Таълим касаба уюшмаси

#Савол_беринг_жавоб_берамиз Декрет декретга уланганда қанча пул олиш мумкин?

Men 2025- yil 24.10 oktyabrda ona boʻldim. Hozir yana dekretimi ulab yubormoqchi boʻlsam dekret puli qanaqa toʻlanadi? Ish stajim 17yil. 2025 yil ona boʻlishimdan oldin 2016-yil dekretga chiqqanman.

Сизнинг ҳолатингиз Вазирлар Маҳкамасининг 796-сонли қарори билан тасдиқланган янги Низом асосида қуйидагича тартибга солинади: Сизнинг 17 йиллик (тахминан 204 ойлик) иш стажингиз мавжудлиги сабабли, Низомнинг 24-бандига асосан сизга ҳомиладорлик ва туғиш нафақаси ўртача ойлик иш ҳақининг 100 фоизи миқдорида тўланади. Чунки суғурта стажи 61 ой ва ундан ортиқ бўлган аёлларга нафақа тўлиқ миқдорда берилиши белгиланган. Нафақа миқдори қуйидаги формула бўйича ҳисобланади: Нафақа = Ўртача ойлик иш ҳақи ÷ 25,3 × 100% (стаж коэффициенти) × Иш кунлари сони. Бунда сизнинг нафақа тайинланадиган ойдан олдинги охирги 12 ойлик даромадингиз инобатга олинади. Агар ўртача ойлик иш ҳақи меҳнатга ҳақ тўлашнинг энг кам миқдори (МҲТЭКМ)нинг 10 бараваридан ортиқ бўлса, фақат 10 баравар миқдоридаги қисми ҳисоб-китоб учун асос қилиб олинади. Агар сиз ҳозирда бола парвариши таътилида бўлсангиз ва ишга қайтмасдан ёки кам муддат ишлаб яна ҳомиладорлик таътилига чиқсангиз, Низомнинг 28-бандидаги махсус қоидалар қўлланилади: ➖ Агар иш ҳақи ҳисобланган ёки суғурта бадали тўланган ойлар сони 3 ойдан кам бўлса, ҳисобланган нафақага 0,5 коэффициент қўлланилади (яъни сумма икки баравар камаяди),. ➖ Агар ишлаган даврингиз 3 ойдан 6 ойгача бўлса, 0,75 коэффициент қўлланилади,. Бироқ, нафақа миқдори минимал истеъмол харажатлари (МИХ) миқдоридан кам бўлиб чиқса, у МИХ миқдорига (ҳозирда 648 000 сўм) тенглаштирилади. Янги тизим 2026 йил 1 январдан бошлаб юзага келадиган суғурта ҳодисаларига нисбатан қўлланилади,. Нафақа олиш учун бирор жойга мурожаат қилиш ёки ариза бериш шарт эмас (проактив шакл),. Шифокор томонидан электрон меҳнатга лаёқатсизлик варақаси расмийлаштирилиши билан тизим автоматик равишда нафақани ҳисоблайди ва Жамғарма маблағлари ҳисобидан сизнинг банк картангизга ўтказиб беради. Сизнинг узоқ йиллик стажингиз нафақани 100 фоизлик ставкада олиш ҳуқуқини беради. Аммо "декретдан декретга" тез қайтаётганингиз сабабли, юқорида қайд этилган камайтирувчи коэффициентлар (0,5 ёки 0,75) қўлланилиши мумкин. Тўлиқ суммани олиш учун таътилдан кейин камида 6 ой давомида ишлаб беришингиз тавсия этилади. Саволингизни: @yuristgamurojaat гa қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Dekret ta’tilidan qaytgan o‘qituvchiga direktor jamg‘armasi ustamasi beriladimi? @Yurist_Xizmati 5639-savol:

Assalomu alaykum Yurist xizmati savol shundayki dekret ta'tildan 2026 yil 4 yanvardan ishga chiqdim. Maktabda boshlanğich sinflari ôqituvchisi bôlib ishlayman,toifam 1, oliy ma'lumotli ôqituvchi. Ôtgan 2024/2025 ôquv yilida metodik ishlarim tuman miqyosida ommalashtirilgan. Hozirda maktab ma'muriyatiga ustama sôrab murojaat qilsam tôliq ôquv yili ishlamagansiz deb rad qilishyapti. Sizlardan iltimos menga ustama beriladimi yoki yoʻqmi. Mana shunga tôliq asoslantirib javob beringizlar. Javob uchun oldindan rahmat.

YURIST JAVOBI: Maktab ma’muriyatining “siz to‘liq o‘quv yili ishlamagansiz, shuning uchun ustama berilmaydi” degan vaj bilan rad etishi, 823-son qaror bilan tasdiqlangan Nizom talablariga to‘liq mos kelmaydi.

Vazirlar Mahkamasining 2019-yil 30-sentabrdagi 823-son qarori bilan tasdiqlangan Nizomning 20-bandiga ko‘ra, pedagog xodimlarga ustama ularning ta’lim-tarbiya jarayoniga qo‘shgan hissasi, faoliyati samaradorligi va baholash mezonlari asosida belgilanadi. Nizomning 21-bandida esa pedagog xodimlarning faoliyati baholash mezonlari bo‘yicha to‘plagan ballariga qarab 10 foizdan 40 foizgacha ustama belgilanishi nazarda tutilgan. Eng muhimi, ushbu bandning oxirgi xatboshisida: “umumta’lim muassasalari pedagog xodimlarining bazaviy tarif stavkalariga Jamg‘arma hisobidan har oylik ustamalar yangi o‘quv yili uchun o‘tgan o‘quv yili yakunlari bo‘yicha belgilanadi”, deb belgilangan

. Demak, ustama belgilashda asosiy mezon — o‘tgan o‘quv yilidagi faoliyat natijalari va baholash mezonlari bo‘yicha to‘plangan ballar hisoblanadi. Sizning holatingizda

: ·         dekret ta’tili qonuniy ravishda berilgan davr hisoblanadi; ·         2026-yil 4-yanvardan ishga qaytgansiz; ·         Nizomda dekret ta’tilidan qaytgan pedagoglarga ustama belgilanmaydi degan qoida mavjud ema

s. Shu sababli, faqatgina dekret ta’tilida bo‘lganingiz yoki o‘quv yilining ma’lum qismini ishlamaganingiz ustama berishni rad etish uchun mustaqil asos bo‘la olmaydi. Muhimi, ishchi guruh tomonidan Nizomdagi baholash mezonlari asosida faoliyatingiz baholanib, tegishli ballar aniqlanishi kerak. Agar sizning hujjatlaringiz baholash uchun qabul qilinmayotgan yoki umuman ko‘rib chiqilmayotgan bo‘lsa, maktab direktoridan rad etish asoslarini yozma ravishda berishni so‘rashingiz hamda tuman (shahar) maktabgacha va maktab ta’limi bo‘limiga murojaat qilishingiz mumkin. Qisqacha aytganda, dekret ta’tilidan qaytganlikning o‘zi ustama berilmasligiga asos emas. Masala 823-son qarordagi baholash mezonlari bo‘yicha to‘plangan ballar asosida hal qilinishi kерак

