⚡ХАЛҚ НАЗОРАТИ 🥇

Самарқандда “Камаз” ҳайдовчиси она ва унинг икки фарзандини мажақлаб кетди. Хўш, қачонгача бу каби фожеани кўриб юрагимиз эзилади? Менимча, ҳали узоқ вақт. Сабабларидан бири ҳақида эса яна ёзишга мажбурмиз: фото ва видео қайд этиш дастурий-техник воситалари қайд этган йўл ҳаракати қоидалари бузилганлиги учун қўлланилган жарима суммасини 50 фоизи ИИВнинг бюджетдан ташқари жамғармасига йўналтирилади. Яъни, бу жамғармага қанча кўп пул тушса, ГАИ акаларимиз шунча кўп мукофот ва устамалар олишади. Шунинг учун ҳозир харакат хавфсизлигини таъминлаш эмас, мансабдорларга мукофот сифатида тарқатиладиган ажратма, яъни норасмий жарима режасини бажариш ишлари кучайган. Жарималардан тушган пулларни тўлиқ бюджетга ўтказиш амалиёти киритилиб, бу сохадаги манфаатлар тўқнашувига чек қўйилмас экан, бундай фожеалар давом этаверади. Шундай экан, халқнинг зарарига ишлайдиган бу тартиб ўзгартирилиши ва жарима суммаси тўлиқ давлат бюджетига тушиши шарт. https://www.facebook.com/share/p/1V6J41HfZnsCoSLg/?mibextid=oFDknk

Хотин-қизлар масалаларига жиддий эътибор қаратилаётгани эътирофга лойиқ. СЕН - ДУНЁГА КЕРАКСАН АЁЛ! Президент маслаҳатчиси ўринбосари - Халқ қабулхонаси раҳбари Мухаммадиев Улугбек бошчилигидаги Республика ишчи гуруҳи томонидан жойларда ишсиз хотин-қизлар бандлигини таьминлаш борасида қатор амалий ишлар олиб борилмоқда. Жумладан, Президент Халқ қабулхонасининг "Мурожаатдан даромадга" лойиҳаси доирасида Бухоро вилоятининг Шофиркон туманида ўтказилган “Сен - дунёга кераксан аёл!” номли тадбир давомида меҳнат миграциясидан қайтган, "Аёллар дафтари", "Ёшлар дафтари"да турган, ижтимоий ҳимояга муҳтож 115 нафар мурожаатчи аёлларга давлатимиз раҳбари номидан тикув машинаси, печлар, сут, гўшт ва сабзавотларни қайта ишлаш ускуналари каби 10 турдаги дастгоҳлар топширилди. Доимий даромадга эга бўлиши учун ҳар бир мурожаатчи ўз ҳудудида танлаган йўналиши бўйича кооперация асосида лидер тадбиркорларга бириктирилди. #Халқ_қабулхоналари_фаолиятидан

Самарқандда “Камаз” ҳайдовчиси она ва унинг икки фарзандини мажақлаб кетди. Хўш қачонгача бу каби фожеани кўриб юрагимиз эзилади? Менимча, ҳали узоқ вақт. Сабабларидан бири ҳақида эса яна ёзишга мажбурман. Вазирлар Маҳкамасининг 2010 йил 2 апрелдаги 62-сон қарорига кўра махсус автоматлаштирилган фото ва видео қайд этиш дастурий-техник воситалари қайд этган йўл ҳаракати қоидалари бузилганлиги учун қўлланилган жарима суммасини 50 фоизи ИИВнинг бюджетдан ташқари жамғармасига йўналтирилади. Яъни, бу жамғармага қанча кўп пул тушса, ГАИ акаларимиз шунча кўп мукофот ва устамалар олишади. Майли мукофотлар ош бўлсину, масалани бошқа томони борда. Ҳар 10-15 кунда бир марта ЙҲХ хизмати ва МИБ рейдлар уюштириб, 200 марталаб қоида бузиб, жаримани тўламасдан кўчада бемалол қоидабузарлигини давом эттириб юрган битта автотеррористни ушлашади. Биз эса оххооо деб юборамиз. Шу билан тамом. Сиз ўйлайсиз, 100-200 марталаб қоида бузиб кўчада бемалол юрган автотеррористлар 5 ё 10 тами? Бундайларнинг сони республика бўйича бир неча минг эканлигига менда ҳеч қандай шубҳа йўқ. Лекин нега кўчаларимизда қоидабузарликлар, автоавариялар ва бунинг оқибатида инсонлар ўлими камаймаяпти? Чунки қоидабузарликлар камайишидан манфаатдор идоранинг ўзи йўқ. Агар асосий масъул ИИВ бўладиган бўлса, уларга радарга тушадиган қанча кўпайса шунча яхши, чунки жаримаям кўпаяди, бундан жамғармага кўпроқ пул тушади ҳамда кўпроқ устама ва мукофотлар олишади. Халқни зарарига ишлайдиган бу тартиб ўзгартирилиши ва жарима суммаси тўлиқ давлат бюджетига тушиши шарт.

