ادبیات سئونلر

شئعیر: صمد تیمورلو چئویری: مریم قربان زاده بیر دوشونجه ایدیم ایللرجه بیر کؤشه یه دوشموش بیر آتین باشیندا بیر آغاجا باغلانمیش ایدی بوشونا واخت کئچیریردیم https://t.me/Adabiyyatsevanlar

وحید فروتن دونیا آدامدان دولو بیر بوش یئری گورونمور دونیا قادام دان دولو بیر خوش یئری گورونمور بو دونیا پایلانیب بئله هره نین اوز پایی وار آدامین آدام پایی شاعرین سوز پایی وار آنالاری خرجله دیک بو دونیایا گلمه یه بو گلیش ده دیرمیش بیرجه دفعه اولمه یه https://t.me/Adabiyyatsevanlar

                      (11) «اؤزوٌن دن کوٌسموٌس اینسان!»-Özündən küsmüş insan دوکتور روشن خیاوی در یک ترانه ی آذربایجانی این جمله را شنیدم: «اؤزوٌن‌دن کوٌسموٌس اینسان!»: «انسانی که از خود»  و یا «با خود قهر کرده است!» این جمله ساعت ها فکر مرا مشغول کرد!... در باره ی این جمله خیلی اندیشیدم... و محتوای آن را با  وضعیت فرهنگی و انسانشناختی جهان معاصر سنجیدم و در ذهن خود مورد بحث و تحلیل و تفسیر قرار دادم.... --------------------- و آخرین جمله ی بخش پیشین نوشته: و به همین دلیل، شاید بتوان گفت: کافکا بیشتر ادبیات «انسان از خود بیگانه» است، کامو بیشتر ادبیات «انسان بازگشته به خود از دل بیگانگی» است. ------- و ادامه:   10-و اینجا به پرسش قبلی خودمان برمی‌گردیم: «از خود» یا «با خود»؟ (Away from oneself or with oneself? Von sich selbst oder „mit sich selbst?) حالا اهمیت آن دو ترجمه چند برابر می‌شود- و البته قابل توجه برای اهالی مثنوی خوان، اگر بگوییم: «انسانی که با خود قهر کرده است»-در این صورت  بیشتر به «آلبرت کامو»، به‌ویژه «سقوط»ش نزدیک می‌شویم: «من با خودم درگیرم،» «خودم را محاکمه می‌کنم»، «خودم را متهم می‌کنم». اما اگر بگوییم: «انسانی که از خود قهر کرده است» A person who has become estranged from oneself. بیشتر به کافکا نزدیک می‌شویم: We move closer to Kafka: «من از خویشتن فاصله گرفته‌ام»=I have become distant from myself. «خودم برای خودم بیگانه شده‌ام»=have become a stranger to myself دیگر نمی‌دانم در کجای جهان و در کجای خودم ایستاده‌ام= I no longer know where I stand in the world, or where I stand within myself و شاید ترکیب این دو، دقیق‌ترین صورت وضعیت انسان معاصر باشد: «انسان نخست از خود بیگانه می‌شود»-سپس با خود وارد نزاع می‌شود. و این شاید یکی از عمیق‌ترین صورت‌های بحران انسان امروز باشد.   و یک نتیجهی بسیار مهم: اگر بخواهیم این بحث را به مفهوم «انسان مسئول»- وصل کنیم، می‌توانیم بگوییم: «کافکا» به ما نشان می‌دهد: انسانِ بیگانه‌شده چگونه به «اؤزوندن کوسموش انسان» تبدیل می‌شود؛ و «کامو» به ما نشان می‌دهد: چگونه می‌توان از این وضعیت عبور کرد: «از آگاهی به نگاه و بیداری، از نگاه و بیداری به آزادی، و از آزادی به مسئولیت.» فکر کند... ادامه دارد..         https://t.me/Adabiyyatsevanlar                                                                

