᷂قصيّـدة،

جاني نصوح وقال : ما لأسمك حليّ حطيه .. عن سرقة عديم الضمايّر لا ترخصين اللي كتبتيه .. للعيّ قلت الحزن خلّى قصيدي مغاير منهو خذا بيتٍ على اسمه وهو لي ؟ ماهوب ماخذ من حشَاي العبايّر ! خلّه يحس انه ملك فـ العمر شيّ ماعاااد تغريّ دهشة اهل البصايّر ! ان قاله الله حول شهرين وشويّ لا اكتب على جيّة فقيدي بشَاير :(

كل يوم اعرف اشياء تصغر الدنيا في عيني اكثر .. صدق من قال المواقف تكبر

‏عسى غيمٍ على دار الحبيب رْكام ‏تلوح بْروقه ، وترجف مراعيده ‏يفزّز كل ذاوي من نفل ، وخْزام ‏ويطرق عوده الغَضّ .. وجراهيده ‏تسيل ، ولا تجَفّل قايد الاريام ‏هدير الما يدندن له تهاويده ‏يذكرّني صبيب الغيم فيه شْمام ‏لاحوّل من سماه ، وْسال في بيده ‏مقاطير المطر على شفيف الجام ‏محاويل الدموع بـ ناعم خْديده ‏أبو قدٍّ تِقل ماخِلق فيه عْظام ‏وجودي ليتني سلسال في جيده ‏يا قوّه يوم قفّى يسحب الاقدام ‏وخلّى صدري لْـ حرّة تناهيده ‏وخلّاني على الآمال ، والاحلام ‏معلّق في رجا الله ثم مواعيده ‏يضحّكني من يقول العوض قدّام ‏وانا في كل يوم ارقب معاويده ‏وَنَس كل العمر عشته زمان العام ‏يا ليت انّ الزمن ينعاد ، واعيده ‏يمرْ مْن البشر مايشبه الانسام ‏خبرتوا من مسك نسمة هوا بيده !؟ ‏ومع ذلك انا عندي يقينٍ تام ‏يقينٍ مَحَض ما يحتاج تأكيده ‏احسّ بْيرجع بْيومٍ من الأيام ‏متى هاليوم هذا ..؟ صعْب تحديده

الجو غيييم وانا بنت الغيم لاشفته طرت معه ☁️♥️

بابٍ يساوي عزّة النفس مـــــــــــردود محدٍ على نفسي العزيزة مبـــــــــدّا !

خَذتي من الحزن مايكفيك ، وجْروحي خَذَت من سْنين عمري مايكفّيها لاجيت بـ اسلى غلاك ألقاك في بوحي كنّ المشاعر عليك الله موصّيها القلب مهما عَذلته عنْك مايوحي والنفس أجاهد .. وابي فيها ، وابي فيها أحتاج منهو يعاونّي على روحي اللي معيّه تْطاوع شور راعيها

ظل النخيل اللي على الارض وارف لا مال من طرق النسيم المعلّل انا النسيم اللي يحرّك طوارف ثوبك .. وانا الغيم ان تناثر وبلّل شعرك .. وانا كل اهلك ، والمعارف ولا انت مثل النور حبّك تسلّل بقلوب ، وعْقول الدهاه العوارف من شافك اضحى بالحدايد مغلّل ياعين من وكّر بروس المشارف لاغبت عنّي طالبك لا تقلّل وصلك .. وانا والله مثل مَنت عارف يزورني طيفك ، واكبر ، واهلّل ياجعل مالدموع عينك مذارف سودٍ تحت ورارف هدبها تظلّل طفلٍ تهز إلهْ الحياة الديارف من خلقته مايسمع الّا تدلّل مرّت سنينه لين وَصْلْ لْمشارف نهايته .. والحلم مات ، وتحلّل ماعاد للدنيا بعينه زخارف بعد الحزن بضلوع صدره تخلّل ماغير بابه لـ الطواري موارف عايش على ذكراك ، ولا تملّل الحزن سيله في حناياه جارف والحب دايم بالجروح يْتكلّل

‏" وهبتني مايدهش عبـادك من آيات البيان ‏و أكرمتني في عقلٍ ماياخذ من الجهّال شور "

‏"منصاي يا قضّاي عوز الملبين ‏لك الثنا و المقدره والإراده ‏تخفض موازينٍ وترفع موازين ‏منان حنّانٍ رؤوف بعباده ‏بياض وجهي في صفوف المصلين ‏لولا رجاي برحمتك يا سواده ."

"مثلنا ما يستحق المهونه والخداع ‏ما لبيض وجيهنا منك غير اكرامها ‏عن شحيحات الموارد فجوج الله وساع ‏لا تلوم نظاف الأيدي معا من لامها ‏ما يطيب العيش والراس ما عاش ارتفاع ‏وارتفع بالنفس لو ضامها ما ضامها ‏كل ما جينا نصافح.. نصافح باندفاع ‏مشكلتنا نعطي الناس فوق احجامها ‏كم صنعنا من جميل مع العالم و ضاع ‏وكم تغير طعمها يوم كف اطعامها ‏من كثر ما نكرم الوجه ويطيح القناع ‏كل هقوة طيب صرنا نشدّ حزامها".

حركة وحده حطت في صدري خدش بيبقى دايم !

‏دقّ ناقوس الغرور ودقّت إصبعها الكرامه ‏والغياب المّر في عيني غدا الليله محلاّ ‏قام يثقل عيار إهماله طيش و غشامه ‏لين خلاني أخليه و هو ما ينتخلا

‏لا الهِجر مرضيني ولا الجرح مألوف ‏خذيتني .. من راحتي لـ المضرة ‏ما عاد في قلبَك على أحلامنا خوف ‏ولا عاد في صدرك من الشوق ذرّة

زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه زعلانه الى مالا نهايه 🫩

‏يازين عقبك لقيت اللي يسليني ‏عقبك لقيت الحبيب الي تمنيته ‏من عادته لافقدني يتصل فيني ‏يشفق لحبي وانا بالفعل حبيته ‏ماهو مثلك طوال الوقت جافيني ‏تصد عن واحدً بالنار ذبيته ‏البيت هذا اذا قلته يبكيني ‏يطري علي وقت انا وياك قضيته ‏سميت حالي وانا ربي معافيني ‏وسهرت عيني وصافي الدمع هليته

لما تشوف شخص كان معاك يبيك تشوف انه صار مع غيرك بأي وسيلة اعرف انه ماتخطّاك 🤣.

‏دارنا .. دار الأماني .. والأمان .. المستديم ‏والسلامه والأمن والنور والمجد المسطّر ‏موطني دمت الذخر والعزّ للشعب العظيم ‏كل ما قالوا نجاح يرفرف الخفّاق الاخضر ‏كلّ عام و موطن النهضه على العليا يقيم ‏ودام عزّك يا بلادٍ .. عِزّها .. " بـ اللهُ أكبر "