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Таълим муассасаларида кўпчилик таътилга чиқди. Таътил пули тўланмаётганидан норозилар бор. Ўзи қачон тўланиши керак? Ҳар йилги меҳнат таътили вақти учун ҳақ тўлаш жамоа шартномасида, ички ҳужжатларда ёхуд меҳнат шартномасида белгиланган муддатларда, бироқ таътил бошлангунига қадар охирги иш кунидан кечиктирмай амалга оширилади (МК 233-модда 3-қ). Вақтида ола олмаган таътил пули учун ходимнинг компесация ундириш имконияти бор Иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт. Таътил пулини кечиктириш иш берувчига молиявий жиҳатдан фойда олиб келмайди Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Фарзанди икки ёшга тўлганча уйда ўтирган отага ҳам нафақа тўланиши мумкин. Буни билармидингиз? «Бола парвариши таътили фақат она учун», деган гапни кўп эшитамиз. Лекин қонунга қарасак, вазият бошқача. Яъни, агар оила шундай қарор қилса, ота ҳам фарзанди икки ёшга тўлгунига қадар бола парвариши таътилига чиқиши ва белгиланган тартибда нафақа олиши мумкин. Бу билан ҳаммаси тугамайди. Қонун ота ёки бошқа оила аъзосига бола парвариши таътили даврида масофадан туриб ёки тўлиқсиз иш вақтида ишлаш ҳуқуқини ҳам беради. Энг муҳими, бунда нафақа сақланиб қолади. Бундан ташқари:

- Бола 3 ёшга тўлгунига қадар иш ҳақи сақланмайдиган таътил ҳам олиш мумкин. - Бу ҳуқуқдан она, ота, буви, бобо ёки васий ҳам фойдаланиши мумкин. - Таътил даврида иш жойи (лавозими) сақланади. - Ушбу таътилнинг 6 йилгача бўлган қисми меҳнат стажига қўшилади.

Қонунчиликда шундай имконият бор экан, нега ҳали ҳам кўпчилик "отага бола парвариши таътили берилмайди" деб ўйлайди? Ҳуқуқни билмаслик — ундан фойдалана олмасликка сабаб бўлади.

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

📌 Mehnat sohasidagi qonunchilik takomillashtirildi 2026-yil 11-iyunda qabul qilingan O‘RQ–1150-son Qonun bilan bir qator qonun hujjatlariga o‘zgartirish va qo‘shimchalar kiritildi: 🔹 Mehnat kodeksiga jamoaviy mehnat nizolari yuzaga kelganda ish tashlash huquqi, uni o‘tkazish tartibi va shartlari bo‘yicha yangi normalar kiritildi. 🔹 Ma’muriy javobgarlik to‘g‘risidagi kodeksda ish tashlashga oid qonunchilikni buzish ma’muriy huquqbuzarlik sifatida belgilandi. 🔹 Jinoyat kodeksida ushbu qoidabuzarlik ma’muriy jazo qo‘llanilganidan keyin takroran sodir etilganda yoki og‘irlashtiruvchi holatlarda jinoyat deb e’tirof etilishi nazarda tutildi. 🔹 Fuqarolik protsessual kodeksida ish tashlash bilan bog‘liq mehnat nizolarini ko‘rib chiqishning o‘ziga xos tartibi belgilandi. 🔹 “Jamoat birlashmalari to‘g‘risida”gi Qonunga kiritilgan o‘zgartirishlarga ko‘ra, respublika darajasidagi kasaba uyushmasini tashkil etish uchun talab etiladigan a’zolar soni 3 ming nafardan 500 nafarga kamaytirildi. 🔹 “Kasaba uyushmalari to‘g‘risida”gi Qonunda kasaba uyushmalari inspeksiyalari hamda Kambag‘allikni qisqartirish va bandlik vazirligi huzuridagi Davlat mehnat inspeksiyasining hamkorligi mustahkamlandi.

Mazkur Qonun rasmiy e’lon qilingan kundan e’tiboran 3 oy o‘tgach kuchga kiradi.

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

❓ Суд қарори билан аввалги ходим ишга тикланса, унинг ўрнига қабул қилинган ходим билан нима қилиш керак? Амалиётда энг кўп учрайдиган хатолардан бири — суд қарори билан аввалги ходим ишга тикланганидан кейин, унинг ўрнига қабул қилинган ходимни ҳеч қандай тартибсиз ишдан бўшатиб юборишдир. Аслида қонун бундай йўл тутишга рухсат бермайди. Аввало, суднинг ишга тиклаш ҳақидаги қарори мажбурий ҳисобланади ва аввалги ходим ишга тикланиши шарт. Лекин бу дегани янги қабул қилинган ходимни дарҳол ишдан бўшатиш мумкин, дегани эмас. Меҳнат кодексининг 144-моддасига мувофиқ, иш берувчи унга:

🔹 мутахассислиги ва малакасига мос бошқа ишни; 🔹 бундай иш бўлмаса, ташкилотдаги бошқа мавжуд бўш иш ўринларини таклиф қилиши шарт.

📌 Бу таклифни ёзма шаклда бериш мақсадга мувофиқ. Агар ходим таклиф қилинган ишга розилик билдирса, у бошқа лавозимга ўтказилади, ёкида бўш иш ўрни мавжуд бўлмаса, ходим таклиф қилинган ишларга розилик бермаса, унда меҳнат шартномаси Меҳнат кодексининг 168-моддаси биринчи қисми 2-банди асосида — "шу ишни илгари бажариб келган ходимнинг аввалги ишга тикланганлиги муносабати билан" бекор қилиниши мумкин. 💰 Бундай ҳолда ходимга МКнинг 173-моддасига мувофиқ ишдан бўшатиш нафақаси ҳам тўланади. ⚖️ Хулоса ўрнида айтиш мумкинки, суд қарори чиққанидан кейин ҳам иш берувчи қонунчиликда белгиланган тартибга қатъий риоя қилиши шарт. Акс ҳолда янги меҳнат низоси келиб чиқиши ва иш берувчи яна судда ютқазиши мумкин. ®mehnat_qonunchiligi — Меҳнат қонунчилигини содда ва тушунарли қилиб изоҳлаб берамиз.

