ادبیات سئونلر

اوستاد شهریار عؤمروُن نئجه گئچدی ؟ بیر اوشاقلیقدا خوش اولدوم اودا یئر گؤی قاچاراق قوش کیمی داغلار اوچوب ، یئل کیمی باغلار گئچدی صونرا بیردن قاطار آلتیندا قالیب ، اوستومدن دئیه بیلمم نه قدر سئل کیمی داغلار گئچدی اوره‌گیمدن خبر آلسان : « نئجه گئچدی عؤمرون ؟ » گؤز یاشیملا یازاجاق «من گونوم آغلار گئچدی» https://t.me/Adabiyyatsevanlar

توتقون زليمخان يعقوبون « بير اينسان سئوگيسي ؛ بير آللاه عشق » باشليقلی شعرينه جواب اولاراق؛ بير «اتحاف» غم ، کده‌ر قلبينده آتـاراق بــوداق آليشيب ايچينده سانـکي بير اوجاق آپ آيـدين دويولور يـازيـلاريندا توتوبدور ايستکدن، سئوگيدن بوياق يقين کي باغريندا ساليبدير يـاتـاق بيـرانسان سئوگيسي، بير آللاه عشقی ملــي تعصوبـــون، ملــي غيره‌تين مللته خـــدمتــدي قصديـن ، نيتين ايکييه بــؤلونموش بـــو اوره‌ييمده يئر ساليب اؤزونـه سايقين ، حؤرمتين وئــريبـــديــر اليوه قلمدن يـاراق بير انسان سئوگيسي، بيـر آللاه عشقی وورغونسان ائليوه«وورغون» ساياغـي سارسيلتماييب سني قيشين سازاغـي ده‌ده علسگـــرين، ده‌ده شمشيريـن سنده‌دير هنـري ، سنده جاينـاغــی يانـديـريب قلبينده ايشيقلی چيـراق بير انسان سئوگيسی، بير آللاه عشقی هله‌ده آغـلاديــر منـي شهـريـار باخسان اوره‌ييمده «سهند» داغی وار منجه بختيارسان شوکـورلـراولسون سنين بالاشين» وار ،«بختيارين» وار ساخلاييب اونلاري گؤرنئجه قيبراق بير انسان سئوگيسي، بيرآللاه عشقی شاعــري قوش کيمي قـانـادلانديران شعرين دويغـوسونـو قلبـه دامـديران تميز باخيشلاردا ، پـاک اوره‌کلـــرده محبت فنــرين چـاخيب، يـانـديـران اينجه بير احساسي پاي وئـريب آنجاق بير انسان سئوگيسی ،بیر آللاه عشقی يوسفی قـورتـاران آلچاق بـازاردان موسانی فرعـوندان ، عيسانی داردان نوحون گميسينه وئـريبــدي نجات حاققين گيزلي الــي، ده‌لي دريادان خئيبرين قـاپسين ائيــله‌دي قـالپاق بيرانسان سئوگيسي، بير آللاه عشقی بيلميرم نـه واردي بو دوغما ديلده دانيشاندا گولورگولشنده گــولـده خلقتيـن تملــي قــويـولان زامان آخيب اوره‌کلــره دئمــک ازه‌ل‌ده گوموشو اولدوزلو گؤيلــردن قاباق بير انسان سئوگيسي، بير آللاه عشقی

علی رشتبر قاییب منی گؤرمک ایسته‌سه‌نیز، نه گتیرسز دوز گتیرین. باکیدان بیر قارا قوپوز ، کلبجردن سؤز گتیرین. دانیشدیرین اینجه تاری، گزین اولو قاشقایلاری، سالین یولو  کاشغار ساری ، بیر دامارلیق اؤز گتیرین. ایسته‌میرم یاد یاغیندان، دونیانین دؤرد بوجاغیندان، قارداغین اوجاغیندان، بیر چنگه‌لیک کؤز گتیرین. او گون سوفره آچام گرک، سیز ده منه ائدین کؤمک، داش دربنددن ایستی چؤرک، همداندان دوز گتیرین. یوبانمایین اؤتر بولبول، دنین تؤکر ساری سونبول، اورمیادان بیر آووج گؤل، تبریزدن تبریز گتیرین. وصیتیم بودور دیندن ، قلبی یویون هر بیر کیندن، ایروانین مسجیدیندن، منه قل اعوذ گتیرین. گلین گؤرون بو لال قوردو ، پارام-پارچا اولان یوردو، آنا دیلیم چکن دردی، گؤرمک اوچون گؤز گتیرین. فیکر ائتمه‌یین روسا فارسا، یوللار بئله *دومان قارسا، وطن دادلی نه‌ییز وارسا، قاییبا یوز-یوز گتیرین. *بئله: حتی

