ዳጉ-ጆርናል/Dagu-Journal

የሱዳን ፈጥኖ ደረሽ ሀይሎች ፤ የሀገሪቱ ጦር የህወሓት ታጣቂዎች ቀጥሮ እያዋጋ ስለመሆኑ ከሰሰ 👉🏼 ፈጥኖ ደራሽ ሀይሉ ለዚህ ማስረጃ አለኝም ብሏል የሱዳን ፈጥኖ ደረሽ ሀይሎች ፤ የሀገሪቱ ጦር የህወሓት ታጣቂዎች ቀጥሮ እያዋጋ ስለመሆኑ በትናንትናው እለት በይፋዊ የማህበራዊ የትስስር ገጹ ካሰራጨዉ መግለጫ ዳጉ ጆርናል ተመልክቷል። ከዚህ ቀደም በኢትዮጵያ ውስጥ የሽብር ወንጀል ፈጽመዋል ተብለው የተከሰሱት የትግራይ ነጻ አውጪ ግንባር (ህወሓት) ሃይሎች አሁን ከሱዳን ጦር እና አጋር ታጣቂዎቹ ጋር ከተያያዙት ታጣቂዎች ጋር እየተዋጉ መሆኑን መረጃዎች አሉኝ ብሏል። የፈጥኖ ደራሽ ሀይሉ ፤ የሀገሪቱ ጦር በዝርዝር ካልጠቀሳቸዉ ከተለያዩ ሀገራት ድጋፍ ሲደረግለት ነበር ያለ ሲሆን የአየርሀይል ፣ ኢንጂነሪንግ ፣ የጦርነት መረጃ ፣ የሰዉ አልባ አዉሮፕላን እና ሌሎች እርዳታዎች ይደረግከታል ሲል ወቅሷል። ከነዚህ መካከልም የህወሓት ታጣቂዎች አንዱ ናቸዉ ማለቱን ዳጉ ከመግለጫው ታዝቧል። የሱዳን ፈጥኖ ደራሽ ሀይል ህወሓትን የወነጀለበትን አመክንዮ ሲያስቀምጥ ፤ በህዳር እና ታህሳስ ወሮች በርካታ ቅጥረኛ ወታደሮች መሞታቸዉን እና ከነዚህ ዉስጥ የህወሓት ታጣቂዎች ስለመኖራቸው አመላክቷል። አላማችን ሀገራችንን በአዲስ እና ፍትሃዊ መሰረት ላይ መገንባት ያለዉ የሱዳን ፈጣን ድጋፍ ሰጪ ሀይሎች ፤ ሀገራችንን እና ዜጎቿን ለመጠበቅ ብቻ የሚተጋ ከርዕዮተ አለም ተጽእኖ የጸዳ አንድ የተዋሃደ ፕሮፌሽናል ሀገራዊ ሰራዊት ማቋቋም ነውም ብሏል የድጋፍ ሰጪ ሀይሎች የኦፊሴላዊ ቃል አቀባይ ጽህፈት ቤት በመግለጫው ማገባደጃ ላይ። ህወሓት ስለቀረበበት ዉንጀላ እስካሁን ያለዉ ነገር የሌለ ሲሆን ዳጉ ጆርናል ይህንን ተከታትሎ አዲስ መረጃዎች ከወጡ የሚያደርስ ይሆናል። በበረከት ሞገስ #ዳጉ_ጆርናል

የኮምፒውተር ጨዋታዎች ሱስ የያዛቸዉ ወንዶች የወሲብ ፍላጎት መቀነስ ታየባቸው በኮምፒውተር ጨዋታዎች (computer games) ሱስ ምክንያት በወንዶች ላይ የወሲብ ፍላጎት መቀነስ እንደሚያስከትል ዶክተሮች አስጠንቅቀዋል። በዚህ ጉዳይ ላይ ዋና ዋና አደጋዎች የአኗኗር ዘይቤ፣ ከመጠን በላይ መብላት ወይም ጨዋታዎችን ሲጫወቱ የሚያስከትለው ረሃብ ናቸው። በመጀመሪያ ደረጃ የሚያስከትለው ችግር hypodynamia ነው፣ ይህ ማለት በአነስተኛ የአካል እንቅስቃሴ ምክንያት የሚመጣ የጡንቻ ጥንካሬ መቀነስ ነው። ታድያ መንስዔው በጨዋታው ውስጥ የማያቋርጥ ጭንቀት ነው ይላሉ በዘርፉ ጥናት ያደረጉ ዶክተሮች። ይህም ከመጠን በላይ ክብደት እንዲጨምር እና በዚህም ምክንያት የሆርሞን መዛባት እና የመራቢያ አካላትን በእጅጉ ይጎዳል ሲል men's health clinic (MHC) በድረ ገፁ አስነብቧል። በርካታ አለምአቀፍ ጥናቶችም በኮምፒውተር ጨዋታ ሱሰኞች ላይ ያለው ከፍተኛ መጨናነቅ የወሲብ ፍላጎታቸው እንደሚቀንሰው አረጋግጠዋል። Via @Showbizz21 #ዳጉ_ጆርናል

