكل صريح وواضح وقول انا مقدرتي كذا وهنا لو كملوا وقدروا يبقوا ناس كويسة لو ماديين هيخلعوا ويحاولوا يبوظوا الموضوع اللي تقدر عليه ≠ حدود قدراتك اللي تقدر عليه = المبلغ اللي انت مستعد تدفعه في الزواج حتى لو معاك اضعافه والنصيحة هنا: حدد مبلغ اقصى للزواج وخطة معينة ولا تحيد عنها ابدا ولا توحي لمن أمامك انك تمتلك مال قارون لاتمام الزواج بأي شكل فانت تفتح على نفسك باب جهنم بهذه الطريقة