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

❗️Ишдан бўшаш ҳақидаги аризани қайтариб олиш мумкинми? Меҳнат кодексида ходимга муҳим ҳуқуқ берилган, яъни МК 160-моддасининг 6-қисмига кўра, ходим меҳнат шартномасини ўз ташаббуси билан бекор қилиш ҳақида берган аризасини огоҳлантириш муддати давомида, шу жумладан охирги куни иш вақти тугагунига қадар чақириб олишга ҳақли.

Амалиётда эса бошқача фикрлар учрайди. Айрим иш берувчилар «буйруқ чиқиб бўлди», «ўрнингизга одам олдик», «ариза қайтарилмайди» деган важлар билан ходимнинг талабини рад этади. Ваҳоланки, Ўзбекистон Республикаси Олий суди Пленумининг 2023 йил 20 ноябрдаги 26-сон қарори 20-бандида меҳнат шартномасини бекор қилиш ҳақида буйруқ чиқарилган бўлишидан қатъи назар, қонунда белгиланган огоҳлантириш муддати ичида ходим аризасини қайтариб олишга ҳақли экани аниқ қайд этилган.

Бироқ бу ерда муҳим нозик жиҳат бор. Агар ходим кейинчалик ишдан бўшаш шарти билан меҳнат таътилига чиққан бўлса, МК 235-моддасининг 4-қисмига мувофиқ аризани меҳнат таътили бошлангунга қадаргина чақириб олиши мумкин. Таътил бошланган кундан кейин бундай ҳуқуқ сақланмайди.

Яна бир баҳсли масала — аризани почта орқали чақириб олиш. Айримлар Фуқаролик кодекси нормаларига таяниб, хат почтага топширилган вақтни асос қилиб кўрсатади. Лекин МК 160-моддаси 6-қисмида аниқ қоида белгиланган: ариза огоҳлантириш муддати тугагунга қадар, охирги куни эса иш вақти тугагунига қадар чақириб олиниши лозим. Шунинг учун ариза иш берувчига кеч етиб келса, амалиётда низо келиб чиқиши эҳтимоли юқори.

Шунингдек, дастлабки синов муддатидаги ходимлар учун МК 132-моддаси алоҳида тартибни белгилаган. Бундай ҳолатда ҳам ходим белгиланган 3 кунлик огоҳлантириш муддати давомида аризасини чақириб олиш ҳуқуқига эга.

Қонун ходимга фикрини ўзгартириш имкониятини берган. Аммо бу ҳуқуқ белгиланган муддатлар билан чекланган.

Савол: амалиётда қонун нормаси устувор бўляптими ёки «буйруқ чиқди — энди кеч» деган эски қарашлар ҳали ҳам устунми? ®mehnat_qonunchiligi —

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

⚖️ Сентябрда ишга кирган ҳар бир ўқитувчи 50 ёки 100% устама оладими? Кўпчилик янглишяпти! Ижтимоий тармоқларда ҳам, кадрлар амалиётида ҳам энг кўп учрайдиган нотўғри тушунчалардан бири шуки, агар педагог бошқа туман ёки вилоятдан келиб ишга кирган бўлса, унга автоматик равишда 50 ёки 100 фоизлик устама тўланиши керак, деган фикр. Аслида эса қонунчиликда бундай қоида мавжуд эмас. Вазирлар Маҳкамасининг 2021 йил 15 октябрдаги 646-сон қарорида назарда тутилган устама бошқа ҳудуддан келганлик учун эмас, балки махсус тартибда жалб қилинган педагогларга берилади.

Яъни педагог: 🔹 электрон платформа орқали танловда иштирок этган бўлиши; 🔹 белгиланган тартибда саралашдан ўтган бўлиши; 🔹 25 августга қадар ишга қабул қилиш ҳақида ариза берган бўлиши; 🔹 янги ўқув йили бошланишидан ишга қабул қилинган бўлиши лозим.

Агар ходим сентябрь, октябрь ёки ўқув йили давомида оддий тартибда вакант ўринга ишга қабул қилинган бўлса, у бошқа ҳудуддан келган бўлса ҳам, бу ҳолатнинг ўзи 646-сон қарор бўйича устама олиш ҳуқуқини вужудга келтирмайди. Шунинг учун кадрлар хизмати ёки таълим ташкилоти раҳбари устама тайинлашдан олдин қуйидаги ҳужжатларни текшириши мақсадга мувофиқ:

✅ электрон платформа орқали мурожаат қилинганлиги; ✅ саралаш комиссияси баённомаси; ✅ саралаш натижалари; ✅ 25 августга қадар берилган ариза; ✅ мазкур қарор асосида жалб қилинганлигини тасдиқловчи ҳужжатлар.

Агар ушбу ҳужжатлар мавжуд бўлмаса, фақат «бошқа туман ёки вилоятдан келганман» деган асос билан устама талаб қилиш ҳуқуқий жиҳатдан етарли асос ҳисобланмайди. Энг кўп баҳс айнан шу ерда юзага келмоқда: амалиётда "бошқа ҳудуддан келган педагог" тушунчаси билан "646-сон қарор асосида жалб қилинган педагог" тушунчаси аралаштириб юборилмоқда. Ҳолбуки, бу иккиси мутлақо бошқа-бошқа ҳуқуқий тушунчалардир.

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

#Савол_беринг_жавоб_берамиз "Декрет" тўлови учун фақат "Оклад" ҳисобга олинадими

Assalomu aleykum. Men 2 iyunda dekretga chiqdim. O'qituvchiman. Oylik maoshim qo'lga tegishi 8 mln, yani 50 % sertifikat ustama bor. Lekin ish joyimda dekret puli faqat okladni (5 mln atrofida) hisoblab berar ekan. Ustamani qo'shib hisoblab bermas ekan. Shu haqida qarori bormi? Iltimos shu haqida ma'lumot berin .  Oldinlari dekretga tòliq ustamalar qòshilgan holda tushardi. Shu yili yanvarda yangi qaror chiqdi, yani qarorda faqat oklad tòlansin deyilgan deyabdi. Shunga aniq qaror kerak. Dekretga ustamalar qòshiladi degan qaror kerak. Qaror tashlab bera olasizmi?

