ادبیات سئونلر

عاشیق وئیصل گؤزل‌لییین اون پارا ائتمز، بو منده‌کی عشق اولماسا...

✍🏻:لیلی خیاوی هاوا لیمانی دیر هر جایی کؤنلون بیریسی قالخارکن، بیریسی ائنیر آغ_قارا،یاخشی_پیس فرق ائتمز سنه اونلارین هامیسی جانینا سینیر گؤزونون ایپینی بوش بوراخیب سان گزیر اورتالیقدا، دویمادان باخیر یالاندان اؤزونو یویوب، آریتما کیرلی باخیشیندان لؤهمه لر آخیر سنین وجودوندا،عاغلین، اوره یین سوروشوب،دوشوبدو آشاغی یوردا اونلاری شهوته کؤله ائدیب سن بؤیله تاپشیریبسان قویونو قوردا بیر نیمداش پالتاردی سئوگی سؤزلرین هر دؤنه بیرینه یاراشدیریرسان موردار یالانلاری،یازیق قیزلارین_ ایپک روحلارینا داراشدیریرسان بیر قیزی «سئویرم»دئمک دن اؤنجه دسته مازلی اولسون کؤنلون،گؤزلرین «حی علی تمیز سئوگی» سؤیله سین_ یاراشیقلی، دادلی_دوزلو سؤزلرین

