Ta'lim nazorati

📣 Maktablarda kuzgi ta’til 4-noyabrdan boshlanadi ✅ Amaldagi tartibga koʻra, umumiy o‘rta ta’lim maktablari o‘quvchilari uchun joriy o‘quv yilining kuzgi ta’tili 2026-yil 4-noyabrdan boshlanadi va 9-noyabrga qadar davom etadi. ❗️II chorak dars mashg‘ulotlari 2026-yil 10-noyabrdan boshlanadi.

Rasmiy munosabat   Turli ijtimoiy tarmoq sahifalarida milliy sertifikat uchun ro‘yxatdan o‘tishda qiyinchilik bo‘layotgani, talabgorlar saytga kirolmay qiynalayotgani haqidagi xabarlar tarqaldi. Ma‘lumki, talabgorlarning ro‘yxatdan o‘tishi to‘liq my.gov.uz portali orqali amalga oshiriladi. Haqiqatan ham, my.gov.uz orqali ro‘yxatdan o‘tish jarayonida ba’zi uzilishlar yuzaga kelgani aniqlangan hamda tegishli tashkilotlar tomonidan bartaraf etilgan. Joriy yil 16-oktyabr kuni my.gov.uz ning Telegramdagi rasmiy kanalida shu masalaga bag‘ishlangan posti e’lon qilindi. Unga ko‘ra, 2026-yil noyabr oyida bo‘lib o‘tadigan biologiya, kimyo, matematika va fizika fanlaridan milliy sertifikat imtihonlarida qatnashish uchun jami 203 mingdan ortiq ariza kelib tushgan (16-oktyabr kuni holatida). Jumladan, 44 ming ariza my.gov.uz portali orqali, 159 mingdan ortiq‘i MyGov ilovasi orqali rasmiylashtirilgan.   Bilim va malakalarni baholash agentligi ✅Ta’lim nazorati rasmiy kanali

Toshkent xalqaro moda akademiyasi tashkil etiladi Oʻzbekiston Respublikasi Prezidentining 2026-yil 16-oktyabrdagi PQ–378-son qarori bilan Toshkent xalqaro moda akademiyasini tashkil etish belgilandi. Mazkur qaror mamlakatda yengil sanoat, dizayn va kreativ iqtisodiyot sohalarini rivojlantirish, xalqaro talablarga javob beradigan taʼlim tizimini shakllantirish hamda milliy moda sanoatining raqobatbardoshligini oshirishga qaratilgan. Qarorga muvofiq, Toshkent xalqaro moda akademiyasi davlat oliy taʼlim tashkiloti hisoblanadi va Yengil sanoatni rivojlantirish agentligi tizimida faoliyat yuritadi. Akademiya Toshkent toʻqimachilik va yengil sanoat instituti hamda Parij xalqaro moda akademiyasi (Achadémie internationale de choupe de Paris) oʻrtasidagi qoʻshma taʼlim dasturi asosida tashkil etiladi. Akademiyada oʻquv jarayoni 2026/2027 oʻquv yilidan boshlanadi. Talabalar amaldagi qonunchilik hujjatlariga muvofiq qabul qilinadi. Qoʻshma taʼlim dasturlari bilan bir qatorda, oʻz taʼlim dasturlari asosida bakalavriat va magistratura mutaxassisliklari boʻyicha kadrlar tayyorlash yoʻlga qoʻyiladi. ✅Ta’lim nazorati rasmiy kanali

⭕️ Attestatsiyaga tayyorgarlik ko‘rayotgan pedagoglar diqqatiga! Sinovtest.uz saytidagi namunaviy testlar bazasi yangi fanlar bo‘yicha testlar bilan boyitib borilmoqda. Pedagoglar spetsifikatsiya asosida tuzilgan namunaviy testlarni ishlab, attestatsiya imtihonlariga tayyorgarlik darajasini sinab ko‘rishlari mumkin. ✅ Sinovtest.uz'ga quyidagi fanlar bo‘yicha yana yangi testlar qo‘shildi: — Matematika; — Ona tili va adabiyoti; — Tarbiya; — Informatika; — Rus tili (milliy); — Rus tili (rus); — Texnologiya (o'g'il bolalar); — Turk tili — Fransuz tili — Robototexnika 🔹 Sinovtest.uz’da testlar bazasi muntazam yangilanmoqda. Tez orada boshqa fanlar bo‘yicha ham yangi testlar qo‘shiladi. 🏬 Ilovani yuklab olish 👨‍🎓Telegram kanal: @sinovtestuz ✅Ta’lim nazorati rasmiy kanali