Вазирлар Маҳкамасининг 2025 йил 17 декабрдаги 796-сон қарори ва у билан тасдиқланган Низомга асосан, иш берувчингизнинг "фақат оклад тўланади" деган гапи мутлақо нотўғри ва қонунчиликка зид. Янги тартибга кўра, ҳомиладорлик ва туғиш нафақасини (декрет пулини) ҳисоблашда устамалар ҳам тўлиқ қўшиб ҳисобланади. Қуйида ушбу ҳолатни тартибга солувчи аниқ ҳуқуқий асослар келтириб ўтамиз. Вазирлар Маҳкамасининг 2025 йил 17 декабрдаги 796-сонли қарори Низомнинг 27-бандида аниқ кўрсатилганки, суғурталанган шахсларнинг ўртача ойлик иш ҳақи миқдорини аниқлашда солиқ тўғрисидаги қонунчиликка мувофиқ солиққа тортиладиган ва суғурта бадали сифатида ажратмалар ажратиладиган меҳнатга ҳақ тўлаш тарзидаги барча даромадларини инобатга олган ҳолда ҳисоб-китоб қилинади. Сизнинг 50 фоизлик сертификат устамангиз расмий даромад ҳисобланади ва ундан даромад солиғи ушланади, демак, у декрет пулини ҳисоблашда албатта қўшилиши шарт. 2026 йил 1 январдан бошланган янги тизимга кўра, ҳомиладорлик ва туғиш нафақасини иш жойингиз (мактаб бухгалтерияси) ҳисобламайди ҳамда тўламайди. Бу тўловлар фуқаронинг мурожаатисиз (проактив шаклда) «Ижтимоий суғурта» ахборот модули орқали автоматик тарзда тайинланади ва Давлат ижтимоий суғурта жамғармаси томонидан банк картангизга ўтказиб берилади. Иш берувчингизнинг нафақани ўзи хоҳлаганча (фақат окладдан) ҳисоблаб беришга ҳуқуқи ҳам, имконияти ҳам йўқ. Бундан ташақари тизим сизнинг охирги 12 ой ичидаги барча расмий, солиққа тортилган даромадларингизни (оклад + сертификат устамалари) Солиқ қўмитасининг базасидан автоматик тарзда олади.  Сизнинг декретга чиқишдан олдинги охирги 12 ойлик даврдаги жами иш ҳақи миқдорингиз ўн иккига бўлинади ва ўртача ойлик маош аниқланади. Ҳисобга олинадиган ўртача ойлик иш ҳақи меҳнатга ҳақ тўлашнинг энг кам миқдори (МҲТЭКМ)нинг 10 бараваридан ошмаслиги керак. Сизнинг 8 миллион сўмлик маошингиз бу лимитдан ошмайди, шунинг учун у тўлиқ ҳисобга олинади. Сиз айтаётган янги қарорда (Вазирлар Маҳкамасининг 796-сон қарори) "фақат оклад тўлансин" деган қоида умуман йўқ. Аксинча, солиққа тортиладиган барча даромадлар (шу жумладан, устамалар) инобатга олиниши қатъий белгилаб қўйилган. Сиз мактаб раҳбарияти ёки бухгалтериясига 796-сонли қарорнинг 27-бандини асос қилиб кўрсатишингиз мумкин. Улардан талаб қилинадиган ягона нарса — бу сизнинг расмий ойлик даромадларингиз ва устамаларингизни Солиқ қўмитаси ҳамда «ЯММТ» базаларига вақтида, тўлиқ ва тўғри киритиб боришларидир. Қолган барча ҳисоб-китобларни давлат тизими автоматик равишда ўзи амалга оширади. Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

#Кадровик Кўп йиллик иш стажи учун бериладиган ҳар йилги қўшимча меҳнат таътили қандай ходимларга берилади? Бу масалада амалиётда жуда кўплаб соваллар келмоқда. Меҳнат кодексининг 220-моддасида Ходимга у битта ташкилотда ёки тармоқда ишлаган ҳар беш йил учун давомийлиги икки календарь кун бўлган, бироқ жами саккиз календарь кундан кўп бўлмаган ҳар йилги қўшимча меҳнат таътили берилади деб ёзилган яъни бу ерда айнан ходим узликсиз битта ташкилотда ёки ташкилотнинг тармоқларида ишласин деган қоида мавжуд эмас. Масалан, ходим 10 йил бир ташкилотда ишлаб ножоя хатти харакати сабабли ишдан бўшади, бироқ 2 йилдан сўнг яна шу ишхонага ёки ишхонанинг бирон тармоғига ишга кирди ва бу ходимга ҳам бемалол МКнинг 220-моддасини қўллаган ҳолада 4 кунлик сатаж учун узайтирилган таътил берилиши тўғри. Меҳнат кодексининг 226-моддасига асосан Ҳар йилги меҳнат таътилини олиш ҳуқуқини берадиган иш стажини ҳисоблаб чиқариш тартиби белгиланган. Унга кўра, Ҳар йилги асосий меҳнат таътилини олиш ҳуқуқини берадиган иш стажи жумласига қуйидагилар киритилмайди: 👉 ходим узрли сабабларсиз ишда бўлмаган вақт; 👉  ходим ишдан четлаштирилган даврлар, бундан ушбу модда биринчи қисмининг тўртинчи, бешинчи ва олтинчи хатбошиларида назарда тутилган ҳоллар мустасно; 👉  ушбу Кодекс 405-моддасининг биринчи ва иккинчи қисмларида назарда тутилган болани парваришлаш учун бериладиган таътиллар вақти. 👉 Зарарли ва (ёки) хавфли меҳнат шароитларидаги, шунингдек ноқулай табиий-иқлим шароитларидаги иш учун ҳар йилги қўшимча меҳнат таътилларини олиш ҳуқуқини берадиган иш стажига фақат мазкур шароитларда ҳақиқатда ишлаб берилган вақт киритилади. Масалан, Ходим ташкилотда 3 йил ишлади ва 2 йил бола парваришлаш таътилида бўлди. Бу ходимга қўшимча 2 кунлик таътил бериб бўлмайди чунки, МКнинг 226-моддасида болани парваришлаш учун бериладиган таътиллар вақти меҳнат таътилини олиш ҳуқуқини берадиган иш стажи жумласига киритилмаган. Бу юқоридагилар таълим ходимлари, яъни устозлар учун эмас. Чунки кодексда таътилнинш максимал муддати 56 кун деб белгилаб қўйилган Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

#Кадровик Таътил бундай ҳисобланмайди! Фуқаро мурожаати: Ассалому алайкум ўқитувчиларни 56 кунлик меҳнат таътилига қўшиб бериладиган, қуйидаги қўшимча таътиллар тўланадими МК 220 моддасига асосан ҳар беш йилга 2 кундан қўшимча таътил ва МК 401 моддасига асосан 12 ёшга тўлмаган 2 ёки 3 ва 16 ёшга тўлмаган ногирон боласи учун 4 кун қўшимча татиллар. Агар 56 кун асосий таътил МК 220 моддаси билан 4 кун ва МК 401 моддаси билан 4 кун жами 64 кун таътил берилса шунда ходим 6 июньдан татилга чиқса ишга қачондан чиқади.Ишга чиқган кундан бошлаб табел ёзиладими? Азизлар! Таътилларни ҳисоблашда эътиборли бўлинг ёки мутахассисдан маслаҳат олган ҳолда ходимларнинг таътил беришни ҳисобланг. Юқорида келган мурожаатга эътибор қилсангиз, ўқитувчи учун 64 кун таътил ҳисоблашмоқда бундай ҳисоб китоб мутлақо нотўғри. Меҳнат кодексининг 222-моддасига асосан Ҳар йилги меҳнат таътилининг умумий давомийлигини ҳисоблаб чиқаришда қўшимча таътиллар ҳар йилги асосий энг кам таътил ёки ҳар йилги асосий узайтирилган таътилга қўшиб жамланади. Барча ҳолларда қонунчилик билан белгиланган таътилларни жамлашда уларнинг давомийлиги бир иш йили учун эллик олти календарь кундан ошиб кетиши мумкин эмас.  Кодексда таътилнинг максимал муддати 56 календар кун этиб белгилаб қўйилган. Яъни ўқитувчининг йиллик узайтирилган таътилининг ўзи максимал миқдорда турибди унга кўп йиллик иш стажига (МК-220-моддаси) эгалиги ёки 12 ёшга тўлмаган 2 ёки 3 ва 16 ёшга тўлмаган ногирон боласи борлиги (МК-401-моддаси) билан билан қўшимча таътил бериб бўлмайди. Умумий ҳисоблаганда таътил кунлари 56 календар кундан ўтиб кетиши мумкин эмас Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Ишдан бўшаш аризаси. Раҳбар ва кадрлар бўлимини судгача олиб борадиган кичик математик хато Кўпгина ташкилотларда ходим ўз хоҳиши билан ишдан кетиш тўғрисида ариза ёзса, жараён жуда оддийдек туюлади. Аммо меҳнат қонунчилигида шундай нозик жиҳатлар борки, биргина кунлик фарқ туфайли иш берувчи суд залида ютқазиши мумкин. Гап Меҳнат кодексининг 160-моддасида белгиланган огоҳлантириш муддатини тўғри ҳисоблаш ҳақида бормоқда. Асосий чалкашлик шундаки, Меҳнат кодексидаги баъзи моддалар, хусусан 132, 158, 165 ва 168-моддаларда иш шартномасини бекор қилиш учун камида уч кун, камида икки ҳафта ёки камида икки ой олдин огоҳлантириш кераклиги белгиланган. Эътибор беринг, бу ерда камида деган сўз бор, яъни муддатдан кўпроқ вақт ўтса ҳам хато ҳисобланмайди. Бироқ, ходимнинг ўз ташаббуси билан ишдан бўшашини тартибга солувчи 160-моддада вазият бутунлай бошқача. Бу ерда муддат қатъий чегараланган. Қоидага кўра, ходим ариза ёзган кундан кейинги кундан бошлаб роппа-роса ўн тўрт календарь кун саналиши шарт. Бу дегани, меҳнат муносабатларига айнан ўн тўртинчи куни нуқта қўйилиши керак. Уни ўн учинчи куни эртароқ бўшатиб юбориш ҳам, ўн бешинчи кунгача ушлаб туриш ҳам қонунбузилиш ҳисобланади. Ҳар икки ҳолатда ҳам ходим ўз ҳуқуқлари бузилганини даъво қилиб судга мурожаат қилса, иш берувчининг зарарига қарор чиқиш эҳтимоли жуда юқори бўлади. Келинг, буни аниқ ҳаётий мисол ёрдамида кўриб чиқамиз. Айтайлик, ходим жорий йилнинг 5 май куни ўз хоҳишига кўра ишдан бўшаш тўғрисида ариза тақдим этди. Огоҳлантириш муддатини ҳисоблашни ариза ёзилган куннинг эртасидан, яъни 6 май санасидан бошлайсиз. Олти майдан бошлаб ўн тўрт календарь кун санасангиз, сўнгги кун 19 майга тўғри келади. Демак, ходим билан меҳнат шартномаси бекор қилинадиган расмий сана айнан 19 май бўлиши шарт. Сиз буйруқни ундан олдинроқ чиқариб қўйишингиз мумкин, лекин буйруқда кўрсатилган шартномани бекор қилиш санаси фақат ва фақат 19 май бўлиши қонунан талаб этилади. Хулоса қилиб айтганда, ходимнинг ташаббуси билан шартномани бекор қилиш жараёнида муддатларни эркин талқин қилишга йўл қўйилмайди. Буйруқ чиқариш санаси ва шартноманинг бекор қилиниш санаси ўртасидаги фарқни тўғри англаш ҳамда ўн тўрт кунлик қоидага қатъий амал қилиш турли хил низоларнинг олдини олишда энг муҳим омилдир. Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

