ادبیات سئونلر

اوشاق ادبیاتی شیرین شیطانلار

اوشاق ادبیاتی کیتاب تانتیمی اون ایکی یاشیمیز اولاناجان آغاج ائویم من اوچون سانکی بیر قالا کیمی ایدی. مدرسه قورتولماق همن «ماریگان»ین بؤیوک آناسی یانیمدا قالاماق اوچون گلردی، پرستار توتماق اوچون چوخ یئکه، ائوده تک باشینا قالماق اوچون چوخ کیچیک ایدیم. او هر گون آشپزلیق ائلیردی: کدو چؤره‌یی، آرپا کوکه‌سی، یادا بلوبری تورتاسی. ایری بوروق بارماق‌لارینا دولایان هئچ توکنمک بیلمه‌ین ایپ‌لریله من‌له کیسی‌یه توخونما اؤیردیردی. بیر قارینی پیشیرمک‌له  توخوماقدا گؤرمه‌یی هئچ ایستمیردیک. بیرلیکده ماغازایا گئتمه‌یی ایستیردیک. بیر چیلتیک وورالی اون‌آلتی یاشا دولماغی و ماشین سورمه‌یی ایستیردیک، هابئله باحال اوغلان یولداش‌لاریمیز اولماغی. آغاج ائویمیز بیزیم‌کیمی قرارسیزلارا چوخ بالاجا ایدی، آنجاق بیرجه او واریمیز ایدی. کتاب اوخویوردوق، بی‌دل ایله هفت خبیث اویناییردیق. دیرناق‌لاریمیزی بویاییردیق، کؤینک‌لریمیز کیرلنینجه بوز دوندورما، خردل‌لی پنیر ساندویچی یئییردیک. او یای، سونوندا من اوبیری‌لریندن ایل‌لرجه بالاجا اولدوغوما باخمایاراق، بؤیودوم. ارگن‌لیک منه چوخ چتین گلدی: قول‌لاریم‌لا قیچ‌لاریم اویناق‌لاریندان چیخدیلار، بوینوم دئمک اولار سیندی. یئنی بدنیم شئه قوخویوردو. یانیم ائشییه ووردو، بودلاریم جوراب‌شلواریده داها شیشگین نظره گلیردی، و بیر یوموشاق بوخاق ساللاندی و... #قیشین_قیزلاری #لوری_هالس_اندرسن #هما_قناد #محمد_عابدین_پور   https://t.me/Adabiyyatsevanlar

اوشاق ادبیاتی کتابها خلوتت رو  از یه چار دیواری به یه  جهان تبدیل می کنند. https://t.me/Adabiyyatsevanlar

اوشاق ادبیاتی «آلما آغاجی‌نین احوالی» یازار: «رشاد بی افندی‌یئو» کؤچورن: «رقیه اسماعیلی» مئشه‌ده زوربا بیر جیر(وحشی) آلما آغاجی بیتمیش ایدی. پاییز فصلینده بو آغاجدان بیر آلما دوشوب یئرده قالمیش ایدی. قورد-قوش بو آلمانی دیمدیکله‌ییب هم اؤزونو و هم توخومونو یئمیش ایدیلر. آلما توخوموندان بیر دنه‌سی سیچراییب یئرین جادارینا دوشموش و اورادا قالمیش ایدی. قیش اؤتدو، یاز آچیلان زامان گونون حرارتی یئره تأثیر ائلمه‌یه باشلادی، بو توخوم‌ دا او واخت گؤیرمه‌یه باشلادی، تورپاغین ایچینه ساری کؤک آتدی، هاوایا ایکی یارپاق آچیب باش چیخارتدی. بو دئدییمیز اوولینجی ایکی یارپاغین تن اورتاسیندان بیر زوغ گؤیرمه‌یه باشلادی. بو زوغ اوزونو خیردا-خیردا دؤیمه‌لر دوزولموش ایدی و بونلاردان دخی تزه یارپاقلار و زوغ‌لار چیخماغا باشلامیش ایدی. بو مینوال ایله زوغ آتا-آتا توخوم گیزلنمیش یئرده بیر گؤزل آلما آغاجی عمله گلمیش ایدی. بیر نفر باغبان الینده دمیر بئل مئشه‌ده گزرکن بو شومال(پیوند) اونون گؤزونه ساتاشدی و درحال بو آغاجی قازیب یئردن چیخارماغا باشلادی. آلما آغاجی بو حالی گؤروب دئدی: وای، وای. عؤمروم بورادا تامام اولدو داها یاشاماق منه مومکون اولماز، تلف اولدوم گئتدی. آمما باغبان کامال-احتیاط ایله اطرافینی قازیب ریشه‌لرینه خلل یئتیرمه‌یه‌رک، بو جاوان آلما آغاجینی مئشه‌دن چیخاردیب باغینا کؤچوردو و راحات یئره باسدیردی. تزه باسدیریلمیش آغاج اطرافینا باخیب گؤردو کی، قونشولوغوندا  گوده‌ک-گوده‌ک گؤیرتیلر یئره باسدیریلیب، باشلاری کسیلیب و کسیک یئرلره جیریق-جیندیر باغلانیبدیر. اؤزونه اولان حؤرمتی گؤروب خئیلی مغرورلاشدی. آنجاق یازیق بیلمیردی کی، کؤک توتاندان سونرا باغبان اونو دا اطرافینداکی‌لارین حالینا سالاجاقدیر. او بیری ایل باغبان الینده ایتی دهره(تئشه)، گلیب بو آغاجین بوغازیندان کسیب آتدی، قالدی بیرجه کؤتویو. بو دفعه آلما آغاجی اؤزو-اؤزوندن ال گؤتوردو و دئدی کی لاپ، هلاک اولدوم. من بیر داها عمله گلمه‌رم. باغبان الینده‌کی دهره ایله کؤتویون تپه‌سیندن ووردو باشی آشاغی جیردی. همین یاریغا باشقا بیر جینس آلما آغاجی‌نین زوغونو سالیب ووردوغو یارانی ملهم ایله باغلادی. آلما آغاجی جاوان اولدوغو و قووتلی یئرده بیتدیگیندن، گؤتوردویو یاراسی تئزلیک‌له ساغالیب باشقا جینس آغاجین بوداغی ایله قاینادی. بو جالاق(پیوند) اوچ ایل عرضینده قول-بوداق آتیب مئیوه گتیرمه‌یه باشلادی. مئیوه، نئجه مئیوه. اؤزو ایری، رنگی آل-قیرمیزی، عطری خوش، دادی تورشا شیرین، اوزو یوپ‌-یوموشاق. خلاصه، بو آلما آغاجی ائله بیر شهرت قازاندی کی، هر یئردن گلیب اوندان قلم آپاریب جالاق جالاییردیلار. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

