Finote Hiwot የቀጨኔ ደብረ ሰላም መድኀኔ ዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት

#ጳጉሜ_ሦስት #አንኳን_ለሊቀ_መላእክት_ቅዱስ_ሩፋኤል_በዓለ_ሲመቱ_ቅዳሴ_ቤቱ_እና_ለአቡን_መልከ_ጼዴቅ_ዓመታዊ_ክብረ_በዓል_በሰላም_አደረሳቹ #ቅዱስ_ሩፋኤል ከሊቃነ መላእክት ሦስተኛው ሲሆን የስሙ ትርጓሜ እግዚአብሄር ሐኪሜ ነው ማለት ነው፡፡ የመጀመሪያው ዕድል ፋንታውም ራማ ነበረች ከዛም መናብርት(በራማ ሰማይ ሁለተኛ ክፍል ላይ የሰፈሩ፣በነገድ 10 ለሚሆኑ፣ በፍጥነታቸው እጅግ ረቂቃን ፤ ከነፍስ ይለቅ የሚፈጥኑ ) ተብለው ሊሚጠሩ መላእክት አለቃ ሆኖ ተሹማል ቦኃላም መጋብያን ለሚባሉ ሃያ ሶስቱ ነገድ ሾሞታል፡፡ ይህችም ዕለት በዓለ #ሲመቱ ናት፡፡ሰማያዊውን መዝገብ (መዝገበ ፀሎት) ላይ የተሾመ ነው ❖ ሐዋርያትም ጌታችንን ቅዱስ ሩፋኤልን እንዲያስተዋውቃቸው በለመኑት ጌዜ ፡ጌታም ሦስቱን ሊቃናት ጠራቸው ቅዱስ ሩፋኤልንም ክብሩን እንዲንግራቸው ጌታችን አዘዘው ፤ ቅዱስ ሩፋኤልም በዙ ምስጢራትምን አና ስለ ቃልኪዳኑ ( ስሙን ለሚጠሩ እና መታሰቢያውን ለሚያደርጉ ) ነግሮዋቸዋል በመጽሐፈ ጦቢት ለይ ተጽፎ እንደምናገኝው እርሱ አዛርያን መስሎ ጦብያን ለትዳር አብቅቶ ሣራን አስማንድዮስ ከሚባል ሰይጣን አድኖ፡ የጦቢትን ዓይን አብርቷል፡፡ ❖ በዚህችም ዕለት ከእስክንድርያ ውጪ በደሴት የታነፀች ፡ በከበር ሊቀ ጳጳስ ቴዎፍሎስ ዘመን በውስጧ ተአምር የገለፀባት የከበረችበት ዕለት ነው:: ( #ቅዳሴ ቤቱ)፡፡ ይህም እንዲህ ነው ሃብታም ሴት ከብዙ ሰው ጋር ወደ ሊቀ ጳጳሳት አባ ቴዎፍሎስ መጣች ፡ ከባሏም የወረሰችው ብዙ ገንዘብ አላት በእርሱም ቤት አንጻር ያለውን ኮረብታ አስቆፈረችው በጥቅምት ወር ዐሥራ ስምንት ቀን እንደጻፍን የወርቅ መዝገብ ተገለጠ፡፡ በዚያም ወርቅ ብዙዎች አብያተ ቤተክርስቲያናትን አነፀ ፤ ከነርሱም አንዲቱ በመልአኩ ቅዱስ ሩፋኤል ስም የታነጸች ናት፡፡ ተሠርታም ባለቀች ጌዜ በዚህች ቀን አከበራት ፡፡ ብዙ ምእመናንም በቤተ ክርስቲያን ውስጥ እያሉ ቤተ ክርስቲያኒቱ ፈጽማ ተናወጸች ያቺ ደሴት በታላቅ አንበሪ ጀርባ ላይ የቆመች ናትና የሰዎቹ ብዛትም በከበደው ጊዜ ቤተክርስቲያኒቱን ያፈርሳት ዘንድ ሰይጣን አነሳሳው፡፡ ወደ ክብር ባለቤት እግዚአብሄር በከበረ ጩኅት ወደ እግዚአብሄር ጮሁ፡፡ ያን ጊዜም የከበረ ቅዱስ ሩፋኤል ያንን አንበሪ በጦሩ ወግቶ እንዲ አለው "እግዚአብሄር አዞካል እና ሳትናወጽ ፀጥ ብለክ ቁም" ፡፡ አንበሪውም ጸጥ ብሎ ቆመ አልታወከም በውስጧም ድንቅ ተአምሮች ተገለጡ ለህሙማንም ፈውስ ሆነ፡፡ ❖ ይህችም ቤተክርስቲያን እስላሞች እስከ ተነሱባት ኖረች ከዚህም ቦሃላ ለሁለተኛ ጊዜ ያ አንበሪ ተናወጻ ደሴቲቱም በላይዋ ከሚኖሩ ብዙ ሕዝብ ጋር ሰመጠች ፡፡ #ቅዱስ_ሩፋኤል · መስተፈስሒ (ልቡናን ደስ የሚያሰኝ) · አቃቤ ሥራይ (ባለ መድኃኒት) · መዝገበ ፀሎት ( የፀሎት መዝገብ መክፈቻ የተሰጠው) · ለቀ መናብርት · ፈታሔ ማኅጸን እንዲሁም ምጥን የሚያቀል እየተባለም ይጠራል፡፡ ምልጃውና ጠብቆቱ አይለየን #ካህኑ_መልከ_ጼድቅ ካህኑ መልከ ጼድቅ ቅዱስ "ጳውሎስ ለመልኩ ቁጥር የለውም ለዘመኑም ጥንትና ፍጻሜ የለውም "ይለዋል ዕብ 7÷3 ሐዋርያው ይህንን ያለው ለወልደ እግዚአብሔር ምሳሌ ሲያደርገው እንጂ ትውልዱም ከነገደ ካም ነው፡፡ ወላጆቹም ሚልኪ እና ሰሊማ ይባላሉ ገና ከእናቱ ማኅፀን የተመረጠ ቅዱስ ካህን ፡ ንጉሠ ሳሌም ይባላል፡፡ ካህኑ መልከ ጼድቅ እጅግ ክቡርም ነው ፡፡ አባታችን አብርሃም ጠላቶቹን ድል አድርጎ ከምርኮ በተመለሰ ጊዜም ካህኑ ሊቀበለው ወይኑን እና ህብሰቱን ይዞ መጣ፡፡ ወይኑን እና ህብሰቱን የ ቅዱስ ሥጋ እና ደሙ ካህኑ መልከ ጼድቅ የካህናት ፣ አበ ብዙኃን አብርሃም ደግሞ የምእመናን ምሳሌ ሆነዋል፡፡ #ጳጉሜ_ሦስት #ኢትዮጽያዊው ንጉሥ አፄ ዘርዓ ያዕቆብ ዕረፍቱ ነው #ርኃወተ_ሰማይ ይህች ዕለት የሰዎች ሁሉ ጸሎት የሚያርግባት አራተኛዋ መጋቢ ኮከብ የሚያልፍባት ለሰው ልጆች ከፍጣሪያቸው ጸጋ በረከት የሚሰጥባት ዕለት ስለሆነች ርኃወተ ሰማይ፤ ሰማይ የሚከፍትባት ቀን ተብላለች፡፡ ሰማይ መከፍት መዘጋት ኖሮበት ሳይሆን ፤ መላእክት የሰው ልጆችን ልመና ያለከልካይ የሚያሳርጉበት ዕለት ስለሆነ አንድም ቅዱስ ሩፋኤል የዓመቱን የፀሎት መዝገብ የሚከፍትበት ቀን ስለሆነ እንዲህ ተባለ እንጂ፡፡ ✞ #እመቤታችን ቅድስት ድንግል ማርያም ለአጼ ናኦድ እንደነገረችው በዚህች ዕለት ሁሉም ቅዱሳ ስለሚታሰቡ ፡ የእግዚአብሄር የምሕረቱት መዝገቡ ስለሚከፈት፡ ዕለቷን ክብርት ያሰኛታል፡፡ በቅዱስ ሩፋኤል መሪነት በዚህች ዕለት ለዓመት የሚበቃ ምህረት ይገኛል፡፡ ስለዚህም አባቶቻችን በዚ ዕለት 365 አቡነ ዘበሰማያት ሲጸልዩ ያድራሉ ፡፡ የጌታ ምጽአት ጭም የሚታሰብባት ዕለት ናት፡፡ በረከቱ ይድረሰን አሜን

