Dr. Tesfaye Robele
Kanalga Telegram’da o‘tish
ተስፋዬ ሮበሌ (ዶ/ር) ሥነ መለኮት እና ፍልስፍና ያጠና ባለ ጥልቅ እውቀት አቅብተ እምነት ነው። ሥነ መለኮትን እና ፍልስፍናን ለመማር ከፈለጉ ይቀላቀሉን። ይህ ቻናል የራሱ (የዶክተር ተስፋዬ) አይደለም፤ ነገር ግን እኛ መውደዳችንን ለመግለፅና ሰው ሁሉ የእርሱን ጽሑፍ ወይም ቪድዮ በቀላሉ ማግኘት እንዲችል ካለን ፍላጎት የተከፈተ ነው። Ethiopia No: +251921319299 @chereGC
Ko'proq ko'rsatish📈 Telegram kanali Dr. Tesfaye Robele analitikasi
Dr. Tesfaye Robele (@tesfayerobele) Amxar til segmentidagi kanali faol ishtirokchi. Hozirda hamjamiyat 10 357 obunachidan iborat bo'lib, Din & Maʼnaviyat toifasida 8 904-o'rinni va Efiopiya mintaqasida 3 314-o'rinni egallagan.
📊 Auditoriya ko‘rsatkichlari va dinamika
невідомо sanasidan buyon loyiha tez o‘sib, 10 357 obunachiga ega bo‘ldi.
29 Oktabr, 2026 dagi oxirgi ma’lumotlarga ko‘ra kanal barqaror faollikka ega. Oxirgi 30 kunda obunachilar soni 32 ga, so‘nggi 24 soatda esa 0 ga o‘zgardi va umumiy qamrov yuqori darajada qolmoqda.
- Tasdiqlash holati: Tasdiqlanmagan
- Jalb etish (ER): Auditoriya o‘rtacha 33.95% darajada jalb etiladi. Nashrdan keyingi dastlabki 24 soatda kontent odatda umumiy obunachilar sonining N/A% ini tashkil etuvchi reaksiyalarni to‘playdi.
- Post qamrovi: Har bir post o‘rtacha 3 516 marta ko‘riladi; birinchi sutkada odatda 0 ta ko‘rish yig‘iladi.
- Reaksiyalar va o‘zaro ta’sir: Auditoriya faol: har bir postga o‘rtacha 166 ta reaksiya keladi.
📝 Tavsif va kontent siyosati
Muallif resursni shaxsiy fikrni ifoda etish maydoni sifatida ta’riflaydi:
“ተስፋዬ ሮበሌ (ዶ/ር) ሥነ መለኮት እና ፍልስፍና ያጠና ባለ ጥልቅ እውቀት አቅብተ እምነት ነው። ሥነ መለኮትን እና ፍልስፍናን ለመማር ከፈለጉ ይቀላቀሉን።
ይህ ቻናል የራሱ (የዶክተር ተስፋዬ) አይደለም፤ ነገር ግን እኛ መውደዳችንን ለመግለፅና ሰው ሁሉ የእርሱን ጽሑፍ ወይም ቪድዮ በቀላሉ ማግኘት እንዲችል ካለን ፍላጎት የተከፈተ ነው።
Ethiopia No:
+251921319299
@chere...”
Yuqori yangilanish chastotasi (oxirgi ma’lumot 30 Oktabr, 2026 da olingan) sababli kanal doimo dolzarb va katta qamrovli bo‘lib qoladi. Analitika auditoriya kontent bilan faol hamkorlik qilishini, uni Din & Maʼnaviyat toifasidagi muhim ta’sir nuqtasiga aylantirishini ko‘rsatadi.
10 357
Obunachilar
Ma'lumot yo'q24 soatlar
+207 kun
+3230 kun
Postlar arxiv
10 364
ከዐሥራ ሁለት ዓመት በፊት፣ በሰሜን አሜሪካ እየታተመ የሚሠራጭ፣ “ተስፋ” የሚባል የምርምር መጽሔት (Journal) አዘጋጅቼ ማሳተምና ማሠራጨት ጀምሬ ነበር!
አይ የእኔ ነገር!
10 364
ውድ ወንድሞና እኅቶቼ እንኳን ለዐዲሱ ዓመት በሰላም አደረሳችሁ!