"فرح_فریما" معمای_عشق از من عبور کن؛  در رگ هایِ سبزِ تن ام جاری شو؛ بگذار؛ برهوتِ  این کالبدِ خسته؛ سبز شود، در وادیِ     بی هنگامه یِ عشق و عشقه هایِ بی قرارِ روحِ عریان ام؛         صراحی شود؛ تاکِ        شرم آلودِ نگاه ات را و در باده یِ رخوتناکِ    آغوش ات؛ پر بگیرد    این پرنده یِ بی پرواز!!.. https://t.me/Adabiyyatsevanlar

و شاعر بو آماجا چاتماق اوچون دیل اوبرازلاری و واسطه‌‌لری لازیمدیر. و بو واسطه همن مئتافورا یوخسا «استعاره» اولا بیلیررررر. فرانسه شاعری پول والئری دئییر: «شعرین دَیَرینین اؤزوندن باشقا هئچ بیر مقصدی یوخدور و اوندان نتیجه آلماغیدا، دوشونمک اولماز «۲» بعضن شاعر، سؤز داغارجیغیندان عادت توز، تورپاغینی سیلیب، تمیزلَه‌مک اوچون، سؤزلرین ترکیبینی و قورولوشونو و جومله بیرلَشمه‌لرینی و سینتاکسیسینی «نحو» دَییشدیریر. بو دییشیکلیک هَمَن یابانجیلاشدیرما اولاراق، مخاطب و اوخوجونو لذت زیروه‌سینه چاتدیرماغا چالیشیر. دئمه‌لی بو مقصدله تانیش و عادی دونیا دیلینی قیراراق، سؤزلر اؤز عادی و رایج معناسیندا ایشلنمیه‌جک شکیلده، و داها دوغروسو شعر دیلی اولان معیار و اؤلچوده و دانیشمان دیلیندن اوزاق بیر دیلده، ایشله‌نیلیر و ایشه آپاریلیر. بلی، یابانجیلاشدیرما سایین شاعریمیز کریم بئی قربانزاده‌نین شعر دیلینده اَن چوخ استفاده ائتدییی ادبی اوصوللاردان بیریدیر کی، اورتاق دیل و ادبی نورمالاردان اوزاقلاشما یاراتماقلا، اینسانین حیاتا دویغو قاوراییشینی اینکیشاف ائتدیریر و یئنی گلوبال دیل یارادیجیلیغینا الینی، قولونو داها گئنیش حالدا آچیب، آچیق قویور. اوووف… بو گؤزل شعری کیمی: من اؤلندن سونرا منی دار دودوک مزارا باسدیرمایین حسرتی، حسرته قالادیم دردی، درده جالادیم اللریمده قابار، روحومدا چادار نه ائل بیر گون گؤردو نه ده کی وطن سئوگیمی گیزلتدیم قاچاق مال کیمی خاطیره لر دوستاغی اولدو آزادلیق و سیز، من اؤلندن سونرا منی دار دودوک مزارا باسدیرمایین سهنده، ساوالانا تاپشیرین آچیق دوزنلرده باسدرین کولک لر اسسین سینم اوستونه دلی شیمشک لر شاخسین اولدوزلار آخسین گونش یاندیریب یاخسین مزاریمی قاطار، قاطار قوشلارین کؤچ یولوندا باسدیرین و من اوچوش حسرتینده اؤلن بیری ام منی دار دودوک مزار لاردا باسدیرمایین. وورغولاما تجروبه‌لری کیمی سادالانان اؤرنَکلری تاپماقدان علاوه‌، بیز دیلی بیگانه و یابانجیلاشدیرما ائدن یئنی نمونه‌لر تاپیریق. یابانجیلاشدیرمانین اَن چوخ تأثیرلری فونِئتیک سوییه‌ده و فونئتیک آدلارین و دانیشمان دیلیندن استفاده فورماسیندا ائلجه‌ده دیلده مئتافوریک سوییه‌ده و ویزوآل« تجسمی» صحنه‌‌لَرین ایفاده‌سینده اولور. هابئله مؤوجود دیلین نورماتیو سرحدلَرینی کئچمک اوچون سینتاکتیک «نحوی» و لئکسیک «لغوی» پوتانسیالیندان استفاده ائدیلیر. بو دئدیکلریمه گؤره بو شعری اوخویون لوطفن: بئله سورسه حیات بئله سورسه حیات زامان صیفیرلاناجاق آغلامایاجاق داها گؤزلر، دنیزلر قویلاناجاق بالیق‌لارین یادداشیندا اورمان‌لار سیلینه‌جک بالتالارین هیرسلی یوخوسوندان؛ ماهنی‌لاردان سوزوله‌جک چن، دومان قوشلار سویوناجاق لله‌یینی گؤی- گؤی بوم- بوش قالاجاق کوره‌میز دایناسور بیته جک قاسیرغالاردا؛ زامان صیفیرلاناجاق بئله سورسه حیات! . قایناقلار: ۱. ۱) – بلقیس و عاشقانه های دیگر – نزار قبانی – ترجمه: موسی بیدج – نشر ثالث – چاپ دوم: ۱۳۸۰، صفحات ۳۲. ۲. سید حسینی،۱۳۸۷ جلد۲، ص۵۵۲-۵۵۳. قایناق:ایشیق سایتی https://t.me/Adabiyyatsevanlar

