JUMBO Study group

♦️राज्यात लाखो विद्यार्थी दहा-दहा वर्ष स्पर्धा परीक्षेची तयारी करतात. परंतु नोकर भरतीमध्ये मर्यादित उमेदवारांना यश मिळत असल्याने अनुत्तीर्ण होणाऱ्या लाखो विद्यार्थ्यांच्या भविष्याचा प्रश्न निर्माण होतो. आयुष्यातील महत्त्वाची वर्षे स्पर्धा परीक्षेची तयारी करण्यात घालवली असल्यामुळे ऐन 36-38 व्या वर्षी नव्या मार्गांचा शोध घेणे त्यांना शक्य होत नाही. त्यामुळे मुलाखतीपर्यंत गेलेल्या उमेदवारांना शासनामध्ये कुठे सामावून घेता येईल का याचा विचार केला पाहिजे अशी आग्रही भूमिका मी 10 मार्च 2025 रोजी राज्याच्या विधानसभेत मांडली होती. शासनाने या मागणीची सकारात्मक दखल घेऊन “निपुण सेतू“ उपक्रम सुरु करण्याचा निर्णय घेतला. याद्वारे मुलाखतीपर्यंत जाऊनही अनुत्तीर्ण राहिलेल्या उमेदवारांना सार्वजनिक व खासगी क्षेत्रात रोजगाराची संधी उपलब्ध होईल. मी केलेल्या मागणीची सकारात्मक दखल घेऊन निर्णय घेतल्याबद्दल मा. मुख्यमंत्री देवेंद्रजी फडणवीस, मा. उपमुख्यमंत्री एकनाथजी शिंदे, मा. उपमुख्यमंत्री सुनेत्राताई पवार यांचे मनःपूर्वक आभार !