የጳጕሜን መርኃ ግብር፤ ፠መጨረሻው ቀን ይህንን ይመስላል፠ መዝሙር በዘማሪት ጽጌ ማርያም እና ዲ/ን አብርሃም ይመልከቱ፡፡ https://youtu.be/iIAiFxEeCtk

የቀጨኔ ደብረ ሰላም መድኀኔዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት 6h · #እንኳን ደስ አላቹህ #በሰንበት ት/ቤታችን ፍኖተ ሕይወት ሰ/ት/ቤት አዘጋጅነት ትምህርት ሰጪነት እና አስተባባሪንተ ከነሐሴ 11 አስከ ጳጕሜን 1 በኦሮሚኛ ቋንቋ ሲሰጥ የቆየውን የተተኪ መምህራን ስልጠና ብፁዕነታቸው አቡነ ናተናኤል በተገኙበት በትላንተናው ዕለት (ጳጕሜን 1፤ 2012 ዓ.ም) 15 ተማሪዎችን አስመርቋል ፡፡ በምርቃቱ ላይ የጮቢ ወረዳ ቤተክህነተ ጸሐፊ፣ የከታ ደብረሰላም መድኃኔዓለም ቤ/ክ አስተዳዳሪ ፣አንዲሁም የእግዚአብሄር አብ ቤ/ክ የጸበል ቤት ኃላፊ የሆኑት በኲረ ምዕመናን ክፍለ ማርያም ተገኝተዋል፡፡ ምርቃቱ የተካሄደው በከታ ደብረሰላም መድኃኔዓለም ሲሆን ከተመረቁት 15 ተማሪዎች ዘጠኙ ዲቁናን ከአቡነ ናትናኤል ተቀብለዋል፡፡ ሁለቱ ደግሞ አናቦንስጢስ ተባርከዋል ፡፡ #የተመረቁት ተማሪዎች የተወጣጡት በጮቢ ወረዳ ከሚገኙት ከ11 ቤተክርስቲያኖች መካከል ከሶስቱ ማለትም፤-ከ ጮቢ መድኃኔዓለም ፣ ከመጠቆሚያ ማርያም እና ከኦፉ ሚካኤል ነው፡፡ #የመማርያ ቦታ ላመቻቹት ለከታ ደብረሰላም መድኃኔዓለም እና ለፍኖተ ሰላም ሰ/ትቤት ፣ በአገልግሎቱ ላይ ለተባበሩ እና ላስተባበሩ አገልጋዮች የምስጋና የምስክር ወረቀት ተሰጥቷል፡፡ለተመረቁትም ተማሪዎችም የምስክር ወረቀት ተሰቷል፡፡ #በጮቢ ወረዳ ከሚከኙት 11 አብያተ ክርስቲያኖት ፤ አንድና ሁለት አባ ወራዎች ብቻ የሚገኙባቸው ሁለት ቤተክርስቲያኖች ስላሉ ሕንጻው ፈርሶ አጸዱ ብቻ ቀርቷል ፡፡በተጨማሪም ከ 11 ደግም ሁለቱ ፤ስምንት እና አስር ብቻ የሚጠጉ አባወራዎች ስላሉት የሁለቱም ደብር ታቦታት ወደ ጮቢ መድኃኔዓለም እና መጠቆሚያ ማርያም ሄደዋል፡፡ ስለዚህም ይህን የምናነብ ሁላችን ወደፊት ትልቅ ስራ እንደሚጠብቀን ልብ ልንል ይገባል፡፡ #ፍኖተ ሕይወት ሰንበት ት/ቤት ለተመረቁት ትማሪዎች በድጋሚ እንኳን ደስ አላቹህ አያለ መልካም የአገልግሎት ዘመንን ይመኛል ፡፡ ወስብሐት ለእግዚአብሄር

