᷂قصيّـدة،

‏« كنت أقول إني لو تضيق الوسيعة ما أضيق ‏وأكتشفت إن البني آدم ضعيف ولو قوى ‏كل ما سِقت القدم يمْ السعة ضاق الطريق ‏وكل ما حطيت رجلِيني على درب ألتوى ‏والله إني كنت أدفّ طويق وأطيِّح طويق ‏لين صرت أطيح لو يلفَح طرف ثوبي هوى »

البارحه هبّت شمال وكان ما عندي خلاف لين استدارت للجنوب ونطحتني نودها واستبسل الحزن المقيم اللي ورا العوج النحاف بالذكريات اللي من النسيان جاك يقودها أببتسم عاد الجروح اللي بصدري ما تشاف دام أكثر العالم تبسّم والبلا ف كبودها الوقت قسّانا لكن قلوبنا دايم صخاف بدوٍ رهاف قلوب لو بان القسى بجلودها ما فيه أشدّ من الوداع اللي يجي ف آخر مطاف على القلوب اللي تصون عهودها ووعودها أخاف وأنا اللي من صدوف الليالي ما يخاف من رجعةٍ من ذاق وجعتها ما عاد يعودها .

بالمعنى الحرفي الصريح : ضايقٍ صدري

قصه قديمه لها صوره بعد صوره باقي تفاصيلها بالروح مخفـيّه أسرارها بين ضلع القلب مستوره مثل الكنوز اللتي في يد جنـيّه كانها في بقاع الأرض مقبوره والكنز ما ينكشف لو راح راعـيّه خربه قديمه الين الحين مهجوره سريةً في عيوني صدق سريّه ماهي على صفحة العشاق منشوره لأنها وسط صدري ساكنه حـيّه يامن تدور عليها زيد لك دوره لأن درب الكنوز اليوم ملويّه سحرٍ مسجل على جدران مكسوره طلاسم السحر في جدران سحريّه هل يكره الشخص شخصٍ كان مأموره ولا حياته حياة إنسان عاديّه هل يحزن الطير عن فقدان عصفوره هل يجرح الطير من هو كان راعـيّه الشاعر اللي كتب شعره من اشعوره حط المعاني على قيفان شعريّه كتبت أبيات والابيات اسطوره لكن تفاصيلها للناس وهمـيّه الناس بتقول ما الشعار معذوره هاذا معه جنّ والثانيه بجنـيّه ابيات شعرٍ على الصفحات منثوره صارت حكايا الغرام اليوم مرويّه حتى ابن زيدون له قصات مذكوره في حب بنتٍ لها بالشعر حريّه حكاية الحب فالتاريخ مشهوره مع بنت حلوه أميره أندلوسـيّه أراجع اهموم قلبي عند دكتوره تعالج أسرار فيني شبه مخفـيّه النفس هاذي من الأحزان مقهوره والروح من كثرة الأحزان مبلـيّه

‏" دام السما لله ما ضاقت الأرض ‏ ماني من دروب المقادير جازع ‏ لي موعدٍ مع ليلةٍ نجمها الحظ ‏ أشوف فيها ما تمنيت .. واقع "

‏تطيح أغلى مشاريه الهوَى، وأطرِّي المعوَاد: ‏لو إنها ما تزَّعلني عيونك؟ كيف ترضيني! ‏أنا لولا جروحك ما خذيت من السكوت ضْمَاد ‏ولا مدّيت لك كف الوصال.. وذابت يديني! ‏ما بَين أخاف صوتك وأرتمي له: بارَت الأضداد ‏طلبتك لا تخلّي لي خيار — ولا تخليني

مايستحق العذر ليلة.. من ليال الانهيار ‏اللي رفضته من حقوقي ‏واللي التمسته من غلا ‏ليتك مخليني على ضيق احتمال الانتظار ‏ولا تجي وجروحك اكبر من جروحك الاوّلا

مرت ببالي اللهفه والشوق والضحكة معك .. حتى الكلمة ، الحضن والنظرة بعد سنين انا اعترف غلبني الشوق ولكني اخاف النقايد ومن جهه ثانية اخاف من الاحتمالات .. احتمالات القصيدة اللي تقول : "احتمال اكون ذكرى موجعة بين الزوايا واحتمال انك نسيت اسمي وصوتي تنكره واحتمال انك كتبت اغلب مشاعرك الخفايا واحتمال اني مجرد بنت وتعوضني " مَره " خصوصاً الاحتمال الاخير ! اخ يامرارته لو كان صدق :(

