Najmiddin Turon

Eeeeski mashqlardan Maysalar o‘pichin shudringga sotib, Saharlar yotganda tushlarga botib, Qorongʻu kechani, molini haydab, Otam ketar edi tongni uygʻotib. Osmonda soʻnardi yulduzlar bir-bir, Hilol tun bagʻriga qoʻyar edi bosh. Saxarlab erinmay onam oʻt yoqqan, Tandirdan erinib chiqardi quyosh. N. E.

Bundan 34 yil burun hayqirgan shoir Rauf Parfi barhayot, alamlisi, uni o‘rtagan dardlar-da hamon arimagandek... https://t.me/Najmiddin_Ermatov

Булбуллар бош олиб кетгандай боғдан, Фанога кўчгандай сабуҳий саслар. Боғ аҳли энтикиб қулоқ осадир, сайраётир қафаслар. Тулпор туёғини тупроқ унутган, Ҳурлик шиддатини мавҳ этган ғовлар. Боғ аҳлин эрк дея топингани ул - чопаётир тушовлар. Қушлар самосини ишғол айлабон, Парвоз тасаввурин этганча бадар, Боғ аҳлин кафтида кучга тўйиниб, учаётир қарсаклар. Боғда боғ қолмайдир, тўрт тараф қолар, Тўрт тараф қибладир, шу эрур самар. Боғ аҳлин кўксидан аста бош олиб, кетаётир юраклар. Нажмиддин Эрматов @Najmidin_Ermatov

Ҳусан Мақсуд РУҲИ-ДА ТИРИКЛАРНИ ҚЎРҚИТГАН ШОИР "Рауф, сен бу итларга Не ёмонлик қилган эдинг, айт". Рауф Парфи ...Рауф Парфини ҳеч ким қатл қилмади, ўз ажали билан дунёдан кетди, мозороти ҳам маълум – Минор қабристонида. Аммо шеърларига кўчган исёнкор, ноҳақликка муросасиз РУҲИ руҳсиз тирикларни ҳар йили саросимага солади. Шеърнинг кучи шу бўлса керак-да!? 👉🏻Тўлиқ ўқиш @sherSehri

*** Қон ва Сиёҳ Қон: —пақ этди, отилди ўқ. ҳақ, деган ул ўғлоннинг тешилган кўкрагидан бўй чўздим гул мисоли. Сиёҳ: —пақ этди, отилди ўқ. зирхланган қўналғада қондан қўрққан қўлни ва кўрдим қоғоз висолин. Қон: —авлодим, эгилмагин, бошингни тик тут, дея жондан кечган ўғлоннинг исён тўла кўксидан Ватан дея тўкилдим. Сиёҳ: —келажакка солдим из: “Бош эгмади исёнчи, Хоин эди, отилди”. Йиллар ўтиб авлодинг Бошин эгиб ўқийди. Қон: —Ватан дея тўкилдим. Сиёҳ: —хоин дея ўқилгай. Н. Э.

* * * Аслан ёмғир эдим. Йўлин синдириб, нурни ташна этдим ёмғир бўлмоққа. Сандулоч кўзидан висол ўмариб, ёғмоққа шай бўлдик, фақат ёғмоққа. Зарафшон жисмимиз каҳкашон ичра, сочилган сомондан бир ошён ясар, ёғармиз, Исрофил суридан кейин, ёғмоққа арзирли дунё топилса. 2018, декабрь ©Нажмиддин Эрматов

