ኮሜድያን ሻጠማ እድሮች

#የፈጣሪ_ድርሰት 🖊sinex ፈጣሪም በህይወት መዝገብ ላይ ሊያሰፍረን ብዕሩን አነሳ። እኔን ቸክቻኪ ከሚለው ምዕራፍ ላይ አኖረኝ። እቺን ውብ ደግሞ ለቆነጃጅት ምሳሌ ትሆን ዘንድ በውበት ምዕራፍ ላይ ርዕስ አድርጎ ጻፋት። ለኔም ውበቷን አደንቅ ዘንድ ጥቂት ቃላትን በተን አደረገልኝ። በእርግጥ ውብ ናት ስል ውጪያዊ ውበቷን ብቻ አይቼ አይደለም፤ ወጀብ አልባ ውቅያኖስን የሚያስቀናው እርጋታዋ፣ የንጋት አዕዋፋት ዝማሬን የሚያስንቀው ድምጿ(በእርግጥ ድምጿን ሰምቼው አላውቅም ግን ቢሆንም ከአዕዋፋት ዝማሬ እንደማይተናነስ ምንም ጥርጥር የለኝም)፣ ከክዋክብት ተቀድተው የተሰሩ እሚመስሉ አይኖቿ…. (እህ? ድምጽ እና አይን ውጪያዊ ውበቶች አይደሉ እንዴ? እና ስቀባጥር ምን ዝም ትሉኛላችሁ?) ከእርጋታዋ ባሻገር ቁጥብነትዋ ሙሉ ሴት ያደርጋታል። አንዳንዴ ጥላሁን ድሮ ድሮ ሞናሊዛዬ ነሽ ብሎ የዘፈነው ለሷ ይመስለኛል። ምናልባት በራዕይ ታይታው… ምናልባትም ከሱ በፊት ሌላ ባለ ትንቢት እነሆ አንድ ታላቅ ድምጻዊ ቃላቶች ያጥሩኛል ብሎ ለአንዲት ውብ እንስት ትንቢታዊ ሙዚቃ ያቀነቅናል፤ ከአመታት በኋላም ይህች ውብ በአዲስ አበባ ጎዳናዎች ላይ ትታያለች፤ ለውበቷም ቃላት አይገኝም…. (ሌላም ሌላም ተብሎ ይሆናል ማን ያውቃል)። በርግጥ የሞናሊዛ ውበት ምኑ ጋር እንደሆነ አይገባኝም(ድሮስ አንተ ምን ገብቶህ ያውቃል እንዳትሉኝ) ስለዚች ሴት ውበት ግን በሙሉ ልቤ መከራከር እችላለው። የአባይ ፏፏቴን በጥቁር የመሠለው ፀጉሯ ትከሻዋ ላይ ዘንፈል ብሎ ወደ ወገቧ ቁልቁል ሲጋልብ ማየት በራሱ እፎይታን ይሰጣል። (ጥሎብኝ ደግሞ ፀጉር ስወድ በርግጥ የአይንም አድናቂ ነኝ። ቅድም ስለ አይን ለምንእንደቀባጠርኩ ገባችሁ አይደል)። ያለ አንዳች ቃል ብዙ ሚናገረው ዝምታዋ በእርግጥም ዝምታ ወርቅ ለመሆኑ ትልቅ ማሳያ ነው። መለስ ብዬ የጻፍኩትን ሳየው ትንሽ በራሴ እናደዳለው። እቶን ለሆነው ውበቷ፣ ማዕበል ለሆነው ዝምታዋ፣ ድንቅ ለሆነው ቁጥብነቷ ከነዚህ የተሻሉ ቃላትን ባለማግኘቴ በራሴ እናደዳለው። እኔን ብሎ ደራሲ… ምናልባት ፈጣሪ ቃላቱን ሲበትንልኝ ስለ ውበቷ ለመጻፍ ተጣድፌ አንዳንድ ቃላትን ረስቼ ይሆን እላለው። በርግጥ ከእብደቴ ቀጥሎ የተመረቀልኝ ትልቁ ስጦታዬ ዝርክርክነቴ ይመስለኛል። እናም