#Кадровик Қисқаришга тушган ходимга меҳнат таътилини бериш Ассалому алайкум ҳурматли тингловчилар! Кўплаб саволлар келиб тушмоқда: қисқаришга тушган ходимга таътил бериш мумкинми? Албатта, мумкин. Қонунчиликда бунинг учун ҳеч қандай чеклов йўқ. Фақатгина бунда белгиланган тартибга амал қилиш керак. Мисол тариқасида тасаввур қилинг, ходим биринчи иш йилида фаолият бошлаган. Меҳнат кодексининг 227-моддасига кўра, биринчи иш йили учун йиллик меҳнат таътили узлуксиз олти ой ишлагандан сўнг берилади. Бироқ бу ходим олти ой ишламаган бўлса ҳам таътилдан фойдаланолмайди дегани эмас. Агар иш берувчи ва ходим ўртасида келишув мавжуд бўлса, олти ой тўлмасидан олдин ҳам таътил бериш мумкин. Бундан ташқари, шу модданинг учинчи қисмига асосан, алоҳида тоифадаги ходимларга — яъни биринчи ёки иккинчи гуруҳ ногиронлиги борлар, 18 ёшга тўлмаганлар, таълимни меҳнат билан уйғунлаштириб олиб бораётганлар — иш берувчи улар таътилга ариза билан мурожаат қилса, таътил беришга мажбур. Масалан, иккинчи гуруҳ ногирони бўлган ходим қисқаришга тушди ва олти ой ишламаган. Агар у таътил сўраб мурожаат қилса, иш берувчи унинг аризасини қаноатлантириши шарт. Кейинги иш йилларига келсак, яъни иккинчи ва ундан кейинги иш йилларида ҳам ходим қисқаришга тушган бўлса, 228-модданинг 4 ва 5-қисмларига асосан қуйидаги тоифадаги ходимларга таътил бериш мажбурий: 👉 биринчи ва иккинчи гуруҳ ногиронлар; 👉  18 ёшга тўлмаганлар; 👉  иш ва таълимни уйғунлаштирувчилар; 👉  аёллар (туғиш таътилидан олдин ёки кейин). Шунингдек, ишлаётган эркакларга ҳар йилги таътил уларнинг хоҳишига кўра, рафиқаси туғиш таътилида бўлган пайтда берилиши мумкин. Таътил пайтида ходим қисқариш бўйича икки ойлик огоҳлантириш муддатини ўтаётган бўлиши мумкин. Таътилда бўлгани билан бу муддат тўхтамайди. Лекин агар ходим касал бўлиб, вақтинча меҳнатга лаёқатсиз ҳолатда бўлса, бундай пайтда огоҳлантириш муддати тўхтатилади. Меҳнат кодексининг 263-моддасига кўра, ходим меҳнат таътилларида бўлган вақтда уни иш берувчи ташаббуси билан ишдан бўшатиш мумкин эмас. 265-моддага кўра эса, ходим таътилда бўлгани ҳолда ҳам огоҳлантириш муддати ўтаверади. Фақат касаллик, давлат ёки жамоат вазифаларини бажараётган пайтдагина муддат тўхтатилади. Яна бир истисноли ҳолат: агар меҳнат шартномаси ходимнинг айбли ҳаракатлари сабабли, яъни 261-модданинг 2-қисми, 4- ва 5-бандлари асосида бекор қилинса — ходимга таътилни “натура шаклда” (яъни жисман) бериш мумкин эмас. У ҳолда 234-моддага мувофиқ таътилнинг қопламаси тўлаб берилади, аммо таътилнинг ўзи бериламайди. Таътил берилган ҳолда эса, таътил тугаган кун меҳнат шартномаси бекор қилинган сана деб ҳисобланади. МКнинг 230-моддага кўра, фақат иш берувчи ва ходим ўртасидаги келишув асосида шартномани бекор қилиш чоғида таътил берилса бўлади. Агар имтиёзли тоифага кирмаган бўлса, иш берувчи хоҳласа таътил беради, хоҳламаса бермаслиги мумкин. Аммо юқорида санаб ўтилган имтиёзли тоифага кирувчи ходимлар ариза ёзса, иш берувчи таътил беришга мажбур. Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

#Кадровик Меҳнат шартномасини бекор қилинаётганда  огоҳлантириш муддатлари 1. Дастлабки синов натижасига кўра меҳнат шартномаси бекор қилинганда 3 кун (МК-132-моддаси) 2. Муддатли меҳнат шартномаси унинг амал қилиш муддати тугаши билан бекор қилинганда 3 кун (МК-158-моддаси) 3.  Меҳнат шартномасини ходимнинг ташаббусига кўра бекор қилингандан 14 кун олдин иш берувчини огоҳлантириши керак  (МК-160-моддаси) Ўз ташаббусига кўра бекор қилинганда иш берувчини огоҳлантиришнинг бошқа муддатлари қуйидагиларга нисбатан белгилаб қўйилган: - 2 ой олдин:  ташкилот раҳбари (МК 489-моддаси 3-қисми); - 1 ой олдин: раҳбар ўринбосарлари, ташкилотнинг бош бухгалтери ва ташкилот алоҳида бўлинмасининг раҳбари (МК 489-моддаси 4-қисми); - 3 кун календарь кун олдин: мавсумий ходимлар (МК 494-моддаси 1-қисми); - 3 кун календарь кун олдин: вақтинчалик ишларда банд бўлган шахслар (МК 499-моддаси 1-қисми); - 7 кун календарь кун олдин: микрофирмалар иш берувчиларининг ходимлари (МК 506-моддаси 1-қисми); - 7 кун календарь кун олдин: якка тартибдаги тадбиркорларда ишлайдиган шахслар (МК 511-моддаси 1-қисми); - 7 кун календарь кун олдин: уй ишчилари (МК 518-моддаси 1-қисми). Давоми бор.... Саволингизни: @yuristgamurojaat ga қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Малака ошириш даврида ўртача иш ҳақи қандай ҳисобланади? Декрет пули қўшилмайдими? @Yurist_Xizmati 5605-савол:

Assalomu alekum men yanvar oyida malaka oshirishga borgandim oyligimni yarmi tushdi  bugaltir sentyabrdan ishga chiqqansan shu sabab dedi tugriq ta'tilidan qaytgandim. Nima qilsam bo'ladi shunday qaror bormi? Oqtuvchiman

ЮРИСТ ЖАВОБИ: Мазкур ҳолат меҳнат қонунчилиги нуқтайи назаридан ўртача иш ҳақининг сақланиши масаласи билан боғлиқ. Саволнинг мазмунидан келиб чиқиб, ходим январ ойида малака ошириш курсида бўлган ва унга иш ҳақининг ярми тўланган. Бухгалтер эса “cентябрдан ишга чиққансиз” деган важни келтирган. 💁‍♂Энди норматив таҳлил қиламиз. ____ Малака ошириш даврида иш ҳақи қандай тўланади?

Меҳнат кодексининг 370-моддаси иккинчи қисмига асосан, агар ходим иш берувчи учун мажбурий бўлган қайта тайёрлаш ёки малака оширишга юборилган бўлса, иш берувчи: •  ходимнинг иш жойини (лавозимини) ва ўртача иш ҳақини сақлаб қолиши шарт. Мазкур норманинг мазмунидан шуни англашиладики, малака ошириш даврида ходимга одатдаги иш ҳақи эмас, балки ўртача иш ҳақи тўланади.

