Subhuz расмий, диний- маърифий канал

НАСРОНИЙ ОДАМГА ДАМ СОЛИШ ❓ 2218-САВОЛ: Насронийлик динига эътиқод қилувчи одамга дам солиш жоизми? 💬 ЖАВОБ: Бисмиллаҳир Роҳманир Роҳим. Фуқаҳолар мусулмон бўлмаган, яъни ғайридин одамга дам солишни жоиз деганлар ва бу ҳукмни Абу Саид Худрий розияллоҳу анҳу ривоят қилган ҳадисдан олганлар. Имом Бухорий ва Имом Муслим раҳимаҳуллоҳлар Абу Саид Худрий розияллоҳу анҳудан ривоят қиладилар: “Набий соллаллоҳу алайҳи васалламнинг саҳобаларидан бир гуруҳи сафарга чиқдилар. Араб маҳаллаларидан бирига тушдилар. Унинг аҳлидан ўзларига таом беришни сўраганларида, улар бош тортдилар. Бир пайт ўша маҳалланинг бошлиғини чаён чақиб олди. Унга ҳар нарса қилиб кўришди, аммо ҳеч бири фойда бермади. Шунда улардан баъзилари: «Анави келган қавмнинг олдига борсангиз, эҳтимол, уларнинг баъзисидан бирор нарса чиқар», деди. Уларнинг олдиларига бориб: «Эй қавм, бошлиғимизни чаён чақиб олди. Унга ҳар нарса қилиб кўрдик, лекин фойда бермади. Сизларнинг бирортангизда нимадир борми?” дедилар. “Бор, Аллоҳга қасамки, мен дам соламан. Лекин сизлардан бизни меҳмон қилишни сўрасак, унамадингиз. Бизга бир нарса бермагунингизча, дам солмайман”, деди қавмдан бир киши. Бир қанча қўйга келишишди. У “Алҳамду лиллаҳи роббил оламийн”ни ўқиб дам сола бошлади. Бемор худди боғлови ечилгандек, ҳаракатга тушиб кетди. У ҳеч нарса кўрмагандек юриб кетиб, ўз одамларига: “Уларга келишилган нарсани тўлиқ қилиб беринглар”, деди. Баъзилар: “Бўлишиб олинглар”, дейишди. Аммо дам солган киши: “Расулуллоҳ соллаллоҳу алайҳи васалламнинг ҳузурларига бориб, бўлган нарсани айтмагунимизча ҳеч нарса қилмай туринглар. Кўрайлик-чи, бизларни нимага амр қилар эканлар”, деди. Расулуллоҳ соллаллоҳу алайҳи васалламнинг ҳузурларига келганларида ўша нарсани зикр қилдилар. Шунда у зот: “Унинг (Фотиҳанинг) руқя эканлигини қаердан билдинг? Тўғри қилибсизлар. Тақсимлаб олаверинглар. Менга ҳам бир улуш беринглар”, дедилар”. “Кувайт фиқҳ энциклопедия”си номли катта ҳажмдаги замонавий фиқҳий китобда қуйидагилар айтилган: رقية المسلم للكافر: لا خلاف بين الفقهاء في جواز رقية المسلم للكافر. واستدلوا بحديث أبي سعيد الخدري رضي الله عنه الذي سبق ذكره ووجه الاستدلال أن الحي - الذي نزلوا عليهم فاستضافوهم فأبوا أن يضيفوهم - كانوا كفارا، ولم ينكر النبي صلى الله عليه وسلم ذلك عليه. “Мусулмоннинг кофирга дам солиши: Мусулмоннинг кофирга руқя қилиши жоизлигида фақиҳлар ўртасида ҳеч қандай ихтилоф йўқ. Улар бунга Абу Саид Худрий розияллоҳу анҳунинг олдин зикр қилинган ҳадисларини далил қилиб келтирганлар. Ҳадиснинг далиллиги шундаки, улар меҳмондорчилик сўраган ва бундан бош тортган қабила одамлари кофирлар эди, бироқ Набий соллаллоҳу алайҳи васаллам унинг бу иши(дам солиш)ни инкор қилмадилар”. Валлоҳу аълам. Ўзбекистон мусулмонлари идораси Фатво маркази. ▶️https://t.me/subh_uz

#Quron #oyat #duo 🤲 Allohdan ikki dunyo yaxshiligini so‘rash duosi ﴿ربنا آتنا في الدنيا حسنة وفي الآخرة حسنة وقنا عذاب النار﴾ Robbimiz, bizga dunyoda ham yaxshilik, oxiratda ham yaxshilik bergin va bizni olov azobidan saqlagin ▶️https://t.me/subh_uz

#duo #oyat #hidoyat 🤲 АЛЛОҲДАН ҲИДОЯТИДА БАРДАВОМ ҚИЛИШИНИ СЎРАШ ДУОСИ ﴿رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ﴾ Ўқилиши: "Роббанаа лаа тузиғ қулуубанаа баъда из ҳадайтанаа ва ҳаб ланаа мил ладунка роҳматан иннака антал ваҳҳааб". Маъноси: "Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ато қилгин. Албатта Сенинг Ўзинг кўплаб ато қилувчисан" (Оли Имрон сураси, 8-оят). ▶️https://t.me/subh_uz