ዐዲሱ ዓመት ብዙዎች ወደ ጌታ የሚመጡበት፣ ጌታን ያወቅነው በቃሉና በምግባር የምናድግበት እንዲሆን እመኛለሁ! እጸልያለሁም!
እወዳችኋለሁ! ተባረኩልኝ!
“ጌታ ሆይ፤ አንተ ከትውልድ እስከ ትውልድ መጠጊያችን ሆንህልን። ገና ተራሮች ሳይወለዱ፣ ምድርንና ዓለምን ከመፍጠርህ በፊት፣ አንተ ከዘላለም እስከ ዘላለም አምላክ ነህ።”
(መዝሙር 90:1-2 አመት)
10 364
የዛሬ ሪፓርት
ከተስፋዬ ሮበሌ
የተለያዩ ዩኒቨርሲቲ ተማሪዎች ባቀረቡት የርዳታ ጥሪ መሠረት ዛሬ በውስጥ መስመር አንድ ሺሕ ሦስት መቶ ዶላር ተሰብስቧል። ስጦታችሁን +16166174746 እንዲሁም በGoFundMe (https://gofund.me/39a7427d6) መስጠት ትችላላችሁ።
እግዚአብሔር ፈቃዱ ከሆነና በዚህ መጠን በልግስና የሚሰጡ ሰዎች ከተገኙ በአገሪቱ ውስጥ በሚገኙ ዩኒቨርሲቲዎች ሁሉ ይህን መጽሐፍ እንደምናዳርስ እሙን ነው!
ይህ ($1,300) ዛሬ በውስጥ መስመር የተሰበሰበው ብቻ እንደ ሆነ ልብ ይሏል!
እግዚአብሔር ይባርካችሁ!
10 364
በውስጥ የደረሰኝ መልእክት!
ዶ.ር እንዴት ቆየክ ? ሁሉ ሰላም ነው ?
ቤተሰቦችህ ፣ ልጆች ፣ አገልግሎት ፣ ስራ ሁሉ እንዴት ነው ? ሁሉም በእግዚአብሔር ምህረትና ቸርነት መልካም እንደሆነ እርግጠኞች ነን።
Dr. እኔ ይሁን ኢያሱ እባላለሁ። በአርባምንጭ ዩኒቨርሲቲ የነጭ ሳር ካምፓስ የ 4ኛ ዓመት የህክምና(Medicine ) ተማሪ እና አሁን ላይ በአርባምንጭ ዩኒቨርሲቲ ነጭ ሳር ክርስቲያን ተማሪዎች ህብረት በሰብሳቢነት የማገለግል መሪ ነኝ።
Dr. ይህንን መልእክት ልጽፍልዎት የደፈርኩት አንድ ትንሽ ጥያቄና ልመና ስላለን ነው። እርስዎ የጻፏቸውን መጽሐፍት ተማሪዎች በማንበብ እንዲማሩና በእምነታቸውም እንዲያድጉ በጣም ፍላጎት አለን። በተለይም በፌሎሺፓችን ውስጥ ብዙ ተማሪዎች መጽሐፍትን ለማንበብ ከፍተኛ ፍላጎት ቢኖራቸውም፣ በኢኮኖሚያዊ ሁኔታቸው ምክንያት መጽሐፍትን መግዛት አይችሉም።
ስለዚህ Dr. በትህትና ልንጠይቅዎት የፈለግነው፣ ከመጽሐፍትዎ የተወሰኑ ቅጂዎችን ለፌሎሺፓችን ልትለግሱልን ብትችሉ በጣም ትልቅ ስጦታ ይሆንልናል።
እኛ የምንፈልገው ለግል ጥቅም ወይም ለሽያጭ ሳይሆን በፌሎሺፓችን ውስጥ በ Financial አቅም ማጣት ምክንያት መፅሐፍ ገዝተው ማንበብ ለማይችሉ ልጆች አንድ ትንሽዬ ቤተ-መጽሐፍት መጀመር እንፈልጋለን። መጽሐፍቱን መግዛት የማይችሉ ተማሪዎች በነፃ እንዲያነቡ፣ እንዲማሩባቸውና የተማሩትንም በሕይወታቸውን እንዲገነቡ ነው ዓላማችን።
Dr. አንድ ተማሪ የእርሶን መጽሐፍ አንብቦ ቢማርና ቢባረክ ነገ ለብዙ ሰዎች ሊተርፍ ይችላል ብለን እናምናለን። ስለዚህ ከእጅዎ የሚመጣ ማንኛውም መጽሐፍ፣ ብዛቱ ምንም ይሁን ምን፣ ለእኛ ትልቅ ዋጋ አለው።