Malaka toifalari bosqichma-bosqich beriladi yoxud toifalardan “sakrab” o‘tib bo‘lmaydi Savol: Men 2025-yilda universitetni tugatib, maktabga ishga kirdim, toifam mutaxassis. 2026-yil yanvar–iyun oylarida bo‘ladigan attestatsiyaga navbatdan tashqari qatnashish uchun hujjat topshirdim. Murojaatim qabul qilindi. Men toifa testlarida 70 balldan yuqori to‘plasam, menga 1-toifa beriladimi yoki 2-toifami? Javob: Nizomning 44-bandi: Ikkita bosqich natijalariga ko‘ra: g) mutaxassis yoki oliy ma’lumotli o‘qituvchi lavozimidagi pedagog kadr: ➖60 ball va undan yuqori ko‘rsatkichga ega bo‘lsa — attestatsiyadan o‘tgan, ikkinchi malaka toifasi (katta o‘qituvchi lavozimi) berilgan; ➖55 balldan 59 ballgacha ko‘rsatkichga ega bo‘lsa — attestatsiyadan o‘tgan, mutaxassis (oliy ma’lumotli o‘qituvchi) lavozimi saqlangan; ➖55 balldan kam ko‘rsatkichga ega bo‘lsa — attestatsiyadan o‘tmagan, mutaxassis (oliy ma’lumotli o‘qituvchi) lavozimiga muvofiq emas deb (navbatdan tashqari attestatsiyaga jalb etilgan pedagog kadrlar bundan mustasno) hisoblanadi. Malaka toifalarini oshirish yoki tushirish bosqichma-bosqich, ya’ni bir pog‘ona ko‘tarish yoki bir pog‘ona tushirish orqali amalga oshiriladi (alohida yutuqlari uchun to‘g‘ridan-to‘g‘ri (attestatsiyadan o‘tkazilmasdan) beriladigan malaka toifalari bundan mustasno). Attestatsiyaga tayyorlanish uchun testlar: 👉 👨‍🎓 sinovtest.uz ✅Ta’lim nazorati rasmiy kanali

❗️Milliy sertifikat imtihonlari uchun qabul jarayonlari yakunlandi! 👨‍💻 2026-yil noyabr oyida bo‘lib o‘tadigan biologiya, kimyo, matematika va fizika fanlaridan milliy sertifikat imtihonlarida qatnashish uchun talabgorlarni onlayn ro‘yxatga olish jarayoni nihoyasiga yetdi. 🔹Jami kelib tushgan arizalar: 213 414 ta. 🔹my.gov.uz portali orqali: 45 596 ta. 🔹MyGov ilovasi orqali: 167 818 ta. ✅Ta’lim nazorati rasmiy kanali

⚡️Kelasi o‘quv yilidan oliygohlarda energetika yo‘nalishlari bo‘yicha qabul kvotalari oshiriladi Prezident Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazmoqda. Yangi energiya obyektlarining samarali ishlashi malakali kadrlarga bog‘liq. Saudiya Arabistonining “ACWA” kompaniyasi Qoraqalpog‘iston, Buxoro va Sirdaryodagi texnikumlarni jihozlab, har yili yuzlab yoshlarni energetikaning yangi yo‘nalishlariga o‘qitishni boshlamoqda. Prezidentimiz boshqa investorlarni ham o‘z loyihalari uchun xalqaro talablarga mos mutaxassislar tayyorlashda ishtirok etishga chaqirdi. Bunday tashabbuslar uchun investorlarga joylardagi texnikumlarni boshqaruvga berishga tayyorlik bildirildi. Kelasi o‘quv yilidan mahalliy oliygohlarda energetika yo‘nalishlari bo‘yicha qabul kvotalari oshiriladi. Dunyoning yetakchi universitetlarida o‘qish uchun har yili 50 nafar yoshga davlat granti ajratiladi. ✅Ta’lim nazorati rasmiy kanali

📣Xalqaro malaka oshirish kursi: Finlandiya va Shvetsiya tajribasi 🔹Pedagog kadrlar uchun Yevropaning eng ilg‘or ta’lim tizimini o‘rganish va malakani oshirish imkoniyati!