بلی جانیم، شعرین وظیفه‌‌سی ایلهام وئرمک و دیَیشدیرمه‌کدیر. اویاندیرماق، حرکت اِئتمکله عینیدیر. حرکت؛ تنبللیین درینلییینه هوجومدور، منجه. کریم بئی قربانزاده ایسته‌ییر شعری باشدان، آیاقا، تَپه‌دن، دیرناقا کیمی بیلیب، باشا دوشسون، اگر چوخ ساده دئیه بیلسَم؛ شعرایله یاشاسین، اونون ایچینده سیاحت ائتسین. هابئله، شعرین اَلینی سیخاراق، بازارا چیخاریب آپارسین و یئرین اوزونده‌کی اَن بؤیوک سئوگی‌یه یولداش اولسون. یوخسا گؤیلَرده‌ یئللرله سَفَرده اولان و کولَکله یاتیب، کولَکله اویانان دورنالارلا همیشلیک اوچماقدا ایسته‌ییر اولسون. اصلینده سایین کریم بئی قربانزاده اؤفکه‌لی، غضبلی، آغریلی بیر شاعردیر. یعنی باخدیغی هر شئی‌ده اونون عکسینی گؤرور، اولدوغو کیمی یوخ، گؤرموررررر. او یوللاری باغلی و دویونلو بولودلاری ایسه قیسیر گؤرور. اؤلکه‌سینی زیندان و حیاتی ایسه حسرت و پئشمانچیلیقدیر شاعرین. بو جور موناسیبتده اولان شاعر، حیاتین سیخینتیلارینا خوشبختلیک گؤستره بیلمز. دئدییم سایاق، آرتیق بو او دئمَکدیر کی؛ حیاتا و اینسانا بیگانه دئییل. بیر شکیلده اینسانلیغی و اینسانلاری داها چوخ سئویر و یاخشی و خوشبخت بیر حیات سورمَگی بوتون وطنداشی اوچون آرزولاییر و ایسته‌ییر. بو چوخ گؤزل شعر کیمی: قاپالی قاپی‌لار دویونلو یول‌لار دوغماز بولودلار… زهرمارین آدین چؤرک قویوبلار دوستاقین آدینی وطن؛ حسرته یاشام دئییلیر, یالانا سئوگی. گئجه-گوندوز اسنه‌ین شه‌هرده دموکراسی‌نین اوغلان چاغیندا منه بیر اودوم هاوا یاساق, سئوگیلیمین ساچلاری یاساق, گولوشو یاساق؛ بوشهرده سئرچه‌یه ده حسرتم بوش بیر اتوبوسادا…. چورک داشدان چیخیر آزادلیق دمیردن‌ده چیخمیر اسنه‌ین شه‌هرده, ناخوش وطنده. بورادا بیر اؤنملی پراسئسی بیرازدا اولسا، دئمک ایسته‌ییرم: شعر معنا یوخ، شرح اولونا بیلدیکده بدیعی و غئیری موعینلییه مالیک اولا بیلَر بو او دئمَکدیر کی: آنلاشیلا بیلن شئی شعر دئییل. معناسی و هدفی اولان شعر، شعر ساییلمیر طبیعی کی، بو یئنی تئخنیکا و تئخنولوگییالارلا یاشادیغیمیز دونیادا معنا کئچمیشده مؤوجود اولدوغو اوچون بو گون شعر یئنی معنا و مفهوملارلا دولودور. آنجاق بوگونکو ادبیات و شعرررر معنادان چوخ قاچماغی خوشلاییر. چونکی شعر همیشه مخاطبین ایندیکی و اولدوغو زامانیندا اولاراق، جریان تاپیر. بو ایکیسی، بیر، بیری‌ایله عینی آب، هاوایا( معنالی و معنادان قاچیش آنلاییشی اولان شعر) بیر آرخا گئده بیلمزلر. بونا گؤره‌ده شعر کؤکوندن معناسیزدیر. شعر سوروشکن و فورماسیز!!!! (عینی حالداکی فورما شعیرین ذاتی‌دیر) بیر طبیعته مالیکدیر. او اؤز فورماسینی مخاطبینین فیکریندن آلیر. شعری مونوفونیکدن، پولیفونییایا «بیر سسلی، نئچه سسلی» داشییان وضعیت همن بودور. شعرده‌کی دوگونلوک و غئیری موعیینلیک منیم دئدیییمدیر. بونا گؤره‌دیر گؤرکملی شاعرلر هئچ واخت اؤز شعرلَرینی باشقالاری اوچون اچیقلامیرلار. دئدییم کیمی آچیقلانان شعر، شعر دئییل و اولادا بیلمزززززز. بئله‌لیکه، شعر، کشف و سئزگی -شهود- کیمی قالیر. و شاعر اؤز باخیشینی و کشفینی باشقالاری‌ایله بؤلوشمَگی خوشلاییر پئشه‌کار شعرین اؤزه‌للیکلری دیلین و محتوا، مضمونونون یئتکینلییدیر. بیرده پوئتیک فورمالاردان فرقیلی شکیلده استفاده ائتمه‌ییدیرکی؛ بو گونه کیمی هئچ بیر شاعر او فورمالاردان استفاده ائتمه‌میشدیر. بونلار شعره دَیَر وئرن بیر عیدده کوکلو صنعت‌دیر. چونکی شعر، ایچ و چؤل باخیمدان گوجلو و چوخ معنالی اولارسا اوقدرده اوخوماغینا دَیَر. و اوخوجونو یئنی بیر اوبرازا، کشفه و احوال روحییه‌یه گتیریب چیخاریر. و… آمما آذربایجانین چاغداش تورک شعیری، ادبیاتی حال، حاضیردا ساوادسیزلیق خرچنگیندن اینجیک دوشموش‌دور. اؤزلرینه شاعر آدینی قویان گنجلَرین‌ایسه، شعر و ادبیات ساحه‌‌سینده کیفایت قدر ساوادلاری یوخدور. و اؤز گوجسوزلوکلریندن و زحمتسیزلیکلریندن استفاده ائدَرک یازیب، و اؤزلَرینی شاعر حساب ائدیرلر. تأسسفلر اولسون ایندیکی گنج «بعضن‌ده یاشلی و اورتا یاشلی» شاعرلر کلاسیک و چاغداش مودرن تورک ادبیاتینا فیکیر وئرمیرلر، اوخومورلار و بو ساحه‌‌ده «اوخوماق» چوخ آشاغیدیر و حاییفلار آغ شعردن دوشونجه‌لری قارما، قاریشیق و پینتی‌دیر. آمما… ایندیکی آغ شعر، یازیب، یارادان شاعرلریمیزدن ادبیات حاقیندا هرطرَفلی معلوماتا مالیک اولدوغونو ایسته‌ییررررر. و آمما… یابانجیلاشدیرمانین اساس کؤکو مئتافورا یا استعاره اولاراق و اونو گتیرن سببلر اوخوجو اوچون داها لذت و هیجان گتیرَرک، او قدر‌ده قاوراییش پراسئسینه بیر یئنی حرکت سالیب و گئدیر. یابانجیلاشدیرما بوتون تانیش، و هامی استفاده ائدن تقلیدلردن و تکرارلاردان اوزاق اولوب چیخماق دئمکدیر. یعنی، شاعر تکراری، دیلدن چیخاراراق گؤزل و تأثیرلی و یئپ، یئنی سؤزلر یارادیر. و بو اصیل بیر شعرین دیلی حسابا گلیر . و بو شعرین یوکسک حالدا طبیعتی‌دیر.