رحیم گوزل 1 بو قدر قوهوموم وارکن آیفونومو یالنیز قبض یازانلار چالار... دئییرم آخی! نییه؟ گونو - گوندن سویا گئدیر آوروپالی‌لار!.. 2 بولودلار! تشریف بویورون، چادیر قورون - اولکه‌میزین گویلرینده - آچین بارلی سوفره‌نیزی؛ او یاغیشلی و او قارلی سوفره‌نیزی. سوز وئریریک: سیزی بیر ده بنزه‌تمه‌ریک غمه، درده... نغمه‌‌لرده.

گوی اوزونده آی دولانیر یئرده گولور ،گول چیچک گورن هاچان ،بیرده یاریم قاپیمیزدان کئچه‌جک کوسوب گئتدی یاریم منیم یوللار باتدی دومانا آخی نیه اوز عشقیمی دوز دمه‌دیم من اونا گویده‌کی او تنها اولدوز سانکی منی آندیریر دوشوندوکجه هیجران اودو اورییمی یاندیریر بلکه ایندی غم ایچینده باخیر اودا یول‌لارا آخی نیه اوز عشقیمی دوز دمه‌دیم من یارا باخاجاغمی گورن گلیر پنجره‌مه بیرده یار اورییمی سالدی منیم بیر ساغالماز درده یار گوی اوزونده آی دولانیر یئرده گولور گول چیچک گورن هاچان بیرده یاریم قاپیمیزدان کئچه‌جک https://t.me/Adabiyyatsevanlar

داشلی بولاخ https://t.me/Adabiyyatsevanlar

سئودالانمیشدی منه بیر میرده شیر زرین رزندی(طناز) اوز چوپور،گوُزلر چئری،ایسمی بشیر یئتمیشی وئرمیش باشا،یوخ دیش-میشی آل-وئری مِییت لرین عیرت دیشی _سن دول آرواد،من سوبای بیر اوغلانام قییما هجرینده یانام،من داغلانام هن دئ اولسون قیرخ مئتیر بیر دام-داشین افضل غسال لار،جان یولداشین چکمه سن کورلوق ویا قالمازسان آج جمعه لربوللو گلر حالوا-کوماج غسل وئررم من بوتون طایفا،ائلین آغ دایی هم خان عمی هم فامیلین مهریوه ساللام سنین،قیمتلی گوُر گوُرکنه وئررم تیکر باشینا تور سککه مین اولسا،کارا گلمز گوُرا سدر وکافور وکفن لازیم اوُرا _دستالاتیم یوخدو،سهمان اَر تاپام دولانام عسگر،حسن اکبر تاپام بدلیجیم اوغلانی بیلدیر گوُرموشم مویدا قیز بیلمز دیری یا اوُلموشم اَر تاپیلمیر قیزلارا،کیم دول آلیر؟ گوُر کفن،گوُرکن پولون مهری سالیر بیر کیشی،بیرکولبه یه واردیر نیاز تا وئره خشلیک ائوه گون ده بیر آز اوره گیم یوخ سوُیله دی،دیل هن دئدی لندهوُر آلقیشلادی،احسن دئدی اوُلکه ده مسکن ایشی اولسا علاج هر کس ائیلر اوُز بابیله ازدواج.