🟢Yo‘nalish: Finlandiya (Helsinki, Yuvaskulya) va Shvetsiya (Stokgolm) 🟢Vaqti: 2026-yil 1–12-dekabr 🟢Hajmi va formati: 144 soatlik gibrid dastur —72 soat – Oliy ta’lim tizimi kadrlarini qayta tayyorlash va malakasini oshirish institutida nazariya —72 soat – Skandinaviya OTMlarida amaliyot va ilmiy muloqot 🟢Guruh hajmi: Atigi 25–30 nafar tinglovchi

❗️ Diqqat eslatma: Laplandiyaga tashrif asosiy o‘quv dasturiga kiritilmagan bo‘lib, qatnashchilar uchun dasturdan tashqari alohida qo‘shimcha xarajat asosida tashkil etiladi. 📌Kursni muvaffaqiyatli tamomlagan tinglovchilarga Davlat namunasidagi malaka attestati hamda maxsus xorijiy malaka oshirganlik sertifikati topshiriladi. 💰 Xarajatlar smetasi:

🔹 Asosiy to‘lov — 2000 yevro: Darslar, tashriflar, mahalliy transport, 12 kunlik sug‘urta, mehmonxona (nonushtalar bilan) va tashkiliy yordam (Shartnoma asosida XNU hisobraqamiga o‘tkaziladi). 🔹 Avia chipta — taxminan 800–900 yevro: Toshkent – Istanbul – Helsinki va Stokgolm – Istanbul – Toshkent yo‘nalishi (mustaqil yoki turkompaniya ko‘magida xarid qilinadi). 🔹 Viza xarajatlari — 130 yevro: 13 kunlik viza uchun viza markazida shaxsiy karta orqali to‘lanadi.

❗️ Joylar soni cheklangan! O‘z martabangiz va pedagogik mahoratingizni xalqaro darajaga ko‘taring. 🔗 Batafsil ma'lumot va ro‘yxatdan o‘tish: 👉 Veb-sayt: Nordictraining.uz 👉 Telegram: https://t.me/nordictraining 👉 Telefon: +998946667819 va +998903591993

#Suniy_intellekt #ICIST2026 Sun’iy intellekt ta’limni qanday o‘zgartiradi? Toshkentda xalqaro konferensiya boshlandi

🔘Sun’iy intellekt o‘qituvchining o‘rnini egallaydimi yoki uning faoliyatini qo‘llab-quvvatlovchi vositaga aylanadimi? 🔘Raqamli texnologiyalar ta’lim sifatini oshirishga qanday xizmat qilishi mumkin?

Ayni shu kabi dolzarb masalalar Toshkentda boshlangan “Intellektual infratuzilma va aqlli texnologiyalar” (ICIST–2026) xalqaro ilmiy konferensiyasida muhokama qilinmoqda. 16–17-oktyabr kunlari bo‘lib o‘tayotgan anjuman Ta’limni rivojlantirish respublika ilmiy-metodik markazi hamda Muhammad al-Xorazmiy nomidagi Toshkent axborot texnologiyalari universiteti hamkorligida tashkil etilgan. Konferensiyada sun’iy intellekt va mashinali o‘qitish, intellektual axborot tizimlari, virtual va kengaytirilgan reallik, ma’lumotlarni tahlil qilish hamda oliy ta’limda sun’iy intellekt savodxonligini rivojlantirish masalalariga e’tibor qaratilmoqda. 🎙 Anjumanning ochilishida Markaz direktori Shaxzodbek Kurbaniyazov yangi texnologiyalarni joriy etishning o‘zi emas, balki ularning ta’lim sifatiga amaliy ta’siri muhim ekanini ta’kidladi. Uning qayd etishicha, sun’iy intellekt ta’lim jarayonini individuallashtirish, pedagoglar faoliyatini qo‘llab-quvvatlash va ta’lim natijalarini chuqur tahlil qilish uchun keng imkoniyatlar yaratmoqda. Shu bilan birga, bu jarayonda pedagogning o‘rni, inson omili, axborot xavfsizligi va sun’iy intellektdan mas’uliyatli foydalanish tamoyillari ustuvor bo‘lib qolishi zarur. Zero, sun’iy intellektni ta’limga joriy etishdan ko‘zlangan asosiy maqsad ta’lim sifati va samaradorligini oshirish, barcha uchun teng imkoniyatlarni ta’minlashdir. ✅Ta’lim nazorati rasmiy kanali

