ادبیات سئونلر

اوشاق ادبیاتی اوشاق ادبیاتی ملیحه عزیزپور پیشان پیشان پیشان خان پیشان هامیدان قورخان پیشان نئیه یئدین جوجه می؟ او ساری توکلوجه می سنی هارادا تاپسام گزیب ایزینه چاتسام قولاغینی بوراجام سندن آجیق اچاجام

اوشاق ادبیاتی لایلا .... https://t.me/Adabiyyatsevanlar

اوشاق ادبیاتی ۲ سئحیرلی اوزوک   ایکینجی ناغیل : « احمدین یوخوسو » یازان : علی صمدلی کؤچورن : علی آغ گونئيلی  ــ  ابرازی  کتاب :‌ ژنرالین اوشاقلیغی ) پووئست لر بؤلومو ) احمد یوخوسوندا گؤرورکی، گؤزه ل بیر یاز گونودور . کندیرینی و بالتاسینی گؤتوروب مئشه یه یوللانیر . یولو اوزاندیقجا اوزانیر ، لاله لی دوزلردن کئچیر . چه – چه ووران قوشلار احمدین باشینا ، چینینه قونوب شن – شن اوخویورلار. لاله لیک قورتاریر. احمد آغ چیچکلر دنیزینه دوشور . بوردا اونو زرناخیشلی کپنکلر سالاملاییر . زومورود یاماجلی تپه نی آشان کیمی گؤزلری اؤنونده باشقا عالم جانلانیر ، شاه قیزی قیرخ گؤزه ل قیزلا سئیره چیخیب. او، ظریف لیی ایله بوتون قیزلاردان سئچسلیر . قیزلار دوم آق ، شاه قیزی ایسه ال – الوان گئییم ده دیر . قیزلارین آیاقلاری یيره دیمیر . قو قوشلاری کیمی آستاجا قاناد چالیر یئره دیمیر ، قو قوشلاری کیمی آستاجا قاناد چالیر ، هاوادا سوزور ، شاه قیزینی ظریف اللری اوستونده آپاریرلار. احمد حئیرانلیقلابو منظره نی سئیر ائدیر، اؤزونو دونیانین ان بخته ور انسانی سانیردی . بیرده گؤردو کی ، قیزلارین دسته سی اونا چاتماقدادیر . بیر گؤز قیرپیمیندا قارشیداکی ایری پالید آغاجینا چیخدی . قیزلار لاپ یاخینلاشدیلار . احمد یارپاقلار آراسیندا گیزلندی .قیزلار پالید آغاجی نین آلتینا چاتاندا شاه قیزی اینجه سسله دئدی :  ــ یورولدوم، دینجلمک ایسته ییرم !  قیزلار اونو اللری اوستوندن یئره ائندیردیلر . یئلپازلری ایله اونو یئلله دیلر . شاه قیزی یاواشدان الینی الینه ووردو .سن دئمه ، بو ، رقصه ایشاره ایمیش . قیرخ قیزین رقصی باشلاندی . قیزلارین آیاقلاری سانکی یئره توخونموردو . رقص بیتن کیمی گؤی گورولدادی . ایلدیریم چاخدی . لئیسان باشلادی . قیزلار بیر گؤز قیرپیمیندا یوخ اولدولار . احمد اؤزونو یاغیشدان قوروماق اوچون بیر قدر آشاغی ائنیب قوجا پالیدین کوغوشونا گیردی . ــ  دور، باشینا دؤنوم، گون- گون اورتا اولدو . اودونون واختی کئچیر . ایستی یه دوشجک سن ، ــ دئیه  ننه سی اونو یوخودان اویاتدی .احمد گؤزلرینی اوووشدوروب آیاغا قالخدی . ال- اوزونو یودو. شور- چؤره ک باغلاماسینی و بالتاسینی گؤتوروب یولا دوزلدی بو خوش یوخوسونو ایسه اوزون موددت اونودا بیلمه دی . https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