እርስዎ ያደረጉትን ይህንን አገልግሎት እናከብራለን። ስለዚህ ይህንን ጥያቄ ስናቀርብ በጣም በትህትና ነው። የሚችሉ ከሆነ ከመጽሐፍትዎ የተወሰኑትን ለፌሎሺፓችን በልግስና ቢሰጡን እኛም በዩኒቨርስቲ ግቢያችን ለተማሪዎች በረከት እንዲደርስ ብናስችል።
ይህ ለእኛ ብቻ የሚደረግ እርዳታ ሳይሆን፣ እነዚህን መጽሐፍት ለሚያነቡ ብዙ የዩኒቨርስቲ ወጣቶች እና በኋላ ለሚያገለግሉት ሰዎች የሚደርስ የእውቀትና የመንፈሳዊ ውርስ እንደሚሆን እናምናለን።
ጊዜዎን ወስደው ይህንን መልእክት ስላነበቡልን በጣም እናመሰግናለን Dr. እግዚአብሔር በጽሑፍ አገልግሎትዎ ብዙ ሕይወቶችን እንዲነካ እና እንዲጠቀምዎት ጸሎታችን ነው።
ይሁን ኢያሱ
የአርባምንጭ ዩኒቨርሲቲ የነጭ ሳር ክርስቲያን ተማሪዎች ሕብረት ሰብሳቢ
አረንጓዴው መጽሐፍ ለተለያዩ ዩኒቨርሲቲዎች መስጠት የምትፈልጉ በgofundme ተሳተፉ!
10 364
"... ዕለት በዕለት “አምላክ እንዲህ ይልሃል…” መባል የለመደ ሰው፣ ለምን ብሎ መጽሐፍ ቅዱሱን ያነባል? ክርስቲያን ቅዱሳት መጸሕፍትን የሚያነበው መለኮታዊ ዕውቀት ለመቅስም ብቻ ሳይሆን፣ መለኮታዊ ምሪት ለማግኘት ጭምር ነው፡፡ አምላክ አፍ ለአፍ፣ ዕለት በዕለት ይናገረኛል የሚሉ፣ ዐይነ ደረቅ ቈርጦ ቀጥሎች እንደ ጭስ አፍነውት፣ በምን ቀዳዳ ቃለ እግዚአብሔርን የማጥናት ትንፋሽና ብርታት ሊያገኝ ይችላል? ብዙዎች በውል ያላስተዋሉት ትልቁ እንቈቅልሽ ይህ ነው፡፡
... ክርስቲያኖች ሁሉ ካህናት ናቸው።ከዚህም የተነሣ ያለ አንድ መካከለኛ ክርስቶስ ኢየሱስ ዘንድ በቀጥታ መቅረብ ይችላሉ ፤ አምላክን ማናገር ይችላሉ'' የሚለውን ትምህርት በማመናችን ከካቶሊክና ከኦርቶዶክስ አብያተ ክርስቲያናት ተለይተን ነበር። ዛሬ ግን የታሪክ ምጸት ወድቆብን አባይ ነባዮችን የየቀን ካህን አድርገን ሹመናል። አባይ ነባይ ``የየቀን ውሎህን ወለል አድርጌ እነግርሃለሁ'' የሚለው ትውልድ ከቅዱሳት መጻሕፍት የመሟገት ዐቅም ከየት ሊያመጣ ይችላል? መጽሐፍ ቅዱስ ትምህርት ቤት በመሄድ በኩረ ጽሑፋትን ለመመርመር ብርታቱን ከየት ሊያገኝ ይችላል? የሕይወት ፍልስፍናውን ለማጥለል ሊቃውንትን መጻሕፍት በምን ጉልበት ይመረምራል? መጠይቃዊ ህይወትንስ የጉዞ መስመሩ እንዴት ማድረግ ይቻለዋል? ይህን እንቆቅልሽ በትክክል ሳንፈታና ሳናስፈታ ትውልዱን በትክክል ማገልገል እንችላለን ማለት ሲበዛ ዘበት ነው።ይህ ሁነኛ ጥያቄ በትክክል የማይመለስ አገልግሎት ለትውልዱ ነቀርሳ ፍቱን መድኀኒት ሊያመጣ አይችልም።
አባይ ነባይ [ዶ/ር Tesfaye Robele ፤ ገጽ 12]
10 364
+2
“ሰማያዊ ሥጋ”
ተስፋዬ ሮበሌ
“ሰማያዊ” ሥጋ የሚባለው ኑፉቄ የተክሌ ዘሀገረ ጮማ እምኒ ግኝት ነው! ዛሬ በዓለም ላይ ይህን ትምህርት የሚያስተምር ብቸኛ የዓለማችን ድርጅት የኢትዮጵያው “Only Jesus” ኑፋቄ ነው!