Агар халқ норози бўлса, шунда Яратган ҳам норози бўладими...?! Сўнгги вақтларда ижтимоий тармоқлар, ОАВ ва умуман кундалик ҳаётимизда электр энегргияси танқислиги, унга нисбатан жорий этилган лимит жуда камлиги ҳақида саноқсиз негатив фикрларни кўриб, давлатимиз раҳбари Шавкат Мирзиёевнинг "Халқ рози бўлса, ишимизда унум ва барака бўлади. Халқ биздан рози бўлса, Яратган ҳам биздан рози бўлади." деган гаплари беихтиёр ёдга тушади. Бошқасини билмадик-у, лекин айнан электр энергиясига нисбатан жорий этилган лимит бўйича халқни рози деб бўлмайди... Сабаби оддий: жорий этилган лимит жуда кам бўлиб, атайин халқни пулини шилиш учун белгиланганга ўхшайди. Мисол учун, Dilshod Dilshod профили фойдаланувчиси ёзганига эътибор беринг: "Мен ҳам норозиман (лимитдан норозиман демоқчи). Президент шу лимитга эътибор қаратса яхши бўларди. Оддий халқ учун электрни лимитини 500 кВт.га, газни эса 1000 кубга ошириш керак. Май ойида энг тежаб, тергаб 5 та лампочка, холодильник, тефаль, микроволновка, аристон, компьютер ва 2 та ТВ билан 331 кВт. электр ёқибмиз. Оддий лимитдан 131 кВт. ўтиб кетдик. Бундан бошқа тежашни имкони йўқ, ҳаммаси муҳим асбоблар." Лимит бўйича минглаб негатив фикрлар билдирилган, билдириляпти ва бундан кейин ҳам билдирилса керак. Лекин, аҳолининг ушбу масаладаги ҳақли норозилиги Президентга етиб бормаётганга ўхшайди. Етиб борганида эди, албатта, бу масала бўйича аллақачон ижобий ўзгариш бўлган бўларди деб ўйлаймиз. Чунки, юқорида айтилганидек, Президент халқни рози қилишни биринчи ўринга қўйиши ҳақида бот-бот таъкидлайди. Доимо халқни рози қилишни биринчи ўринга қўядиган Президентимиз ушбу масалага ҳам жиддий эътибор қаратади ва муаммо ижобий ҳал этилади деб умид қилиб қоламиз. https://www.facebook.com/share/p/Ak2ExyaYZUrTsi5m/?mibextid=oFDknk

