👸🏻

‏والله ما منك " لا مفرّ ولا نجاه " ‏معكْ الضمير يسوق عمره لـ اللّحد ‏أنت الدعاء اللي تخشه في الصلاه ‏و تستودعه يومياً .. الواحد الأحد ‏غيّرت في عيني " مفاهيم الحياه " ‏حتى التناقض لجل يرضيك أتّحد ‏أسمي هو أسمي لا دعاه اللي دعاه ‏و أسمي بصوتك ما بعد قاله أحد

‏الرجال الكفو " يُستأمن " وفي إثبات الشاعرات ‏أغيب و أضعف و أنا ضعفي أمامك نزيه ‏حبّيت ضعفي معك لأن "ما أنت بـ ردي" ‏- مرام القحطاني ‏ومثلك ما تردّيه الليال "وْمنه ما ينخاف" ‏لو إنك كاشف أسراري وعارف وش هي طبوعي ‏- نوف العثمان

‏"هنيّ اللي سرا بك وشبكت يمناه في يسراك ‏على سنة رسول الله لا خوفٍ ولا منقود"

‏لاتنشد عن غلاك وحُبك اللي ماعليه ظلال ‏ أحبك والحياه اللي بدونك .. ما اتصورها

"عشان الإنسان يكسب له هداوة مزاج لازم يوسع نطاق السله المهمله"

عطني من الود ما يرضي غروري واجيك مجي من يكره الموت ويحبّ الحياه

واحدٍ لرضاي، ما خلا على الهامش طريقة لو أبي، يعلق بعنقي كواكب... قال طيّب

التقيتُ بك فتصالحت مع العالم وعفوت عن الغائبين، عذرتُ كل أصدقائي الراحلين، منذُ أن التقيتك وأنا أرى أن لا شيء يدعو للغضب إلا غيابك

تاركٍ لي ذكريات و مداهيـل وراي خاطري فيها وانا ما اقدر اعود ورا

‏مشتاق اسولف : معك و اقبّل " كفوفك " ‏من 1000 كيلو سريت وجيت لك عاني ‏يمه - على كـثـر ماني ميّت أشوفك - ‏مافيه ( موتر ) من اللهفه " تعداني "

‏جادل ما تطرب الا على بيت القصيد ‏لا كتبته في هواها وفي مجدولها ‏من فراستها لا غنيت لي بيتٍ جديد ‏تعرف الكلمه من البيت قبل أقولها

غنوج أوامرها أوامر ملكيه ما قد جت تبي حاجه .. وراحت ولا جتها عبد الرحمن جزى

‏قالوا لي انه سيد قوم وراس مال ‏وديوانه المعروف دايم ممتلي ‏في كل يوم يطق صدره للرجال ‏تقول يلطم للحسين ابن علي

‏يافرحة العيد مالك في الحنايا شريك ‏دوّر وتلقى ورى الاظلاع عيديّتك ‏إنسف جديلك قبل تنسف مذارع يديك ‏الغيم تاجك وسطح الارض زوليّتك ‏حتى الفساتين وعقود الذهب تحتريك ‏الكل منها يبي يلمس خصوصيّتك ‏المشكلة لا هروبٍ منّك .. إلا إليك ‏أودّعك صبح والليل انتظر جيّتك ‏_سعود مبارك

أحبها . . و الحب شي مقدّر ولا تقول الزين واجد هذي فرق هذي لا طبت كرنفال إتصدّر وتحرق بطلتها كروت البني حرق بعيونها الخدر الجميييييع يتخدّر وبرقصها الشرقي تصليبهم شرق عبدالرحمن بن جزا

لو أن الأوادم في عيوني يجون أفواج وجودك يكفيني عن هالكون وإزعاجه الى فقدتك عدني دايمًا محتاج والى من وجدتك ما نقصني ولا حاجه - مسعود المقيبلي

‏«يا سليلة بيرقٍ فالمواقف ما يطيح ‏يوم يمنى الموت بين القبايل طايله ‏ما طمعت إلا بقربك على الوجه الصحيح ‏لو خيل الحظ مـن دون قربك صايله ‏من تلذّذ وصلك العذب يا الترف المليح ‏ما قعد برق الرجا كل ليل يخايله ‏عرّب عياله على أسمٍ يضيّفه المديح ‏من يضيف أسمك رباعي بـ كرت العايله»

هذا يوم مولدك و لفاك القصيد أحزاب دخلتي السنه . . تحت ضفي وزنتي أحنك من الأيام و البرد و الملهاب و أعاملك بالحب الحقيقي مثل بنتي مصيري معاك و شب قلبي معاك و شاب على عرش قلبي . . والله إنك تهيمنتي دخلتي عليه من أصدق الحب والإعجاب وتربّعتي وشختي عليه . . وتمكنتي

‏فدا وجهك صواريخ النساء ومسيّرات ايران ‏وفداك اللي يحسب إن الحروب ، أخطر من فتونك

‏" قلبي " مزبّن المزيون .. خل المجنّا ‏من كثر ما يزبّن صار فندق سياحه ‏سلّمو لي ! ‏على إللي عودها لا تثنّى ‏عود ريحان يطرقه الهوا وسط واحه ‏ثغرها فيه لول ؟ و خصرها فيه إنّا ‏ليه ضيّق على نفسه و عنده مساحه ‏ترمي ( عيونها ) منّاك !.. ‏ و نطيح منّا ‏والله إنها هي أقوى من رما في سلاحه ‏إطعنت قلبي المُفرد .. و عوّد مُثنّى ‏صار نصفين كلٍ .. يشتكي من جراحه ‏قالت أنت القتيل الألف ؟ قلت أتمنّى ‏موتةٍ منك تسوى شي واجد صراحه ‏أنتي الطفله .. إللي تحسب الدم حنّا ‏و أنا دمّي بـ راحة يدك يشعر بـ راحه ‏من كثر ما تمركزتي بـ قلب المعنّا ‏ما يطلّعك منه إلا " طبيب الجراحه " ‏_ جمال بندر