يازار: بابي پروْبشتاين چئويرن: کاوه فضلي خلف آتام من‌له دانيشديغيندا، هر زامان سؤزونو، «بوگونه قدر، سني نئجه دليجه‌سينه سئوديييمي سنه سؤيله‌ديم مي؟» دئيه باشلاردي. بو سئوگي ايفاده‌سي قارشيليق بولوردو بلکه... اوْنون سوْنراکي ايللرينده، اوْنون عؤمرو گؤزلريميزين اؤنونده توکه‌نيرکن، بونون يانيندا بيزلر بؤيويورکن... آه، بو مومکون اوْلسايدي... 82 ياشيندا اوْ اؤلمک اوچون حاضيردي، چکدييي دردلرين بيتمه‌سي اوچون، من ده اوْنون گئتمه‌سينه ايذين وئرمه‌يه حاضيرديم. بيزلر گولدوک، آغلاديق، بيربيريميزين اللريني توتدوق، بيربيريميزه سئوگيميزدن دئديک، آنلاشديق کي آرتيق زاماني گلميش‌دير. دئديم، «آتا، سن گئتديکدن سوْنرا، من سندن، ياخشي اوْلدوغونو گوستره‌جک بير نيشانه ايسته‌ييرم». اوْ بو سؤزون معناسيزليغينا گولدو؛ آتام روحون باشقا بير شکيلده ياشاياجاغينا اينانميردي. منيم ده هئچ بير قطعي دليليم يوْخ ايدي، آمما منيم بير چوْخ تجروبه‌لريم وار ايدي کي مني، «اوْ بيري طرفدن» بعضي سيگناللار آلا بيله‌جه‌ييمه اينانديريردي. من- آتام اوْ قدر دريندن بيربيريميزه باغلي ايديک کي، اوْ اؤلدويو آن، من اوْنون قلبينه گلن ضربه‌ني کؤکسومده حيس ائتديم. سوْنرالار من ياس توتدوم کي نييه خسته‌خانا، اوْ اؤلدويو آندا قوْيمادي کي من اوْنون اللريني توتام. گونلرجه اوْندان بير نيشانه گؤرمک اوچون دوعا ائتديم، آمما هئچ بير شئي اوْلمادي. گئجه‌لرجه يوخويا دالمادان اؤنجه بير رؤيا آختارديم. اوپ اوزون بير دؤرد آي کئچدي، من نه بير شئي دويدوم، نه ده بير شئي گؤردوم، اوْنو الدن وئرمه‌نين آجيسيندان باشقا. آنام بئش ايل اؤنجه آلزايمئر خسته‌ليييندن اؤلموشدو، من اؤز قيزلاريمي بؤيوتدويوم حالدا، اؤزومو ايتميش بير اوشاق کيمي حيس ائديرديم. بير گون کي سس‌سيز- قارانليق بير اوْتاقدا، ماساژ ميزي‌نين اوستونده ياتميشديم، گؤروشمه‌مي گؤزله‌ييرديم، آتامين سسيني ائشيتديم، نه قدر ده سسيني اؤزله‌ميشديم، اوْ سس مني اؤزويله آليب گؤتوردو. من هيجان‌لانماغا باشلاديم، بلکه بو همن آتامين نيشانه‌سي‌دير، اوغروندا چوْخ چتين‌ليکلر چکديييم، آختارديغيم نيشانه. آنلاديم کي بئينيم چوْخ يوکسک گوجلو بير وضعييتده‌دير. من تانيش اوْلمايان بير شففافليغي تجروبه ائديرديم، ائله کي چوْخ بؤيوک ميقداردا شکيللري باشيمدا يئرلشديره بيليرديم. ديققت ائتديم امين اوْلام کي من اوْياغام و رؤيا دا گؤرمورم، بيلديم کي اينسانين ان چوْخ اوْياق اوْلدوغو قدر اوْياغام. منده اوْلان فيکيرلر، دورغون بير گؤله دوشن بير سو داملاسينين، ساکين‌لييي پوْزدوغو کيمي ايدي، بئينيمده‌کي هر شئي بيربيرينه قاريشميشدي، من کئچن هر ثانييه‌ده اوْلان راحاتليق- ساکين‌ليييه حئيران قالميش‌ديم. سوْنرا دوشوندوم کي، «من اوْ بيري طرفدن گلن ايشاره‌لري کوْنتروْل ائتمه‌يه چاليشيرام؛ ايندي اوْنو دوردوراجاغام.» بيردن، آنامين اوزو گؤروندو، آنامين اوزو! هم ده آلزايمئر خسته‌لييي‌نين اثرلري اوْنون بئينيني اوْندان آلمادان قاباقکي وضعييتينده اوْلدوغو کيمي. پارلاق گوموش ساچلاري، دادلي اوزونه بير تاج کيمي اوْتورموشدو. آنام، اوْ قدر گئرچک- اوْ قدر ياخين ايدي کي حيس ائتديم اليمي اوزاديب اوْنا توْخونا بيله‌رم. اوْ چوْخ ايللر بوندان قاباقکي کيمي باخيردي، عؤمرونون محو اوْلماسي باشلامادان اؤنجه‌کي کيمي باخيردي. حتتا ژوْي عطري‌نين قوْخوسونو حيس ائتديم، اوْنون ان چوْخ سئودييي عطير. ائله بيل کي بير شئي گؤزله‌ييردي، دانيشميردي. حئيرت ائتديم کي آخي نئجه اوْلا بيلر، من آتاما فيکيرلشيرديم آمما آنامي گؤردوم. اؤزومو گوناهکار حيس ائديرديم، چونکو اوْنا فيکيرلشمه‌ميشديم، اوْنو لاييقينجه درک ائتمه‌ميشديم. دئديم کي، «آنا، مني باغيشلا، چونکو سن اوْ قوْرخونج خسته‌لييين عذابيني چکمک زوْروندا قالدين.» عذابلارينين باره‌سينده دئديکلريمي قبول ائتديييني گؤسترمک اوچون باشيني ياواش بير طرفه اه‌يدي. سوْنرا گولومسه‌دي، چوْخ گؤزل بير گولومسه‌مه، چوْخ آچيقجا دئدي، «آمما منيم بوتون خاطيرلاديغيم، يالنيزجا سئوگي‌دير.» سوْنرا يوْخ اوْلدو. تيتره‌مه‌يه باشلاديم، اوْتاق بيردن بيره سوْيوماغا باشلادي. من چوْخ دريندن آنلاديم کي اؤنملي اوْلان تک شئي، خاطيرلانان تک شئي، بيزلرين وئردييي- آلديغي سئوگي‌دير. دردلر يوْخ اوْلوب گئدر، گئري‌يه آنجاق سئوگي قالار. آنامين دئدييي کلمه‌لر، منيم ائشيتديييم ان اؤنملي سؤزلر ايدي، اوْ آن، سوْنسوزا قدر قلبيمده حک اوْلوندو.من هله ده آتامدان بير شئي ائشيتمه‌ميشم، هئچ بير شئي ده گؤرمه‌ميشم، آنجاق هئچ بير شککيم يوْخدور کي بير گون، اوْنو ان آز گؤزله‌ديييم آندا، آتام گله‌جک- دئيه‌جک کي، «بو گونه قدر، سني سئوديييمي سؤيله‌ديم مي؟». https://t.me/Adabiyyatsevanla