نیما به نقل‌از احمد افرادی در مقدّمۀ کتاب «خانوادۀ سرباز»، از سنگ‌اندازی‌های متولّیانِ شعرِ کهن فارسی می‌نویسد: «گفتند: انحطاطِ ادبی در ادبیّاتِ آبرومندِ قدیم رخ داده است. مدّت‌ها در تجدّدِ ادبی بحث‌کردند. شاعر، کارد می‌بست. جرئت نداشتند صریحاً به او حمله کنند، کنایه می‌زدند. ولی صداها آنقدر ضعیف بود که به گوشِ شاعر نرسید، بلاجواب ماند. یعنی فکر در سطحِ دیگر مشغولِ کارِ خود بود...»  هدایت، همین مقدّمه را بهانه‌ای برای طنزپردازی می‌کند و می‌نویسد: «شاعرِ بزرگِ دیگری [مقصود نیماست] در مقدّمۀ کتابِ «خانوادۀ بزّاز» ضمن بیانِ سبکِ خود و دشواری‌هایی که برای هر متجدّدی در شیوع‌دادنِ نظریاتِ تازه پیش می‌آید، می‌نویسد: «شاعر جُفتک می‌انداخت. جرئت نداشتند به او نزدیک شوند.» هدایت شعرِ «اندوهناک شب» نیما را با نقیضه‌ای به طنز می‌کشد. و نیما نیز با رویکردِ طنّازانه داستانِ کوتاهی به نامِ «فاخته چه گفت» گیاه‌خواری هدایت را دست‌مایۀ طنز قرار می‌دهد و او را «کاذبِ گُمراه‌باشی» می‌نامد.  مقصودم از بیانِ برخوردها، ظرفیتِ روانی هدایت و نیما است، که ما در روزگارِ خود فاقدِ آن انعطافیم و البته بعدتر نیما از خودکشی هدایت متأثّر می‌‎شود و می‌نویسد: «او (صادق هدایت) مُرد و من به خوابِ فکریِ خود فرو رفتم» و در یادداشتِ دیگری او را نویسنده‌ای وطن‌دوست که برای ایران نوشته کنارِ ابراهیم پورداوود و ذبیح بهروز می‌گذارد. نیما بیشتر مجالِ همدلی و همراهی و درکِ دیگری را نسبت به هدایت داشته است، با نوشتنِ نامه‌ای چندصفحه‌ای به هدایت، با تحلیلِ استیل و پرسوناژهای داستان‌های او نشان می‌دهد که دوستی لزومأ به دوست‌بازی‌های مبتذل در تعریف و تمجید منجر نمی‌شود. هرچند نیما برخوردِ هدایت در درونِ کنگرۀ نویسندگانِ ایران ۱۳۲۵ با خودش را نوعی خودپسندیِ هدایت برای بزرگ‌ترشدن می‌داند! امّا در جاهای دیگری از خودکشی هدایت سخت متأثّر می‌شود، منتها نیما مسیرِ خودکشی هدایت را انتخاب نمی‌کند، امّا افسردگی و رنجِ یک فردِ پیشتاز را چونان هدایت، در یادداشت‌های روزانه‌اش انعکاس می‌دهد. برگرفته از: صفحۀ فیس‌بوکِ نویسنده https://t.me/Adabiyyatsevanlar

نیما و هدایت؛ اثرِ دوستی و همکاری آرمان میرزانژاد نیما و هدایت که هر یک دروازه‌های مُدرنیسمِ شعری و داستانی را در ادبیّاتِ ایران گشودند رابطۀ دوستانه‌شان طبق روایت‌های تاریخی در مجلّۀ موسیقی در ۱۳۲۰ با همکاری آغاز شد. نیما و هدایت در آن مجلّه آثاری از خود را منتشر می‌کردند. هدایت در مقاله‌ای با عنوان «شیوه‌های نوینِ شعرِ فارسی» برخوردِ انتقادی و طنزآمیزی با مقولۀ شعرِ جدیدِ نیما دارد. 

مهناز. ص. آیتای بو قورخولو بوغاناقلاردا من قالان دئییلم و عؤمروم اوسته پاییز کؤکلی یم سولان دئییلم چیچک له ال - اله وئرمیش گونش یولون گزیرم و دوغرو سال سحرم چن کیمی یالان دئییلم بوگون گولوش اته ییمدن گولو داغیتدین سا دومان قاتیب باشیمی گؤزلری دولان دئییلم سئوینج له دولودور کؤنلومون ائوی _ ائشیگی اؤترگی یول - یولاق اوستونده من تالان دئییلم شیرین یوخو تاپیرام من یازین آدی له بوگون منیم دیلیم آجی دیرسا اؤزوم ایلان دئییلم پاییز گؤزومده یاغیر، ایسلانیر ترانه لریم کامانچا تک سؤزومو _ سیرریمی چالان دئییلم یازیر _ پوزور منی عشقین قلم، کاغیذ باراتی یانیقلی سؤزلری بیر _ بیر ساتیب ،آلان دئییلم نفس چکیر اوره ییمده رومانتیک اوزلو شئعیر من "آیتای" ام غزلین تئللرین یولان دئییلم. https://t.me/Adabiyyatsevanlar