حیات هر زمان سن دئین کیمی، سن سئون کیمی اولمور. محاربه، حبس، ایشدن چیخاریلماق، مهاجرت... بیر-بیرینین آردینجا گلدیلر و بو کؤچورمه ایشی منیم الیازمالاریم‌لا قیرخ ایله یاخین صاندیق‌لاردا قالدی. نهایت 1403-جو ایلده بیر داها کتابخانامی نظردن کئچیرنده، یئنه بو دفترلره راست گلدیم. ایشی بیتیرمک لازیم ایدی. بئله بیر مثل وار: «ایشی کیم گؤردو؟ او کی، قورتاردی.» ایندی، بو ایشی قورتارماق پوشگو بیریسی‌نین آدینا دوشمه‌لی ایدی. او دا، ادبیات سئون‌لر گروهونون چالیشقان عضوی، شاعر- یازیچی «ویدا خانیم حشمتی»نین آدینا دوشدو. ساغ اولسون‌لار؛ واخت آییریب یورولمازجاسینا منیک کؤچورولموش الیازمالاریمی تایپ ائدیب، نشره حاضرلادی. امینم کی، سایین اوخوجولار بو شیرین حکایه‌لری اوخویاندا ویدا خانیمین امه‌یینه منتدار اولا‌جاق‌لار. سؤزومون سونوندا آرتیرما‌لییام: تأسفلر اولسون کی، کؤچورولموش کتاب‌لار زمان کئچیدیندن اماندا قالماییب، آرا‌دان گئدیب‌لر. اونا گؤره ده الیمیزده بو کتاب‌لار حاقیندا اطرافلی معلومات چوخ آزدیر. بو اومیدله کی کتابین سونراکی چاپ‌لارینا کیمی، اورژینال نسخه‌لر حاقیندا لازمی معلوماتی الده ائده بیلیم. اردیبهشت 1404 https://t.me/Adabiyyatsevanlar

سایین کانالداشلار قارا وللیلر له آرتیق تانیش اولماق اوچون کیتابین اون سوزون تقدیم ائدیریک. کریم قربانزاده قارا ولیلر: خلقین یادداشتی، دؤرون سیناغی آذربایجان خلقی صنعتکارلیغی و مبارزلیگی اعتباری ایله تاریخین ان درین قاتلاریندان گلن قهرمان بیر خلق‌دیر. ادبیاتیندا، موسیقیسینده، مدنیتینده اؤزونه مخصوص اوستون جهت‌لری و توکنمز گؤزللیک‌لری واردیر. زنگین شفاهی خلق ادبیاتی، عاشیق صنعتی، قهرمانلیق داستان‌لاری، محبت افسانه‌لری، سایسیز- حسابسیز رنگارنگ بایاتیلاری و نفیس پوئزیاسی توکنمز مدنی بیر ارث‌دیر. بو توکنمز مدنی ارثین بیر پارچاسی اولا‌راق، شفاهی خلق ادبیاتی و فولکلوروموز حقینده یوزلرله کتاب یازیلمیشدیر. بونونلا بئله، هله ده ایشیق اوزو گؤرمهین یوز‌لر موضوع دا وار کی، اونلارا لاییقینجه آیدینلیق گتیریلمه‌ییبدیر. مودروک بابالاریمیزدان، آغ‌ساققال و آغ‌بیرچک آتا- آنالاریمیزدان بیزه میراث قالان بو خزینه‌نی قورویوب ساخلاماق و نسیل‌دن- نسیله چاتدیرماق هر بیر وطن ائولادی‌نین مقدس بورجودور. آتا- بابا‌لاریمیزین بیزه قویوب گئتدیگی قیمتلی ثروت‌لردن بیری ده «قارا ولیلر» آدلی خلق ناغیل‌لاریدیر. بو ادبی نمونه شفاهی خلق ادبیاتیمیزین اینجیلریندن‌دیر. «قارا ولیلر» داستانینین بیرینجی جلدی ایلک دفعه 1967-جی ایلده باکیدا آذرنشر طرفیندن کریل الفباسی ایله چاپ ائدیلمیشدیر. اثرین رئداکتورو گؤرکملی عالیم «ح. مهدی‌یئو» اولموشدور. حاضردا بو نادر نشرین اوریژینال نسخه‌لریندن 6 اورژینال نسخه‌سی آذربایجان ملی علم‌لر آکادئمیاسینین الیازما‌لار اینستیتوتوندا قورونوب ساخلانیلیر. کتابین ایکینجی جلدی «قارا ولیلر شن حئکایه‌لر» آدی ایله 1974-جو ایلده باکیدا نشر