⚠️ Milliy sertifikat imtihonlariga ro‘yxatdan o‘tganlar diqqatiga! ❗️ To‘lovni amalga oshirishni unutmang! Bugun, 16-oktabr kuni biologiya, kimyo, matematika va fizika fanlaridan milliy sertifikat imtihonlariga ro‘yxatdan o‘tgan talabgorlar 24 soat ichida to‘lovni amalga oshirishlari lozim. 📌 Masalan, bugun soat 10:25 da ro‘yxatdan o‘tgan talabgor ertaga, 17-oktabr kuni soat 10:24 ga qadar to‘lovni amalga oshirishi mumkin. ❌ Belgilangan muddatda to‘lov amalga oshirilmasa, talabgorning arizasi bekor qilinadi va bo‘shagan o‘ringa boshqa talabgor ro‘yxatdan o‘tishi mumkin. ☑ Shu sababli to‘lovni bugunning o‘zida amalga oshirish tavsiya etiladi. ✅Ta’lim nazorati rasmiy kanali

📢 Bugundan 4 ta fan bo‘yicha milliy sertifikat imtihonlariga ro‘yxatdan o‘tish boshlandi! ☑ Bugun, 16-oktabrdan boshlab matematika, fizika, kimyo va biologiya fanlaridan milliy sertifikat imtihonlari uchun ro‘yxatdan o‘tish boshlandi. 📅 Muhim sanalar: 🔹 Ro‘yxatdan o‘tish — 16–30-oktabr 🔹 To‘lov qilish — 31-oktabrgacha (shu kuni ham) 🔹 Imtihonlar — noyabr oyida ❗️ E’tibor bering! Talabgorlar soniga limit belgilangan. Shu sababli joylar 30-oktabrdan oldin ham to‘lib qolishi mumkin. To‘lovni belgilangan muddatda amalga oshirmaganlarning arizalari bekor qilinadi va bo‘shagan o‘rinlarga qayta ro‘yxatdan o‘tish imkoniyati yaratiladi. 🔗 Batafsil: https://talimxabarlari.uz/81240/ ✅Ta’lim nazorati rasmiy kanali

#rasmiy_xabar Kontrakt to‘lovlari muddati uzaytirildi: pedagoglar farzandlari uchun imtiyoz haqida ham unutmang! 2026/2027-o‘quv yili uchun oliy ta’lim tashkilotlarida kontrakt to‘lovlarini amalga oshirish va talabalar safiga qabul qilishni rasmiylashtirish muddati 1-noyabrga qadar uzaytirildi. Mazkur muddat bakalavriat va magistraturaga o‘qishga tavsiya etilgan abituriyentlar, o‘qishi ko‘chirilgan yoki ko‘chirib tiklangan hamda o‘qishga qayta tiklangan talabalarga taalluqli. Belgilangan muddatga qadar bazaviy to‘lov-kontrakt bo‘yicha yillik qiymatning kamida 25 foizi, tabaqalashtirilgan to‘lov-kontrakt bo‘yicha esa kamida 50 foizi to‘lanishi lozim. 📌 Pedagog xodimlarning farzandlari uchun 30 foizlik imtiyoz ❗️2026/2027-o‘quv yilidan boshlab davlat oliy ta’lim tashkilotlarining bakalavriat bosqichi kunduzgi ta’lim shaklida tahsil olayotgan pedagog xodimlarning farzandlari uchun to‘lov-kontrakt summasining 30 foizini qoplab berish tartibi joriy etilgan. 📝 Chegirma olish uchun kontrakt.edu.uz platformasi orqali ariza yuborish kerak. ✅Ta’lim nazorati rasmiy kanali