آرتیق وورغولاماق لازیمدیر؛ بو سئویملی شاعرین بعضی شعرلرینده، یاشیل حیسسلرین داشماسی، اوخوجونو دلیلیک زیروه‌سینه چاتدیران سؤز چیلغینلیغینا چئوریلیر و بیردن، بیره شاعرین دَلی‌لیی سؤنوکوب و سنگییر، بلی بو سئوگیلی شاعر، شعرین اوخونماسی زامانی، مخاطبینه و اوخوجویا مئیدان اوخوماق ایسته‌ییر و بو مؤوضو کامیل باخیمدا شاعرین دوشونجه‌سیله بیرگه، و بیر یئنی تفککورله یول بیر اولماسینی بیزه سؤیله‌ییر. اصلینده، سایین کریم قربانزاده‌نین اوخوجونو اؤز ایسته‌دییی طرفه چکمَک قابیلیتینین اولدوغونو سؤیله‌مک چوخ اعلا باخیمدا وورغولاماق اولار. اوریژینال شعیرین داواملی و قالارقی اولماق آرزوسو واردیر. چونکی هر بیر دیلله عاطفی تانیشلیغی اولان مختلف چاغداش موسیقی‌ایله بیرلیکده گؤزللیک یارادیر. موسیقینی حیاتدان آییرماق اولماز. چونکی موسیقی شعیرین حیات یولداشیدیر و بوتون حیسسلری سؤزلرله و دویغولارین هارمونییاسی ایله بیرگه‌ گئنیشلندیریر و هر زامانلار علمی، فلسفی و میستیک دیلی‌ایله باغلیلیغی واردیر و بونو دانماق اولماز. من ایللردیر سئوگیلی کریم بئی قربانزاده‌نین یوموریستیک «طنز» و بعضن ده جیددی شعر و حیکایه‌لَرینی چوووخ دقتله و لذتله اوخویورام. کریم بئی، هر پوئتیک فورمادا سؤزلری باشا دوشوب و تانییان اوریژینال شاعرلردن حسابا گلیر. بو تانیماق، شاعرین قانادلارینی دونیانین گئنیشلیینه قَدَر گئنیشلَندیریر و بو ماوی گئنیشلییی قالیجی اثرلَرین یارانماسینا سبب اولور و بلی بو سئوگیلی شاعر آلقیشلارا لاییق بیر شاعردیرررررر. زحمت اولماسا بو قیسا شعیری اوخویون: دونیانی سئل آپارسا سن نه دین، نه دانیش گامیش اول، گامیش سَنه نَه کیمسه‌نی آسدیلار کیمسه‌نی کسدیلر کیمسه یاوان چوره‌یه اؤزون ساتدی هانسی قارا باخت اؤزون دامدان آتدی سن گئجه یاریسیناجا تئلفونونو اوینات گوندوز گون اورتویاجا یات قارا گیله وطن نه‌دی ؟ وطنداش نه‌دی ؟ قوی چاپسینلار قوی آپارسینلار سن نه دین، نه دانیش گامیش اول، گامیش!! سن آللاه… گؤرون نئجه‌ گؤزل و اعلا و گؤرکملی بیر حالدا اوتانماز و عارسیز اؤز یاشادیغی جامعه‌‌سینده حادثه‌‌ و اولایلارا بیگانه اولان اینسانلارا و نئچه آیاقلی‌لارا ساتاشیب دئییر: «سن نه دین، نه دانیش/ قوی دونیانی سئل آپارسین/ سنه نه، کیمی آسدیلار / کیمی کسدیلر/ سن نه دین، و نه دانیش؛ گامیش اول، گامیش» یعنی سنین نه کارینادی بو جامعه‌ده هانسی اولایلار باش وئردی! کیمی توتدولار! کیمی باتیردیلار، سن اؤزونده اول یالنیز. مگر سنه و یا «سیزه» اینسان دئمَک اولارمی؟ اطرافیندا نَه‌لَر باش وئرنلری دوشونوب، آنلاییرسانمی!! بلی، سن نه دین، نه دانیش، یالنیز سویونو و یئمه‌یینی دوشونن بیر حئیوان (گامیش) کیمی اولسان یئتَر و… بو قدر. ایندیکی چاغداش آذربایجان آغ شعیری لازیمدیر بوتون کؤهنه‌لیکلری، عادت و آغیر تابولاری و ایرَنج حرکتلری قیراغا آتیب و دیله‌ گلمز شکیلده، تب، تزه یوللارلا و اصوللارلا گلیشه بیلسین و عینی حالدا، اوزون ایللردیر بو بایاغیلیق اؤزونو شعیریمیزین یاخاسینا یاپیشدیریبدیر و چکیب مین یوز مئتیر قویولاردا قویلانسین.‌ بو گئری‌لیکلر یالنیز شاعرین اؤزونه راغمن باغیمسیزلیغینا و مئتافورا دیلینه، بدیعی بیرلشمه‌لره، نورمالاری سیندیریب پوزماقلارلا و… مومکون اولا بیلیررررر: هارا گئدیریک؟! باغری یاریلیر قیزیل داغین، کامیون‌لار قانلی گؤز یاشی داشییر‌لار. سؤکولور سینه‌سی عینالی‌نین سس‌سیز- سمیرسیز، ملول- ملول باخیر آنا تبریز ….. گؤره‌سن بیز هارا گئدیریک؟! گؤره‌سن بیزی هارا آپاریرلار؟! و یا…: آاا………..ی نا ااااااااااااااایلون باششششماق کؤؤؤؤؤؤؤؤؤؤؤؤهنه روح ح ح قاب- قاشیق آلیرام و عؤمورومو بیرتیکه یاوان چؤره‌یه بو شه‌هرین سئوگیسیز کوچه‌لرینده ساتیرام!! و یوخسا…: یورقون آتلار آرابالاری داشییان کیمی قارا گونلری داشییرام کیمه دئییم ؟ نئجه دئییم ؟ سنسیز وطنده وطنسیز، وطنده نئجه یاشاییرام. بؤیوک عرب شاعری نزار قبانی شعرین نئجه‌لیی و شعرین شعریتی حاقیندا دئمیشدیر: (شعرین گؤره‌ویلییی «وظیفه‌سی» ایلهام وئرمک و دیَیشدیریلمَکدیر.) … اونون گؤره‌وَسی اینسانی اؤزونه، دریسینه، سوموکلَرینه و تاریخه و اینسانین ایچینده یووا قورموش یاراسا «خفاش» یوواسینا قارشی، اویاتماقدیر. شاعر دونیانین سیماسینی دَییشمه‌یه گلیر. همچنین اگر دونیا توخونولماز قالسا (یعنی شاعر جهاندان باشقا بیر دونیا یارادا بیلمه‌سه) یقین بیلین کی؛ بو شاعرین فیکری کؤهنه‌دیر. اینامی کؤهنه‌دیر. کیتابلاری کؤهنه‌دیر. میثال و نمونه‌لری کؤهنه‌‌دیر و کؤهنه باخیشلار تقدیم به ائدیر. ایندیسه، دئیین گؤروم بو شاعرین نه فایداسی وارمی؟» دئییر: «منجه، بیر تاختا اوستول اوندان داها چوخ فایدالیدیررررر.)