ائدیلمیشدیر. اثرین رئداکتورو گؤرکملی فولکلورشوناس عالیم «اهلیمان آخوندوف»، ترتیباتچیسی ایسه «ن. نقی‌یئو» اولموشدور. حاضردا بو نادر نشرین 9 اوریژینال نسخه‌سی آذربایجان ملی علم‌لر آکادئمیاسینین ادبیات اینستیتوتونون الیازما‌لار شعبه‌سینده قورونور. اوچونجو جلدی ایسه 1988-جی ایلده تانینمیش فولکلور آراشدیرما‌چیسی «حمید تکین» طرفیندن حاضرلانا‌راق چاپ اولونموشدور. بو جلدین 4 اوریژینال نسخه‌سی ده عینی شعبه‌ده ساخلانیلماقدا‌دیر. تأسف کی، هر اوچ جلدین الکترون (PDF) نسخه‌سی حاضردا موجود دئییل. سون ایللرده بو فولکلور نمونه‌لرینین مختلف آدلار آلتیندا یئنیدن نشری و یا تئاتر تماشا‌لاری شکلینده ایشلنمه‌سی حقینده معلومات‌لار دقیق دئییل. حال- حاضردا بو قیمتلی ارثیمیزین داها گئنیش اوخوجو کوتله‌سینه چاتدیریلماسی اوچون تدبیرلر حاقیندا آراشدیرما‌لاریم دوام ائتمکده‌دیر. بهمن انقلابیندان اول «بولود قاراچورلو» (سهند) و گؤرکملی عالیم پروفسور «رستم علییئو» واسطه‌سیله هر ایکی آذربایجان آراسیندا ادبی مبادله‌نین اساسی قویولموشدور. بو گؤرونمز معنوی کؤرپودن محمد راحیم‌ین مکتوب‌لاری اوزه چیخار، اوستاد شهریارین مکتوبلاری یولا دوشردی. زمانین آمانسیز شرطلرینه اوستون گله‌رک، بو گیزلی یوللا هر دفعه خصوصی سفارش‌لر اساسیندا نادر کتاب‌لار دا گلیب چاتاردی. بو ادبی علاقه‌لر اوزون ایللر دوام ائتدی؛ انقلاب‌دان سونرا ایسه داها دا گئنیش‌لنه‌رک جانلاندی. لاکن بو یول‌دان ایلک دفعه اولا‌راق، «قارا ولیلر» حکایه‌لری کریل الفباسی ایله منیم ده الیمه کئچدی. کریل قرافیکاسینی منیمسهمک اوچون خیلی واخت صرف ائتدیم. نهایت، اوچ جلددن عبارت «قارا ولیلر» داستانلارینی اوخوماغا موفق اولدوم. متن‌لردهکی حکمتلی دانیشیق‌لار، خلقین مودروکلوگو، دادلی- دوزلو ناغیل‌لار و سئوگی افسانه‌لری منی حئیرانلیق دریاسینا غرق ائتدی. بو داستان‌لار، اصلینده بیزیم خلقیمیزین اومیدلرینین، آرزولارینین ادبی تجسسومودور. کوتله‌لرین شاه‌لارین علیهینه غالب گلمه‌سی، یوخسول گنجین شاه قیزینا وورولماسی، دؤرون عقل‌لی وزیرلرینین ظلمه قارشی ایشلتدیگی مودروک چاره‌لری - هامیسی بو افسانه‌لرده اؤز عکسینی تاپمیشدی. بو ادبی ارثده هر زمان یاخشی ایله شرین، مظلوملا ظالمین، عقل‌له جهالتین، ارتجاع ایله مترقی قوه‌لرین مبارزه‌سی تصویر اولونور. خلقین مودروک‌لیگی نهایت غالب گلیر؛ چونکی بو داستان‌لار اصلینده بیزیم ملی یادداشتیمیزین آیناسیدیر. داستان‌لار ساده اولسا‌لار دا، اولدوقجا شیرین و اورهیه یاتاندیرلار. او قدهر شیرین‌دیرلر کی، باشلاسان کتابی الیندن یئره قویماق ایستهمزسن؛ اما من اوخوماقدان علاوه، بئله قرار وئردیم کی، بو گؤزل داستان‌لاری - خلقیمیزین ادبی تاریخینه، ملی وارلیغینا عاید اولان بو اثرلری – کریل قرافیکاسیندان عرب الفباسینا کؤچوروم.