በስሊንደር ፍንዳታ ምክንያት የአንድ ሰው ህይወት ማለፉን የአዲስ አበባ ፖሊስ አስታወቀ። በአዲስ አበባ አቃቂ ቃሊቲ ክፍለ ከተማ ወረዳ 3 የድሮው ቄራ ተብሎ በሚጠራው አካባቢ ከቀኑ 9:30 በአነስተኛ መጠጥ ቤት አደጋው ማጋጠሙን ፖሊስ አስታውቋል በመጠጥ ቤቱ ውስጥ ተጥዶበት በነበረ ስሊንደር ላይ በተፈጠረው ፍንዳታ ዕድሜው 30 ዓመት የሚገመት አንድ ሰው ህይወቱ ያለፈ ሲሆን በ3 ሰዎች ላይ ከባድና ቀላል ጉዳት ደርሶባቸው ወደ ህክምና መወሰዳቸው ታውቋል። ከአደጋው መከሰት ጋር የተያያዙ ሌሎች ጉዳዮችን ለማጣራት ምርመራው የቀጠለ መሆኑን ያስታወቀው ፖሊስ በበዓላት ሰሞን የሚከሰቱ ድንገተኛ አደጋዎችን ለመከላከል ሁሉም ሰው ቅድመ ጥንቃቄዎችን ማድረግ እንዳለበት አሳስቧል። በተጨማሪም ከሲልንደር አጠቃቀም ጋር በተያያዘ አስፈላጊውን ጥንቃቄ ሊደረግ እንደሚገባ ተነስቷል። #ዳጉ_ጆርናል

እንኳን ለብርሃነ ትንሳኤው አደረሳችሁ!! ለመላው የክርስትና እምነት ተከታዬች በዓሉን የደስታ እና የሰላም ያድርግላችሁ!!🙏 #ዳጉ_ጆርናል

የተቀቀለ ስንዴ እና ጤፍ እንዲሁም ሻወር የሚገባዉና የማያርሰዉ በሬ ከግማሽ ሚሊዮን ብር በላይ ዋጋ ወጣለት ለፋሲካ ለገበያ የቀረበው የጅሩ ሠንጋ ዋጋ ጆሮን ጭው የሚያደርግ ነው። በአማራ ክልል ሰሜን ሸዋ ዞን ሞረት እና ጅሩ ወረዳ ለሚገኙ አርሶ አደሮች ግን ይህ የተለመደ ነው። በዚሁ ወረዳ ነዋሪ የሆኑት አቶ ታደለ አስራት፣ ለዓመት ያህል ያደለቡት በሬ 550 ሺህ ለመሸጥ ማሰባቸውን ገዢ ግን 430 ሺህ ለመክፈል ጠይቆ እንደነበር ለቢቢሲ ተናግረዋል። እንዴት ይህንን ያህል ሊያወጣ ቻለ ተብለው የተጠየቁት አቶ ታደለ “በሬው እኮ የተቀለበው ከአምና ጀምሮ ነው” ይላሉ። በሬው ይህን ያህል ዋጋ ከመገመቱ በፊት ጤፍ እና ፉርሽካ እየተቀለበ ማደጉንም ጨምሮ ተናግረዋል። በርግጥ አቶ ታደለ ሲገዙት ጥጃ ሆኖ በ130ሺህ ብር መሆኑንም አልሸሸጉም። በሬው ዓመት ያህል ሲቀለብ ብቻ ሳይሆን “ሽልም” ብለው እንደሚጠሩትም ከቢቢሲ ጋር በነበራቸው ቆይታ ወቅት ተናግረዋል። “በሬው እኮ ሁለት በሬ ያክላል” የሚሉት አቶ ታደለ “ከ500 ኪሎ በላይ ይገመታል” ይላሉ። ‘ሽልም’ የሚያድረው ሊሾ የተደረገ ቤት ውስጥ ነው። የሚመገበው ደግሞ እንደ መሰሎቹ ሳርከ እና ጭድ ብቻ ሳይሆን፣ ክክ ባቄላ እና የተቀቀለ ጤፍ ጭምር ነው። ‘ሽልም’ አያርስም መባሉንም ዳጉ ጆርናል ከዘገባው ተመልክቷል። በዋናነት በሊሾው ቤቱ ውስጥ ሆኖ አልያም በተከለለት ስፍራ ቅቅል ጤፉን እና ክክ ባቄላውን እየበላ ከጉድጓድ በሚቀዳ ንፁህ ውሃ አልያም አተላ ያወራርዳል። የደለበ ስለሆነ ራቅ ያለ ቦታ ሄዶ ውሃ አይጠጣም ይላሉ የሽልም አሳዳሪ አቶ ታደለ። ጤንነቱን በባለሙያ ክትትል መንከባከብ ብቻ ሳይሆን ገላውንም እንደሚያጥቡት ገልጸዋል። “ጠዋት ጸሐይ ይሞቃል፣ ቀን ደግሞ ወደ ማረፍያው ይሄዳል።” በሞረት እና ጅሩ ወረዳ የግብርና ጽህፈት ቤት ኃላፊ የሆኑት አቶ ደረጀ አለማየሁ ይህ ከብቶችን የማድለብ ስራ በአካባቢው የተለመደ መሆኑን ለቢቢሲ ተናግረዋል። #ዳጉ_ጆርናል