____ Ўртача иш ҳақи қандай ҳисобланади

? Меҳнат кодексининг 257-моддасига кўра: •  ўртача иш ҳақи охирги 12 ойлик ҳисоб-китоб даври асосида аниқланади; •  агар ходим 12 ойдан кам ишлаган бўлса, амалда ишланган давр асосида ҳисобланади; •  агар ҳисоб-китоб даврида ходим иш ҳақи олмаган бўлса (масалан, туғруқ таътилида бўлган бўлса), у давр ҳисобдан чиқарилади. Мазкур модданинг тўртинчи қисмига асосан, агар ходим ҳомиладорлик ва туғиш нафақасини олган бўлса, ушбу давр ўртача иш ҳақини ҳисоблашдан чиқариб ташланад

и. 🙅‍♂ Демак, туғруқ таътилидан қайтган ходимга нисбатан ўртача иш ҳақи ҳисобланаётганда, таътил даври ҳисобга олинмайди. ____ “Cентябрдан ишга чиққансиз” деган важ ҳуқуқан қандай баҳолана

ди? Меҳнат кодексининг 257-моддаси тўртинчи қисмига кўра: Ўртача иш ҳақи ҳисоблаб чиқарилаётганда ҳисоб-китоб давридан вақт, шунингдек ушбу вақтда ҳисобланган суммалар чиқариб ташланади, агар ходим ҳомиладорлик ва туғиш нафақасини олган бўлса. Мазкур норманинг мазмунидан келиб чиқадики: •  12 ойлик ҳисоб-китоб даври олинади; •  шу даврдаги барча иш ҳақи суммалари қўшилади; •  бироқ туғруқ таътили даври ва ўша даврда олинган декрет пули ҳисобдан чиқариб ташлан

ади. 🙅‍♂ Демак, декрет давридаги суммалар ўртача иш ҳақини шакллантиришда иштирок этмайди. 🔹Натижада, агар ходим центябрдан ишга чиққан бўлса, ўртача иш

ҳақи: •  ходимнинг 12 ойдаги солиқ тўланган барча тўловлари қўшилади лекин унга шу даврда тўланган декрет пули умумий суммадан чиқариб ташланади. Шу сабабли, ўртача иш ҳақи миқдори камроқ чиқиши мумкин. Бу ҳолда бухгалтернинг “центябрдан ишга чиққансиз” деган изоҳи тўлиқ ҳуқуқсиз эмас, чунки 257-модда мазмунига кўра ҳисоб-китоб базаси қисқаради ва натижавий ўртача иш ҳақи пасайиши м

умкин. Бироқ муҳим жиҳат шундан иб

оратки: ❗️ бу “ярим ставка тўланади” дегани эмас. ❗️ бу “малака ошириш даврида иш ҳақи камайтирилади” деган

и эмас. ____ Қўшимча ка

фолатлар: Меҳнат кодексининг 286-моддаси ва 290-моддалари мазмунига кўра, агар ходим иш берувчининг йўлланмаси билан малака оширишга юборилган бўлса, унга қўшимча харажатлар ҳам қопланиш

и мумкин. ____ Хулоса қиладиг

ан бўлсак: Мазкур ҳолатда бухгалтернинг позицияси норматив жиҳатдан асосли бўлиши мумкин, агар ўртача иш ҳақи айнан МК 257-моддаси талаблари асосида ҳисобланган бўлса. Шу боис масала “ярим тўланган”ми ёки “ўртача иш ҳақи тўғри ҳисобланган”ми — шуни аниқ ҳисоб-китоб ҳужжатлари асосида тек

шириш зарур.

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

Менга неча кун учун таътил ҳисобланади?

Ассалому алайкум мен мактабда деректор у‌ринбосари бу‌либ ишлайман. 2025- йил 26 майда декрет таътилига чикдим 12 октиябр 2026- йилда декрет таътилим тугади. 13 октиябрдан 2024- 2025 укув йилидаги мехнат таътилимни олдим. 9- декабр 2026 - йилдан ишга чикдим. 1- июн 2026- йилдан таътил берилди. Савол энди нечи кунлик таътил берилади.

Сизга қанча таътил берилишини ҳисоблаб чиқиш учун қуйидаги қонуний қоидаларга таянамиз: Вазирлар Маҳкамасининг 263-сон қарори билан тасдиқланган меъёрларга кўра, умумий ўрта таълим мактабларининг директори ва унинг ўринбосарлари (хўжалик ишлари ва маъмурий-хўжалик ишлари бўйича ўринбосарлардан ташқари) учун ҳар йилги узайтирилган асосий меҳнат таътилининг давомийлиги 56 календарь кун этиб белгиланган. Меҳнат кодексига мувофиқ, ҳар йилги меҳнат таътилини олиш ҳуқуқини берадиган иш стажига қуйидагилар киради: ➖ ҳақиқатда ишланган вақт; ➖ ходимнинг иш ўрни сақланган вақт, жумладан ҳар йилги меҳнат таътиллари ҳамда ҳомиладорлик ва туғиш таътиллари даври. Бироқ, болани парваришлаш таътиллари вақти (декрет таътилининг туғруқдан кейинги болани парваришлаш қисми) меҳнат таътилини олиш ҳуқуқини берадиган иш стажига киритилмайди. Агар ушбу даврлар ҳисобига иш йили тўлиқ 12 ойни ташкил этмаса, ходимнинг иш йили етишмаган вақтга сурилади. Сиз 2024-2025 ўқув йили учун берилиши керак бўлган таътилни 13 октябрдан бошлаб олгансиз (56 кунлик таътил 8 декабргача давом этган ва 9 декабрдан ишга чиққансиз). Демак, янги таътил учун сизнинг иш йилингиз ҳақиқатда ишга чиққан кунингиздан — 9 декабрдан бошланади. Меҳнат кодексининг 224-моддасига асосан, тўлиқ ишлаб берилмаган йил учун таътил давомийлигини ҳисоблаш қуйидагича амалга оширилади: Таътилнинг тўлиқ миқдори (56 кун) 12 ойга бўлинади ва тўлиқ ишланган ойлар сонига кўпайтирилади. Ойларни ҳисоблашда 15 календарь кунга тенг ва ундан кўп бўлган ортиқча кунлар бир ой деб яхлитланади, 15 кундан ками эса ҳисобга олинмайди. Сизнинг ҳолатингизда 9 декабрдан 1 июнгача бўлган давр: 9 декабрдан 9 майгача — тўлиқ 5 ой. 9 майдан 31 майгача — 23 кун. 23 кун 15 кундан кўп бўлгани учун бу ҳам яхлитланиб, 1 ой деб ҳисобланади. Жами ишланган давр: 6 ой. Формула: (56 кун / 12 ой) × 6 ой = 28 календарь кун. Агар сиз 9 декабрдан иш бошлаб, 1 июндан навбатдаги меҳнат таътилига чиқсангиз, ишлаб берган вақтингизга мутаносиб равишда сизга 28 календарь кун меҳнат таътили берилади ва шу кунлар учун таътил пули тўланади. Саволингизни: @yuristgamurojaat  гa қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

