HAILE GEBRIEL - በማለዳ ንቁ

🍂✨ #ቅዱስ_ጊዮርጊስ ሆይ አንተን በመታመን ለጠራህ ሁሉ ፈጥነህ ስትደርስለት ከአውሎ ነፋስ ይልቅ ፈጥነህ ነው እኮን። #ጊዮርጊስ ሆይ የዘውትር ጸሎቴንና የቃሌንም የልመና ጩኸት ትቀበል ዘንድ ለይቅርታና ለምሕረት ፈጥነህ ወደኔ ቅረብ። /መልክአ ጊዮርጊስ/ የታላቁ ሰማእት የቅዱስ ጊዮርጊስ ረድኤት በረከቱ ጥበቃው አማላጅነቱ ከሀገራችን ከ #ኢትዮጵያ ከእኛም ጋር ጸንቶ ይኑር!!

+ እግዚአብሔር ይመስገን! የተወገዘ የምግብ አብሳይ የዘረኞች ቡድን የማያስቆመዉን መንፈሳዊ አገልግሎት እሑድ መሰከረም 25 እና ሰኞ መሰከረም 26, 2018 ዓ.ም Sunday - October 5 To Monday October 6, 2025 G.C ለመስጠት  በሰላም አሜሪካን ገብተናል! + ህዝበ ክርስቲያን የሚድነዉ በሰላጣ አሰራር፣ በጥሬ ስጋ አቆራረጥ ሳይሆን ለቅዱስ እግዚአብሔር ዝቅ ብሎ በመንበርከክ ስጋን በማድከም ነፍስን በበረከት በማጎልበት እንደሆነ ህዝበ ክርቲያኑ ከሚባለዉ እና ከሚነገረዉ በላይ ተረድቶ በኑሮዉም ላይ ለዉጥ አይቶበታል። ታድያ ይሄን ጠንካራ መንፈሳዊ ምዕመን ለማሰናከል መሞከር የሆነ ሚድያ ላይ ቢላዋና መክተፊያ ይዞ ስለ ምግብ ቅቀላ እንደማዉራት ቀላል አይደለም። + አገልጋይ የሚመራ ነው፡፡ ከፊት ይቀድማል፡፡ አገልጋይ የሚከተል ነው፡፡ ለእውነት ዘብ ይቆማል፡፡ አገልጋይ የሚመክር ነው፡፡ በአንደበቱ ብቻ አይደለም ሕይወቱም ይመሰክራል፡፡ አገልጋይ የሚገስጽ ነው፡፡ ትውልዱ ግራ ዘመም በሆነ ጊዜ ቀኙን ያሳያል፡፡ አገልጋይ የሚያጽናና ነው፡፡ ግራ ግብት በሚለን ጊዜ ምርኩዝ ይሆናል፡፡ አገልጋይ ከምንም ከሁሉ አስቀድሞ ከወደቁት ጎን የሚሰለፍ ነው፡፡ ታች ያሉትን የሚያይ፡፡ ዘመን፣ ሰይጣንና ሰው የጣላቸውን ሰዎች ማየት የሚችል፡፡ ችግራቸውን የሚካፈል። ስቃያቸውን የሚጋራ፡፡ ማንም ያላያቸውን የሚያይ ነዉ፡፡ እውነተኛ አገልጋይ የሚዋጋው ከፊት ያለውን ስለሚጠላ ሳይሆን ከኋላ ያሉትን ስለሚወድ ነው! + የመንፈሳዊ ዝምድና ሞትን ተሻግሮ የሚሄድ ለዛ ነው ወዳጄ ዝምታው አቅቶን አይደለም ከስጋ የተወለደ ስጋ ነው። ለዛ ነው ዝምታው አቅም አንሶን ጉልበት አጥተን አይደለም። "ክፉ የሚያደርግ ሁሉ ብርሃንን ይጠላልና፥ ሥራውም እንዳይገለጥ ወደ ብርሃን አይመጣም" (የዮሐንስ ወንጌል 3፥20)