📣 Arizalar qabuli boshlandi! Yetakchi bo‘lishni xohlaysizmi? Buni sinfxonadan boshlang. Teach for Uzbekistan Fellowship ikki yillik yetakchilik dasturi. Dastur davomida hududlardagi maktablarda dars bering va bolalar kelajagiga hissa qo‘shing. 🌍 Ishtirokchilar Teach For All xalqaro tarmog‘iga qo‘shiladi: 60 dan ortiq davlatdagi o‘qituvchilar va yetakchilar hamjamiyati. Bundan tashqari: – Ish haqi va oylik stipendiya – Treninglar va har qadamda mentor yordami Bakalavr diplomi bo‘lsa yetarli, pedagogik tajriba shart emas. 👉 Ariza topshiring: https://teachforuzbekistan.org #TeachForUzbekistan #TeachForAll #Fellowship #Yetakchilik

‼️‼️‼️ 📣 Malaka toifa sinovlari o‘tkaziladigan sanalar belgilandi

✅ Maktabgacha, umumiy o'rta va maktabdan tashqari ta’lim muassasalari pedagoglari uchun joriy yilning avgust-dekabr oylarida o‘tkaziladigan malaka toifa sinovlari vaqti belgilandi. Unga ko‘ra:

🔹26-oktabr (1 kun) Informatika va axborot texnologiyalari; 🔹 27-29-oktabr (3 kun) Ona tili va adabiyot (oʻzbek sinflar uchun); Oʻzbek tili (Davlat tili); ❗️Oʻzbek tili va adabiyoti fanidan test sinovlari Toshkent shahri va Toshkent viloyati pedagoglari uchun 28-noyabr (1 kun) kuni bo‘lib o‘tadi. 🔹 30-31-oktabr (2 kun) Jismoniy tarbiya (Umumtaʻlim); Musiqa madaniyati; (jismoniy tarbiya (umumtaʻlim) va musiqa madaniyati fanlaridan koʻrishda nuqsoni boʻlgan pedagoglar uchun ham test sinovlari shu kuni bo‘lib o‘tadi). 🔹 2-7-noyabr (6 kun) Boshlangʻich taʻlim; 🔹 9-10-noyabr (2 kun) Matematika; 🔹 11-noyabr (1 kun) Fizika; 🔹 12-13-noyabr (2 kun) Tarix; Davlat va huquq asoslari; Tarbiya; 🔹 14-noyabr (1 kun) Texnologiya (servis xizmati yoʻnalishi-qiz bolalar uchun); Texnologiya (texnologiya va dizayn yoʼnalishi - oʻgʻil bolalar uchun); 🔹 16-17-noyabr (2 kun) Rus tili (milliy maktablarda); Rus tili va adabiyoti; Qozoq tili va adabiyoti; Qirg‘iz tili va adabiyoti; Tojik tili va adabiyoti; Turkman tili va adabiyoti; 🔹 18-20-noyabr (3 kun) Ingliz tili (Umumta'lim); Fransuz tili (Umumta'lim); Nemis tili (Umumta'lim); Xitoy tili; Yapon tili; Koreys tili; 🔹 21-noyabr (1 kun) Tasviriy sanʻat va chizmachilik; Chaqiruvga qadar boshlangʻich tayyorgarlik; Geografiya; Iqtisodiy bilim asoslari; 🔹 23-24-noyabr (2 kun) Biologiya; Kimyo; 🔹 25-noyabr (1 kun) Psixolog; Oʻqituvchi-defektolog (Umumtaʻlim); Oʻqituvchi-logoped (Umumtaʻlim); Oʻzbekiston Badiiy akademiyasi va Madaniyat vazirligi tasarrufidagi taʼlim tashkilotlarining pedagoglari: 2-smena Koʻrishda nuqsoni boʻlgan pedagoglar uchun (jismoniy tarbiya (umumtaʻlim) va musiqa madaniyati fanlari pedagoglari bundan mustasno). 🔹 26-27-noyabr (2 kun) Ingliz tili (Maktabgacha); Maktabgacha taʼlim muassasalari tarbiyachisi; Maktabgacha taʼlim tashkiloti psixologi; Jismoniy tarbiya (Maktabgacha); Musiqa xodimi (Musiqa rahbari); Nemis tili (Maktabgacha); O‘qituvchi-defektolog (Maktabgacha); O‘qituvchi-logoped (Maktabgacha); Rus tili (Maktabgacha); Tarbiyachi-metodist (MTT direktor o‘rinbosari); 🔹 27-28-noyabr (2 kun) Qoraqalpoq tili (Davlat tili); Qoraqalpoq tili va adabiyoti; ❗️Eslatma: Pedagoglar malaka toifa (test) sinovlariga fuqarolik pasporti yoki identifikatsiya ID-kartasining olib kelishlari so‘raladi. ➖ Sinov jarayonlari o‘tkazilish MANZILLARI *Ushbu sinov kunlariga zarur hollarda o‘zgartirish va qo‘shimchalar kiritilgan taqdirda, bu haqida pedagoglar qo‘shimcha ravishda xabardor qilinadi. ✅Ta’lim nazorati rasmiy kanali