یانار قاراداغلی سندن باشقاسی اینان، منیم کؤنلومده دئییل. داها هئچ کیم، هئچ کیمسه، ذرره مئیلیمده دئییل. سَن منیم خَیالیمدا، سَن منیم جانیمداسان، آدین اوره ییمده دیر، تَکجه دیلیمده دئییل. بیر باخیشین یئتر کی، مین- مین اوره یی یاخا، سن باخ دا منی اؤلدور، فیکریم اؤلومده دئییل. سَن سیز اولا بیلمرم، اؤزونو آلما مندن، سنه بو یالواریشیم، اویون، فیلیمده دئییل. آخیب روحوما دولدون، من ائله مَست اولدوم کی، سَنی سئویب سئومه مک، داها ألیمده دئییل... https://t.me/Adabiyyatsevanlar

م. خوشنام اؤزل لشمک من سندن آیریلیب،کوسنده یازیق سنه قاییداندا، اؤزل لشیرم. اوز- اوزه گلنده، اؤلوب، دیریلیب یئنیدن دوغولوب، اَزَل لشیرم. سنی هرگؤردوکده، حؤرولمک اوچون اوره ییم تؤکولور دریلمک اوچون آیاغین آلتینا سریلمک اوچون ساپ- ساری سارالیب، خزل لشیرم. سنین چین اوره ییم دیلیم دیر، دیلیم سن ووصال دنیزیم، سئوگی ساحلیم چیرکین اَللریمله گؤزل سئوگیلیم سنه توخوندوقجا،گؤزل لشیرم. https://t.me/Adabiyyatsevanlar

ادبی خبر شهریور آیی‌نین 19دا ادبیات سئونلرین، رشت شهرینده اوستاد شهریار آدینا قورولان ادبی انجمنی ایله گؤروشو اولدو. بو گؤروشده ادبیات سئونلر عایله‌سی‌نین تانینیمیش اویه لری ،سرکارخانیم ذکیه ذوالفقاری، ویدا خانیم حشمتی، احد فرهمندی ،حبیب نصیر پور، دوکتور حسین کوشافر، کریم قربانزاده ایله بیرلیکده رشت شهرینده اوستاد شهریار آدینا قورولان  انجمنین نوبتی جلسه‌سی‌نین ادبی قوناغی اولدولار. بوگؤروشو، شهریار انجمنی‌نین مودورو اوستاد بشیر قهرمانی قوناق‌لارا خوشگلدینیز دئییب ،شعیر اوخوماقلا آچدیللار ، مجلیس، شهریار انجمنی‌نین شهرتلی اؤیه‌سی  شاعیر ،یازیچی، ناشر اوستاد بهبود مرادی "ائلچی بی" یین آپاریجلیغی ایله دوام تاپدی. بو گؤزل گؤروش، ادبیات سئونلر اؤیه‌لری‌نین، شهریار انجومنیَ‌نین اعضاسی‌نین شعیر اوخوماق‌لاری ایله باشا چاتدی. بوگؤروشون مجلیس ایشتراکچی‌لاریندان  جناب‌لار سخاوت یوسفی، احمددرگاهی، صابر عبادی، حاج تقی تقوی، شکور مهدی‌زاده، عوض عباسی، غلامعلی مجیدی، شمسعلی مجیدی، حاج ایمان نصیری، داود مصطفوی نجم الدین دانیالی، جناب طلوعی، احدی ، علی احمد نیا و فعال جناب‌لاریندان آد آپارماق اولار، اولا بیلرکی بعضی دوسلارین آدلاری قلمدن دوشه بئله‌لیک له شهریار انجمنی‌نین دیرلی، موحترم، قوناق سئور اؤیه‌لری خصوصن  بشیر قهرمانی جناب‌لاریندان تشکور ائدییب سایین قلمداش‌لاریمیزا قلم نائلیای آرزو ائدیریک. ادبیات سئونلر1403,6,24 https://t.me/Adabiyyatsevanlar