حیدر عبادی سنی چیلیم چیلپاق شهرین یؤرقون  آغاجلارینا قازاجاغام باغیشلا منی بالتالارین دادینی داداجاقسان قورویاجاقسان  سیناجاقسان قار دا گله جک دوناجاقسان دؤزوملو اول یاز آخشامی چینار آغاجیندا چیچکله نیب گول آچاجاقسان گوله جکسن ساچلارین   یئللرده   اسن  یاپراق قوللارین  قووتلی بوداق اولسون آیاقلارینا موحکم دایان آسیلاندا  قوللاریندان آسیلماق ایستردیم  https://t.me/Adabiyyatsevanlar

«ادبی کؤرپو (آیلیق ادبی درگی) ۴۲ ▪️ مولف: سخاوت عزتی ▪️ ناشر: الکترون نشر ▪️ نشر تاریخی: آبان 1404 ▪️ صحیفه سایی: 34 صحیفه ▪️ دیل: آذربایجان تورکجه‌سی ▪️ رسم‌الخط: لاتین الفباسی دانلود (3 مگابایت) بو آدرسدن ائندیره بیلرسیز https://ishiq.net/kitab/37318

افروز خانیمین خبر آگنتی🗣 ✍:افروز خانیم الینی اوزونه وئریب، بیر واراق آغ کاغیذ ماسانین اوستونه قویوب، بیر نئچه آد ساغدا، بیر نئچه‌سینی سولدا یازیب، اَیری خط‌لرله بیربیرینه پاپیشدیریر. - یئنه نه فیکیره دالیبسان افروز خانیم؟!  گمی‌لرین غرق اولوب می؟! باشینی واراقدان قووزاییب فیکیرلی اوزومه باخیر: - بیلیرسن سحر خانیم؟ منجه ایندیکی زاماندا هر بیر یاخشی‌لیغین، بؤیوتمه‌نین، خیدمتین آرخاسیندا بیر منفعت یاتیب. - یاخشی، فلسفه درسی دئمه گوره‌ک، منظور؟! - جانیمچون، یعنی ایندیکی زاماندا بیر کیمسه دئسه کی من بیر خیدمتی بیری اوچون تمناسیز ائدیرم، من اینانمارام. اَششی ایندی اینستاگرامین لایکی، تلگرامین کامنتی بئله تمناسیز دئییل ننه قوربان، طرف قارشیلیق گوزله‌ییر. یعنی خولاصه‌سی مثل دیر: بو زمانه‌ده ائششک، ائششگین بوینونو موفته قاشیمیر، حتمن سنه بیر خیدمت، بیر یاخشی‌لیق، بیر باشینی شیر باشینا اوخشادان وارسا، سندن ده قارشیلیق انتظاری اولور و بو قارشیلیق‌لی انتظارین بوگون ده سسی چیخماسا، صاباح حتمن طبیلی دؤیوله‌جک. نئجه دییرلر، کهلیک باشینی قارا قویلاییر دئییر بلکه هئچ کیمسه اونو گؤرمور، آمما گؤتو ائشیک‌ده قالیب قویروغو هاوالانیر. ایندی اَتین کیلوسونو بیر میلیونا یئیه‌ن آدامدان، بوگون یاتیب، صاباح قیمت‌لری دَوه بئلینده گؤره‌ن آدامدان، ریال‌لا قازانیب دلارلا خرجله‌ین آدامدان داها هئچ نه‌یی گیزلتمک مومکون دئییل، او جهنمین دیبینه‌دک گئدیب و نه‌یین نه اولدوغونو یاخشی بیلیر. بو اینترنت عصری‌نین آداملاری کیمین قویروغونون کیمه و هارا باغلی اولدوغونو گؤیده سَزیرلر". سوندا، داها ماجرانین بوراسینی اوخوجولارا سانسور ائدیرم_دئییب_، منیم قولاغیما ماجرانین نه اولدوغونو پیچیلدادی. ایندی بیز پته‌نین سووآ دوشمه‌سی‌نی و  کیمین کیمه، نه‌یین نه‌یه ایلگیسی اولدوغونو گوزله‌ییریک. امین اولون هامیسی عیان اولاجاق. خبرلرین آردینی افروز خانیمین خبر آگنتیندن گؤزله‌یین. https://t.me/Adabiyyatsevanlar