‼️‼️‼️ 📣 Malaka toifa sinovlari o‘tkaziladigan sanalar belgilandi

✅ Maktabgacha, umumiy o'rta va maktabdan tashqari ta’lim muassasalari pedagoglari uchun joriy yilning avgust-dekabr oylarida o‘tkaziladigan malaka toifa sinovlari vaqti belgilandi. Unga ko‘ra:

🔹26-oktabr (1 kun) Informatika va axborot texnologiyalari; 🔹 27-29-oktabr (3 kun) Ona tili va adabiyot (oʻzbek sinflar uchun); Oʻzbek tili (Davlat tili); ❗️Oʻzbek tili va adabiyoti fanidan test sinovlari Toshkent shahri va Toshkent viloyati pedagoglari uchun 28-noyabr (1 kun) kuni bo‘lib o‘tadi. 🔹 30-31-oktabr (2 kun) Jismoniy tarbiya (Umumtaʻlim); Musiqa madaniyati; (jismoniy tarbiya (umumtaʻlim) va musiqa madaniyati fanlaridan koʻrishda nuqsoni boʻlgan pedagoglar uchun ham test sinovlari shu kuni bo‘lib o‘tadi). 🔹 2-7-noyabr (6 kun) Boshlangʻich taʻlim; 🔹 9-10-noyabr (2 kun) Matematika; 🔹 11-noyabr (1 kun) Fizika; 🔹 12-13-noyabr (2 kun) Tarix; Davlat va huquq asoslari; Tarbiya; 🔹 14-noyabr (1 kun) Texnologiya (servis xizmati yoʻnalishi-qiz bolalar uchun); Texnologiya (texnologiya va dizayn yoʼnalishi - oʻgʻil bolalar uchun); 🔹 16-17-noyabr (2 kun) Rus tili (milliy maktablarda); Rus tili va adabiyoti; Qozoq tili va adabiyoti; Qirg‘iz tili va adabiyoti; Tojik tili va adabiyoti; Turkman tili va adabiyoti; 🔹 18-20-noyabr (3 kun) Ingliz tili (Umumta'lim); Fransuz tili (Umumta'lim); Nemis tili (Umumta'lim); Xitoy tili; Yapon tili; Koreys tili; 🔹 21-noyabr (1 kun) Tasviriy sanʻat va chizmachilik; Chaqiruvga qadar boshlangʻich tayyorgarlik; Geografiya; Iqtisodiy bilim asoslari; 🔹 23-24-noyabr (2 kun) Biologiya; Kimyo; 🔹 25-noyabr (1 kun) Psixolog; Oʻqituvchi-defektolog (Umumtaʻlim); Oʻqituvchi-logoped (Umumtaʻlim); Oʻzbekiston Badiiy akademiyasi va Madaniyat vazirligi tasarrufidagi taʼlim tashkilotlarining pedagoglari: 2-smena Koʻrishda nuqsoni boʻlgan pedagoglar uchun (jismoniy tarbiya (umumtaʻlim) va musiqa madaniyati fanlari pedagoglari bundan mustasno). 🔹 26-27-noyabr (2 kun) Ingliz tili (Maktabgacha); Maktabgacha taʼlim muassasalari tarbiyachisi; Maktabgacha taʼlim tashkiloti psixologi; Jismoniy tarbiya (Maktabgacha); Musiqa xodimi (Musiqa rahbari); Nemis tili (Maktabgacha); O‘qituvchi-defektolog (Maktabgacha); O‘qituvchi-logoped (Maktabgacha); Rus tili (Maktabgacha); Tarbiyachi-metodist (MTT direktor o‘rinbosari); 🔹 27-28-noyabr (2 kun) Qoraqalpoq tili (Davlat tili); Qoraqalpoq tili va adabiyoti; ❗️Eslatma: Pedagoglar malaka toifa (test) sinovlariga fuqarolik pasporti yoki identifikatsiya ID-kartasining olib kelishlari so‘raladi. ➖ Sinov jarayonlari o‘tkazilish MANZILLARI *Ushbu sinov kunlariga zarur hollarda o‘zgartirish va qo‘shimchalar kiritilgan taqdirda, bu haqida pedagoglar qo‘shimcha ravishda xabardor qilinadi. ✅Ta’lim nazorati rasmiy kanali