حسین مصری گؤزلرین غوربت اونودولماق سیمگه سی گوزلرین پیچاق یاراسی سول بؤیرومده گوزلرینی یوم گؤزلریندن قان سوزور گوزلرین منیم کئچمیشیم و....... بلکه ده گله جه ییم . اونودولموش بیرسورگونون طالعی کیمی گزدیره جه یم دیار-دیار اوره ییمده . یوخ !،یوخ ! آغلامارام گون باتان چاغی . آدین سنین یئتر قالدیریجی کرادان گون دوغمامیش آسلانماق هوه سینه ایضاح: قالدیریجی کرا:جر ثقیل https://t.me/Adabiyyatsevanlar

یانیس ریتسوس از زندان برایت می‌نویسم از زندان برایت می‌نویسم نزدیک به سه هزار نفر این‌جا زندانی هستیم. مردمی هستیم ساده سخت‌کوش و اندیشه‌ورز با پتویی مندرس بر پشت‌مان. یک پیاز و پنج دانه‌ی زیتون شاخه‌یی از نور در کوله پشتیِ‌مان. مردمی به سادگی درختان در نور آفتاب با یک جرم در پرونده‌مان تنها یک تقصیر که ما همچو شما عاشق صلح هستیم و آزادی. صلح: همان عطرِ غذا در شامگاهان. صلح: همان ماشینی که دَمِ درِ خانه‌ات بایستد و تو وحشت نکنی. صلح: همان‌که در خانه‌ات را می‌کوبد کسی نباشد جز یک دوست. https://t.me/Adabiyyatsevanlar

استاد_نادر_الهی او قاطار آلتینا آتیر اؤزونو یازیق اؤله بیلمیر آخی آجیندان او توی پالتاریندا آسیر اؤزونو اوتانا_اوتانا توت آغاجیندان او مهریبان آنا ،او ظالیم آنا بوغور اؤپه اؤپه آج بالاسینی سونرادا ییغیلیب ائل یانا_یانا بیر تیکه چؤره‌یین توتور یاسینی قاتیب شیرین چایا اونودوروق بیز ساکیت آغری‌لاری ،لال آجی‌لاری آمما هئچ باخمالی دئییل سوفره‌میز الیمیزدن دامیر قان دامجی‌لاری استاد_نادر_الهی او قاطار آلتینا آتیر اؤزونو یازیق اؤله بیلمیر آخی آجیندان او توی پالتاریندا آسیر اؤزونو اوتانا_اوتانا توت آغاجیندان او مهریبان آنا ،او ظالیم آنا بوغور اؤپه اؤپه آج بالاسینی سونرادا ییغیلیب ائل یانا_یانا بیر تیکه چؤره‌یین توتور یاسینی قاتیب شیرین چایا اونودوروق بیز ساکیت آغری‌لاری ،لال آجی‌لاری آمما هئچ باخمالی دئییل سوفره‌میز الیمیزدن دامیر قان دامجی‌لاری https://t.me/Adabiyyatsevanlar