بؤیوک تورک شاعری ناظم حکمت و تورک دونیاسی... پروفسور، دکتر علی قافقازییالی چئویرن: (م. صفا)                                                    (۹)     سووئت اتفاقینا سیاحت    اونلار زونقولداک-دان ترابزونا ایتالیا بایراغی آلتیندا دالغالانان "کومیلوو" آدلی بؤیوک بیر گمی ایله سیاحت ائتدیلر. ۲۱ سئنتیابر ۱۹۲۱-جی ایلده ترابزونا چاتدیقدان سونرا ناظم و والا درحال باتوم اوچون "مورور تئزکئره سی" (ترانزیت ایجازه‌سی) اوچون موافیق اورگانلارا مراجعت ائتدیلر.    اونلار حربی و مولکی حاکمیت اورگانلارینی ایناندیرماغا چالیشدیلار: "بیز اویرتمنیک. قارصا، کاظیم قارابکیر پاشایا گئتمک ایسته ییریک. مکتبلر اوچون معلم تاپا بیلمیرلر. بودور سندلریمیز. بو مؤوسومده یول چوخ چتین‌دیر. اگر گمی ایله باتوما کئچسک، قافقاز واسطه‌سیله قارصا گئتمک بیزیم اوچون داها آسان اولاجاق". ناظمین باباسینی تانییان ترابزون والی‌سینین کمکی ایله ترانزیت ایجازه‌لری آلدیلار.    ترابزوندا سیاهت ایجازه‌سی پروسه سینین تاماملانماسینی گؤزله یرکن گؤزله نیلمز بیر وضعیتله قارشیلاشیرلار. کند یئرلرینده گزیب جیغیرلا ائنرکن بیر ائوین کونجوندن دنیزچی گئییمینده بیر کیشی پئیدا اولور.    اونلارین یانیندان کئچرکن دئدی: "روسییایا گئدیرسن. روسییایا گئتدیگینی هئچ کیمه بیلدیرمه. باشینا بلا دوشه‌جک".    اونلار همین آدامین کیم اولدوغونو، روسییایا گئتدیکلرینی نئجه بیلدیگینی و یا نیه ایزله نیلدیگینی باشا دوشه بیلمه‌دیلر. ناظم بو مسئله ایله باغلی هئچ بیر فیکیر بیلدیرمه‌دی. مسئله ایله ماراق‌لانان والا دا سیرری آچا بیلمه‌دی.    اونلار ۳۰ سئنتیابر ۱۹۲۱-جی ایلده ترابزوندان کئچن ایتالیا بایراغی آلتیندا اوز‌ن بخار گمیسی ایله باتومی یه چاتدیلار. اورادان قاتارلا تیفلیسه گئتدیلر و "اوریئنت" اوتئلینه یئرلشدیلر. پوللاری چاتمادیغی اوچون تئزلیکله قووولدولار. گؤرونور، جاسوسلار اونلارا معلومات وئریبلر، چونکی بولشئویک لیدئری، گورجوستان پرئزیدئنتی مدیوانی - آنکاراداکی کئچمیش سفیر - ناظمی و دوستونو ائوینه آپاریب اونلارا قایغی گؤستریب. مدیوانی موسکوایا گئتمک اوچون قاتار ایستانسییاسینا گئدیردی. او، اونلاری اؤزو ایله آپاریب قووولدوقلاری "اوریئنت" هوتئلینه یئرلشدیردی. او، بوتون احتیاجلارینین اؤده نیلمه‌سینی تاپشیردی.    