بیر نئچه شعر؛ بیر تنقیدسل اوخونوش؛ «کریم قربان‌زاده» کامیل قهرمان‌اوغلو مقاله‌ هاوادان قان دامیر، زامان ظولمت قوخویور قان دامیر شَه‌هرین سینه‌سیندن عصیان یاییلیر شَه‌هرین سسیندن. سس باتیر گؤز باتیر ساپ- ساری گونش باتیر؛ یئنه مین قهرمان کیتابلارین سینه‌سینه جالانیر، یئنه اوره‌ک‌لر آلوولانیر. یانیر یانیر… اوتوروروق دوروروق گئدیریک گلیریک اللریمیز دویونله‌نیر، اوره‌کلریمیز قیزیشیر؛ گؤزلریمیز یولدا قولاقلاریمیز سس‌ده باغیریریق: قادین، یاشام، آزادلیق؛ یاشاییر وطن یاشادیر بیزی، گورلادیر نفسیمیزی. کریم قربان‌زاده بوگونکو و ایندیکی چاغداش آذربایجان شعرینده، گرَه‌کلی یئنیلیکلر اساسن دیلده خیالدا، فورما و شکیلده، قورولوشدا، معنا و مضموندا اولاراق، بو باخیمدان داها چوووووخ اؤنملی‌دیر. بلی، ایندیکی چاغداش آذربایجان ادبیاتیندا اؤزلجه‌سینه شعرینده ائله شاعرلر وارکی، سؤزلرینده و یارادیجیلیقلاریندا، بدیعی دیل دَیَرلرینه دقت یئتیرمه‌سی و اونلارین سوسیال و اِئتنیک و ایرقی آغریلارا موراجعت ائتمه‌سینه مانع اولمامیشدیر. هابئله، حقیقتی اؤز آماج مقصدلرینه اویغونلوغا قوربان وئرمه‌میشدیررررر. آرتیق آذربایجانین یئنی شعری و اجتماعی دوراقلیغی بو دفه‌ کئچمیشلرین دیل و شاعرلریندن داها آخیجی و ظریف بیر دیل‌ایله بؤیوک لیاقته مالیک اولاراق، اعلا سوییه‌ده اؤزونو و ماهیتینی گؤسترمیشدیر. بوگونکو شعرین بو قولو ساده‌، لاکین چوخ درین دیلله بدیعی دانیشمان شکلینده خالقی اویاتماغا و اونون ایدئاللارینی و آرزولارینی سؤیلمه‌یه چالیشیر. بو شکیلده چاغداش شعر، سوسیال دوشونجه‌لر فردی حیسس و مسئله‌لری عوض ائتمیشدیر: او جومله‌دن؛ اینسان آزادلیغی، عدالت آختارماق و فداکارلیق و عدالتسیزلییه قارشی موباریزه آپارماق یارادیجیلیغین مقصد و وظیفه‌‌لرینه دقت یئتیرمک آردیجیلدیر. لاکین دیگر اؤنملی مسئله‌لرله یاناشی، آذربایجانین بو چاغداش شاعرلرینین بیر چوخ شعرلرینین مؤوضوسو و مضمونونو شهر، شهرچیلیک، کند، وطن، هومانیتارلیق، سئوگی و ظولم، برابرلیک و…دیگر محتوالاردان سؤز آچیب دانیشیر: شهرده سئوگی قیتلیغی وار ائولرده چؤره‌ک وطنده باهار شهرده ایشیق قیتلیغی وار… سورویه – سورویه آپاریرلار گونشی دار آیاغینا حؤکوم وئریبلر اونا نفس قیتلیغا دوشوب هارای چارمیخا چکیلیب بو یئرین سینه‌سینده قیزیل – قیزیل اولدوز اکیلیب. گؤزه‌للیک و یاراشیق دوگونلویو هر بیر شعر اوچون لازیمدیر و شعر اولدوغو اینانجی‌ایله گؤزه‌للییه احتیاجی وار . شعر گؤزه‌للییینین چوخلو عامیللری اولاراق، هر بیر دؤورده هر بیر شاعر شعرینی بو ایفاده‌لرله و گؤزه‌للیکلرله بَزَمَه‌یه داها جان آتیب وچالیشیر. سئوگیلی شاعر کریم قوربانزاده اؤز یارادیجیلیغیندا و شعرینده‌کی اوبرازلیلیق و بنزتمه‌لر و یابانجیلاشمالار و حیسسلر و پارادوکسالار و اوزاق ایمگه‌لرله، حقیقی معنادا تورک ادبیاتینا اهمیتلی خیدمت گؤستریر. سایین شاعر کریم بئی قوربانزاده خیال اِئلِمِنتلرینین بوتون یاراشیقلاریندان استفاده ائده‌رک، تب، تزه و یئنی باخیش بوجاغی‌ایله شعرینی، هر زامان رایج و عنعنه‌وی شعرینین تکرارلانان اوبرازلاریندان بوراخیب و آزاد ائتمیشدیررررر. هابئله، سارسیلماز جسارَت‌ایله، اورژینال و یارادیجی اوبرازلار یاراتماغا اوغورلار تاپمیش‌‌دیررررررر. لوطفن دئدیکلریمه رغمن بو شعری اوخویون: وطنی گیزلتمک اولسایدی اگر بارماق دره- دره اوغورلویاردیم بیرگون و آپاریب گیزلدردیم ظالیملر الیندن قیزیل گوللر آراسیندا آغ قوشلار سیراسیندا اوشاقلار گولوشونده و آنالار اؤپوشونده. بلی، وطنینی نانکورلردن و دوشمنلردن تومورجوقلار آرا، قوشلار آرا و آنالار گولوشونده گیزلدیب ساخلایان شاعر سایین کریم بئی، شعرینین آغیر و آخیجیغیلیغینا گؤره، بعضی چاغداش شاعرلردن فرقیلی و باشقا باخیشلی‌دیررررر. بو معنادا متفاوت اولان آغریلی و اضطرابلی یومورون بیر حیصه‌‌سیدیر. عینی زاماندا جیددی و اؤنجول بیر شاعر حسابلانیر. همچنین بیر سوسیال و مدنی، اجتماعی و سیاسی دوشونجه‌لره صاحیب اولان یازیچی حِسابا گلیر. بورادا آرتیق دئمک لازیمدیر اونون شعرینده عاطفه و دویغولار، دوشونجه‌لر و خیال بیر، بیرینه قاریشدیغی اوچون، لطیفه‌‌لری و حیکایه‌لری هئچ بیر شکیلده اونون دویغولارینی دقتدن قیراقدا قویمور و حیسسلرینی، سؤزلرینی و فیکیرلرینی ایفاده ائتمکدن چکینمیر. دئمک؛ پئشه‌کار شعر، شاعرین و توپلومونون دیلکلرینی، دوشونجه‌لرینی و ایستکلَرینی عکس ائتدیریر، بئله‌لیکله، شاعر یاشادیغی جامعه‌‌سینده گؤرنده‌کی، توتالیتار حؤکمدارلار طرفیندن سیخیشدیریلیب و بونلار خالقینا گؤره یوخ، بلکه هر شئیی یالنیز اؤزلری اوچون ایسته‌ییرلر، و میللَتینی اؤز حاقسیزلیقلارینا قوربان وئریرلر، بو دوروما دایانمادان، قَلَمینی قیلینج ائدَرک، نه اؤز دؤورونده و نه‌ده باشقا بیر زاماندا دایاندیریلماسی مومکون اولمایان بیر فیرتینا یارادیر.