علی رشتبر "قاییب" آچیلار‌ حاق قاپیسی بیر گون اولار بیزلره ده اوبانین شاه سنمی مفتون اولار بیزلره ده قدرتین  کورسوسونه ساققیز اولان رؤیالار اگیلر حاق سؤزونه، مغبون اولار بیزلره ده دوشر عشقین گونشی پنجره‌میزدن ایچری، لئیلی عاغلین ایترر مجنون اولار بیزلره ده بو قارانلیق سوراسی گؤی یاریلار دان سؤکولر گون اولار گونلریمیز گون گون اولار بیزلره ده یئمه غم بس دلی کؤنلوم گلر البته یوسوف کنعانین چکدیگی دردلر سون اولار بیزلره ده قوجا اوستاد ائله‌یر اوستوموزه ذره نظر بو حیات درسی قاییب  اویغون اولار بیزلره ده

علی رشتبر قاییب سوزولوب گئجه نین یالنیزلیقلاری ، بو گون بو شاعیرین شعیرلرینه. اورکک خیاللاری اوتانجاق عشقی، هارداسا بیر آنلیق دؤنمور یئرینه. هارداسا بویلانیر باخیر یوللارا، گؤزلری نیگران اورگی یانار... اوزاق دا دئییل کی سندن ،بیلیرم آخی اونون سندن یاخین کیمی وار؟ سوروشما آدینی و  نیتینی، دئمه کی آی الله بو نئجه قوناق؟! اؤزونه یول یوخ، سرحدلر عاصی، ساخلا خیالینی بو گئجه قوناق... https://t.me/Adabiyyatsevanlar

علی رشتبری "قاییب" حئکایه اونوتموشام آدیمی بير توستولو شهر، بير ترافيكلي خیاوان، بير ازدحاملي كوچه.آدام‌لارين ايچينده اؤزونو ايتيرمكده ‌ایدی.گؤزلري، ماوی ايشيقلي بير تابلويا تاخيلدی. قارشيسيندا گونش اولدوغوندان دولايي اونو ياخشي اوخويا بيلمه‌ديگينه گؤره اليني آلنينا قويدو. «دفتر ثبت اسناد رسمي» اوجا بوی سوموکلو  گنج  بیر آدامين، توخونماسي ایله آراليقدا اؤز چئوره‌سينه  فيرلانيب داياندي. آدام ايسه ايكي اليني اونون چيگنينه قويوب «عمي گؤزله آياق آلتدا قالارسان ها» دئدي. باشيني بير يوخاري  قالديريب «اوغول باغيشلا گؤزلريم بئقوه دي». -«عمي من ائله دئمه‌ديم،.... قلبينه دگمه‌سين ،...يوخسا اليمدن نه گلير سه دئ‌كي يارديم ائديم سنه» گنج دئدي. -«ساغ اول اوغول ...» بارماغيلا تابلونو گؤستريب «من اورايا گئتمه‌لي‌يم » دئدي. آدام‌لار بير-بيريني دارتاراق يورومكده ايديلر. ايگنه سالماغا يئر يوخودو. سوسلنميش بير قادين يانيندان كئچه‌رك ايكي بارماغی ایله بورنونو بوزدو. «عمي اؤزونو بير حاماما گؤسترسنه» دئيه‌رك گئتدي. اونوندا آرخاسينجا بير آز باخدي. بير ايكي آدديم ايره‌لي‌له دي . قارا ساققالي، كت-شالوارلي بير آدام قاباغيني كسدي. «سالام  دايي بو سويوق هوادا هارا بئله» دئيه سوردو. اونو گؤره‌رك گولومسه‌نيب «هه آمان سنسن؟» سوردو. -هه منم  دايي هارا گئتمك ايسته‌يير سن، آپاريم ماشين قاباغدا كؤرپو آلتيندا -يوخ ساغ اول   سن ساغ اول ...منيم ايشيم اوزوندو او دفتره گئتمه‌لييم -ياخشي اوندا بس هله‌ليك دايي -گوله -گوله خوش گلدين هر نه قدر چتين اولورسادا، اؤزونو دفترين قاباغينا يئتيردي. كيچيك بير قاپي، اؤنونده بير پيلله. يورقونلوغون آلسين دييه  اوتوردو يئره. آمئركايي  كاپشئن گئيميش، يوغون، آغ ساققال بير كيشي اؤنونده اوتوردو يئره -«سالام خال اوغلو آلله خير ائله‌سين دفتر- مفتره يولون دوشوب نه خبر...؟» دئیه سوردو. باشيني  ترپه‌ديب «سالام بنده‌دن حاج حيدر آقا... آلله هئچ كسين ايشيني نادان الينه سالماسين...بيزيم كي ده بئله گليب دي طالع بيزي هارا چكيرسه بيز ده اورا گئديريك...» دئيه‌رك جوابلادي. -خال اوغلو كؤمك- مؤمك ايسته‌سن اسيرگمه دئ اليمدن نه گليرسه ائده‌جگم... -ساغ اول حاج  حيدرآقا گئد آللاهين آمانيندا آزاجيق اويانليق، دفترين اؤنونده بير قارا هوندور ماشين ساخلاييب، ايكي كت- شالوارلي ،قارا گوزگولو آدام يئره انيب، آدام‌لارين آراسيندان كئچه‌رك اونون يانينا گلديلر. - سالام دده. نيه تك گليردين؟ زنگ آتايدين بيريني گؤنده‌ريديم -يوخ بالا... ايشيندن ائتمك ايسته‌مه‌ديم او آدام گوزگوسونو گؤتوروب ،كوتونو چيخاريب او بيريسينه وئريب ، اونو   كورگينه آلاراق پيلله‌لري چيخارتدي. قاپيني آچيب ايچري گيرديلر. اونو بير صندلين اوستونده اوتوردوب، چكيلدي قيراغا. دفتر باشچیسی گليب اؤزل بير گولوشله اونلاري قارشيلاييب «خوش گلدينيز.» دئدي. سورا اوز دوتوب قوجايا «سنده خوش گلدين حاجي...» گولومسه‌نرك «...ساغ اول جناب» دئيه جوابلادي. دفتر باشچیسی يئره اوتوروب، كار-كاغذي تؤكدو ماسا اوستونه. الينه بير قلم آليب وقوجايا ساري باخيب «حاجي آدينيزي لوتفن بويورون» دئیه سوردو. او ايسه چئوره‌سينه بويلاناراق، الين باشينا آپاريب، اونو قاشيدی. دفتر باشچبیی بير داها سوردو «حاجي آدينيزي بويورون» -اوغول...ائله اونا فيكيرله‌شيرم بيلميرم آديم عمي دییل مي؟...دايي ديمي؟ ...خال اوغلودومو... حاجي ديمي... يوخسا دده ديمي؟    داها منيم آديم ياددان چيخيب ...،چوخدان دير  آديمی اونوتموشام. https://t.me/Adabiyyatsevanlar