دونیا شهرتلی  صنعتکار ،ملی وارلیغیمیزین گورکملی سیماسی دوکتور چنگیز مهدی پور ادبیات سئونلر گوزگوسونده زمان:سه شنبه1405/7/14 ایکینجی بولوم یونتمن :موسی بلالی فوتوقراف: علی عنبری بیرینجی بولوم آپاریجی:کریم قربانزاده https://t.me/Adabiyyatsevanlar

رحیم کاویان باهاردا باشلانیریق، قیش گلیر بیتیب گئدیریك سامان كیمی دوشوروك یئللره ایتیب گئدیریك فلك بیزی قووالیر بیزده دورمادان قاچیریق بیر آزجا دینجه لیریك یو كلری چاتیب گئدیریك نسیم كیمی اسریك ،چای – بولاق كیمی آخیریق گونش كیمی چیخیریق ،آی كیمی باتیب گئدیریك قوجالداراق بیزی دنیا ئوزو جاوان یاشاییر مین آرزی – حسرتیله وارلیقی آتیب گئدیریك بو قارقیمیش فلك ایله آلیش – وئریش ائدیریك ده یرلی عومرو ده یره- ده یمزه ساتیب گئدیریك گوزون یوموب آچیسان ایل دونور اولور بیلدیر سورا اولور اینیش ایل ،ایل لری ئوتوب گئدیریك گولن آز اولدو بو گلشنده ،آغلایانلار چوخ گولوش له آغلاماغی بیر-بیره قاتیب گئدیریك ئوركده بسله ییریك شوخ گؤزللره سئوگی سئویملی سئوگیلینی دردیله آتیب گئدیریك بیزی هارا آپاریر بو بهار ،پائیز ،یای ،قیش اجل گلنده یوموب گؤزلری یاتیب گئدیریك https://t.me/Adabiyyatsevanlar

یاشیللیغین ایزی محمد صبح‌دل ياشيلليغين ايزي گئتدي ، تالاندي ماهني­لاريم و يار سانديغيم اينسانلار اولدولار حاصاريم جؤجه­‌رميش، بوغازيمدا باغيرتي، سولدو يئنه  اليم­ ده چيخدي بوشا، باتدي ان سونونجو واریم گئجه­‌يدي ، سيندي فانوس، سؤندو، سؤيله­‌دي:«گئتمه!» اوْل­‌ايله سس سسه وئردي آياقداكي قاباريم جوماندا ثانيه­‌لر ايچره، دؤندولر قيفيلا دون آتدي بو «من»يمي من‌ده ، دوندو شاه­داماريم آچيق قالان باجالار! سيز صاباحي سسله­‌مه­‌يين نه اوزله نيسگيلمي من صاباحلارا آپاريم؟ گئدن صاباحا، گونش نورونو آچار آپارار منه ايشيلدايان اولدوز دا يوخ ، اولا آچاريم https://t.me/Adabiyyatsevanlar

میکائیل مشفق یاغیش یاغارکن، یاغیش یاغیر، رقص اِیلّیر گور داملالار، سیرا - سیرا، اینجی اینجی نور داملالار. گویده ایکی قارا بولود توقوشاراق ایلدریملار شاقیلدایر شاراقا شاراق قوشلار اوچور یوواسینا پیریل - پیریل شریلدایر ناوالچالار شیریل- شیریل چاخناشمادا گوی اوزونده ایلدیریملار بیر- بیرینه دّئیدی، باخین، قالدیریمالار. دونمه لرده دورانا باخ، قاچانا باخ قالدیریمدا او بالاجا اوغلانا باخ! ئوز دوشوندن ینی سوزلر توخویاراق. آیاغینی شاپپیلدادیر اوخویاراق. گوله - گوله بیر قیز قاچیر او سئکیدن، اورک جیی خاللی دئیل سّئک سّئکیدن. یاغ، یاغیشیم، یاغ سئل اول، یاغ! سیرما- سیرما، تئل- تئل اول، یاغ! چوُزول، سن کی کولگئلی بیر یارساچی سان باغری یانیق صحرالارین علاجی سان. یاغ یاغیشیم، سئللنه رک سیرمالانیب تئللنه رک! زومزومنله شیرین - شیرین دیلن، یاغیش کوچه لرده اوشاق کیمی وللن، یاغیش بونلار کئچر، چارپسین، سما، کوکسوم کیمی ای ایلدیریم، سئس ور منه، سئسیم کیمی! یاغ ای یاغیش، فکریم کیمی، حیسیم کیمی، اوزاق، یاخین چوللره یاغ، اولکه لره، ائللره یاغ! یاغیش یاغیر، رقص اِیلّیر گور داملاللار سیرا- سیرا، اینجه- اینجه نور داملالار. https://t.me/Adabiyyatsevanlar