ሳስበው ያኔ የተዝረከረኩ ይመስለኛል፤ ይህችን ድንቅ ጥበበኛ ሰዓሊ የሳላት ስዕል የመሰለች እንስት ለመግለጽ ቃላት ካጣው ምናልባትም ተዝረክርኬ ይሆናል ይሄ ልጅ ዝም ብለን ከሰማነው ብ…ዙ…. ሊያወራብን ነው ማለት ሳጀምሩ አትቀሩም። (ብትጀምሩስ እኔ ምን አገባኝ፤ ያላትን እንጂ ያልሰጣትን አላወራው።) ፈጣሪም ቀጠለና ትንሽ ኩርፊያ ጣል አደረገባት፤ ስታድግ ኩርፊያዋም አብሮ አደገና ይኸው ውሃ ቀጠነ እያለች ማኩረፍ ነው፤ እኔ ደሞ ጥሎብኝ ኩርፊያ ስፈራ(ኤጭ! አንተ ደግሞ ስንቱን ነገር ነው ሚጥልብህ እንዳትሉኝ)። በነገራችን ላይ ስንፍናዋ አያድርስ ነው። እናቴ ስንፍና ቤቱን ሰርቶብሃል ትለኝ ነበር፤ እሷን ብታይ ሰባት ኮንዶሚንየም እና 3 አፓርታማ ነበር ምትገነባላት ። ድሮ ተፈጥራ ቢሆን ማርፈድ የስንፍና ምልክት ነው ሳይሆን መቲ የስንፍና ምልክት ናት እያልን ነበር (ኦው ለካ ስሟን አልነገርኳችሁም። መቲ ማለት እሷ ናት፤ መታሰቢያ)። ብዙ ስለሷ መጻፍ አስብና ሃሳቦቼን መሰብሰብ እየከበደኝ ቁጭ ብዬ ቀራለው። አለ አይደል አንዳንዴ ከቃላት በላይ የሚሆንባቹን ሰው መግለጽ ይከብዳል። ፍልስፍናዬን ሳልጀምር አንድ ሙዚቃ ልጋብዛችሁና ላብቃ፤ የሚካኤል በላይነህ… “ይመጣል ናፍቆቷ ላያስተኛኝ ምሎ….” ጨርሱት። Join for more https://t.me/ahava_creatives @ahava_creatives

ለአሼ ታለንት የሬዲዮ ዝግጅት አድማጮች በሙሉ ? አሁን በቀጥታ የምንገኘው በአንጋፋው fm አዲስ 97.1 ላይ ነዉ ። አሼ ታለንቶች ነን ! አሼ ታለንት በfm አዲስ 97.1 ይጠብቆታል ። በነጻ ፍላጎትዎ ከልብዎ የሚያዳምጡት ! ዘመኑ ከልብ የመግባባት ነዉ ። ተወዳጁ አሼ ታለንት ፕሮፋይል የቀጥታ ስርጭት የመረጃና የመዝናኛ ልዩ ዝግጅት መጋቢት 6 /2014 በአዲስ አቀራረብ በ fm አዲስ 97.1 ላይ ይጀምራል : ቀጣዩ ጉዞም ተጠናክሮ ይቀጥላል ። ዘዉትር ማክሰኞ ከምሽቱ 2-3 እና ሃሙስ ከምሽቱ 2-3 በfm አዲስ 97.1 ብቻ በአራዳ style ይጠብቆታል ። ሳይቅሙ መንቃት : ሳይጠጡ / ሳያቦኑ መዝናናት አሊያም ፈታ ማለት በአራዳ style ዛሬም ይቻላል ። ጋዜጠኛ : የጸረ -ሱስ አክቲቪስት እና ኢቨንት ኦርጋናይዘር አሼ ታለንት ( አሸናፊ ግዛው መሸሻ ) ከ13 ዓመት በላይ ልምድ ያለዉ ።