ТОИФДАН МАККАГА ЭҲРОМСИЗ КИРИШГА НАҚЛИЙ ДАЛИЛ БОРМИ? #эҳром 2216-САВОЛ: Маккага бориб умра амалларини бажарамиз. Шундан кейин Тоифга зиёратга борсак, Маккага қайтишда эҳром боғлаб келишимиз керакми? Бу ҳақда ҳадислар борми? ЖАВОБ: Бисмиллаҳир Роҳманир Роҳим. Албатта, Тоифга борган инсон катта мийқотдан чиқиб кетади. У ерда “Қорнул манозил” ёки “Сайлул кабир” номли мийқот бор. Шу ердан Тоиф томонга ўтган одам Маккага қайтиб келмоқчи бўлса, умра ёки ҳажга эҳром боғлаб кириши лозим бўлади. Бу ҳақда фуқаҳоларимиз фиқҳий манбаларда очиқ айтиб ўтганлар. Ҳар бир масалада бўлгани каби, бу масалада ҳам саҳиҳ ҳадислардан далиллар етарли. Жумладан: حدثنا عبد السلام بن حرب، عن خصيف، عن سعيد بن جبير، عن ابن عباس أن النبي صلى الله عليه وسلم قال :لا تجاوزوا المواقيت إلا بإحرام ». رواه ابن أبي شيبة في مصنفه Ибн Аббос розияллоҳу анҳумодан қилган ривоятда Пайғамбаримиз соллаллоҳу алайҳи васаллам: “Мийқотлардан фақат эҳром билан ўтинглар” деб буюрганлар (Ибн Абу Шайба “Мусаннаф”да ривоят қилган).  Яна бир ривоятда: حَدَّثَنَا مُحَمَّدُ بْنُ خُزَيْمَةَ ، قَالَ: ثنا حَجَّاجٌ ، قَالَ: ثنا حَمَّادٌ ، عَنْ قَيْسٍ ، عَنْ عَطَاءٍ ، عَنِ ابْنِ عَبَّاسٍ رضي الله عنهما قَالَ: لَا يَدْخُلُ ‌أَحَدٌ ‌مَكَّةَ إِلَّا ‌مُحْرِمًا رواه الطحاوي في شرح معاني الآثار “Ибн Аббос розияллоҳу анҳумо: “Ҳеч ким Маккага эҳромсиз ҳолатда кирмасин”, дедилар”. Хулоса қилиб айтганда, Тоифдан Маккага қайтишда мийқотдан эҳромсиз ўтиб кириш жоиз эмас. Бу масалага Ибн Аббос розияллоҳу анҳумонинг юқоридаги ривоятлари ҳам далолат қилади. Ҳанафий мазҳаби уламолари бу борада кўплаб нақлий далилларни келтирганлар. Валлоҳу аълам. Ўзбекистон мусулмонлари идораси Фатво маркази. ▶️https://t.me/subh_uz

#muftiy_minbari 📹 Такфир фитнасига алданманг! 🎙 Шайх Нуриддин Холиқназар ҳазратлари 📲 ОБУНА БЎЛИНГ ✅ ВА УЛАШИНГ🗣

#Quron #oyat #duo 🤲 Allohdan ikki dunyo yaxshiligini so‘rash duosi ﴿ربنا آتنا في الدنيا حسنة وفي الآخرة حسنة وقنا عذاب النار﴾ Robbimiz, bizga dunyoda ham yaxshilik, oxiratda ham yaxshilik bergin va bizni olov azobidan saqlagin ▶️https://t.me/subh_uz

#ANONS #Muslim_podcast #14_son  📱🗣ULAMOLAR NEGA FATVO BERISHDAN QOCHISHGAN?⚡️ Podcastning bu sonida:

⚡️ChatGPT va boshqa sunʼiy intellekt dasturlaridan fatvo soʼrash toʼgʼrimi?

🗣 Fatvoni har kim bera oladimi?

⚡️ Siz diniy savolni kimdan so'rayapsiz?

🗣 Din nomidan gapirishga kim haqli?

⚡️ Bir musulmon kishida diniy savoli paydo boʼlsa, yoki diniy masalaga ehtiyoji tushsa, kimga murojaat qilishi kerak?