አረንጓዴው መጽሐፍ ስለ ሰማያዊ ሥጋ ሰፊ ትምህርት አለው (ገጽ 377-446)!
አንብቡ፤ አስነብቡ!
የወንጌልን እውነት ጠብቁ ፤ አስጠብቁ!
ለበለጠ መረጃ እነዚህን ስልኮች ተጠቀሙ:-
0921319299
0911463670
10 364
ጠቃሚ መረጃ!
ብዙዎች እውነትን እያወቁ ውሸትን እያፈረሱ ነው!
እርስዎም በአካባቢዎ ብርሃንና ጨው ይሁኑ!
አረንጓዴው መጽሐፍ በብዙ የአገሪቱ አካባቢዎች በትጋት እየተጠና ነው! በእናንተም አካባቢ ማጥናት የምትፈልጉ ሰዎች ተሞክሮቸውን የሚያጋሩ ወገኖችን ልናገናኛችሁ እንችላለን!
10 364
+2
ዐርብ ዕለት ጥናታዊ ጽሑፍ አቀርባለሁ!
የኢትዮጵያ ቃለ ሕይወት ቤተ ክርስቲያን ለዐሥራ ሦሰተኛ ጊዜ በአትላንታ ባዘጋጀችው ዐውደ ጥናት ላይ፣
“የቤተ ክርስቲያን አባቶች (አብዛኞቹ) የውሃ ጥምቀት ለድነት ወሳኝ ነው ማለታቸው፣ የውሃ ጥምቀት የድነት ቅደመ ሁኔታ አይደለም ከሚለው ከወንጌላውያን አብያተ ክርስቲያናት አስተምህሮ አንጻር እንዴት ይብራራል!” ለሚለው ጭብጥ ታሪካዊና ነገረ መለኮታዊ ትንታኔ አቀርባለሁ!
ይህ ጥያቄ የእኔም ጥያቄ ነው የምትሉ የአትላንታ ነዋሪዎች በዚህ ዐውደ ጥናት ተሳተፉ!
10 364
የዕቅበተ እምነት መጻሕፍት ለተማሪዎች እንዲደርስ እንፈልጋለን የምትሉ፣ በዚህ GoFundMe እንድትሳተፉ በአክብሮት እንጠይቃችኋለን!
https://gofund.me/303724e1d
👆 👆 👆 See less
10 364
ጽሑፎቼን ከሚከተለው ደረ ገጽ ላይ በቀጥታ በነጻ ማንበብ ትችላላችሁ!
https://substack.com/@tesfayerobele951743?r=1rik0m&utm_medium=ios&utm_source=stories&shareImageVariant=light
10 364
ይህ GoFundMe የተከፈተው ለመጻሕፍት ሥርጭት ነው! በተለይ የኮሌጅ ተማሪዎች እነዚህን የዕቅበተ እምነት መጻሕፍት እንዲያገኙ ነው!
ስለዚህ በዚህ ትልቅና ክቡር ተግባር ተካፋይ እንድትሆኑ ተጋብዛችኋል!
ጌታ ይባርካችሁ!
https://gofund.me/8da28cf61
10 364
እግዚአብሔር ፍቅር ነው!