اوشاق ادبیاتی     "بورنو اوزون، ویزیلدایان میغ میغا" "قیللی، قالین‌قویروق آیی" ناغیلی صمد بهرنگی نین ترجمه‌لری چئویرن: منیژه جم نژاد-۱۴۰۱ گون‌اورتا چاغی بوتون میغ‌میغالار ایستی‌دن باتاقدا گیزلنمیشکن، بیر اولای اوز وئردی. بورنو اوزون میغ‌میغا یئکه یارپاغین آلتیندا بوزوشوب یاتمیشدی. بیردن_بیره قورخونج بیر باغیرتیا اویاندی:  ـ اوه، اوه، اوه! یاردیم ائدین! یاردیم ائدین! یاردیم ائدین!  بورنـو‌اوزون یارپاغیـن آلتینـدان ائشـیگه آتیلیب، چیغیـردی: نـه خبردیـر؟  بو هـای- کـوی نـه دیـر؟  بوتـون یولداشـلاری میـغ میغـالار، ویزیلدایـاراق اوچـوردولار. اونلاریـن  سسـیندن نـه خبـر اولدوغونو بـاش تاپمیردی. ـ اوه، اوه، آی اللــه! باتاغــا بیرآیــی گلــدی. اوتلاریــن اوســتونده اوتــوروب،  بئـش یـوز میغ میغانـی ازیـب داغیتـدی. سـونرا دریـن بیـر نفـس چکیب، باشـقا یـوز میـغ میغا دا اوددو. نـه قورخونـج دور! قاچماسـایدیق، بیـزی‌ده ازردی.  بورنـو اوزون بو اولایدان چـوخ سـینیرلندی. هـم آیینیـن الینـدن، هـم ده قیشقــیراق ســالان آخماق میغ‌میغالاریــن الینــدن. چیغیــردی:  بــو ویزیلتینیــزی کســین. اینــدی گئــدر، اونــو قاچیــردارام. چــوخ ســاده.  بیربئلــه های_کویون سیزه فایداسی یوخدور.  بو سؤزلری دئدیکده لاپ سیــنیرلندی. باتاغــا آتیلــدی. آهــان! آیــی  دنج، خیالسیز باتاقدا اوزانمیشـدیر. میغ میغالاریـن دوز یاراندیقـلاری  گونــدن یاشــادیقلاری یئــرده. اوتلاریــن لاپ ســیخ یئرینــده آچیلا یاتمیشــدی، خورولتوســو، فیسیلتیســی گؤیــه گئدیــردی. ســانکی بیــری شــیپور چالیــر.  نه حیاســیز حیوان! سنین اولمایان بیریئره گلیب، یوزلر گوناهســیز  یاراتیغــی اؤلــدوروب، ســونرا شــیرین یاتاســان!   بورنو اوزون هامی ائشیده جک بیرسسله چیغیردی: آهای آیی بَی سنجه چوخ اؤنملی بیریسن؟  اؤز سسیندن باشدان-آیاغا تیتره مه‌یـه دوشـدو. قالیـن قویـروق بیرگؤزونـو آچـدی. آما کیمسه‌نی گؤرمه‌دی. اوبیری گؤزونو آچدی. او آندا بورنونون اوجوندا یئریماق حالینـدا اولان بیر میغ‌میغـا گؤردو. هـرآن داهـا دا سـینیرلنن قالین قویروق، قورولداندی: نـه ایستیرسن؟ من بوردا مورگوله مک ایستیرم،  بیر ویزیلدایان درده‌دیمـز اوفاقلیق مورگوله‌مه‌مـی پوزور.  ـ آهای آیی، بوردان ایتیلمه‌یین یاخشی اولار!  قالین قویروق ایکی گؤزونوده آچیب، ویزیلدایان بورنواوزون میغ‌میغایا سینیرلی باخدی. اونون گؤزونده ایندیه‌جـه بئله بیر حیاسیز میغ‌میغا دونیایا گلمه‌میشدی. نریلده‌دی: اسـگیک حیوان، نـه ایستیرسـن؟  بوراسی منیم دیر، گئتمه یین یاخشی اولار. آردی وار... https://t.me/Adabiyyatsevanlar