“Отангни айтдинг, кўп айтдинг, Энангни айтдинг, кўп айтдинг...” “Алпомиш”дан ДЕҲҚОНОБОДГА! Бобом сўзи ўнглигим, Момом кўзи мунглигим, Тоғлардан улоқдиму Унутдимми кимлигим... Қирлар бағрида отар Армондай тўзиб ётар, Қўзи қувлаган бола Таёғин ортга отар... Шаҳарга келиб дайдиб, Қўрганимни кўп айтиб, Куйганимни хўп айтиб, Чол-кампирнинг шамдайин Сўнганин бир айтмадим. Отамнинг ховрин босди Шу тоғлару кўпкари, Энамнинг айтар сўзи Халқумидан ичкари, Аллағайтиб келдим, деб Кетдим шамол сингари, Бу дунёнинг торлигин Кўп айтиб борган сари, Иккисининг шу кунга Кўнганин бир айтмадим. Эл, дедим бисёр айтдим, Ҳақ, дедим хушёр айтдим, Бу ватанда ҳар киши Шод, дедим—бекор айтдим. Айтмадим, хонлар ғофил— Кўнгилда минг хавотир, Икки иним мусофир Юрганин бир айтмадим. Синглим, бўтакўз синглим Қирларга сингиб борар, Туёқдай қаттиқ турмуш Қўлларин танғиб борар, Дунёга бир келганин Англамай ганггиб борар, Алп миллатнинг эртаси, Шовури тиниб борар— Ойбарчиндан мерос қон Тўнганин бир айтмадим. Лалмикор эл, осмонга Қараб кўзи куйган эл, Тўртта қўйнинг тошдайин Туёғидан унган эл, Толган бир тўп турнадай Шу қирларга қўнган эл, Бирда қуруқ йилгаю Бир зулумга кўнган эл Кўнглида бир кун исён Унарин бир айтмадим. Унганин хўп айтарам...

дерлар: баҳорни соғинган уруғ, кута-кута гуллаб кетади, ўзи айланади баҳорга. дерлар: ёмғирни соғинган дарё, кута-кута буғланиб кетар, ўзи эврилади ёмғирга. билмам: сени соғинётган мен, кута-кута яшасам, не бўлади охири?.. ©Нажмиддин Эрматов ноябрь, 2018

Бўйинбоғга бандилар келиб, Ёзишсин, дедилар, барча баробар. Ёза бошладилар деворга ўйиб, Кишанлари ила махбуслар. Сўнгра термулдилар ўшал ёзиққа, Тамшаниб, энтикиб, бўлганича шод. Барча банди эди бу юртда, фақат ’'Озодлик’’ ёзилган деворлар озод. Тўрт томонни ҳайқириқ босди, Юрак унутганди юраклигини. Ҳеч ким тушунмасди деворга эмас, Озодлик одамга кераклигини. ©Нажмиддин Эрматов

Уфққа қараб қушлар учди, Ўнги келмай тушлар учди, Тўкилганим увол дея Парланиб-о, ёшлар учди. Бир мен қолдим учолмаган. Висол мендан кечиб кетди, Хулё сари кўчиб кетди, Кўзларима тиккан ўша Чимилдиғин ечиб кетди,. Бир мен қолдим кечолмаган. Ғусса келди қўлида тўр, Кишан, тушов - яроғи мўл, Чирқиллади oлашақшақ, Қочиб кетди ҳаттоки йўл. Бир мен қолдим қочолмаган. На илдиз бор, ва на қанот, Фақат дард бор йўқдир сабот, Аҳволима бўзлаб, бўзлаб, Менда яшаб ўтди ҳаёт. Бир мен қолдим яшолмаган. Бир мен қолдим яшолмаган... ©Нажмиддин Эрматов 2019, феврал

Buncha mum tishlaysan, uningni chiqar, Qaragin, hurliging kiymoqda kafan. Seni avraganlar, aldaganlar, yo‘q- Sen gung bo‘lib tug‘ilmagansan. Har nega ko‘nikish qismatingmas, yo‘q, Har nega ko‘nikish, tushungin, xatar. Tilingga ko‘nikmay, jonsiz bo‘lsa ham Chinqirib yuborar hali kishanlar. N.E. yanvar, 2020

Халққа ва Холиққа терс бурсам йўлим, Шайтон нағмасига тебранса қўлим, Заррача бедорлик сезмаса кўнглим, Демакки, мудроқман, мудроқлик-ўлим, Уйғотинг мени. Шамолга мосланиб тебрансам агар, Тағин ашъор битсам кундан кун баттар, Демaкки, кўзим кўр, қулоқларим кар, Тош қотган кўксимга уринг-да ханжар, Йиғлатинг мени. Юриб кетаяпман йўллар ортимда, Эсиз кетаяпти йиллар ортимда, Кўксимда тош ўйнар диллар ортимда, Мен хато йўлдаман, сизлар ҳам жим-да, Тўхтатинг мени. Савил кетаяпти бир умр шундоқ, Қўлимда хилпирар бир фоний байроқ, Бу умр ўткинчи, хотира узоқ, Жавобим не бўлар Ҳақ сўраган чоғ, Буткул енгмасидан мени бу тузоқ, Уйғотинг мени, Йиғлатинг мени, Тўхтатинг мени. ©Нажмиддин Эрматов @Najmiddin_Ermatov