2026 yilda 55 yoshga to‘laman. Mehnat daftarcham yo‘qolgan. Endi men qanday pensiyaga chiqaman?        Javob: Mehnat daftarchasi yoki elektron mehnat daftarchasi mehnat stajini tasdiqlovchi asosiy hujjat hisoblanadi.        2005 yil 1 yanvardan avvalgi davrlar uchun mehnat staji shaxsning mehnat daftarchasi (elektron mehnat daftarchasi)dagi mavjud yozuvlar asosida, tasdiqlovchi hujjatlar talab etilmasdan belgilanadi.        Mehnat daftarchasi mavjud bo‘lmaganda, shuningdek, mehnat daftarchasida zarur yozuvlar bo‘lmagan yoki mehnat faoliyati davrlari to‘g‘risida noto‘g‘ri va noaniq yozuvlar mavjud bo‘lgan hollarda ish stajini tasdiqlash uchun: ➡️ maʼlumotnomalar; ➡️ buyruqlardan ko‘chirmalar; ➡️ shaxsiy hisobvaraqlar va ish haqi berish uchun qaydnomalar; ➡️ mehnat shartnomalari; ➡️ arxiv maʼlumotnomalari va mehnat faoliyati davrlari to‘g‘risidagi maʼlumotlar mavjud bo‘lgan boshqa hujjatlar qabul qilinadi.        Shuningdek, mehnat faoliyati davrlari to‘g‘risidagi maʼlumotlar sud tartibida guvohlar ko‘rsatmalariga asosan ham hisobga olinishi mumkin.          Savol yuborish uchun 👇👇      @Online_maslaxatchii

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g

📣 O‘qituvchilarga ipoteka krediti boshlang‘ich to‘lovi uchun 25 foiz subsidiya beriladi Vazirlar mahkamasi qaroriga ko‘ra, 2026 yildan boshlab kamida 15 yil ish staji va oliy malaka toifasiga ega bo‘lgan pedagoglarga subsidiya beriladi. Subsidiya Iqtisodiyot va moliya vazirligi tomonidan qayta moliyalashtiriladigan ipoteka kreditlari doirasida, yangi uy sotib olish uchun ajratiladi. Buning uchun byudjetdan har yili 200 mlrd so‘mgacha mablag‘ yo‘naltiriladi. Unga my.gov.uz orqali bepul ariza topshirish mumkin bo‘ladi. Ariza subsidiya.idm.uz‘da inson omilisiz ko‘rib chiqiladi. Subsidiyalar vazirlikning subsidyplatform.mf.uz platformasi orqali avtomatik tarzda to‘lanadi. Bunda kredit tarixi salbiy bo‘lgan o‘qituvchilarga subsidiya berilmasligi mumkin. Subsidiya qancha beriladi? Subsidiya ipoteka krediti boshlang‘ich to‘lovining 25 foizi uchun ajratiladi. Masalan, boshlang‘ich to‘lov 480 mln so‘mlik ipoteka (1 martdan limit oshmoqda) uchun 25 foiz bo‘lsa, subsidiya 30 mln so‘m bo‘ladi. Boshlang‘ich to‘lov oshgan taqdirda, subsidiya miqdori ham oshishi mumkin.      @Huquqshunos_yordami        Savol yuborish uchun 👇👇       @Online_maslaxatchii

#Кадровик 9.5 ой ишланганда қанча "Декрет пули" қанча чиқади?

Yanvar oyi 15 sanasida tugʻriq taʼtiliga chiqdim. Menning ish oyim ijtimoiy himoyada 9,5 oy chiqdi.Menga 126 kunlik dekret puli tayinlanmadi, lekin yanvar oyi hisobga olinmadi. Farzandim Operatsiya bilan tugʻildi va 14 kunga dekret puli berildi. Men 126 kun uchun ham dekret puli olishim mumkinmi?

Сизнинг ҳолатингизда юзага келган вазият Вазирлар Маҳкамасининг 796-сон қарори билан тасдиқланган Низом асосида мантиқий ва ҳуқуқий жиҳатдан қуйидагича изоҳланади: Низомнинг 7-бандига кўра, ҳомиладорлик ва туғиш нафақасини ("декрет пулини") олиш учун ходимда камида 10 ойлик суғурта стажи мавжуд бўлиши қатъий талаб этилади. Сиз 15 январь куни асосий таътилга (126 кунлик) чиққанингизда, ҳали январ ойи тўлиқ якунланмаган ва бу ой учун ижтимоий солиқ (суғурта бадали) ҳисоботларга кириб улгурмаган бўлади. Шу сабабли, тизим сизнинг суғурта стажингизни ўша кунги ҳолатга кўра 9,5 ой деб ҳисоблаган ва қонунчиликдаги 10 ойлик талаб бажарилмаганлиги сабабли, 126 кунлик нафақани автоматик равишда рад этган Қонунчиликка асосан, стандарт ҳолатда туғруқдан кейин 56 календарь кун таътил берилади, аммо туғиш қийин кечганда (масалан, кесарча кесиш операцияси орқали) бу муддат 70 календарь кунгача узайтирилади. Яъни, сизга қўшимча 14 кун берилади. Бу қўшимча 14 кун учун туғруқхона томонидан операциядан кейин янги, алоҳида меҳнатга лаёқатсизлик варақаси ("больничный") очилади. Ушбу янги варақа очилган вақтда (эҳтимол, туғруқдан кейин – январнинг охири ёки февралда) иш берувчингиз январ ойи учун солиқларни базага киритишга улгурган. Натижада сизнинг суғурта стажингизга январ ойи ҳам қўшилиб, у 10 ойдан ошган (9,5 + 0,5 = 10 ой). Тизим бу янги 14 кунлик варақа очилган пайтда стажингиз етарли эканини кўрган ва шу қисми учун нафақани тайинлаб, тўлаб берган. Афсуски, асосий 126 кунлик таътилга чиққан кунингизда (15 январь) стажингиз 10 ойга етмаганлиги сабабли, қонунан бу 126 кунлик пул тўлаб берилмайди. Агар сиз аввалроқ бошқа жойда ҳам ишлаган бўлсангиз ёки ҳозирги иш жойингизда қайсидир ойлар "Ягона миллий меҳнат тизими" (my.mehnat.uz) базасига киритилмай қолиб кетган бўлса (масалан, иш берувчи хатоси билан), буни тўғирлаш имкони бор. Агар иш берувчингиз қолиб кетган стажни базага киритса ва 15 январгача бўлган даврдаги умумий стажингиз 10 ойга етса, нафақа масаласи қайта кўриб чиқилиши мумкин. Саволингизни: @yuristgamurojaat  гa қолдиринг

@TvTalimKasaba каналига қўшилиш https://t.me/joinchat/AAAAAEbHK-fu44Z5shwl9g