✨🌹   #ብዙኃን_ማርያም   🌹 መስከረም  21 ✨በቤተ ክርስቲያናችን ከሚዘከሩ የእመቤታችን ቅድስት ድንግል ማርያም ክብረ በዓላት መካከል መስከረም ፳፩ ቀን የሚውለው በዓል ‹‹ብዙኃን ማርያም›› በመባል ይታወቃል፡፡     በዓሉ በሁለት ዐበይት ምክንያቶች ይከበራል፤ ✨ #የመጀመሪያው በቤተክርስቲያን ታሪክ በ፫፻፳፭ ዓ/ም  ሊቃውንተ ቤተ ክርስቲያን ሃይማኖታዊ ውሳኔ ለማዘጋጀት  ከሩቅም ከቅርብም በኒቂያ የተሰባበሰቡት ቀን፤ ✨ #ሁለተኛው ደግሞ ጌታችን መድኀኒታችን ኢየሱስ ክርስቶስ የተሰቀለበት ዕፀ መስቀል / ግማደ መስቀሉ / በግሸን ደብረ ከርቤ የተቀመጠበት ዕለት መኾኑ ነው፡፡ ✨ +   +   +    #ጉባዔ_ኒቅያ    +   +   + ✨ 🍂  በ፫፻፳፭ ዓ.ም አርዮስ የሚባል መናፍቅ የእግዚአብሔር ወልድን የባሕርይ አምላክነት አልቀበልም በሚል ክህደት እርሱ ተሰናክሎ ለሌሎችም መሰናክል ኾነ፡፡ ኦርቶዶክሳውያን ሊቃውንት አርዮስ ክህደቱን እንዲተው ቢመክሩትም ሊመለስ አልቻለም፡፡ ይህ የአርዮስ ክህደትም በሊቃውንቱ መካከል መለያየትን ፈጥሯል፡፡ 🍂  ጊዜው ታላቁ ንጉሥ #ቈስጠንጢኖስ ‹‹አብያተ ጣዖታት ይትአጸዋ አብያተ ክርስቲያናት ይትረኀዋ፤ የጣዖታት ቤቶች ይዘጉ! አብያተ ክርስቲያናት ይከፈቱ!›› የሚል ዐዋጅ የነገረበት ወቅት ነበርና ንጉሥ ቈስጠንጢኖስ በአርዮስ ክህደት ምክንያት በኒቅያ የሃይማኖት ጉባኤ እንዲካሔድ በየአገሩ ላሉ ሊቃውንት መልእክት አስተላለፈ፡፡ 🍂 በዚህም መሠረት ከሚያዝያ ፳፩ ቀን ጀምሮ እስከ መስከረም ፳፩ ቀን ድረስ ፳፫፻፵፰ /  #ሁለት_ሺሕ_ሦስት_መቶ_ዐርባ_ስምንት / ሊቃውንት በኒቅያ ተሰበሰቡ፡፡ 🍂 ሊቃውንቱ ሱባዔ ይዘው በጸሎት ከቆዩ በኋላ ኅዳር ፱ ቀን በንጉሥ ቈስጠንጢኖስ ሊቀ መንበርነት፣ በ #እለእስክንድሮስ አፈ ጉባኤነት ጉባኤው ተጀመረ፡፡ ንጉሡ ሊቃውንቱን “ስማችሁን፣ አገራችሁንና ሃይማኖታችሁን ጽፋችሁ ስጡኝ” ባላቸው ጊዜም ከ፳፫፻፵፰ቱ (2348) መካከል ፫፻፲፰ (318) ሊቃውንት ሃይማኖታቸውን ሲገልጹ እንደ አንድ ልብ መካሪ፣ እንደ አንድ ቃል ተናጋሪ ኾነው “ #ዘዕሩይ_ምስለ_አብ_በመለኮቱ፤ ወልድ ከአብና ከመንፈስ ቅዱስ ጋር በመለኮት፣ በሥልጣን፣ በፈቃድ፣ በህልውና አንድ ነው” ብለው ጽፈው ሰጡት፡፡ 🍂  ንጉሡም “ #ሃይማኖት እንደ ፫፻፲፰ቱ ሊቃውንት ይኹን” ብሎ ዐዋጅ አስነግሯል፡፡ እነዚህ ሊቃውንት በኦሪት ዘፍጥረት የተጠቀሱት ፫፻፲፰ቱ የአብርሃም ብላቴኖች ምሳሌዎች ናቸው /ዘፍ.፲፬፥፲፬/፡፡ ፫፻፲፰ቱ ሊቃውንት በጉባኤው አርዮስን አውግዘው በመለየት ✨ “ነአምን በአሐዱ አምላክ፤ በአንድ አምላክ እናምናለን” የሚለውን የሃይማኖት ጸሎት (የሃይማኖት መሠረት) እና ሌሎችንም የሃይማኖት ውሳኔዎችን ደንግገዋል፡፡ ሊቃውንቱ ጉባኤውን ያካሔዱት ኅዳር ፱ ቀን ይኹን እንጂ በአንድነት የተሰባሰቡት #መስከረም_፳፩ ቀን ስለ ነበረ ይህ ዕለት “#ብዙኃን_ማርያም” እየተባለ ይጠራል፡፡ ብዙ የቤተ ክርስቲያን አባቶች ለሃይማኖታዊ ጉባኤ የተሳባሰቡበት ዕለት ነውና፡፡ ✨ +    +   +    #ዕፀ_መስቀል    +   +  + ✨ 🍂 በሌላ በኩል መስከረም ፳፩ ቀን የጌታችን መድኀኒታችን ኢየሱስ ክርስቶስ መስቀል በአምባሰል ተራራ በግሸን ደብረ ከርቤ የገባበትና በዓሉ የከበረበት ዕለት ነው፡፡ 🍂   +     +     +   🍂   የእመቤታችን  ቅድስት ድንግል ማርያም አማላጅነት 🙏🏽 የቅዱስ መስቀሉ ረድኤት ጥበቃ አይለየን 🙏🏽 በዓሉም የሰላም የበረከት የረድኤት በዓል ይሁንልን🙏🏽      ✨✨✨✨✨✨✨

".. የአለም ጩኸት ጆሮቼን ሲደፍነው፣ ያንተን ለስላሳ ሹክሹክታ መስማት ተሳነኝ። በሰዎች አስተያየት ማዕበል ስወሰድ፣ በራሴ ምኞት ጫጫታ ስዋጥ፣ የነፍሴን ፀጥታ አጣሁ። አሁን ግን ዙሪያዬ ካለው ግርግር ራሴን ሳገልል፣ በውስጤ ፀጥታ ውስጥ አስተጋብቶ የሚሰማው ያንተ ድምፅ ብቻ ሆነ። ለካስ ላንተ ለመቅረብ፣ ከአለም መራቅ ሳይሆን ከራሴ ጫጫታ መውጣት ነበረብኝ።" #Subscribe #Like #Share 👇👇👇👇 www.youtube.com/@haileG2239 https://www.youtube.com/@estifo2239