pluie

‏حي ذكرى العام في سبت ولا في ربوع ‏قبل تبعدنا المقادير والفرقى تحل ‏يوم كان الوصل مسموح مع زين الطبوع ‏كل ما اطلب منه ساعة مواصل ما بخل ‏لا لقيته وارتوى القلب وارويت السموع ‏كني متكي بكوعي على كوكب زحل ‏اشهد ان الوقت خداع والدنيا تروع ‏بعد كان الوصل روض ٍ خضر قد هو محل ‏اجبرته ظروف الايام لو ماهو قطوع ‏وان رحل زوله عن العين حبه مارحل ‏والله ان يبطي وحبه ورى حدب الضلوع ‏العرب غيره طراقي وهو راعي محل

‏كل صبح يقدّمك للمجد خطوة ‏كبّر أحلامك على كيفك .. وكافح

‏جعل صبح ٍ مايجيبك ولا يثبّت غلاك ‏ما أتعايش مع نسيمه ولا أرقب جيّته

ليلتين أبعدت و الدار مليان بغلاك كل ماطبيت غرفة لقيتك ضيفها مرحبا و الدار دارك و محبوبك فداك تو ما جرد المحاني تبتسم ريفها هيّنه كل الليالي قبل يصعب لقاك رحت عشاق الليالي و جيت معيفها علمتني فرحة العمر كيف العب معاك وضيعتني رحلة العمر في تصريفها حبني .. ترقص على الدرب ترنيمة هواك! ضمني .. يبقى من الشمس تالي طيفها سمّني .. تعويذة العشق و آسلى من جفاك يا مكيّف قصة العشق .. يااا كيفها والذي خلا الشياطين بكفوفك ملاك أسلمت في دين عطرك ولا هو كيفها ماجلبني من هنيّا و خلاني هناك غير تطمينة رموشك و عالي نيفها - مساعد الرشيدي

‏مايوفق للصواب الا من الله دلّه ‏جعلنا لامن دعانا الحق مانستكبر ‏قانعين إن الحياه موليّه ومزلّه ‏عندنا عنها خبر والله هو اللي اخبر ‏الآدمي ماهوب قاعد حي عمره كله ‏والله إن يجيه يوم يموت فيه ويقبر ‏أحمدك و استغفرك يالله وسبحان الله ‏ولا اله الا الله المعبود والله اكبر

‏حبيبتي وشلون أصبّحك بالخير ‏وأنتي صباح الخير والخير كلّه ‏أنتي صباحات السعد والتباشير ‏على وجيهٍ بالرضا مسفهلّه ‏دامك صباحي وين ما أروح وأسير ‏والله مأدور فوق راسي مظلّه ‏جيتي وصارت لك ضلوعي جماهير ‏ويتل منّها شوقي اللي يتلّه ‏ومدام جيتيني فـ أنا حالي بخير ‏لو كان جرحي ما أسترته الأجلّه

صباحٍ تحت فيّك تغني عصافيره

‏احبه ولو ان الزعل بيننا له باب ‏يسكر مزاليجه الى من ضحك سنه ‏ّ ‏واحبه وانا راضي واحبه عليه عتاب ‏كثر ما يحب المومن الزاهد الجنه ‏ّ ‏محبة نقى ما خالطه فـ غلاه شواب ‏ولا له ولا لي فالمحبه حدٍ منّه ‏ّ ‏تخوى المشاعر له هوى والعقل ينصاب ‏مثل مايخوى راعي المسامر على بنه بنا بيته بروض الحشا ووثقه باطناب ‏و ما يرعى مفاليّه سوى سارحٍ منه ‏ّ ‏ولا يحيي فؤادي الى من محله غاب ‏سوى مواصلٍ يسقى يباسه الى حنه ‏ّ ‏وانا ادري بحبه مالحقني عليه رياب ‏وهو يدري اني باقيٍ له على ظنه ‏ّ ‏سقه لي مع سوق الهوى بالمساء هباب ‏وعلى عود غصن الحب يا قمريّته غنه ‏

‏البُعد له نار تزهى بك / وتزهى بي ‏أدفى بها، وأنت تحرق بارد ضلوعك ‏ماغيّروني عليك، وعندي أسبابي ‏ماكانوا الناس موضوعي وموضوعك ‏البارح أغليك، و أقرب لي من ثيابي ‏يوم إنّي أظماك لامن رحت وآجوعك ‏واليوم مستكثرٍ بك صادق عتابي ‏حتى لو إنّك ترشّ القاع بدموعك ‏خسرتني وأنت دايم تحسب حسابي ‏تحسب حسابي غلط ويضيع مجموعك ‏وش فيك منهار؟ ماجهزّت لغيابي؟؟ ‏حاول تناسى غلاي (وهدّ من روعك) ‏لاتنتظر رجعتي يا ((أكذب أحبابي)) ‏-إن مات ورد اللقا، ‏-وإن ذابت شموعك..

" قصايدي فيك معذوره و مسموحه لولاك ما كنت قايلها .. وكاتبها "

‏قلبي حلالك، وأنت مهما حصل غير ‏وأنا ماقلت لشخص قلبي حلالك ‏من يوم شفتك شفت في شوفك الخير ‏ريّحت بالي ريّح الله بالك ‏تشوف هذا شويّ، وأشوفه كثير ‏ماعاد أبي في عمري إلّا "قبالك"

يوم أقبل الصبح ليتك تقبل لخلّك ليتك تجي مع شروق الشمس من بدري بعضك مع الشمس يكفي لا تجي كلك شمسين في صبح واحد، معجزه تدري؟

قال رسول الله ﷺ : ﴿ أَوْلى النَّاسِ بِي يوْمَ الْقِيامةِ أَكْثَرُهُم عَليَّ صَلاَةً ﴾ اللهم صل وسلم على نبينا محمد ﷺ

الله أكبر الله أكبر الله أكبر لا إله إلا الله ‏الله أكبر الله أكبر ولله الحمد

‏في عُرف القلب، الأمان هو الحدّ الفاصل بين نضج الشعور وزيف العاطفة، وهو الذي يمنح العلاقة حقّ البقاء؛ فكل وِدّ لا يُحاط بالطمأنينة مجردُ التباسٍ عاطفي لا يُعوَّل عليه.

الله أكبر الله أكبر الله أكبر.. لا إله إلا الله الله أكبر الله أكبر.. ولله الحمد..

‏مساء الخير، قلبي ماهدأ من يوم صدرك ضاق ‏وجيت أمسّي وقلبي عليك من الولَه فاير ‏وش اللي صاير بضلعين صدري من طريت فراق؟ ‏أنا من وقتها مدري وقلبي يسأل شصاير ‏تبي ترجّع لي الضحكة هذيك اللي من الأعماق؟ ‏تزيعل زي ماودّك وعوّد .. ماني بطاير ‏ولكنّك تروح الروحة اللي ماوراها عناق ‏أبستأذن عنادي وأرجع أداريك وأساير -فارس فايح

‏جعل من زوّد حلاك يزود خيرك ‏ياربيع الخاطر المجدب وشفّه ‏أزعلك وأزعل وأعود واستجيرك ‏أدري إنّك أكثر قلوب الناس عفّه ‏اِرْض قلبك قبل لاترضي ضميرك ‏الضمير إن ضاق قلبك : ما ترفّه ‏والله إنّك مـ أنت مثلك مثل غيرك ‏"أنت في كفّه وخلق الله فـ كفّه"

‏حبيبي لا تعذر ما على صدق الحبيب جدال ‏رضت عنك العيون وهاك قلب فز بأعشابه ‏على وعدك تجيني ياحبيبي صاخب الميصال ‏عليك من اليدين وناسها هرجه وسبابه ‏هلابك وين مايشرق نظرك الناعم القتال ‏هلابك انثنى غصن الزمان وطار باسرابه ‏عذاريبك قليلة ياحبيبي كايد العذال ‏لكنك بقلب من سكنته حارسك بابه ‏عيونٍ شافتك عن قرب قرب يهمها تختال ‏على بعض العيون وكل طير يحب مرقابه ‏انا اللي سلمك قلبه دلو عشق وغلاك الجال ‏وتليته بحبلٍ من جفاك وضاق بأسبابه ‏فداك اللي تبي هاك الجمل والحمل والجمال ‏جلب تلك السنين وكل سوق وطيب مجلابه ‏احبك كثر ما ينسى زمانه مستريح البال ‏واحبك كثر ما قلب المسافر حن لترابه ‏شبيه الشمس لو مالك مثل شمس السنين ظلال ‏ترى كلٍ يموت الا قصيدٍ يبكي احبابه ‏وانا ليلي قصايد او قصيدي ليل لا تحتال ‏هذا بعض الغلا بأقصى خفوقي جاك بأعشابه

‏ياوطنا 🇰🇼 .. يصغر التعبير وتشح المعاني ‏وانت تكبر كل عام ، وكل يوم ، وكل ليله ‏كل من والاك اصيل وكل من عاداك اناني ‏مابقى فالارض شبر الا وحافظ لك جميله ‏الله من الطيب ومن التضحيه ومن التفاني ‏واقتناص الممكنه والصبر عند المستحيله ‏ترخص الاعمار ، وتهون القواصي والدواني ‏بالعيون اللي لو انها تنعطى ماهي قليله ‏( الكويت أول ) ومادون الكويت يصير ثاني ‏يا مساومني على بعض القناعات الأصيله ‏روحي - وما تملكه نفسي - ويلهج به لساني ‏ذرة ترابٍ تطاير به نسايمها العليله