Riyaad Raayyaa
@riyaadraayyaa Dabalatas lakk bilb;- 0937178516 Toora You Tube kiyyaa:- https://youtu.be/qqH5VJ-1b1c
Ko'proq ko'rsatish5 837
Obunachilar
+224 soatlar
+77 kunlar
+1230 kunlar
- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Obunachilar o'sish tezligi
Ma'lumot yuklanmoqda...
Gaaf-tokko naafis, siifis
Dabareen nutti dhuftee
Duuti nu fuutee deemti
Faayila jiruu cuftee.
Gariin janaazaa keenya
Sodaatee nu baqataa,
Kuunis imimmaan naachaa
Lolaasee nuuf haqataa,
Sireerratti nu baachaa
Qabirii nuun dhaqata.
Reeffi keenya maramee
Firaan boolla ka’ama
Biyyeen nutti deebi’ee
Miilaan nutti dha’ama
Sadaqaanis nyaatamee
Taaziyaan nuuf ta’ama.
San booda....
Guyyaan ooltee bubbultee
Laftis dhiitee bariiti
Yaadannoonkee dhumattee
Gadda maatii ariiti.
Wanti ati dhiiftee deemte
Ahlii keetiif qoodama
Ati hin yaadatamtu
Maqaa keetiin oodama.
Inni gaafati jirtu
Sagal sitti marmaaru
Yaadatee siin mil’atu
Qabrii bira darbaaru.
Nuun ala biyyi lafaa
Hir’uu inni nu seenu,
Yaada ofittummaa ture
Male, ittiin laga'n ceenu.
Hireen anaaf si qofaaf
Du’aan faayila cufti
Addunyaan warra jiruuf
Gammachuun itti fufti...
Eeyyee...!
Hawwii jiraachuuf qabnuun
Haqni isaa nu dhokate,
Malee, nu kara-deemaa
Yeroof karaa boqate!
Walaloo; @Riyaad_Raayyaa
Obboloonnikoo muslimaa biyyoota adda addaatti argamtan martinuu baga ayyaana #IID_AL_ADHA baranaa geessanii nagaan offoltan! ayyaana milkii fi gammachuu nuuf haa ta’u!
@Riyaad_Raayyaa
Woggaa zulhijjaa’n dhufuun
Barumaanan kajeelaa
Rahmaan yooman fedhakeen~"labbeyka hajjan” jechaa
Gara miinaa qajeelaa?
Badiinkoo adada dhabee
Yaaddoonoo na garafaa
Yooman araara argadha?
Dhaabbee Ardal-Arafaa
Kadhadhee sirraa-n dhabu
Dhibeekoo sitti himadhee
Yooman umraa jalqaba?
Yalamlamitti hidhadhee
Dharraa hajjiif umraatiin
Gubadhee anoo baqee
Yooman "labbeyka" jedha
Beytal haramiin dhaqee
Hajral aswadiin tuqee
Dhungachuu hawwee harka
Jaalala mana keetiin
Jiruunoo badee narkaa...
Ihraama san uffadhee
Marxoofi afrii adii
Xawaafiikoo eegalee
Suksukee marsaa sadii
Zambiirraa qulqullaa’ee
Ofirraa dhiquuf badii
Anoo taa’een dharra’aa
Munyuuqee akka naafaa
Yooman kaabaakee dhufee
Yeroo torba xawaafaa?
Anootii tasan qabuu
Manakee dhufuuf galaa
Yooman dhufee salaata?
Maqaama Ibraahim jala
Gubaa yaaddoosaa biraa
Anoo hin beekuu mugee
Yooman qabbaneeffadha
Bishaan zamzamaa dhugee
Boo’ee kanan sikadhu
Imimmaan miti dhiigaa
Gidduu safaaf maruwaa
Yooman sa’iyii fiigaa?
Anoo hawwiin qaata’een
Halkanii guyyaa aadaa
Yooman umraa xumuree
Rifeensa ofirraa haadaa?
Waggaa zulhijjaan dhufuun
Anootii nan kajeelaa
Rahmaan yooman fedhakeen~"Labbeyka hajjan" jechaa
Gara Miinaa qajeelaa?
Badiinkoo adada dhabee
Yaaddoonoo na garafaa
Yooman araara kadha?
Dhaabbee Ardal-Arafaa
Muzdalifaa san bulee
Faana ummata akka bahrii
Gara miinaa deebi'ee
Zulhijjaa guyyaa nahrii
Jam'aa hajjii eeggadhee
Akka dhala dhabaatti
Dhagaa torba darbadhee
Jamratul aqabaatti
Zikriif du'aayii godhee
Mana keetti salaatee
Zambiin narraa dhiqamtee
Akka hin jirre taatee
Rahmata keen dhugoomee
Abjuunkoo bara dheeraa
Hajjiikoo xumuradhee
Eeggadhee dambiif seera
Ergamaa keetti buusaa
Rahmataafi nageenya
Beytal haramii bahee
Deemee lafa fageenyaa
Ardaa Rabbiin eebbise
Mararfattuu nabiinaa
Biyya jaalalaaf nagaa
Dhaqee biyya madiinaa
Nabii keenya qulqulluu (S.A.W)
Taliila akka bishaanii
Qaamaan dhaqee ziyaaree
Masjiidaaf qabrii isaanii
Salaamata jedheenii
Nabiin caalaa aalamaa
Rawdaa bira dhaabbadhee
Sagadee rakaa lama
Shahiidowwan sahaabaa
Warra dhugaan dhiirotaa
Itti goree ziyaaree
Qubuurii Amiirotaa
Makkaas madiinaas dhaqee
Osoon galee biyyattii
Jettee ruuhiinkoo kullii
Kana qofa niyyattii....