بیر نئچه شعر؛ بیر تنقیدسل اوخونوش؛ «کریم قربان‌زاده» کامیل قهرمان‌اوغلو مقاله‌ https://t.me/Adabiyyatsevanlar

شعر و سس : دکتر فریبا ابراهیمی ( آفاق ) https://t.me/Adabiyyatsevanlar

قدیم ماجرالاردان ✍افروز_خانیم دَللک عمومی حامامین دهلیزینده بیر کیشی‌نین کوره‌یینی سورتَرکن اونا شوخلوقجا: - آتام رحمتلیک، سیزین دده- بابا ارمنی اولدوغونوزو دییَردی. قوچاغین بیری ده شوخلوقجا آرخادان کیشی‌نین قاباغینا الینی اوزادیب، ارمنی اولدوغونو یُوخلاییردی!... بو حئینده دوواقلی بیر قادین حامامین قاپیسیندان ایچری گیریب کیشی‌لری وئجینه آلمادان خوش- گولانای حاماما کئچیر، دوواقینی آچاندا، باجیلارین یئرینه لوت، فیته‌لی کیشی‌لری گؤرور! کیشی‌لر ده آروادی بورادا گؤردوکده تعجوبدن گؤزلری دؤرد اولور! تپه‌لرینده آز قالیر بوینوز بیتسین! قادین سهوینی باشا دوشوب، قاپینی تای-دییشیک سالدیغینی آنلاییر، اوزونه بیر شاپالاق چکیب، اورکدن قیشقیریر. تَلَسدیکدن دوواقینی اؤرتمه‌دن توو-دابانا حامامدان ائشیگه قاچماق ایسته‌ییر. قاچاندا حامامین قاپیسیندا قونشو کیشی ایله اوز- اوزه گلیر، کیشی‌ ده نه اولدوغونو باشدان گئدیب، قونشو قادیندان نه‌دن قورخدوغونو، رنگ اوروفونون قاچدیغینی و چیغیردیغینی سوروشور. قونشو قادین الینی، باشینی یئلله‌یه‌رک بیر داها برکدن  قیشقیریر، ایسته‌ییر قاپیدان چیخسین، قونشو کیشی ایندی ماجرانی باشا دوشوب، باشینا بیر بامباچا سالیب، " دین اَلدن گئتدی"،- دئییب، او دا قیشقیریر. بو دفعه قادینلا، کیشی اوتاندیقدان بیربیرینه یول وئره بیلمیرلر، بیری هایانا کئچیر او بیریسی اونون یولونو کسیر، او بیریسی هایانا کئچیر بو بیریسی یولونو کسیر... لاپ بئله پیشیک- سیچان اویونونا دوشورلر. نهایتده قادین بیر پیشیک یولو تاپیب، کیشی‌نین قولتوغونون آلتیندان قاچیر. بونلارین قیشقیرتیسینا گؤره‌سن نه حادیثه اولوب دییه بوتون کیشی‌لر جانلاری‌نین قورخوسوندان، فیته‌لی سالونا تؤکولورلر. حامام صاحیبی نه اولدوغونو سُوروشور، آمما کیشی‌لر اونو سایمازدان قاپی‌یا یوروش گتیریب، سیخناشا- سیخناشا حامامدان لوت خیاوانا تؤکولورلر. سانکی قیامت‌دیر هرکس جانی‌نین هایینا قالیر! جاماعات لوت‌لری گؤره‌ن باشلارینا ییغیشیب نه اولدوغونو سوروشورلار. سونرا امنیت پُلیسی گلیر، خلاصه شَهَر چاخناشیب، بیربیرینه قاریشیر. حامامین خبری بوتون بالاجا قصبه‌یه یاییلیر. آمما او قادیندان باشقا ماجرانین اصلینده نه اولدوغونو کیمسه بیلمه‌ییر! اخلاقی نتیجه: شامی آغیر یئییب، در حال یاتمایین، یوخسا یوخونوز بئله سَر-سفئه اولار. https://t.me/Adabiyyatsevanlar