Нажмиддин Эрматов "Томчидаги нур' " теледастурида (2018) / Najmiddin Ermatov "Tomchidagi nur' " teledasturida (2018)

Мисрда француз босқинчиларига қарши мардановор курашган Муҳаммад Каримни тутиб Наполеоннинг ҳузурига олиб келишди. Наполеон унга деди: - Сен каби ўз халқининг ҳимоясига жонини тиккан қаҳрамонларни ўлдириш менга тўғри келмаяпди. Тарих мени халқ қаҳрамонларини қатл қилган киши сифатида ёд этишини истамайман. Сенга имкон бераман. Агар менга ўлдирилган аскарларимга эваз ўлароқ ўн минг қитъа олтин келтирсанг сени озод қиламан. Муҳаммад Карим деди: - Ҳозир менда бунча олтин йўқ. Аммо савдогарларга юз минг қитъа олтин қарз берганман. Улар беришса беришим мумкин. Наполеон унга олтинларини кишилардан олиши учун муҳлат берди. У ҳар куни занжирбанд ҳолда, француз аскарлари қуршовида бозорга борар, уларни деб жонини фидо қилаётган кишилардан умид қилар эди. Аммо бирорта савдогар олтин бермади. Аксинча, уни Искандарияни вайрон бўлишига сабабчи ва иқтисодий таназзул сабабчиси деб маломат қилишди. Муҳаммад Карим Наполеоннинг ҳузурига қуруқ қўл билан қайтиб келди. Наполеон деди: - Сени ўлдиришдан бошқа иложим қолмади. Чунки сен тижоратини ватан ҳурриятидан афзал биладиган қўрқоқ инсонларни деб менинг аскарларимни қатл қилдинг. Муҳаммад Рашид Ризо айтади: "Жоҳил оми қавмни деб ҳаётини таҳликага қўйган киши кўзи кўр инсоннинг йўлини ёритиш учун ўз жасадини ёққан кишига ўхшайди". (ФБдан олинди).

Сурнайнинг бўғзига кишанланган сас, Видо фурсатида симрилган нафас, Ташқарида висол, ташқари қафас, Айрилиқнинг минг йиллик эҳроми ичиндамиз. Гул парини ютган уч бош аждаҳо, Баҳодирин кутган ул кўзи шахло, Ташқарида дунё—ташқари рўё, Рўёлиғнинг унутлиғ достони ичиндамиз. Қувғинлиғ наҳрида чўмилган андуҳ, Сандулоч томоғин макон қилган руҳ, Дулдулнинг ёлида уялаган ''чуҳ'', Бу дунёнинг чиндан чин ёлғони ичиндамиз. “Севаман” сўзидан титраган ҳаво, Ҳаво титроғидан яралган наво, Биз ўша лаҳзада қолиб кетиб, о, Асрлардан барҳаёт бир они ичиндамиз. Рўёлиғнинг унутлиғ достони ичиндамиз. ©Нажмиддин Эрматов 2019, апрел

🎊 “Anorbooks”da yangi kitob 🎊 ✍ Bek Ali 📙 “Voh” (she’rlar) Bek Ali — rost tuyg‘ular shoiri. Uning she’rlarida bezovta Yurak ko‘rinib turadi, behalovat Ruhning isyoni bor, haqsizlikka murosasiz Iymon ovozi jaranglab turadi. Shoirning go‘zal va ayni vaqtda rost hislarga yo‘g‘rilgan she’rlarini o‘qib O‘zlik hujayralari tiklana boshlaydi: qaqrab borayotgan Ko‘nglimiz rost tuyg‘ulardan serob bo‘ladi, yolg‘on-u ig‘voga mashg‘ul bo‘lgan tilimiz qo‘qqis yana “Voh” deb yuboradi. Qolgan ta’rif-tavsivlarni o‘zingizga qoldirdik — kitob mutolaasidan so‘ng biz bilan bo‘lishing. Kitob hajmi — 160 bet Muqova — yumshoq Narxi — 20 000 so‘m Buyurtma uchun: @KM_anorbooks Sahifalarimiz:👇 Telegram | Instagram | Facebook