#ጳጕሜን_ ዓመትን በዘመናት ስንከፋፍለው በ4ት ዘመናት ይከፈላል፤ ከእነዚህም ውስጥ አንዱ ዘመነ ክረምት (ከሰኔ 26 እስከ መስከረም 25) ነው፤ በዘመነ ክረምት ውስጥ ደግሞ ከሚውሉት መካከል ከነሐሴ 28 እስከ ጳጕሜን ፭ት (በሠግር ዓመት ፮ት) ድረስ ያለው #ዘመነ_በርዮድ_ ይባላል፤ ይህም ወደ አዲስ ዘመን የሚያሻግረን ነው፡፡ በቅዱስ ያሬድ ድጓ መሠረትም ጎሕ (ውጋገን)፣ ነግህ (ንጋት)፣ ጽባሕ (ጥዋት)፣ ብርሃን፣ መዓልት (ዕለት)፣ ጌና (ልደት) ይባላል፡፡ መጽሐፍ ቅዱስም (ዘመንን ቀንን በቊጥር ሰጣቸው፣ በውስጧም ያለውን ፍጥረት አስገዛቸው፡፡) እንዲል /ሲራክ 17፥2/ ጳጕሜን ማለት ጭማሪ ማለት ነው፤ ይህም በዓመቱ መጨረሻ ላይ አምስት ወይም ስድስት በስድስት መቶ ዓመት አንዴ ደግሞ ሰባት ቀን በመሆን የምትመጣ ናት፡፡ ጳጕሜን በአራት ዓመት አንዴ (ማለትም በዘመነ ሉቃስ መጨረሻ በዘመነ ዮሐንስ ቅበላ ስድስት ቀን ትሆናለች)፡፡ በዚህም ሃገራችን ኢትዮጵያ የዐሥራ ሦስት ወራት ጸጋ /Thirty months of sunshine/ በመባል ትታወቃች፡፡ #የጳጕሜን_ጾም_ጾመ_ዮዲት_ በቅድስት ቤተክርስቲያን ካሉት ሁለት የፈቃድ አጽዋማት መካከል አንዱ በዚህ በጳጕሜን ወር የምንጾመው የፈቃድ ጾም ነው፡፡ ይህ ጾም በተጨማሪ ጾመ ዮዲት በመባል ይታወቃል፤ ጾሙ እንደ ጾመ ጽጌ የፈቃድ ጾም ነው፡፡ ጾመ ዮዲት የሚባለውም እርሷ ስለ ጾመችው ነው፡፡ /እዚህ ላይ ዮዲት ተብላ የተጠቀሰችው በቤተክርስቲያን ታሪክ ትምህርት ላይ በጥፋት ሥራዋ በተደጋጋሚ የምትጠቀሰው ዮዲት ጉዲት እንዳልሆነች ለማሳወቅ እንወዳለን፡፡/ ወደ ታሪኩ ስንመለስ የፋርስ ንጉሥ ናቡከደነጾር በሠራዊቱ ተመክቶ ሹም ጠላት አጥፋ፥ ድንበር አስፋ፤ ካመነው እጅ መንሻ እየተቀበልህ፥ ያላመነውን እያሳመንህ ና ብሎ ለጦር አበጋዙ ለሆሎፎርኒስ ትዕዛዝ ሰጠ /ዮዲት 2፥2-7/፡፡ እርሱም እንደታዘዘው በኃይላቸው የታመኑ 12ሺህ እግረኞችንና በፈረስ የተቀመጡ 12ሺህ ጦረኞችን እየመራ ዘምቶ ካመነው እጅ መንሻ እየተቀበለ ያላመነውን እያሳመነ ብዙ ሀገሮችን እያጠፋ ሲሔድ ከአይሁድ ከተማ ደረሰ በዚህም ብዙ ጥፋት በመድረሱ የእስራኤል ልጆች አለቀሱ፡፡ ዮዲት ባሏ ሞቶባት፤ ከወንድ ርቃ፥ ንጽሕናዋን ጠብቃ፥ በጾም፥ በቀኖና፥ በሐዘን ተወስና የምትኖር ነበረችና፤ በተፈጠረው ጥፋት ሕዝቡ ላይ ለመጣው መከራ፤ ማቅ ለብሳ፥ በራስዋ ላይ ትብያ ነስንሳ ወደ እግዚአብሔር አለቀሰች፡፡ የፍጥረቱን ጥፋት የማይሻ እግዚአብሔር አምላክን ሕዝቡ የሚድኑበትን መንገድ ለመጠየቅ ሱባኤ በገባች በሦስተኛው ቀን ገለጸላት /ዮዲት 8፥2/ ፡፡ ከዚህ በኋላ ጠላታቸውን በዮዲት ምክንያት እስራኤላውያን እስከ ዮርዳኖስ እየተከተሉ አጥፍተዋቸዋል፡፡ ዮዲት ጠላቷን ለማጥፋት የቻለችው በጾምና በጸሎት ከእግዚአብሔር አምላክ ኃይል አግኝታ ነው፡፡ ስለዚህ ምዕመናን ጥንተ ጠላታችን ሰይጣንንና ፈቃደ ሥጋን ለማሸነፍ በጾም ከፈጣሪያችን ኃይልን ለመጎናጸፍ ጳጕሜን በፈቃድ እንጾማለን፡፡ #ጳጕሜን_የዕለተ_ምጽአት_መታሰቢያ_ የጳጕሜን ወር ዕለተ ምጽአት የሚታሰብበትም ወር ነው፡፡ ይህም ጳጕሜን የዓመታት መሸጋገሪያ ጨለማው የክረምት ወቅት ወደ ማብቂያው የምናልፍባት እንደሆነች ሁሉ፤ ምጽአትም ከጊዜያዊው ወደ ዘላለማዊ፥ ከምድራዊ ወደ ሰማያዊ ከዚህ ዓለም ወደ ወዲያኛው መሸጋገሪያ ነውና ነው፡፡ #ጠበል_በወርኀ_ጳጕሜን_ ክርስቲያኖች ሁሉ በየዓመቱ በጳጕሜ ወር ሁሉም ተሰብስበው ከሌሊት ጀምረው በቤተክርስቲያን ተገኝተው ጠበል ይጠመቃሉ፡፡ ይህንን የምናደገውም እግዚአብሔር የተባረከ ዓመት እንዲሰጠን፣ ባሳለፍነው ዓመት የሰራነውን ኃጢአት ይቅር እንዲለን ነው፡፡ የምንጠመቀውም ንስሐ ገብተን ነው፡፡ በእግዚአብሔር ስም የተቀደሰው ጠበል ደግሞ ከበሽታችን ያድነናል፥ የተቀደስንም ያደርገናል፤ መጪውንም ሕይወታችን የተባረከ ያደርግልናል፡፡ ወስብሐት ለእግዚአብሔር፡፡ መልካም የአዲስ ዓመት ዋዜማ ጷጕሜን ይሁንልን፡፡

#holy_Righteous_abraham