⚡️Pedagoglarning farzandlari uchun 30 foizlik kontrakt chegirmasiga ariza berish bo'yicha videoqo‘llanma ✅Ta’lim nazorati rasmiy kanali

❗️Pedagoglarning kontraktda o‘qiyotgan farzandlari uchun beriladigan 30 foiz chegirma haqida ayrim ma’lumotlar Chegirma faqat DAVLAT oliygohida KUNDUZGI ta’limda o‘qiyotgan talabalar uchun beriladi; 👥 Chegirma har bir farzand uchun alohida qo‘llanadi. Demak, bir necha farzand kontraktda o‘qisa, barchasi uchun alohida 30 foizlik chegirma beriladi. 📝 Chegirma olish uchun kontrakt.edu.uz orqali ariza yuborish kerak. Ariza 2 ish kunida ko‘rib chiqiladi va pedagogning farzandi ekanligi tasdiqlangach, chegirma avtomatik qo‘llanadi. ❌ Quyidagilarga chegirma berilmaydi: ➖ oliy harbiy va harbiylashtirilgan ta’lim tashkilotlari uchun; ➖ nodavlat oliy ta’lim tashkilotlari uchun; ➖ O‘zbekistonda faoliyat olib borayotgan xorijiy oliy ta’lim tashkilotlari va ularning filiallari uchun; ➖ qo‘shimcha va tabaqalashtirilgan to‘lov-kontrakt uchun; ➖ xorijiy hamkor OTMlarning qo‘shma ta’lim dasturlari asosida va fakultetlari uchun; ➖ kechki, masofaviy hamda sirtqi ta’lim shakli uchun. 🔁 Pedagog farzandlariga chegirma o‘quv yili uchun bir marotaba qo‘llaniladi. Demak, har yili qaytadan chegirma olish mumkin. ❗️Pedagog farzandlarining otasi yoki onasi pedagog toifasidan chiqarilgan taqdirda, keyingi o‘quv yilidan boshlab unga chegirma qo‘llash to‘xtatiladi. Ayrim savollarga javoblar: ❓Pedagog deganda kim tushuniladi o‘zi? Javob: Adliya vazirligi tomonidan 2026-yil 9-iyunda 3849-raqami bilan ro‘yxatdan o‘tkazilgan Pedagogik faoliyat bilan bog‘liq lavozimlar ro‘yxatida 465 ta lavozim nomi tasdiqlangan. Ushbu 465 ta lavozimda kim bo‘lsa, o‘shaning farzand(lar)i uchun 30 foizlik chegirma beriladi. ❓Maktabgacha ta’lim muassasalaridagi tarbiyachilar uchun ushbu qaror qo‘llanadimi? Javob: Ha, qo‘llanadi. Bog‘cha tarbiyachilarining kontraktda o‘qiyotgan farzandlari uchun ham 30% chegirma qo‘llanadi. ❓Oliygohlardagi tyutorlarning farzandlari uchun ushbu qaror qo‘llanadimi? Javob: yo‘q, tyutorlar ro‘yxatdan mavjud emasligi sababli ularning farzandlariga chegirma berilmaydi. ❓O‘quv markazlaridagi o‘qituvchilarning farzandlari uchun ushbu qaror qo‘llanadimi? Javob: yo‘q, o‘quv markazlari ro‘yxatdan mavjud emasligi sababli ularning farzandlariga chegirma berilmaydi. ❓To‘liq bo‘lmagan grantda o‘qiyotgan (50% davlat granti, 50% kontrakt) talabaning kontrakt summasi uchun ham chegirma beriladimi? Javob: ha, chegirma beriladi. 50% kontrakt qismi uchun 30% chegirma qo‘llanadi. ❓Qaror chiqqunga qadar 2026/2027 o‘quv yili uchun to‘liq yoki qisman kontrakt to‘lovini to‘lab qo‘yganlar uchun chegirma qanday hisoblanadi? Ortiqcha to‘langan summa qaytariladimi yoki keyingi yil hisobi uchun o‘tkaziladimi? Javob: ha, to‘lab qo‘yganlar uchun ham chegirma qo‘llanadi va ortiqcha to‘langan summani istasa qaytarib olishi, istasa kelasi o‘quv yili uchun o‘tkazib yuborishi mumkin. ❓Pedagog xususiy ta’lim tashkilotida ishlasa ham chegirma beriladimi yoki faqat davlat ta’lim tashkilotida ishlashi kerakmi? Javob: xususiy ta’lim tashkilotida, masalan, xususiy oliygoh, xususiy maktab yoki xususiy bog‘chada ishlayotgan pedagoglarning farzandlari uchun ham 30% chegirma beriladi. 📩 Qo‘shimcha savollarni Telegram botimiz (@uztdibot)ga yuborishingiz mumkin. ✅Ta’lim nazorati rasmiy kanali