ከተስፋዬ ሮበሌ
ፍቅር የሌለበት አገልግሎት ሁሉ ሿሿታ ነው (1ቆሮ. 13፥1)። ዕውቀት ቢሆን ይሻራል፤ ትንቢትና ልሳንም ቢሆኑ ይቀራሉ (ቁ. 8 )። በጀግንነት የተሞላ ነገር ግን ፍቅር የሌለበት አገልግሎት ሁሉ ከንቱ፣ ከንቱ፣ ከንቱ፣ የከንቱም ከንቱ ነው (እባክዎን 1ቆሮንቶስ ምዕራፍ 13ን በጥሙና ያንብቡ፤ “በጀግንነት የተሞሉ” ያልኋቸው አገልግሎቶች ምን እንደ ሆኑ፣ ሐዋርያው ጳውሎስ በስፋት ዘርዝሯቸዋል። እነርሱም ቢሆኑ ፍቅር ከሌለባቸው ከንቱ ናቸው)።
ዕቅበተ እምነት ከሌሎች የአገልግሎት ዘርፎች የተለየ አይደለም! እንዲያውም ዕቅበተ እምነት ፍቅርን በብርቱ የሚሻ አገልግሎት ነው! የሳተን ከስሕተቱ የሚመልስ አገልግሎት ነውና። ጌታ ሳምራዊቷን ሴት ከሳምራዊ እምነቷ እንዴት እንደ ታደጋት ልብ ይሏል (ዮሐ 4)!
እንዲያውም በጎልጎታው ፍቅር የሚመራ ቀዳማይ አገልግሎት ቢኖር፣ ያ አገልግሎት ክርስቲያናዊ ዕቅበተ እምነት ነው! የዕቅበተ እምነት ግብ ሰዎችን ለክርስቶስ መማረክ ነው! ማንም ግን እንደ ተነቀፈና እንደ ተጠላ ካሰበ፣ ይጠላኛል ብሎ የሚያስበውን ግለሰብ እምነት ሊከተል አይፈልግም! ለዚህም ነው ሰዎች ክርስትናን ከክርስቲያኖች ነጥለው አይመለከቱም የሚባለው።
ውድ ወንድሞቼና እኅቶቼ የጌታን ፍቅር ከማያሳይ ርኅራኄና ምሕረት ከሌለበት ማንኛውም አገልግሎት ራሳችሁን አርቁ! ፍቅር የርቱዕ ሃይማኖት መስፈሪያ (መለኪያ) ነው!
በቅርቡ የአንድ ሃይማኖት መምህር “ግ.ደ.ሉ” እያለ ቁ.ራ.ና.ዊ ጥቅስ ሲናገር ሰምተናል! ክርስትና ግን ለወንድሞቻችሁ ሙቱ እንጂ ወንድሞቻችሁን ግደሉ አይልም! በክርስትና ወንድምን መጥላት እንኳ፣ እንደ ግደያ የሚታይ ትልቅ ወንጀል ነው!
በማኅበራዊ ሚዲያ በርዕቱ ትምህርት ሽፋን እየተነገረን ያለው ግን (ሲዘረዘር) ግደሉ ነው! እውነተኛ ትምህርት ያክማል፣ ሕይወት ይሰጣል እንጂ አይገድልም! ሰይጣን ሊገድልና ሊያጠፋ ነው የመጣው! ጌታ ግን ሕይወት እንዲሆንልን እንዲያውም እንዲበዛልን ነው የመጣው (ዮሐንስ 10፥10)! ወገን፣
“አስወግደው” የሚልን አግልግሎት እግዚአብሔር በኪነ ጥበቡ ያስወግድልን!
እውነትንና ሐሰትን ከምንለይበት መስፈርት መኻል አንዱ ፍቅር ነው! ፍቅር የሌለው እግዚአብሔርን አያውቅም! እግዚአብሔር ፍቅር ነውና! የሚያየውን ወንድሙን የማይወድ እግዚአብሔርን ሊወድ አይችልም (መልእክተ ዮሐንስ ቀዳማዊን አንብቡ—ስለ ፍቅር ሰፊ ትምህርት አለው)።
የሁላችንም አገልግሎት ከዚህ አንጻር መመዘን አለበት! ፍቅር! ፍቅር! ፍቅር!
ልጇን አኝካ ከምትውጥ ድመታዊቷ ዕቅበተ እምነት ራሳችሁን ጠብቁ! (እኔ “ድመታዊ ዕቅበተ እምነት” የምለው መበላላት የሰፈነበትን አገልግሎት እንጂ ግለሰቦችን እንዳልሆነ በፍቅር መግለጽ እሻለሁ)!
ዕቅበተ እምነትና ፍቅር ጣራና ግድግዳ ናቸው!
ሠናይ ወእቱ!