علی رشتبری «قاییب» «قاییب» تخلصونو داشییان «علی رشتبر» ۱۳۵۹ دا قاراداغین «گال» کندینده دونیایا گؤز آچیب.  ۱۳۶۹ دا آتاسی‌نین «اورمیه»یه داشینماسی محبوریتنده قالدیغی اوچون بو شهرده مسکونلاشیب و تحصیلاتینی همین شهرده علوم تجربی بؤلومونده بیتریب. علی رشتبرین ادبیاتا اولان ماراغی اوره‌گینده حدیندن آرتیق داشیدیغی آذربایجان تورکجه‌سی‌نین سئوگیسیندن باشلانیب. درسی‌نین کناریندا آذربایجان تورکجه‌سینی، ادبی دیل و گرامرینی مختلف درگی‌لردن کیتاب‌لاردان خصوصی ایله اورمیه‌نین ضیالی شاعیری اوستاد‌ «بهرام اسدی »نین گؤستریش‌لری ایله اؤیره‌نیب و نهایت بو سئوگی ۱۳۷۳دن  علی رشتبری قلم چالماغا دا مجبور ائدیب. علی رشتبر نثر و قیسا حیکایه‌لرله یازماغا باشلاسا دا آنجاق آز سوره ایچریسینده شعیر ساحه‌سینه داخیل اولوب و اؤز خالقی‌نین معنوی وارلیغینی یاشاتماق اوچون الیندن گلنی ائتمگه چالیشیب. بو چالیشیغین ثمره‌سی ایران، آذربایجان و تورکیه نشریاتیندا  چاپ اولونان اثرلردن علاوه حال- حاضر ایشیق اوزو گؤرن یئددی کیتابی‌دیر. ۱-یول آغلاسین۱۳۹۴یاز نشریاتی ۲-سوسقون فریادی‌یام من بو تورپاغین ۱۳۹۷حکیم نظامی نشریاتی ۳-سلام اولسون اوزانلارا ۱۳۹۸ یاز نشریاتی ۴-الله‌ین حکمی ایله یارانمیشام من ۱۳۹۹ یاز نشریاتی (کؤچورمه ، عایشه صیادقیزی‌‌ شعرلری) ۵-گئتمک ایسته‌ینلر آرخایا باخماز ۱۴۰۰ دورنا نشریاتی ۶-یوخلوغونو توستوله‌ییرم ۱۴۰۰ دورنا نشریاتی (ترجمه ، خانیم سهیلا پارسایی مهرین سربستلریندن سئچیلمیش شعیرلری) ۷- آیاز دویغولار ۱۴۰۰ دورنا نشریاتی. بو کتاب ۲۵ ایل مدتینده یازیلان قیسا حیکایه‌لردن عبارت بیر توپلو. https://t.me/Adabiyyatsevanlar