⏰ Tez orada toifa testlari jadvali e’lon qilinishi kutilmoqda! 2026-yil avgust–dekabr oylarida maktabgacha, umumiy o‘rta va maktabdan tashqari ta’lim tashkilotlari pedagoglari uchun o‘tkaziladigan pedagog kadrlar attestatsiyasining malaka sinovlari (toifa testlari) jadvali tez orada e’lon qilinishi kutilmoqda! Yangi tartibga ko‘ra, toifa test sinovlari jadvali sinovlar boshlanishidan kamida 10 kun oldin e’lon qilinadi. Ya’ni, bugun — 15-oktyabr kuni jadval e’lon qilinsa, test sinovlari 26-oktyabrdan boshlanishi mumkin. Attestatsiyada ishtirok etadigan pedagoglar 👉 www.sinovtest.uz saytida namunaviy testlarni ishlab ko'rishlari mumkin. 📩 Qo‘shimcha savollarni Telegram botimiz (@uztdibot)ga yuborishingiz mumkin. ✅Ta’lim nazorati rasmiy kanali

⚡️Pedagoglar farzandlari uchun 30% kontrakt chegirmasiga ariza qabuli boshlandi Ota yoki onangiz pedagogmi? Unda kontraktning 30 foizi qoplab berilishi mumkin. 🔹 Imtiyoz davlat OTMlarida bakalavriat kunduzgi ta’limida o‘qiyotgan pedagoglar farzandlariga beriladi. 🔹 Ariza kontrakt.edu.uz platformasi orqali yuboriladi va 2 ish kunida ko‘rib chiqiladi. 🔹 Bir nechta farzand o‘qisa, chegirma har biriga alohida qo‘llanadi. 🔹 Imtiyoz har o‘quv yili uchun bir marta beriladi. Kimlarga berilmaydi: nodavlat va xorijiy OTMlar, ularning filiallari, harbiy OTMlar, qo‘shimcha va tabaqalashtirilgan kontrakt hamda qo‘shma dasturlarda o‘qiyotganlarga. 📩 Qo‘shimcha savollarni Telegram botimiz (@uztdibot)ga yuborishingiz mumkin. ✅Ta’lim nazorati rasmiy kanali

🏆 Asosiy fan olimpiadasining tuman (shahar) bosqichi jadvali e’lon qilindi Fan olimpiadalari markazi tomonidan 2026-yil 15–27-oktabr kunlari o‘tkaziladigan asosiy fan olimpiadasining tuman (shahar) bosqichi jadvali e’lon qilingan. Jadvalda 9-, 10- va 11-sinf o‘quvchilari uchun olimpiada o‘tkaziladigan fanlar, sanalar, smenalar, boshlanish vaqtlari hamda test sinovlariga ajratilgan vaqt ko‘rsatilgan. 📌 O‘zingizga kerakli fan bo‘yicha olimpiada sanasi va vaqtini quyidagi interaktiv jadval orqali tekshirishingiz mumkin: 👉 https://olimpiada-jadval.vercel.app/ 📤 Ma’lumotni olimpiadada qatnashadigan o‘quvchilar va ularning ustozlariga ulashing! ✅Ta’lim nazorati rasmiy kanali