%

مافي داعي لـ التشرّه والكلام كلن ضميره في الحياه ينـوّره ان جيت عينت الغـلا والاحترام وان رحت قلبي مـا قدرت تعوره مانيّب من متسولين الاهتماااام ان ماحصل ماجيت منك أدوره .

‏وش لي بصدرٍ مايجي منهّ تقدير ‏وصدور خلق الله لشوفي شفاحة!

روّحت مع مهب الريح يا هملالي ‏ماحدٍ جت له الدنيا على ما يريده ‏والتجارب عطتنا ميزة الاحتمالي ‏ودرّستنا مشاوير الحياة البعيده ‏أن مابه حياة الا وراها زوالي ‏وأبن أدم بهالدنـيا شبوحه بعيده ‏مير لاهي بمكسب ولا راس مالي ‏كود من حط قولة ونعم في رصيده

‏ياما حضنت المُتعَبين بـ هالحياة ‏حتى غدى صدري .. مخيّم لاجئين

‏"وكان تذكرني مع الخلوه ثواني ‏أنت في بالي شهر شوّال كلّه"

انت اللي خسران يوم انك تزعلني ولا انا ؟ واجد احبابي .. وخلاني إن كان ربي عطاني .. عمر وامهلني مصَيرك تشوف من يندم على الثاني :)

ياعلّ تفدا ضحكتك دقلة الشيخ ‏وبدوٍ ما توجس فالتهاتيه خيفه ‏وحمّاية العطفه وساع المجاويخ ‏والحضر وبيوت الشعر والسقيفه ‏يابنت قومٍ يكتبون التواريخ ‏على ظهور ملاعبات السفيفه ‏لك عاشقٍ لا غطرفنّ المناويخ ‏يبلّ كبد الموت -مضراب- سيفه

"يفدى مواعيدك شعوري فالبداية والختام والعمر لامن ضاع معك يضيع وجعله مايدل واجد حديثي عنك في روحي عدا روحي الملام أنا أحبّك .. و اللي يحبّك يا حبيبي ما يمل معاك أنا أقبل الاختصار بكل شي الا الكلام خير الكلام بصوتك المعزوف ما طال ودل"

"عسى دارٍ تضمك يا حبيبي للمطر والبرق ثلاث، أربع ليالي لين يثّر بك و يثّر بي"

أنا ليه اكترث للشمس لاهفّت ورا المشراف وهي لا هفّت .. أول ما يقفي عني ظلالي - صالح النشيرا

ياسليلة مفني الكوم والدنيا دهر ‏تقصر اشناب الرياجيل عن هيبة حماك ‏ㅤ ‏لا تقولين انتهينا ترى يومي شهر ‏الحقيني ركب الأحلام لجل الحق مداك ‏ㅤ ‏ما لقيت الطيّب اللي يشد به الظهر ‏ومالقيت الكلمة اللي تعبّر عن غلاك ‏ㅤ ‏لو نضمت سنين عمري على جيدك مهر ‏ماتساوي دمع عينك ولا ضحكة شفاك

و أقفيت وأنا اكبر من التبرير والعذر السمين حتى لو اني خاطري ما كلّ شيء يصبّره القلب يكسره اللسان.. ولا تجبّره اليدين ماهوب عظمً كل يوم .. تكسّره وتجبّره ما عاد عندي فرصةً تهدر مْن العمر الثمين واللي بينشدها من أسباب الفراق تخبّره ما غاض منها الشامتِين .. الا جمال الشامتين اللي حداها عن حداها .. فارقه ومعبّره من حقّها تنثر مدامعها وزان الصورتين تعلّق الذكرى على بروازها وتكبّره (حيث انه اول شخص يسقط من عيوني مرّتين وأنا عيوني من سقط منها .. ما عاد تعبّره ) - صالح النشيرا

‏رميت وجهي على كتفك شوي وغفيت ‏والغفوة اللي ثواني فوق كتفك عُمر ‏لو إنك من أول الدنيا معي ماشكيت ‏مافاتنا نستحقّه بس ما الله أمر ‏لو مرّ عمري معك برد وسلام اكتفيت ‏هذا وجنبك ربيع العمر عيّا يمر ‏دامك معي لايهمّك لو ضحكت أو بكيت ‏كتفك لحاله يكفّي لين يقضي العمر

‏السنافي والخوي وأغلى الجماعه ‏في نظرهم كنّي القصر الرئاسي ‏والرفيق الي متاعي من متاعه ‏كن ربي خالقه يجلى عماسي ‏يا بعد من قلت له سمعًا وطاعه ‏وألتفت يمي وبادلني حماسي ‏من كثر ماني أحبّه عن قناعه ‏لو عطاني ثوبه بيطلع مقاسي

‏جبين ولا بدر ذا خشم ولا حدب ؟ ‏يا بنت من دون مجده ماحدٍ هيبه ‏الله من الزين والعفه وكثر الأدب ‏و الكلمه الطيبه و النيه الطيبه

"ما كان ودّه يبللك المطر يا جميل ‏لكن يبي يحس كيف إليا نزل يرتقي" __سعد علوش.

هلا يا أول خريطة للفرح في رحلة اللي ضاع قبل جرة غـلاك بعالم الخذلان ودروبه سقى غيثك صحاري قلبي وقلبي؟ بدويّ اطباع يرحبّ بالمطر حتى ولو بلّ المطر ثوبه أنا ما كنت أخاف الشوق ولا والله أخاف وداع ولا كانت ليالي العمر في دنياي محسوبه ألين إني لقيتك! يا بعد منهو شرآني وباع وعرفت أن العمر لحظات والأيام مهيوبه كثر ما ازعلني الهجر وكثر ما أبكتني الأوجاع حمدت الله يا شور الله بأن الأقدار مكتوبه! ولو قلبك عليّ التاع، أنا كلّي عليك التاع كأن غيرك ذنوب! وكنّك الغفران والتوبه

الشمال البارده هبّت و خاوتها الهبايب ‏من برودتها ليان الغصن ما عاد يتثنّا ‏َعلم اللي يحتسون البرد عاد البرد غايب ‏هي كذا ولا كذا نقدر نرد البرد عنا ‏َكل شي الا البرود اللي يجي بين الحبايب ‏هذي اللي شغلها منّا وشغل البرد منّا

‏بتقفي بك الدنيا يا حبيبي وأنا بتقفي بي لين ما عاد نعرف عن بعضنا إلا هزايمنا .

" إليّا زعلتوا فأزعلوا لين ترضون وإن ما رضيتوا جعل فالأمر خيره ما يلحق الواثق مشاريه وظنون ولا به كبيرٍ . . يلتفت للصغيره . . "