لعلّ إنتظارك، وإنتظار المطر شتَّان ‏يبلَّ الثرى، ما بلّل مْويهك؛ شْفاته ‏عن الما توقّفني الكرامة وأنا ظميان ‏يا سقّايته، كلٍ من إيديَه منجَاته وأنا أعوذ بالله من أنا، في بعَض الأحيان ‏إلى عفت شخص أشوف حسَناه : سيّاته ‏هذا الدرب نفسه ما تغيّر عن اللي كان ‏إناراته، أرصفته، مبانيه، لوحاته ! ‏أمرّه وأنا سالي، وأمرّه وأنا تعبان؛ ‏تغيَّر شعوري، وأستمرَّت حكاياته ! ‏لو أنه يعلّم وش تخبّي لي الجدران ‏تهاونت لوعة وحدتي في مسافاته ‏تكلّم بـ عينك، لو عيونك بدون لسان؛ ‏عيونك معي، وألسنة الأقراب شمَّاته ‏لو أنّه علي، ما طاول إحساسك الكتمان ‏وش يصير لو كلٍّ تكلَّم بـ رغباته؟ ‏سواليف قلبٍ ما تركته رسن، وعنان ‏تبعت السنين، ولا تتبَّعت شهواته ‏لو أقصر قدم رجلي، أو آجنّب الركبان ‏من يرجَّع إحساس الشغف من نهاياته ‏محطَّات عمري واجد، وكلّها سيَّان ‏الإحساس هذا واحدٍ من محطَّاته ‏لو أن عاد قلبي فيه نزعة وضعف إيمان ‏فصول السنة .. ما غيّرت عنْك نيّاته ‏مثل ما المزوح أكبر علامات الإطمئنان ‏مثل ما علامات المروَّع : تلفّاته ‏تغافلتني، وآنا يا غافل لك الرحمن ! ‏ماعرف الجفى لكنّي أعرف علاماته

3 978

‏«يثور من الزعل في كل ليله و الفجر يرضيه ‏يحس إن الصباح مسامحه عن جملة ذنوبه ‏أحب من السوالف ما يقرّب غالي لـ غاليه ‏و أعاف من السوالف كلمةٍ ماهي بـ محسوبه»

3 978

‏مدح كل الناس لا جاني أملّه ‏إلا مدحك.. وابتساماتك.. وكلّك ‏(يالطريق اللي حياتي دون ظلّه ‏كل يوم: أحسّـه أول يوم أدلّك) ‏بالرغم من كل حاجاتي المملّة ‏مهما طال الوقت "لايمكن أملِّك"