    «ۉارلؽق» نه دیر؟     «فارابی» ۉ «هاێدگر»ین باخؽملارؽ «ۉارلؽق» حاققؽندا؟     رحمان پوراکبر خیاوی(روشن خیاوی)       فیلولوژی، Ph.D    «فارابی،مۆعللیم ثانی» بیرینجی فیلسوف اوْلموشدور کی، «ۉارلؽق»ؽ «اؤزلۆلۆک»دن(اؤزلۆلۆک-ماهیت-ایچلیک) آراێؽب ۉ فرقلندیریب، ۉ بو ایکی مؤۉضوعنو فلسفه نین ان ێۆکسک ۉ اؤنملی مسئله سی ۉ پروْبلئمی ساێؽب.    فارابی ۸۷۰ اینجی میلاد ایلینده آنادان دوْغولدو، (۲۵۷/۹قمری ایلینده)،    هاێدگر ۱۸۸۹ اینجی میلاد ایلینده دۆنێاێا گؤز آچدؽ. بو ان مؤحتشم ۉ بؤێۆک فیلسوفلار، گؤرۆندۆێۆ کیمی، ۱۰۱۹(مین اوْن دوْققوز) ایل بیر بیریلن زامان فاصیله سیله دۆنێاێا قدم قوْێموشلار. بو قه در ایل البته کی آز ایل دئێیل، باشقا سؤزده، بو ایکی فیلسوف اوْن قرن آرا ایلن آنادان دوْغولوبلار. فارابی اوْرتا آسێادا، ۉ هاێدگر آۉروپادا. فارابی دۆنێاێا گؤز آچان عصرده، جاماعات آت، ائششک ۉ ده ۉه ایله، اؤلکه لر آراسؽندا سفر ائدیردیلر ۉێا بو اؤلکه دن اوْ اؤلکه ێه کؤچۆردۆلر، ایندیکی تئکنوْلوْژودان هؽچ بیر نیشان ێا خبر ێوْخ ایدی. آما هاێدگرین ێاشاێؽش عصرینده، جاماعات چوْخ اؤلکه لرده داها چوْخدا آتؽ، ائششکی ۉ ده ۉه نی اصلا تانؽمؽردؽلار، آنجاق اوْنلارؽن ێا آدلارؽن ائشیتمیشدیلر، ۉێا تیلۉیزێادا شکیللرین گؤرمۆشدۆلر، ۉێا اوْ حئێۉانلارؽ «حئێۉانلار باخچاسؽ»نا(باغ وحش) گئدیب گؤرمۆشدۆلر ۉ گؤرۆردۆلر. دئمک فارابی گلنک چاغؽنؽن(عنعنه دؤۉرۆنۆن) فیلسوفو اوْلموشدو، آما هاێدگر تئکنوْلوْژیێا-صنعت ۉ موْدئرنیته چاغؽنؽندا(مۆعاصیرلیک دؤۉرۆنده) ێاشامؽشدؽ. فارابی بیر اعتیقادلی مۆسلمان فیلسوفوایدی، آما هاێدگر بیر اعتیقادسؽز ۉ عئێنی حالدا کریستیێان دۆنێاسؽنؽن فیلسوفوایدی!...ۉ البته هاێدگر ایکی بؤێۆک دۆنێا مۆحاریبه سین گؤرۆب ۉ شاهید اوْلموشدور...     ێوخارؽدا دئێیلن سؤزلردن اساس مقصد بودور: مین ایلدن آرتؽق زامان فاصیله سیله ێاشان ایکی مؤحتشم فیلسوف، هر بیری اؤز عصرینده ۉ اؤز ێئرینده، فلسفه نین اساس ۉ بیرینجی مسئله سین «ۉارلؽقؽ-ۉوجودو» بیلیب ۉ ائعلان ائدیرلر. اوْنلار ۉارلؽقؽ- ۉوجودو، ۉارماندان-مؤۉجوددان فرقلندیریب، ۉ دئێیرلر: فیلسوفلار ۉارلؽغؽن ێئرینه، ۉارمانی-مؤۉجودو اساس توتماقلا، بؤێۆک ێانلؽشا دۆچار اوْلوب ۉ آزؽخؽبلار.    ایندی بو فیکری اوْرتاێا قوْێماق اوْلار: بو ایکی فیلسوفو، ێعنی فارابی نی مین اوْن دوْققوز-۱۰۱۹ ایل بوندان اۉل، ۉ هاێدگری، ۲۰اینجی میلاد عصرینده، دۆشۆنجه باخؽمؽندان ۉ فلسفه آنلام ۉ فیکیر چرچیۉه سیندن، بیر بیری ایله نئجه مۆقاێیسه ۉ قارشؽلاشدؽرما اوْلا بیلر؟. بو ایش نئجه مۆمکۆندۆر؟ اصلا بئله بیر قارشؽلاشدؽرمانؽن ۉ مۆقاێیسه نین ایمکانؽ ۉارمی؟ ۉێا بئله بیر قارشؽلاشدؽرمآ، اؤز اساسؽندا بیر دۆز آراشدؽرماێا ێوْل ۉئره بیلر؟...     بو سوْرقولارؽن جاۉابؽ بئله اوْلا بیلر:      داۉامؽ ۉار... قایناق:آکادمی مشکین https://t.me/Adabiyyatsevanlar