اوشاق ادبیاتی سئحیرلی اوزوک  دوردونجو ناغیل :  « ننه نین گؤز یاشلاری »  یازان: علی صمدلی کؤچورن: علی آغ گونئيلی ــ ابرازی  کتاب:‌ ژنرالین اوشاقلیغی « پووئست لر بؤلومو» ننه احمدی یولا سالیب، ائو ائشییی ییغیشدیردی .سوقابلارینی بولاق سوایله دولدوروب آرخاینلاشدی . ائوین باش طرفینده اوزاتدیغی خالچانین اوستونده کی خارال اؤرتویو گؤتوردو . توخونوب قورتارماقدا اولان خالچانین گؤزه ل و رنگا رنگ ناخیشلاری کاسیب کومایا ایشیق ساچدی . ننه اونو قابارلی اللری ایله تومارلادی . ناخیشلارینا دیقتله باخدی . دونندن بویاییب حاضیرلادیغی رنگلی ساپ یوماقلاری دیزلرینین آراسینا قویوب خالچایا یئنی ناخیشلار سالماغا باشلادی . همیشه کی عادتیله بایاتی دئدی . ننه خالچانین ناخیشلارینی ساییر ، یوز بیرینجی رنگلی ناخیشی وورماغا تلسیردی .  بیردن گؤی گورولدادی ، ایلدیریم چاخدی .عالم بیر آن ایچینده ظولمته دؤندو . دیو نریلتیسیندن قولاق توتولوردو. قاپیلار تای با تای آچیلدی . ننه قورخوسوندان بیر کونجه قیسیلدی . بیر قارا ، هیبتلی ال خالچانی خانادان قوپاریب آپاردی .  ننه نقدر چیغیردی ، باغیردی سسینی ائشیدن اولمادی . دیو چکلیب گئدن کیمی ، هر شئی ساکیتلشدی، ایشیقلاندی . ننه هؤنکور – هؤنکور آغلادی .  احمد مئشه دن قاییداندا ننه سینی بو حالدا گؤروب دئدی :   ــ  ننه جان، سؤیله گؤروم نه اولوب ؟ ائو ـ ائشییی کیم بو گونه سالیب؟! ــ کیم سالاجاق،  آی اوغول، آغ دیو کيچن ایلکی کیمی ، نریلتی ـ گورولتو ایله هر شئیی چالیب ـ چاپیب آپاردی . هر شئی جهنمه ، خالچا الیمدن چیخدی . بیر نئچه گونه توخویوب قورتاراجاغدیم . احمد ننه سینین قابارلی وقیریشلی اللریندن توتوب دئدی: ــ ننه،  فیکیر ائلمه . گئج ـ تئز خالچانی گئری آلاجاغام . آغ دیوله ووروشا گئده جیم .اؤزوده تک باشینا یوخ ، اؤزومه اعتبارلی دوستلار تاپاجاغام .  احمد دانیشدیقجا قضبدن یوموروقلاری دویونلنیردی . قاشلاری چاتیلیردی .  بیر قدر دن سونرا ننه قالخیب احمده سفره آچدی . چؤرک گتیردی . سوروشدو:  ــ اودون گتیره بیلدینمی ، دردین آلیم ؟  ــ ننه، ایری بیر شله باغلامیشدیم . یولدا قارشیما السیز ـ آیاق سیز بیر قاری چیخدی . گؤردوم آغلاییر . شوروشدوم ، ــ قاری ننه نه اولوب؟ دئدی کی ، دجل بیر اوغلان گوجله توپلادیغیم چیرپینی گؤتوروب قاچدی . منده اودون شله می اونون کوماسینا آپاردیم. ــ  چوخ یاخشی ائلمیسن ، منیم بالام . السیز ـ آیاغسیزلارا کمک ائتمک ثوابدیر . یاخشی ، دئمک صاباح ساتماغا اودونونموز یوخدور نئینک ، هئچ فیکیر ائلمه بالاسی، ساباح جوراب وئره رم آپاریب ساتارسان، بازارلیق ائدرسن . احمد چؤره یینی یئدی . آرتیق آخشام قارانلیغی هر طرفی بوروموشدو.او ، یئرینه گیریب ، یورغانی باشینا چکدی. ــ نه تئز یاتیرسان،  منیم بالام ــ  ننه، چوخ یورولموشام . ــ یوخون شیرین اولسون بالاسی .  ــ  گئجن خئیره قالسین ، ننه جان ...  https://t.me/Adabiyyatsevanlar