اوشاق ادبیاتی کارتون https://t.me/Adabiyyatsevanlar

اوشاق ادبیاتی کیشی سؤزو يازان: زاهد خلیل كؤچورن: احد فرهمندی نوغوللا شکر مکتبه گئدیردیلر. نوغول دئدی: - کیمسه منیم رسم دفتریمده‌کی شکیللری جیریب. الیمه دوشسه، ساچلارینی یولاجام. شکر سوسدو. اونلار اوجا بیر چینارین آلتیندا دایاندیلار. بیر سینجاب بوداقدان-بوداغا توللانیردی. - بلکه سینجاب بیلیر؟ - نه‌یی؟ - سنین رسم دفترینی جیران آدامی. قوی اونو چاغیراق. نوغول دئدی: - سینجاب، آی سینجاب! سینجاب بوداقدان-بوداغا توللانماغیندا داوام ائتدی. نوغول یئنه قیشقیردی: - سینجاب، آی سینجاب، کارسان؟ شکر دئدی: - سینجابی آدام دیلینده چاغیرمازلار! - بس هانسی دیلده چاغیرارلار؟ - قوز دیلینده، - دئیه شکر دیللندی. - قوز دیلینده؟ - هه ده! شکر جیبیندن اوچ قوز چیخارتدی. اونلاری بیر-بیرینه سورتدو. غریبه سس چیخدی. "خیرررر، خیرررر". سینجاب درحال آشاغی دوشدو. شکر قوزو سیندیریب لپه‌له‌دی و اووجوندا توتدو. سینجاب لپه‌نی تئز یئییب، یئنه ده چینارین باشینا دیرماشدی. نوغول دئدی: - سینجاب سنه نه دئدی؟ منیم دفتریمی کیم جیریب؟ شکر دئدی: - سینجاب دئدی کی، قوی نوغول آند ایچسین کی، دفترینی جیران آدامین آدینی بیلندن سونرا اونو اینجیتمه‌یه‌جک. - هه، سؤز وئریرم. - کیشی کیمی؟ -هه، ده کیشی کیمی! شکر دئدی: - دونن کیمین ساچینی یولموشدون؟ - هئچ کیمین! هه، سنین! - دفتری ده من جیرمیشام. نوغول شکرین ساچلارینی دارتماق ایسته‌دی. اما یادینا دوشدو کی، کیشی کیمی سؤز وئریب. دئدی: - بیر ده سنین ساچینی یولمارام. - من ده سنین دفترینی جیرمارام. اونلار ال-اله وئریب مکتبه گئتدیلر. https://t.me/Adabiyyatsevanlar