HAILE GEBRIEL - በማለዳ ንቁ

=> ድንግል ሆይ፣ ቅድስት ሆይ፣ ንጽሕት ሆይ፣ የተመሰገንሽ ቡርክት ሆይ የድግልናሽ ምስጋና በኹሉ መላ። ውዳሴሽም በዓለም ዙሪያ ሰፈፈ => የውቅያኖስ ባሕር በምልአቱ ውሱን ነው የሐኖስም ባሕር በመጠኑ ልክ አለው፤ => ለአንቺ ምስጋና ግን ልክና መጠን ወሰንና መስፈርት፣ ማለቂያም የለውም አእምሮም አይወስነውም አንደበትም ተናግሮ ሊፈጽመው አይችልም። => ኦ ድንግል፣ ኦ ቅድስት፣ ኦ ንጽሕት፣ ኦ ቡሩክት፣ ኦ ኅሪት፣ ስብሐተ ድንግልናኪ መልአ በኵለሄ ወውዳሴ ዚአኪ ሰፈፈ ውስተ ኵሉ አጽናፈ ዓለም፤ ባሕረ ውቅያኖስ ውሱን በድንጋጊሁ ወባሕረ ሐኖስኒ ዐቅም ቦ በአምጣኒሁ ወለስብሐተ ዘኣኪሰ አልቦቱ ማኅለቅት ወኅሊናኒ ኢይክል አግምሮቶ ወልሳንኒ ኢይክል ፈጽሞቶ" (አርጋኖን ዘሰኑይ ፰ ÷ ፲ - ፳፰) #Subscribe #Like #Share    👇👇👇👇 www.youtube.com/@haileG2239 www.youtube.com/@pagumentube

በፍጹም ክፉ መንፈስ ነው ብለን ሳይሆን ‹‹ሰው ነው፣ እከሌ ነው እንዲህ ያደረገኝ፣ ያበላሸብን›› ብለን ስለምናስብ በውጭ ሆነው የሚፈትኑን ክፉ መናፍስትን ሴራቸውን፣ በእኛ ላይ ያለቸውን ውጫዊ ጠላትነታቸውን በቀላሉ አንረዳም፡፡ የውስጣዊ ጠላት የሆኑት ክፉ መናፍስት ውስጣችን ስላሉ በጾም፣ በጸሎት፣ በስግደት፣ ጸበል በመጠመቅ፣ ቅዱስ ቁርባን በመቀበል ድል ልንነሳቸው እና ከሕይወታችን ልናርቃቸው እንችላለን፡፡ የውጫዊ ጠላቶቻችን ግን በሰው ላይ እያደሩ፣ ከፊት እየቀደሙ ስለሚፈትኑን በቀላሉ በመንሳዊ የጦር ዕቃዎች ተዋግተን ልናርቃቸው አንችልም፡፡ ካወቅንባቸው ፈጣሪ ከእኛ እንዲያርቃቸው መጸለይ ነው፡፡ ምክንያቱም የሚዋጉን በውስጥ እና ፊት ለፊት ሳይሆን የእነሱ ተወካይ በሆነው በሰው ላይ አድረው ስለሆነ ነው፡፡ ውጊያቸው የትንቅንቅ ሳይሆን የሽምቅ ነው፡፡ በሰው ላይ አድረው ብቅ ብለው የሚሠሩትን ሠርተው፣ ሰውዬውን እኛን ለመጉዳት እንደ መሣሪያ ተጠቅመው ሽል ይላሉ፡፡ አይዛዙም፣ አይታዩም፣ አይጨበጡም፡፡ ለምሳሌ ገርግር ዓይነ ጥላ የተባለውን ብንመለከት ይህ ክፉ መንፈስ በውስጣችን ሳይኖር ነገር ግን በሰው ላይ እያደረ ብዙ ነገራችንን ሊያበላሽ እና ሊዘጋብን ይችላል፡፡ በጥሩ ውጤት የተመረቃችሁበትን ዲግሪ/ ማስትሬት ዲግሪ/ እና ብቁ የሥራ ልምዳችሁን ይዛችሁ ተወዳድራችሁ ያለፋችሁትን ሥራ ግርግር ዓይነ ጥላ በሚፈትናችሁ ሰው ላይ አድሮ ሊጥላችሁ ይችላል፡፡ መንፈሱ ስለሚጠላችሁ የእውቀት ፈተናን አልፋችሁ የአንደበት ፈተና በሆነው ይጥላቹኃል፡፡ ፈተናችሁን እና ሁሉን ነገር በብቃት አልፋችሁ የቅጥር ውል ልትፈራረሙ ስትሉ ቀጣሪያችሁ ዓይነ ውኃቹን አይቶ አስጠልታችሁን ውሉን ሊተው ይችላል፡፡ ይህ እና ይህን የመሳሰሉት