اوشاق ادبیاتی رضا حیدرزاده( اورمو) اوشاقلار هئچ بیلیرسیز نه گوزلدیر دیلیمیز سایسیز شعر وار بو دیلده چوخ کؤکلودور ائلیمیز آزربایجان اسکی دن چوخ قوچاق یئتیشدیریب بابک کؤراوغلو نبی ظولمو آتددان یئندیریب بیر گون بایات ائلیندن بیر ار قوپدی چوخ نهنگ الده سازی گؤتوردو اؤگوت وئردی لاپ قشنگ یقین اونون کیتابین هامینیز تانیییرسیز جواب دده قورقود سا آلقیشا لاییقسینیز او بویورموش بیزلره چالیشین هر ساحه ده بیلین کی سئل همیشه کؤتوک گتیرمز ائله https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

«قاراوللیلر وناغیللار» «میرزا باقی‌نین وعده‌سی» ادبیات سئونلر: «ویدا حشمتی» کئچن عصرده، «سالیان» شهرینده، «حاجی زمان» آدلی بیر وارلی تاجر وار ایمیش. همین شهرده یوْخسول، آنجاق حاضر جواب «میرزا باقی» آدلی بیر کیشی، یاشایارمیش. حاجی زمان، میرزا باقی-نین یوْخسول اوْلماسینا باخمایاراق، عیّار و حاضر جواب اوْلدوغونا گؤره، حرمتینی ساخلایاردی و اوْنون‌لا یاخین دوستلوق ائدرمیش. حاجی زمان میرزا باقی-یه بوْرج اوْلاراق چوْخلو پول وئرر. میرزا باقی ده ائله اوْ پول‌لا سالیان-دا بیر دکّان آچییب، ائله‌سینه دوْلانارمیش. بیر گۆن شهرین آدلی-سانلی آداملاریندان بیرینین توْی مجلسینده، میرزا باقی آیاغا قالخیب، دئیر: — حضرات! سفره اۆستونده ائدیلن دعالار و آرزولار، چوْخ زمان مستجاب اوْلار. شهریمیزین ان وارلی تاجری، حاجی زمان-ین اولادی اوْلمور. من آرزو ائدیرم حاجی زمان-ین بیر اوْغلو اوْلسون. سؤز وئریرم، منه مۇشتولوق گتیرن آداما دکّانین آچارینی وئره‌جگم. بیراز زمان کئچر. میرزا باقی، عادتی اۆزره دکّانیندا قؽزغین آلیش-وئریشه مشغول ایدی. اوْندا گؤرر جماعت یۆیوره-یۆیوره دوکانا ساری گلیرلر. میرزا باقی تعجبلنر. اؤز-اؤزونه دئیر «اگر توْی قاباغیدی، آلیش-وئریشه گلیرلرسه، جوانلار گلردیلر. بس قاچا-قاچا گلنلرین هامیسی نه‌دن قوْجادیلار؟» یۆیورنلرین بیرینجیسی اؤزونو دکّانا چاتدیران کیمی دئدی: — میرزا باقی، تئز اوْل مۇشتولوغومو وئر. باخ من هامیدان قاباق گلمیشم. الینی آچاراق هؤیوشونو آلمادان دخیلین اۆستونه جۇمدو. سوْنرا گلنلر ایسه تنگه نفسلیکدن اؤزلرینی گۆج‌له ساخلایاراق، هره‌سی بیر طرفده دیوارا سؤیکندیلر. میرزا باقی، هئچ بیر سؤز دئمه‌دی. بیرینجی گلنه اۆچ مانات، قالانلارینا ایسه بیر مانات پول پایلادی. قاباقجا دکانا گیرن، اؤزونه گلینجه اوْووجوندا آچار عوضینه، اۆچ ماناتی گؤروب، برکدن باغیردی: — سن نه یالانچی آدام ایمیشسن! بس توْیدا وئردیگین سؤز نئجه اوْلدو؟ میرزا باقی کئفینی پوْزمادان اۆز تۇتوب دئدی: — اؤنجه سیز دئیین گؤروم، من نه اۆچون مۇشتولوق وئرمه‌لی اوْلدوم؟ — گؤزون آیدین اوْلسون میرزا باقی! حاجی زمان-ین حیات یوْلداشی بیر اوْغلان دوْغوب. بیز ده ائشیدن کیمی سنه مۇشتولوق وئرمگه گلدیک. میرزا باقی گۆله‌رک: — پَه، خیر خبر اوْلاسینیز. پایلادیغی پوللاری گئری آلار. بیرینجی‌یه بئش، قالانلارا بیر مانات وئرر. بیرینجی اۆزونو تۇرشادارکن، دئیر: — میرزا باقی، بس نه‌دن مۇشتولوقچویا آچار عوضینه بئش مانات وئردین؟ میرزا باقی اۆزونو گلنلره تۇتاراق دئیر: — آ کیشیلر! اوْنو بیلین من سؤزومون صاحبی‌یم. من یالانچی آدام دگیلم. ایندی سیز، توْیدا دئدیگیمی تکرار ائدین. بیری دئدی: — سن توْیدا دئدین حاجی زمان-ین اوْغلو اوْلسون، من مۇشتولوق گتیرنه دکانیمین آچارینی وئره‌جگم. میرزا باقی دئدی: — آی آتانیز رحمتده، دۆز دئییرسینیز. بس دوْغان کیمدیر؟ مۇشتولوقچو ترس-ترس میرزا باقی-نین سۆزه‌رک دئدی: — نئجه کی دوْغان کیمدیر؟ حاجی زمان-ین حیات یوْلداشی دا. بۇرادا تعجّبلو ایش ندیر؟ قادینین ایشی دوْغماقدیر دای. میرزا باقی دئدی: — ائشیدین جماعت! من نییه تکرار ائدیرم؟ حاجی زمان اوْغلان دوْغاندا کیم مۇشتولوق گتیرسه، دوکانین آچارینی اوْنا وئره‌جگم. بئله‌لیکله، میرزا باقی، سؤزونو تکرار ائدر. https://t.me/Adabiyyatsevanlar

هر هرحالدا دئییم؛  قارداشیم صاباح آیدین بوردان بئله ده نقدر بؤيوک تانری عومور وئررسه، یاشامینین سونونا کیمی بو ایندیکی یولونو داوام ائتمیش و غزل ساحه سینده نئوکلاسیک تورک شعیریمیزده هم ایز قویوجو اولسون، همده بو شعیر فورماسیندا داها آدلیم بیر شاعیرررر کیمی تانینا بیلسین. انشالله دئمه لییم: شهیر آه_ناله ایله باشلانیر، و آه_ناله ایله سونا چاتاراق، بیتیر. عینی حالدا آزربایجان شعیری و ادبییاتی غملی اولسادا، شعیرین مغزی و بئینی  داها آغری چکیر و آغریلیدیرررر. منجه آغریسیز و دردسیز شعیر، سوموکسوز انسان کیمیدیر. سئوگیلی شاعیر دئییر: ... آسیلیر جوت باخیشیم کلمه لرین قوینوندان یازاریم، باش اییر هر آن واراغین اوستونه اوف... آخ کی دردلر یئنه آغناشمادادیر اوستومدن سنلی گونلردی سیزیلدیر دوداغین اوستونه اوف... تیتره‌ییب کوسدو باهار گول چیچه یین عطریندن قیشقیریق سالدی گونش یول یولاغین اوستونه اوف... و منیم بوش اوره‌ییم بوردا اؤزون داندی بوگون بیرده قونماز داها بو نار ساپاغین اوستونه اوف... حسرتین باخ نه آداخلانمیش اورک بویدا منه گل کی آلداندی گولوم اوف؛ اوراغین  اوستونه اوف... نازلیجام ساغ گؤزوم ایللردی کی هر آن سول آتیر اودو ساچلار النیر آغ داراغین اوستونه اوف... جوت باخیشیم؛ (ایکی گؤزلريم) کلمه لرین قوینوندان آسیلاراق، قلمیم داها کوسگوندور واراقلارلا، باش ایمک بوردا بیر نوع کوسگونلویو یئتیریر و گؤزیاشلاریم واراقی ایسلادیر و... بو شعیرین تپه_دن دیرناعینا دک محتوا و دیل یؤنتیسیندن اعلا و یئنی دیر، دئییرم. لوطفن بو غزلده شاعیر یارادان یئنیسل ترکیبلره دیققت بویورون: (آسلاق باخیش/ قاشلار قاماشیر/ یورغون باخیش، بو ترکیب عینی حالداکی چوخ ایشلکدیر آمما نه گؤزل یئرینه دوشموش دور/ قلمیم باش اییر/ دردلر آغیناشمادا/ دوداقین سیزیلتیسی/ باهاریین تیتره'ییشی/ گونشین قیشقیرماسی/ بوش اوریین دانماسی/ حسرتین نه بویداسی/ و.. ساغ گؤزون سول اولوب آتماسی و... ) بو ترکیبلر حقیقتن بیزیم آغشعیریمیزین ترکیب و ایمگه لردیر و منیم مقصدیم بئله_بئله و هله_هله یازیلا بیلمز، ترکیبلردیر . آمما چووووخ_چوخ آز یارانیر بو ترکیبلر بیزیم بوگون نئوکلاسیک شعیرلریمیزده. هابئله یئنه دؤنگه لییب چووووخ ساده'جه دئییرم: بیزیم ایندیکی چاغداش تورک نئوکلاسیک شعیریمیز حتمن گرکدیر (سربست) احواللی شعیری کیمی یازیلسین. حاییفلارلا عکسینه یازیلیر. و عکسینه یازیلاندادا شاعیر هئچ بیر یارادیجیلیقا ال وورماییبدیررر. اصلینده شاعیر هر کیم اولورسا کئچمیشلرین کوهنه یول ایله گئده جک و تقلید و تکراردان باشقا شاعیر هئچ بیر شئی گتیرمه'یه'جکدیررررررررررر. حقیقتن اوسته گتیردیم اؤرنکلره و بوگونکو نئو کلاسیک شعیرلریمیز نئجه اولماقینا رغمن دئدیکلریمه گؤره، عزیز آیدین صاباح معللیمین بو شعیرینی بیندیم. و ساغولسون دئییرم. عینی زاماندا یالنیز بو عزیز شاعیردن، بوتون شعیرلرینده  " دیلینه چوووخ اهمییت وئرمکدیر" ایسته ییم. بو قیسا تنقیدسل باخیش فقط بیر حالدا ایندیکی معاصیر کلاسیک ادبییات و شعیریمیز، نئجه اولمالی و نئجه یازیلمالیدیر، یازیلیب. و... بؤيوک تانریدان آیدین داداشیما اوزون عومور و یام یاشیل باشاریلار آرزو ائدیرم. https://t.me/Adabiyyatsevanlar

. بیر_شعیر بیر_تنقیدسل_اوخونوش کامیل_قهرمان اوغلو یئنه ساچلار النیر آغ داراغین اوستونه اوف... یئنه قاشلار قاماشیر کور چیراغین اوستونه اوف... یئنه نیسگیللی گزیر یوللاری یورغون باخیشیم یئنه قات-قات قالانیر تار- تاباغین اوستونه اوف... آسیلیر جوت باخیشیم کلمه لرین قوینوندان یازاریم، باش اییر هر آن واراغین اوستونه اوف... آخ کی دردلر یئنه آغناشمادادیر اوستومه آخ سنلی گونلردی سیزیلدیر دوداغین اوستونه اوف... تیتره‌ییب کوسدو باهار گول چیچه یین عطرینه آه قیشقیریق سالدی گونش یول یولاغین اوستونه اوف... و منیم بوش اوره‌ییم بوردا اؤزون داندی بوگون بیرده قونماز داها بو نار ساپاغین اوستونه اوف... حسرتین باخ نه آداخلانمیش اورک بویدا منه گل کی آلداندی گولوم اوف؛ اوراغین  اوستونه اوف... نازلیجام ساغ گؤزوم ایللردی کی هر آن سول آتیر اودو ساچلار النیر آغ داراغین اوستونه اوف...   شعیر: آیدین صاباح آزربایجان کلاسیک شعیرینده یئنی سعیرینین میدانا چیخماسی ایله یارانان (نئوکلاسیک) لیریکا، غزل چاغداش شعیرینین بو گونه قدر اولونان پراسئسلریندن بیریدیر. غزلین قاباقجیل شاعیرلرینین آماج و مقصدی لیریکانین عنعنه وی فورماسینی گونون طلبلر ایله اویغونلاشدیرماق ایدی. بو شعیر آخینی یئنی شعیرین تورک شعیرینه علاوه ائتدییی امکانلاردان ایفاده، دیلی و ادبی ائلئمنتلر سوییه لرینده بهره لنمیش، اؤزوده لیریک شعیرده یئنی اؤلچولر یاراتمیشدیر. بو اؤلچولردن بیری، نئوکلاسیکدیر کی کلاسیک ده لیریک و ائپیک ادبییاتین بیرلشمه سیدیر کی، بو دا ادبی تیپلرین بیر چوخ تعریفلرینه ضیددیر. و ائپیک کلاسیک آدلانان یئنی ادبی جریانینیارانماسینا یول آچمیشدیرررر. نئوکلاسیک، سننت و یا کلاسیکده لیریک و ائپیک ادبییاتین (ادبیات غنائی و حماسی ) بیرلشمه سینه ایکی یوللا نائیل اولونور: " ائپیک سیمبول و مؤوضولاردان استفاده ائتمکله، نئوکلاسیک سننتین ائپیک طبعتینی دانیشیر. اگر ساده و آشکار دئیه بیلسم نئوکلاسیک غزلده شاعیر چالیشیر هم