ሪያል ማድሪድ የስፔን ላሊጋን ለ 36ተኛ ጊዜ ማሸነፍ ችሏል 🏆 🤍 #ዳጉ_ጆርናል

የ እንግሊዝ ፕሪምየር ሊግ ጨዋታ                              ማንቸስተር ሲቲ 4-1 ዎልቭስ         ሀላንድ ⚽️⚽️⚽️ ሁዋን ⚽️         ~  ጎል አነፍናፊው እርሊንግ ብራውት ሀላንድ ሶስቴ ሰርቷል ግቦቹን ለመመልከት 👉 @mikoethio #ዳጉ_ጆርናል

ፍየል ቤት አካባቢ በጎርፍ ተከበው የነበሩ 25 ሰዎችን በህይወት መታደግ ተቻለ በጎርፍ ተከበዉና ለመንቀሳቀስ ተቸግረዉ የነበሩ 25 ሰዎችን በሰላም ማውጣት መቻሉን የእሳትና አደጋ ስጋት ስራ አመራር ኮሚሽን አስታውቋል። በጎርፍ አደጋውም አንድ የጤና ተቋም ህንጻ ምድር ቤት ላይ ጎርፍ ገብቶ በመድኃኒት መጋዘን ላይ ከባድ ጉዳት አድርሷል። ዛሬ ቅዳሜ በአዲስ አበባ ከተማ በጣለዉ ዝናብ በለሚ ኩራ ክፍለ ከተማ ወረዳ 08 ፍየል ቤት እየተባለ በሚጠራዉ አካባቢ በተፈጠር ጎርፍ በተሽከርካሪ ዉስጥ እንዳሉ  በጎርፍ ተከበዉ የነበሩ 25 ሰዎችን በሰላም  ማውጣት መቻሉን የኮሚሽኑ የህዝብ ግንኙነት ባለሙያ አቶ ንጋቱ ማሞ ለብስራት ሬዲዮ እና ቴሌቪዥን ተናግረዋል። በዚያዉ በለሚ ኩራ ክፍለ-ከተማ ወረዳ 13 ሲኤምሲ ሚካኤል አካባቢ በአንድ የጤና ተቋም ህንጻ ምድር ቤት ላይ ጎርፍ ገብቶ በመድኃኒት መጋዘን ላይ ከባድ ጉዳት አድርሷል። የአደጋ ጊዜ ሰራተኞች ወደህንጻዉ ዘልቆ የገባዉን ጎርፍ አስወግደዉ ተጨማሪ ጉዳት ሳያደርስ መከላከል ተችሏል። በሌላ በኩል ዛሬ ከቀኑ 7:30 በአዲስ ከተማ ወረዳ 8 መሳለሚያ የካቲት 23 ት/ቤት አካባቢ ጉድጓድ ዉስጥ ገብቶ የነበረ 35 ዓመት የተገመተ ሰዉ የኮሚሽኑ የአደጋ ጊዜ ሰራተኞች ቀላል ጉዳት ደርሶበት በህይወት ማዉጣት መቻላቸውን አቶ ንጋቱ ጨምረው ለብስራት ተናግረዋል። በትግስት ላቀው #ዳጉ_ጆርናል