Yaa Rabbi hawwii malee
Humna-n qabu in argitaa
Hanga yoomii kadhaakoo
Argaa bira darbitaa?
Ni beekta yaadee-n beeku
Makiinaa fa’a bituudhaa
Hawwiinkoo horee Makkaan,
Madiinaa fa’a lixuudha
Erga nakeessa keessee
Dharraa Beytal-haramii
Naaf akeeki yaa Rabbii
Karrin dhaquun garami?
Gidduutti qadar geessee
Nan nyaatin malee lafuu
Inshaa allaah fedha keen
Dharraa qofaan hin hafu!
Hujjaajota baranaa xurree addunyaa mararraa ardii kabajamtuu kanatti wol gahan marayyuu Rabbi nuuf haa milkeessu. Nuunis worra waamicha Nabi Ibraahim (A.S) owwaatan keessaa nuhaa godhu!🤲
Sabni tarii firii kee
Sitti fakkeessus wacee,
Garaankoo nama biraa
Sitti'n akkeessu Hacee...
Ati qaalii tokkicha
Hin jiru kan akka kee
Hin dhalanne, hin dhalatu
Kan naaf bu’u bakka kee.
Gootummaa, ayyaantummaa
Guutuu roga hundaanii
Namuu fuulduraan mitii
Sin fakkaatu dugdaani.
Baroodduu akka leencaa
Qeerransakoo kutattuu,
Dhaloonnikee cimtullee
Anaaf sittin butattu.
Madaalli kan meeshaati
Namni nama, atis sumaa
Kanaaf gita'n qabaattu
Jalqabaa hanga dhumaa.
Goota gaafa aduwaa
Hacee gaafa barkumee,
Qaroo si ilaalaniin
Akkamiin kaan argumee?
Guca aartii Oromoo
Laambaa nuuf ifee dhaame,
Ijji koos suma woliin
Kan biraa arguu jaame!
©️ @Riyaad_Raayyaa
“Ahliin qur’aanaa, ahlii Rabbiiti” Rasuul (Sallallaahu aleyhii wossallam)
Madrasaan #Jaami’atu_Salaam Godina Jimmaa Aanaa Gommaa Jimaateetti kan argamu yoo ta’u, woggoota dheeraaf barattoota baayyee barsiisee eebbisiisaa turuunsaa ni beekama. haa ta’u malee yeroo dhiyoodhaa kaasee humna dhabuu qonnaan bultoota keenyaatiin hanqinni baajataa isa mudatee sadarkaa mindaa mudiirotaa kaffaluu dadhabuurra gaheera. akkasumas manneen keessatti baratamullee dulloomanii caccabuun suphaa dhabaniiru. teessoo, foddaafi balbala illee hin qabu. egaa haala kanaan keessatti barachuuf waan hin mijanneef barattoonni 300 ol kanneen madrasichatti barnoota diinii barataa turan adda kutuuf dirqamaniiru. yeroo ammaas muraasa isaanii qofatu kaka’umsa Mudiira madrasichaatiin rakkinuma keessa jiraataa barachuuf fedhii guddaa waan qabaniif halkan masjiiduma keessatti barataa jiru.
Egaa "diinii Rabbii warri utuban muslimoota waan ta’aniif, obboloonni muslimaa biyya keessaafi ala jirtan kanneen rakkoo keenya kana dhageessan hanga humna keessanii nu gargaaraa" isiniin jedhu! Imaamni masjiida Jimaateefi barsiisaan madrasaa Jaami’atu-Salaam Sheek Xaahir A/Saambii (Hafizahullaah).
Nama mana Rabbii ijraare, Rabbiin jennata keessatti mana ijaaraaf" kanaafuu obbolootakoo hanga dandeenyu madrasaa kana bira dhaabbannee keyrii addunyaaf aakiraa ittiin milkoofnu kana haa hojjatannu! herrega baankii gadii kanaan waan humna keenyaa haa gumaachinu!👇
SheTahir A/Sambi A/Garo
1000555543658
CBE (Baankii Daldala Itoophiyaa)
Nama tokko qofaanin durfamaa jira. kottaamee hiriyoota Facebook keessanii itti naaf waamaa!👇
https://www.facebook.com/100002028524680/posts/pfbid0dwrFsQXr33RUovWZEbwvzbn3gEFeopyPXAeJKaJ2Dy47ZyMoCbeZPpZjymYKM4Jbl/?app=fbl
18ኛው missiin 100K ነጻ ፈንድ ተከፍቷል!... - Bejai Nerash Naiker
18ኛው missiin 100K ነጻ ፈንድ ተከፍቷል! ሁለተኛው ዙር በ Etcare CEO Mathios Meba Reta የተዘጋጀላችሁ ውድድር ተከፍቷል! ለሥዕል/ፎቶና ግጥም አርቲሥቶች። 1.ሥዕል/ፎቶና ግጥም በአንድ አዋህዳችሁ...
Boshqa reja tanlang
Joriy rejangiz faqat 5 ta kanal uchun analitika imkoniyatini beradi. Ko'proq olish uchun, iltimos, boshqa reja tanlang.