لیریک و هم ائپیک" عاشقانه، حماسی"  بوتون مؤوضو و سیمبوللاردان استفاده ائدرک شعیرینی داها یوکسک بوشقابا قویا بیلسین. هابئله بو غزل نئوکلاسیک فورماسی، بو گونه کیمی دینامیک و نظره چارپاندیر. آرتیریب دئمک لازیمدیر کی دئدیم: بونون قاباقجیل و اؤنجول شاعیرلرینین مقصدی لیریکانین کوهنه فورماسینی "گونون" طلب لرایله اویغونلاشدیرماق ایدی. بو گؤزل و اعلا مقصد یعنی غزلی کوهنه فورماسیندان چیخارماق، و یئپ_یئنی یاراشیقلارا سالماقدیر. یعنی عزیزلریم: (غزلی، غزل کیمی یازماماقدیر، بلکه غزلی یئنی آغشعیر سایاق یازیب یاراتماق بیزیم ایندیکی چاغداش و حرفه ای نئوکلاسیک یازان شاعیرلریمیزین آماجیدیررررر.) منجه، اگر بو وورغولادیغیم کیمی نئوکلاسیک غزلی هر شاعیر یازا بیلدی، حقیقتن هم بیزیم تورک ادبییاتینا و هم دونیا ادبییاتینا خیدمت گؤسترمیشدیررررر. اگر مندن و یا هر پئشه'کار تنقیدچی و یا شاعیردن بوگونکو غزلین کئف احوالینی سوروشسالار، دئیه جکلر ایندیکی چاغداش تورک غزلینین او قدر کئفی ساز دئییلمیش. چونکو هامی شاعیرلر بیر فورما و قالیبده یازیر و داها یئنیلیکلره دوشونن یوخدور. هابئله محتوا باخیمینداندا بئله دیر، و دیل باخیمداندا داها آرخادا قالمیشدیرررر. سورئالیزیم پوئتیک فورماسی کلاسیک ادبییاتیندا هابئله سربست و ایندیکی چاغداش آزربایجان تورک شعیرینده: بو واریانتدا دئمه لییم شاعیرین آرزوسو اؤزونده قالیب و اومیدی، آرزوسو ایدیایا چئوریلیر. هابئله، بئله اویوندا شاعیر شعیری یاراتمیر. بلکه شعیری، شاعیر اؤز ایچیندن و یوکسک رویالاریندان شعیری یایزیرررر و بیر اؤلمز یارادیجیلیقا ال وورور. غزل، محتوا، فضا، دیل و عمومیتله بوتون باخیمدان: سایین آیدین صاباح بئی، عینی حالداکی بو غزلده یئنیسل دیله مالیکدیر آمما...  تجرید اولونموش دیل چاغداش اولسادا شاعیرین خصوصی موحکملیگی وار کی؛ اونون غزلینده (من آیدین صاباحین بوتون شعیرلرینی اوخومشام البتده)... کلاسیک رومانتیک مضمون ایله و عمومیتله دیل یئنیلیکلر ایله بیرلشمه'سی اورک آچان پارادوکسلار وار. لاکین بو سایین شاعیر چاغداش دیلدن یارارلانارکن و اونون موسیقی یه دونیوی باخیشیندان باشقا، تجرید اولونموش شعیرینین عینی قایغیلاری وارکن،  ایسته ییر کی یئنیلی یه طرف آددیم آتاراق، اؤزونه اؤزل حالدا بیر آد قازانا بیلسین. هابئله وورغولاماق لازیمدیر بو شاعیر بیر نوع اثرلرینده مستقیللیییه صاحیبدیر. چونکو شعیرینده کشف و تکان آختاریر. دیگر طرفدن دئمه لییم بو شاعیرین بعضن یئنی قافیه و ردیفدن غزللرینده و میصرادان استفاده ائدیر. بو سببلره رغمن آیدین صاباح هم دیل و هم مضمون و فضا یؤنوملو اولمادان داها چوووووخ سننت لر سوییه سینده گؤزللیک یاراتماق حاققیندا دوشونورررر .

دونیا شهرتلی  صنعتکار ،ملی وارلیغیمیزین گورکملی سیماسی دوکتور چنگیز مهدی پور ادبیات سئونلر گوزگوسونده زمان:سه شنبه1405/7/7 یونتمن :موسی بلالی فوتوقراف: علی عنبری بیرینجی بولوم آپاریجی:کریم قربانزاده https://t.me/Adabiyyatsevanlar