ዕድሎቻችን የሚበላሹት በውጭ ሆነው በሰው እያደሩ በሚፈትኑን ክፉ መናፍስት ነው፡፡ አንድ ነገር ጀምሮ በቀላሉ በሰው የሚበላሽበት ሰው የሚወቅሰው፣ አበላሸብን ብሎ የሚያስበው ሰውን እንጂ ውጫዊ ጠላቱን ክፉ መንፈስን አይደለም፡፡ በሰው የሚበላሹብን ነገሮች ውጫዊ ጠላቶቻችን የሆኑት ክፉ መናፍስት ናቸው ብለን በፍጹም አናስብን፡፡ ምክንያቱም የምንከሰው እና የምንወቅሰው በሥጋ ዓይናችን የምናየውን ሰውን እንጂ በዓይን የማናያቸውን ክፉ መናፍስትን ስላልሆ፡፡ የውጫዊ ጠላት ትልቁ ጉዳት፣ የእኛ ጠላት ብቻ ሳይሆን የሰውዬው ጠላትም ይጎዳናል ብዙ ነገር ያበላሽብናል፡፡ ለምሳሌ ሰውዬው ዛር ያለበት ከሆነ፤ እናንተ ደግሞ ጥሩ መንፈሳዊ እና የጸሎት ሰው ከሆናችሁ እናንተ ላይ ያለው ቅዱስ መንፈስ እና ሰውዬው ላይ ያለው ርኩስ መንፈስ ስለሚጋጭ ሰውዬው ያለምንም ምክንያት ሊጠላችሁ እና ጉዳያችሁን ሊፈጽምላችሁ ሊያስፈጽምላችሁ አይችልም፡፡ ሰውዬው ላይ ዓይነ ጥላ፣ ቡዳ እና የዛር ቡዳ ካለበት ገና ሲያያችሁ ታስጠሉታላችሁ፡፡ የእናንተን ጉዳይ ከሚፈጽም ሞት ይሻለዋል፡፡ ያመናጭቃችሃል፣ ያዋክባቹሃል፣ ያለ ምክንያት ምክንያት ፈልጎ ለሌላ ቀን ይቀጥራቹሃል አልያም አይፈጽምላቹም፡፡ አንዳንድ ሰው ጥሎበት በውስጡ ካሉት ውስጣዊ ጠላቶች ይልቅ የሰዎች ውጫዊ ጠላቶች እጅጉን ይፈትኗቸዋል ሕይወታቸውን ያከብዱባቸዋል፡፡ እነሱ ላይ ያለው ክፉ መንፈስ የእኛን ነገር በማነፍነፍ ለማበላሸት እና ለማጨናገፍ በብዙ ይጥራል፡፡ ብዙ ሰው ‹‹እከሌ ጎዳኝ፣ ይህን ነገሬን አበላሸብኝ›› ይላል፡፡ ነገር ግን በሰውዬው ላይ ያለው ወይም ያደረው የውጭ ጠላቱ ነገሮቹን እንዳበለሸና እንደጎዳው አይረዳም፡፡ ትዝ ካላችሁ የጌታችን ጠላት የሆነው ሰይጣን ጌታችንን ፊት ለፊት መዋጋት እና ማሳደድ ስላልቻ በሄሮድስ ላይ አድሮ ነው እስከሞት የፈለገው እና ያሳደደው፡፡ ሰይጣን ለጌታችን በሄሮድስ/በሰው ላይ ያደረ ውጫዊ ጠላት ነበር የሆነበት፡፡ እመቤታችን በስደቷ ወራት ሰይጣን ፊት ለፊት መዋጋት ስላልቻላት፣ በሰው ላይ እያደረ ውጫዊ ጠላት ሆኗት ሰዎች እንዳይራሩላት፣ ርቧት ምግብ እንዳይሰጧት፣ ውኃ ጠምቷት ውኃ እንዳይሰጧት ሲፈትናት ነበር፡፡ እኛንም ልክ እንደዚሁ ከሰዎች መልካም የሆኑ ነገሮች ወደ እኛ እንዳይመጡ፣ ሕይወታችንን እንዳይለውጡ በሰው እያደረ ያስቀራል ያበላሻል፡፡ ስለዚህ ‹‹እኔ ጠላት የለብኝም›› ብለን ከመዘናጋት ከውስጣዊ እና ከውጫዊ ጠላት ለመላቀቅ በአምልኮት ሕይወት መበረታት ይገባናል፡፡ ‹‹ስለዚህ ጌታ እግዚአብሔር እንዲህ ይላል፡፡ በምድሪቱ ዙሪያ ጠላት ይመጣል›› ት.አሞጽ 3÷11 #Subscribe #Like #Share    👇👇👇👇 www.youtube.com/@haileG2239 www.youtube.com/@Estifanos2239