رضا_کاظمی حئکایه ...ایستیکان الینده، یئریندن دوروب کاناپه‌نین اوستونده ایلشدی. سؤنوک تلویزیونون قاباغیندا. سس کیشی‌نین باشینا دوشوردو، قولاقلارینی توتوب گؤزلرینی یوموردو. بو نئچه آیدا تلویزیونو یاندیرسایدیلار دا، خودونو آخیرا کیمی آلیردیلار. ائله او جور اخبارا باخیردیلار، فیلم‌لره، هابئله او سئودییی عایله وئریلیش‌لرینه. اوشاقلار کوچه‌ده توپ اویناسایدی، اؤزو گئدیب اونلارا بیر سؤز دئییردی. کیشی دای قاباق‌کی‌لار کیمی منه دئمزدی ائله‌نچی قاپیدان بویلانما. اوغلانلار چیخیب آیری یئره گئدن‌دن سونرا، هر یئر سس‌سیزله‌شیردی. قابلاری یویاندا، اونلاری بیر بیر توتوردو سویون آلتینا. سس‌لرده بیر بیر ایتیردی او ائودن. بو سس‌سیزلییین اورتاسیندا، قورتوم قورتوم چایینی ایچدی. کونترولو الینه گؤتوروب تلویزیونو آچدی. سس‌سیز-سمیرسیز فوتبال اویناییردیلار. تلویزیونون سسینی بیر درجه اوجالتدی، ایکی درجه، اوچ درجه. یئرلی کانالدا ایکی اوچ نفر سس‌سیزجه بیر بیریله دانیشیرلار. تلویزیونا سس وئردییینده، بیری نه‌سه پیچیلداشیر. بیر آز دا سس وئریر. نم‌هانسی سرطاندان سؤز گئدیر. کیشی دئییر: بیزیم شهریمیز دونیانین لاپ اوّل روتبه‌سینده قرار تاپیر... دوکتورا دئدی: نئچه آی دیری قالا بیلر؟ کیشی مرضین سبب‌لرینی ساییردی. کانالی دییشدی. تئز تئز دییشدی. ابراهیم تاتلی‌سس‌ده ال ساخلادی. قدیمی بیر تورکو اوخویوردو. بیر آز قولاق آسدی. بونون سسی دیواردان کئچیب قونوم قونشونون قولاغینا چاتسا، اؤزلری‌نن نه فیکیرله‌شرلر؟ ابراهیمین سسینی کسدی. اری یورغان دؤشه‌یه دوشمه‌میشدن قاباق، اونون شولارینی الدن وئرمزدی. من ده اوننان ایله‌شیب باخاردیم. حتتا اونون اوستونده باجاناغی‌یلا نئچه آی کوسولو قالدی. باجیسی اری دئمیشدی: فقط تیریه‌کی شوفئرلر بونا قولاق آسار! ابراهیم آغزینی آچیب یوموردو. سرطانی دیل‌لره دوشندن سونرا، باجیسی اری موبلین اوستونده، دومبله‌دوز او ایلشدییی یئرده ایله‌شیب دئمیشدی: بیزه باخه! او ایتیمدن ساری بیر بیریمیزنن سؤزه گلمیشیک. اری قاییتمیشدی: من‌ده ابراهیمین اورژینال سی‌دی‌لری وار، بوردا دییَم هامی ائشیتسین... اؤلندن سونرا هامی‌سی سنه یيتیشه‌جک! ابراهیم گولدو. قاپ‌قارا بیغلارینی قیرخسا، اصلن سسی ده دییشیلر. اری آخیرلاردا داها اوز باشینی وورموردو. دوداقلاری اوزون بیغلاری آلتیندا گیزلنمیشدی. دانیشاندا، کلمه‌لر گوجله توک‌لرین آلتیندان ائشیدیلیردی. گرک قولاق یاتیردیردیم اونون آغزینا. ابراهیم آیری بیر ماهنیدا نئچه ایل ده جاوانلاشدی. بیغلاری یئنه یئرینده ایدی. تلویزیونو سؤندوردو. گئدیم بیر زاد آلیم گلیم. ایستیکانی‌میزین اوستونه قویوب نه آلاجاغینا دوشوندو. بو گون‌لر بهانه‌سیز ائشییه چیخماق اولماز. قونوم قونشو گؤز اولوب آددیم آددیم اونو گؤزله‌یه‌جک. آیاغا دوروب یخچالا ساری گئتدی. قاپینی آچدیغیندا قالمیش پیچاق‌قیمه اییسی بورنونا دیدی. نئچه گوندن قالمیش پیچاق‌قیمه هر نه‌دن چوخ قوورولموش سوغان قوخوسو وئریر. یئمک قابینی گؤتوروب ایچینده‌کینی بوشالتدی نایلونا. بو دا پیشیک‌لرین گئجه یئمه‌یی. میوه قابی بوش ایدی. ایسراغاگون باجیسی پیچاق‌قیمه گتیرنده، اونا دئمیشدی: دای غذا زاد گتیرمه، اؤزوم باشلارام. باجیسی سو ایچمه‌یه یخچالی آچیب دئمیشدی: ماغیل بیر آز دا میوه‌دن زاددان آلیب گتیریردیم. دئمیشدی: دئدیم کی، دای هئچ زاد گتیرمه. یخچالین قاپیسینی باغلادی، گئدیم بیر آز آلما آلیم. ائوین سوکوتوندا گئتدی خیابان باشینداکی دوکاندان ایکی کیلو آلما آلدی. اوره‌یینده ده دئدی ایکی کیلو منه چوخدو، آنجاق همیشه‌کی کیمی ائله ایکی کیلو ایسته‌دی. سونرا پولونو وئردییینده دایاندی. دوز اوتاغین اورتاسیندا دایاندی. حتمن اونو تانییاجاقلار، باش ساغلیغی وئره‌جک‌لر، پولونو آلماماقدا دا یالاندان تعاروف ائله‌یه‌جک‌لر. گئدیب چرچی‌لردن آلارام. دایاندی آینانین قاباغیندا، الینی اوزونه چکدی؛ سونرا بارماقلاری‌یلا قاش گؤزونو سیغاللاماغا باشلادی، یاناقلارینی، دوداقلارینی. آغزی‌نین بیر بوجاغی اوچوقلامیشدی. ارینی گؤزونون قاباغینا گتیره گتیره، روژلاری‌نین بیرینی گؤتوردو الینه. هئچ واخت پیس خبرلری او رحمت‌لیک‌دن گیزله‌ده بیلمزدی. ائوه چاتجاغین دوداغی‌نین اوچوقلاماسینا زیلله‌نیب سوروشاجاقدی: نه اولوب؟ آینادا دوداقلارینی بیر بیرینه سورتدو. نه قدر ده روژ یاخسایدی، اوچوقلاماسینی گیزله‌ده بیلمه‌یه‌جکدی. بو سئری اوچوقلاماسی لاپ درین بیر یارا سالمیشدی. بیر آز دال دالی گئدیب اؤزونه گئندن باخماق ایسته‌دی. یوخ، بیر آز چوخ اولدو... https://t.me/Adabiyyatsevanlar

زليمخان يعقوب بیر دیوان شعری آی قلمیم ائله یاز کی صؤحبتینه سؤزونه، صنعتکارین سازینداکی تئل برک آللاه دئسین. خلق اوجالدار صنعتکاری خلق اوچون یانماق گرک ائله یانکی آتشینه کول برک آللاه دئسین. من شاعیرم دئین کسین  اوره یی کؤزدن گرک آغیر اولسون اینجیمه سین هر قورو سؤزدن گرک قیمتینی ائل ایچینده سالماسین گؤزدن گرک یئري ینده آرخاسیجا ائل برک آللاه دئسین. آی«زلیم خان» دریا اولسان دئه داملادان آزام من گل اؤزوندن دم وورما کی یایام - قیشام - یازام من تئل اولمامیش سؤیله مه کی بیر صدفلی سازام من بو گئدیشه دوداق گولسون دیل برک آللاه دئسین. https://t.me/Adabiyyatsevanlar

تیکمه داشلی خسته قاسیم-داستانلار و ... (2) حاضرلایان: عیوض پورحسن ناشر/ نباتی - آذرتوران بیچیم/ رقعی/ صفحه سایی 712 جلد سایی/1000 بیرینجی چاپ /1403 قیمت /500000 تومن ساتیش یئری: تبریز ـ مابین سه راه طالقانی و تربیت مجتمع تجاری استاد شهریار زیر همکف انتشارات نباتی ـ پلاك46 تلفن35547510 https://t.me/Adabiyyatsevanlar