#ነሐሴ_፳፰ #እንኳን_ለአባታችን_ለአበ_ብዙኃን_አብርሃም_በዓለ_ዕረፍት_እንዲሁም_ለይስሐቅ_እና_ለያዕቆብ_መታሰቢያ_በስላም_አደረሳቹ #አበዊነ_አብርሃም ❖ አባታችን አበርሃም የስሙ ትርጓሜ አበ በዙኃን ሲሆን ትርጉሙም የበዙኃን አባት ማለት ነው፡፡ የዕረፍቱ ነገር አንዲህ ነው ❖ አስከ ዕለተ ዕረፍቱ ደረስ በድንኳን የኖረ፣ ስለ ታዛዥነቱ ካራንን ጥሎ የወጣ ፣ አንድ ልጁን እስከ ማረድ የታዘዘ አባት ነው ፡፡ ❖ አግዚአበሄር ለአበርሃም ከነበረው ፍቅር ፤ የሞቱን ነገር ሲሰማ አብርሃም እንዲያዝን አልወደደምና ሚካኤልን እንዲያጽናናው ልኮታል፡፡ በሰማይም ስላለው ነገር ወደሰማይ ነጥቆ ያሳየው ነበር ፡፡ ❖ ቅዱስ ሚካኤልም በእንግድነት ባደረባት በዚያች ሌሊት ለልጁ ለይስሐቅ የሞቱ ነገር ተገልጦለታል ፡፡ ይስሐቅም በመንፈቀ ሌሊት እያለቀስ ሄዶ አባቱ ካለበት አንኳኳ፤ አባቴ አበርሃም ከእኔ ከመለየትክ በፊት ገብቼ እጅ እነሳክ ዘንድ ፍቀድልኝ ፍቅርህንም እጠግብ ዘንድ ክፍትልኝ አለው ፡፡ አብርሃምም ደንግጦ ከፈተለት ይስሐቅም ወዲያውኑ አባቱን አቅፎ ሳመው ሁለቱም አንገት ለአንገት ተያዘው እጅግ አለቀሱ እንደውም ቅዱስ ሚካኤል ፍቅራቸውን አይቶ አዘነ ፡፡ መጽሐፉ ሚካኤል አብሮዋቸው አለቀሰ ይለዋል ፡፡ርብቃም ለቅሶዋቸውን ሰምታ መጣች አብርሃምም << ከመጣክ ጀምሮ ልቤ ደንግጦብኛል ወንድሜ ሆይ ስለምን ነገር ወደዚ መጣክ አለው >> ሚካኤልም ልጅህ ይስሐቅ ያየውን ይንገር አለው ፡፡ ይሰሐቀም ነገራቸው ፡፡ ❖ ቅዱስ ሚካኤልም እነደታዘዘው መለአከ ሞትን አስጠንቅቆ ሰደደው ፡፡ የሞቱ ሰኣት በደረስ ጊዜም ይስሐቀም ያለቅስ ነበር ፤አብርሃምም ልጄ አታቅስ ረዳትህ እግዚአብሄር ነውና እስከምትሞትባት ቀን ድረስ እርሱ ይሁንህ አለው ፡፡ አግዚአብሄርም ዘርህን እንደ ምድር አሸዋ እንደ ሰማይ ከዋክብት አበዛልሃልው ብሎ ቃል ገብቶለታል ❖ #ይቤሎ እግዚአብሄር ለአቡነ አብርሃም ባርኮ አባርከከ ወአበዝህዎ ለዘርእ ፣ ከመ ኮከበ ሰማይ ወከመ ወጻእ ዘደንገገ ባህር ፡፡ ❖ የመላእክት ሰራዊት ብፅዕት ነፍስ እያሉ ከገንት አኖሯት ፤ ይስሐቅም እያለቀስሰ በፍጹም ክብር ገንዞ ከኬጢ ልጆች በገዛዉ በሳራ መቃብር ቀበረው ስምንት ቀንም ሃዘን አደረጉለት፡፡ ❖ የደጋግ አባቶቻችን የአብርሃም ፣ የይሰሐቅ አና ያዕቆብን ረድኤት በረከታቸውን ያሳድርብን ፡፡ ❖ የአባታችን የአበ በዙኃን አብርሃም በዓል በአዲስ አበባ ወስጥ ብቸኛ በሆነው በ ለቡ ደብረ ታቦር በዓለ ወልድ ና አበ ብዙኃን አብርሃም ገዳም ይከብራል:: #አቅጣጫ ለቡ ፣ኃይሌ ጋርመንት ❖ ✞ share share