የአማራ ክልል ባህልና ቱሪዝም የቀድሞ ኃላፊ ጣሂር መሀመድ በግምገማ ከስልጣን ተነስተው እንጂ በፈቃዳቸው አይደለም - የቢሮው ምክትል ኃላፊ የአማራ ክልልን ባህልና ቱሪዝም ቢሮ በኃላፊነት ሲመሩ የቆዩት የአማራ ብሔራዊ ንቅናቄ (አብን) አባሉ ጣሂር መሃመድ በራሴ ፈቃድ ነው ስራ የለቀቅሁት ማለታቸው ሐሰት ነው ተባለ። ጣሂር መሀመድ ከቀናት በፊት ሚያዝያ 22 በኃላፊነት ቦታቸው ላይ ሌላኛው የአብን አባል መልካሙ ፀጋዬ መሾማቸው ይፋ መደረጉን አዲስ ማለዳ መዘገቧ አይዘነጋም። ይህን ተከትሎም ጣሂር መሀመድ ከስድስት ወራት በፊት መልቀቂያ አስገብተው በቤተሰብ ጉዳይ እንደሚለቁ ለተለያዩ መገናኛ ብዙኀን በተለይ ለቢቢሲ አማርኛ ገልጸዋል። የክልሉ ባህልና ቱሪዝም ቢሮ ምክትል ኃላፊ አየለ አናውጤ እንደገለጹት ጣሂር መሀመድ በራሳቸው መልቀቂያ ጠይቀው ሳይሆን በተለያዩ ጉዳዩች ተገምግመው ከኃላፊነታቸው እንዲነሱ ተደርጎ ነው። ኃላፊው እውነትን ለመደበቅ "የተደራጀ" የሚዲያ ስራ በመሰራት በግል ገጼ ለመጻፍ ተገድጃለሁ ብለው ካሰፈሩት ጽሁፍ አዲስ ማለዳ እንደተመለከተችው፤ ከኃላፊነት መነሳት ባሻጋር በተቋሙ ልዩ የኦዲት ምርመራ እንዲደረግ ከወር በፊት ለክልሉ መንግስት በደብዳቤ ማሳወቃቸውን ገልጸዋል። የቀድሞ ኃላፊው እንዲሁም አንዳንድ ሚዲያዎች "በግል ምክንያታቸው" አመልክተው ከኃላፊነታቸው መነሳታቸውን በስፋት መዘገባቸውን "በዓላማ የተሰሩ ዘገባዎች መሆኑን አረጋግጫለሁ" ሲሉም የቢሮው ምክትል ኃላፊ ጽፈዋል። በተጨማሪም "ትክክለኛውን መረጃ ይንገሩን" የሚል ከሚዲያዎች ጥያቄ ቀርቦላቸው ትክክለኛውን መረጃ ቢሰጡም "እስካሁን" እንዳልተሰራጩ ጠቁመዋል። በመሆኑም ላለፈው አንድ ዓመት ተቋሙ በአንድ በኩል በአግባቡ እየተመራ ባለመሆኑ በሌላ በኩል ከፍተኛ የሃብት ብክነት አለ በማለት ተደጋጋሚ ግምገማዎችን መካሄዳቸውን አዲስ ማለዳ ተረድታለች። እንዲሁም ለሁለት ዓመታት ከ8 ወራት አዲስ አበባ ተቀምጠው በ3 ወር አንዴ እየመጡ ለዛውም ተደብቀው ገብተው ህገ ወጥ ድርጊት ፈፅመው ይሄዳሉ ሲሉ የአማራ ብሄራዊ ክልላዊ መንግስት ባህልና ቱሪዝም ቢሮ ም/ቢሮ ኃላፊ አየለ አናውጤ በፌስቡክ ገጻቸው አጋርተዋል። በመሆኑም በቢሮው ማኔጅመንት፣ የዘርፍ ማኔጅመንት፣ በክልል ምክር ቤት ቋሚ ኮሚቴ፣ በከተማ ክላስተር ደረጃ በርካታ ግምገማዎች የተደረጉ ሲሆን አንዳንድ የጥቅማጥቅም ጉዳዮችን ለመጨረስ ጊዜያቸው እንዲሞላ በጠየቁት መሰረት ጥቂት ሳምንታት በኃላፊነት እንዲቆዩ ተደርጎ እንጂ መልቀቂያ አስገብተው ቆይቶ እንዳልሆነ ተገልጿል። Via አዲስ ማለዳ #ዳጉ_ጆርናል