Битта давлат, турли тартиб... Айрим вазирлик ва идоралар борки, энг оддий ходимини ҳам ишга қабул қилса албатта танлов ўтказади. Лекин шундай вазирликлар ҳам борки, танлов ўтказиш деган нарсани эсигаям келтирмайди. Гўёки, бу масалада қатъий тартиб белгилаб берувчи Президент фармони ва қарорининг уларга алоқаси йўқдай. Масалан, мен охирги тўрт йил ичида тўртта вазири алмашган бир вазирликни биламан. Уларнинг бирортаси ходимларни танлов ўтказиб ишга олмаган Масалан, олдинги вазир вазирликка фақат узоқ вилоятда яшовчи маҳалладоши, қўни-қўшнисини ишга олиб келган бўлса, ҳозиргиси муқаддам 20-30 йиллаб вазирликда ишлаб, кейинчалик ҳайдалиб кетган (остонаси тиллога айланиб бўлган) пенсионерларни атрофига йиғиш билан овора. Балким, ўзининг эски ҳамкасблари билан “тил топишиш” осондир... Шунақа пайтларда АРГОС четроқда сигарета чекиб ўтирганлигини англаб жаҳлинг чиқаркан. Мен (сиз) тўлаётган солиқлар ҳисобидан шу бекорчи идоранинг ходимлари отни калласидай ойлик олаётганига жаҳлинг чиқади...

Сурхондарёлик Дехқон охири ёрилди. Дардини айтди. Хақиқатни адолатни гапирди. Хулоса ўзларингиздан.

Шу видеони вазир Ҳ.Умаровага жўнатиб қўйинглар. Шин хоним албатта бу гапларни тушунмайди.

“Сизлар нима қилсангиз ҳам қонунга тўғри келаверадия қози почча?” Кўчма фоторадар ва мобил комплекс туридан фойдаланган ҳолда аниқланган ҳуқуқбузарликлар бўйича республика бўйича қўлланилаётган минг-минглаб (балким миллиондир) жарималарнинг қарийб барчаси ғайриқонуний эканлигини, лекин ИИВда бу “қайнар хумча”нинг фаолиятини тўхтатишга истак топилмаётганлигини барча англаб бўлди. Ҳозир масала бошқа нарса ҳақида. Жарима қўллаш ҳақидаги бундай ғайриқонуний қарорлар устидан судларга киритилган шикоятлар Тошкент шаҳридаги барча туман судлари томонидан ортиқча оворагарчиликсиз кўриб чиқилиб, битта суд мажлисининг ўзидаёқ ғайриқонуний қарорлар бекор қилиб ташланмоқда. Билмадим, ЖИБ Мирзо Улуғбек туман суди “Хаммурапи қонунлари” асосида ишлайдими нима бало фуқаролар киритган шикоятларнинг барчасини ўша ғайриқонуний қарор чиқарган органнинг ўзига жўнатиб юборар экан. Энди эса суратдаги ҳолатга эътибор беринг. Фуқаро жорий йил март ойининг бошларида ўзига нисбатан жарима қўллаш ҳақидаги қарордан норози бўлиб, ЖИБ Мирзо Улуғбек туман судига белгиланган тартибда шикоят киритаяпти. Суд негадир шикоятни 2024 йил 20 мартда ўша қарорни чиқарган Жиззах вилояти ИИББ ЙҲХБнинг ўзига юборган. Ва шундан кейин қози поччаларимиз Саид Аҳмаднинг “Жимжитлик” романини ўқишга киришиб кетишган. Фуқаро 2 ой судга қатнаб, ҳеч қандай натижа бўлмаслигини англаб етганидан кейин Президент виртуал қабулхонасига шикоят йўллаяпти. Президентга йўлланган ушбу шикоятга Тошкент шаҳар судининг раиси Э.Ходжакулов берган жавоб ҳаммасидан ошиб тушган. Уни ўқиган одам йиқилиб тушмаслиги учун бақувватроқ устунга суяниб олиши керак. Эмишки, фуқаро Жиззах вилояти ИИББ ЙҲХБ чиқарган ғайриқонуний қарор устидан яна ўша Жиззах вилояти ИИББ ЙҲХБнинг ўзига мурожаат этиши керак экан. Мана сизга судларимизнинг бугунги аҳволи. Мана сизга судларнинг Президент виртуал қабулхонасига йўлланган шикоятларга муносабати.