‏أنا وياه ما أخترنا نهاية دربنا المهجور ‏خذلنا الحظ ؟ لا والله خذلنا - الشك والريبه -

‏في كل حزة مغيب اقول يمديني ‏استقبل الشمس بكره من مطالعها ‏الله من الصبر ومن الوازع الديني ‏ومن احترام المشاعر عن تصنعها ‏ماقلت فيني من الايام ما فيني ‏انا قبيل الظروف الين اسنعها ‏حتى مع اللي غلاها ما يخليني ‏اعذرب خصالها وأشنى طبايعها ‏اليا حداني عليها ما يعنّيني ‏صديت عنها مصدٍ مايرجعها ‏صحيح ماهوب معقول اذخر سنيني ‏لكن بعد ماهو بمعقول اضيعها

‏على الناس ما عندي معاتب ولا تثريب ‏نظاف الضماير كلهم ماتوا الظاهر ‏ليا قلت يوسف وين قالوا كلاه الذيب ‏وانا داري انه ما سفك دمه الطاهر ‏تحيرت بين العزم وملاوع التأنيب ‏اخاف الفشل واشوف مستقبلي زاهر ‏انا كني اللي حن لأهله وتل الجيب ‏يبا ينطلق ويرده الخوف من ساهر

‏العلاقه ميته والحبايب عايشين ‏والشعور اللي يجمع مشاعرنا بهت ‏لو تعديتك يرجعني لدربك حنين ‏ولو تناسيتك ترى ذكرياتك ما سهت ‏اصعب أنواع العلاقه نكون معلقين ‏لا رجعنا مثل اول .. ولا حتى انتهت

اربع سنين ناسية وتردني " صورة "

سلام الله على اللي راح لا منهي ولا مامور ‏خذاه الصيف مثل أخذه لـ بالي بين جلاسي ‏لذيك الدار ولنسناسها والخايع الممطور ‏مع أنّه لو يِخَيّر ما تَخَيّر غير نسناسي ‏على أبوه الملامه لو أبوه المنتج المشكور ‏وكيل الغِنْج والحور النجل والمبسم الماسي ‏وهبه الله وأخذ حوريّة الدنيا وجابت حور ‏جمالٍ يا صلاة الله لا بصري ولا فاسي ‏لهم فأرض الكويت قصور وأرض أهل الكتاب قصور ‏وأنا مالي جِدى إلا أنثر كنيني فوق قرطاسي ‏أمر البيت لو البيت من عذب اللما مهجور ‏على شرَّد بقاياه القليل أسَحّب أنفاسي ‏سقاني من هواه شعور وأسقيته شعر وشعور ‏ومال الكون يلعب بين مطراقي ومرواسي ‏وليفي كيف أعَبّر؟ والكلام يْغصص الحنجور! ‏معك كل اللغات الشاسعات أضيَق من احساسي ‏ثلاث سنين أغنّي بك على المنكوس والمجرور ‏ثلاث سنين ما هَوّد صبِيب القاف مقباسي ‏تناثرتك قصايد لين صرت الشاعر المشهور ‏وأنا قبل أنتثر وأنثرك شاعر بس متناسي ‏تجي مثل العميم اللي ليا من عَمّ الأرض البور ‏غدت سجاد فوقه للخزامى موكب رياسي ‏لو أقدر كان خلّيتك بصندوق الذهب مصرور ‏عن وجيه الآوادم مالك إلا وجهي مواسي ‏أحبك لين ما ينفخ سرافيل المَلَاك الصُور ‏أحبك لين ما تثني مفاليق الدهر باسي ‏ذكرتك وأنت من بين الكنايس ضاحكٍ مسرور ‏وأنا بين المساجد وأضرب أخماسي على أسداسي ‏وهيجنتك قصيدة للمجرّة وأشرق الديجور ‏من البارح عليك أصبّها وأكوسر نعاسي ‏خدين الروح وأن ما أكفاك هذا اللولو المنثور ‏وش يرد القريحة لا تطوّى في كفن ياسي؟ ‏قصيدة ما تقبلها بلطفك دمّها مهدور ‏وناسٍ ما أنت فيهم بينهم ما طاب مجلاسي .

‏عليه اللوم ودموع الهقاوي والسلام الحار ‏ كثر ما كان في صدري حكي قاسي ولا قلته ‏بيفقدني وياكله الندم وبتوجعه الأفكار ‏وأنا جعل اللّٰه يقطعني إذا في يوم واصلته ‏عزاي إني عطيته فوق حَقّه والزمان أطوار ‏تركته للغياب اللي يصحيه إن تجاهلته