🎊 “Anorbooks”da yangi kitob 🎊 ✍ Bek Ali 📙 “Voh” (she’rlar) Bek Ali — rost tuyg‘ular shoiri. Uning she’rlarida bezovta Yurak ko‘rinib turadi, behalovat Ruhning isyoni bor, haqsizlikka murosasiz Iymon ovozi jaranglab turadi. Shoirning go‘zal va ayni vaqtda rost hislarga yo‘g‘rilgan she’rlarini o‘qib O‘zlik hujayralari tiklana boshlaydi: qaqrab borayotgan Ko‘nglimiz rost tuyg‘ulardan serob bo‘ladi, yolg‘on-u ig‘voga mashg‘ul bo‘lgan tilimiz qo‘qqis yana “Voh” deb yuboradi. Qolgan ta’rif-tavsivlarni o‘zingizga qoldirdik — kitob mutolaasidan so‘ng biz bilan bo‘lishing. Kitob hajmi — 160 bet Muqova — yumshoq Narxi — 20 000 so‘m Buyurtma uchun: @KM_anorbooks Sahifalarimiz:👇 Telegram | Instagram | Facebook

Bu g‘arib dahrda uchrashsak yana, Yo‘llaring oxiri chopsa ko‘zima, Ashklaring nahridan kechib o‘tmasam, O‘ksima. Darz ketgan kosada may ichib tursam, Sanasang, qovurg‘am biri bo‘lsa kam. Qarasang, jismimda kam bo‘lsam men ham, Ichikma. Ko‘zlarim kadardan kiyinsa kafan, Puflasang, qaqnuslar chiqmasa kuldan, Kuyug‘ ko‘kayima kuldon qidirib, Kuyunma. Qushlarsiz uyaday ezg‘inlik hokim umrima sochsa gar umidlar hokin, Qayta butlamoqqa haddimiz sig‘mas, Yig‘inma. Ikkimiz bir dunda ikki yon ketsak, Qismat kishanida gar tanho ketsak, Joning omon bo‘lsin, faqat bu jonga Ko‘nikma. Joning omon bo‘lgur, mensiz bu jonga, Ko‘nikma... ©Najmiddin Ermatov iyun, 2019

дунё— охирига етмаган чизиқ нарёғи йўқлик аммо унда юрарди ажаб бир қалби синиқ йиғларди тинмай шоир эди у шеър ёзар эди чизиқнинг давоми ҳақида ©Нажмиддин Эрматов 03.2018

CHIN DO‘ST Shoir ukam, do‘stim Najmiddin ERMATOVga Hali yosh edimku buni anglashga, Hali orzularga to‘la yuragim. Qay vaqt adashdim men yo‘lni tanlashga, Borar manzilimni kimdan so‘radim?! Devlar borar emish Ko‘hi Qof sari, Parilar chorlarmish Behisht tomonga. Mushtday vujudimda ruhim sarsari, Pitirlar tushganday xuddi zindonga. Lablarim shivirlab so‘rar qatim nur, Zulmatga ko‘nikkan nigohda ne g‘am? Zulmatdoshim mening, sizga tashakkur, Asodoshim mening – umrimga hamdam. O‘ttiz yil o‘tkir tig‘ ustida yurdim, Yaxshiyam tovonda emaskan jonim. O‘lmadim, o‘zimni olovga urdim, Ko‘zyosh pardasiday bu xonimonim! Neki xato bo‘lsa o‘zimdan o‘tgan, Neki yutug‘im bor, sababi o‘zim. Deraza ortida dunyoni yutgan Kim edi, topolmay o‘rtanar ko‘zim. Omon qolar emish kemadagilar, Bo‘ronga dosh berib o‘tolsa yelkan. Yelkanga yopishgan dengizchi misol – Chin dardkash bo‘lsa kim, yaqin do‘st ekan. 19.03.2021-yil ✍ Bahodir BAHROM 👇👇👇 https://t.me/eng_suluv_armon