📢 Barchasi Qurʼoni Karim, sahih hadislar va ulamolarning ilmiy merosi asosida yoritilgan ✅ Ekspert: G‘ulomiddin domla Xolboyev – O‘zbekiston musulmonlari idorasi Fatvo markazi direktori o‘rinbosari, Toshkent islom instituti oʼqituvchisi 🎙 Boshlovchi: Oʼtkir Sobirov – O‘zbekiston musulmonlari idorasi boʼlim boshligʼi, Toshkent islom instituti oʼqituvchisi 🎞 Premyerani 27 avgust kuni soat 20:00 da YouTube sahifamiz orqali tomosha qiling! 📝 Mazkur podkast Din ishlari bo‘yicha qo‘mita xulosasi asosida tayyorlandi. 🥺Telegram🛍Instagram 🤪Facebook😍YouTube 🟢 MUSLIM.PODCAST.UZ GA 📲 OBUNA BO'LING ✅ VA ULASHING🗣

#duo #oyat #hidoyat 🤲 АЛЛОҲДАН ҲИДОЯТИДА БАРДАВОМ ҚИЛИШИНИ СЎРАШ ДУОСИ ﴿رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ﴾ Ўқилиши: "Роббанаа лаа тузиғ қулуубанаа баъда из ҳадайтанаа ва ҳаб ланаа мил ладунка роҳматан иннака антал ваҳҳааб". Маъноси: "Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ато қилгин. Албатта Сенинг Ўзинг кўплаб ато қилувчисан" (Оли Имрон сураси, 8-оят). ▶️https://t.me/subh_uz

“Я С ТОБОЙ РАЗВЁЛСЯ” ДЕЙИШ ТАЛОҚМИ? #талоқ ❓ 2215-САВОЛ: Рус тилида сўзлашувчиларда эр ва хотин ажрашмоқчи бўлса, эр “Я с тобой развёлся” деб ажрашар экан. Бу гапи билан талоқ тушадими? Тушса, нечта талоқ тушади? 💬 ЖАВОБ: Бисмиллаҳир роҳманир роҳим. Талоқ айтилишига кўра икки турли бўлади: сариҳ ва киноя. Сариҳ – талоқдан бошқани ифода қилмайдиган лафздир. Киноя эса талоқни ҳам, бошқа маънони ҳам ифода қилувчи лафз ҳисобланади. “Мухтасарул виқоя” китобида ушбу икки турли талоқ қуйидагича баён қилинган: صَرِيحُهُ مَا اسْتُعْمِلَ فِيهِ دُونَ غَيْرِهِ  وكِنَايَتُهُ مَا يَحْتَمِلُهُ وغَيْرَهُ “Талоқдаги сариҳ лафз – талоқдан бошқа нарсада ишлатилмайдиган сўздир. Киноя лафз – талоқни ҳам, бошқани ҳам ифодаловчи лафздир”. Саволда тилга олинган жумладаги “развёлся” сўзи икки нарса ёки икки жуфт бир-биридан ажраши, ташлаб кетиши маъносини ифодалайди. Мазкур лафз эр-хотин ўртасида фақат ажрашиш учун қўлланилади. Қолаверса, рус тилидаги савол-жавоблар, фатволарга назар ташланганда, уларда “развёлся” лафзи сариҳ экани айтилган. Демак, эр хотинига “Я с тобой развёлся”, деса, сариҳ лафз айтгани учун битта ражъий талоқ тушган ҳисобланади. Валлоҳу аълам. Ўзбекистон мусулмонлари идораси Фатво маркази. ▶️https://t.me/subh_uz

АЛЛОҲ ТАОЛОГА “СИЗ” ДЕБ МУРОЖААТ ҚИЛИШ 2214-САВОЛ: Нима учун Аллоҳ таолога “сиз” деб эмас, “сен” деб мурожаат қиламиз. “Сиз” ҳурмат маъносида ишлатиладику. ЖАВОБ: Бисмиллаҳир Роҳманир Роҳим. Аллоҳ таолога мурожаат қилишда У Зотнинг ягона эканини ифодаловчи сўзлар билан хитоб қилиш лозим бўлади. Бизнинг тилимизда эса бунга фақатгина “сен” олмоши тўғри келади. Чунки ўзбек тилшунослик қоидасига кўра иккинчи шахсда “сиз” олмоши “сен”нинг кўплик шакли ҳисобланади. Тўғри, “сиз” дейишда ҳурмат, эҳтиром маъноси бор, шу билан бирга кўплик маъноси ҳам бор. Шу сабабли “сиз” сўзини Аллоҳ таолога мурожаат қилишда қўллаб бўлмайди. Қолаверса, бизнинг диёрларда ёзилган туркий манбаларнинг барчасида Аллоҳ таолога “сен” деб ишлатилгани учрайди. Масалан, 1644-1724 йилларда яшаган тасаввуф намоёндаларидан бири ҳазрати Сўфи Аллоҳёр раҳимаҳуллоҳнинг юртимизда севиб ўқиладиган асари “Саботул ожизин”да у кишининг “сен” деб муножот қилгани учрайди: “Сан осон этмасанг андоғ саволи, Нечук кечгай ғариб бандангни ҳоли?  Деса: “ман роббук” икки абди даргоҳ, Тилимга жорий қилғил: “Роббим – Оллоҳ!   Шундай экан, Аллоҳ таолога мурожаат қилишда “сен” дейиш ҳурматсизлик эмас, балки юртимиздаги мусулмонлар қадимдан амал қилиб келаётган мурожаат, муножот услуби, тилшунослик қоидасининг тақозоси ҳисобланади. Валлоҳу аълам. Ўзбекистон мусулмонлари идораси Фатво маркази. ▶️https://t.me/subh_uz