اورادا کریتدن اولان احمد جواد (ائمره) ایله تانیش اولورلار. بیر مدت سونرا باتومی یه قاییدیرلار. هوتئلده قالیرلار. شئوکت ثورئییا (آیدئمیر) ایله تانیش اولورلار.    باتوم، بیرلیک و ترققی کومیته‌سینین بیر نؤو قرارگاهی کیمی خیدمت ائدیردی. انور پاشانین عمی‌سی، کوت ال-امرادا بریتانییا ژنئرالی تووسندی اله کئچیرمه‌سی ایله مشهور اولان خلیل پاشا اورادا یاشاییردی. او، گؤل‌لو پارکی نین یاخینلیغینداکی سارای کیمی بیر ائوده یاشاییردی. اونلار تئز-تئز گؤروشور و صحبت ائدیردیلر. هم حرب‌چی، هم ده، مولکی شخصلردن عبارت چوخلو اینسان اورادا ایدی. خلیل پاشا قوناق پرور، شن و یئمک-ایچمکدن ذؤوق آلان بیر پاشا ایدی. او و بیرلیک و ترققی کومیته‌سینین عضولری ائوینین اللی و یا آلتمیش نفرین راحت‌لیقلا یئرلشه بیله جه یی بؤیوک سالونوندا توپلاشیردیلار. شؤوکت ثورئییا، ناظم حکمت و والا دا بو گؤروشلرده ایشتیراک ائدیردیلر. ناظم‌دن شئعیر اوخوماسی ایسته نیلدی و او، مشهور میللت‌چی شئعیرلرینی بیر-بیرینین آردینجا اوخودو.    ۱۹۲۱-جی ایلین دئکابر آیی ایدی. احمد جواد موسکوادان صفراوون ایمضاسی ایله تلئگراف آلدی. شرقدن گلن گنجلر اوچون آچیلاجاق مکتبده درس دئمک ایسته‌سه، درحال اورانی ترک ائتمه‌سی تاپشیریلدی. دعوت یالنیز اونون اوچون ایدی. لاکین اونونلا بیرلیکده شووکت ًثورئییانین حیات یولداشی لئمان خانیم دا، داخیل اولماقلا دؤرد نفر وار ایدی. احمد جواد ایستالینین یاخین دوستو یولداش اورجئنیکیتزه ایله گؤروشمک اوچون تیفلیسه گئتدی. وضعیتی بیلن اورجئنیکیتزه گنجلری اؤزو ایله موسکوایا آپارماغی تکلیف ائتدی.     ۱۹۲۲- جی ایلین ایول آییندا بئش دوست تیفلیسیدن قاتارلا موسکوایا یولا دوشدولر. اونلارین سیاحتی موسکوایا چاتمازدان اول تیفلیس، باکی، تیمورخانشورا، روستوو، خارکوف و کیئفدن کئچمه‌لی ایدی.    اونلارین سیاحتی اون بیر گون چکیر. چوخ چتین و تهلوکه‌لی بیر سفردن سونرا اونلار موسکوایا چاتیرلار. اونلار "لوخ" هوتئلینده یئرله شیرلر.  https://t.me/Adabiyyatsevanlar

چرشنبه گونو ادبیات سئونلر کانالیندا بؤیوک تورک شاعری ناظم حکمت و تورک دنیاسی...  پرفسور. دکتر علی قافقازییالی نوبل آکادمیک یایینجیلیک کتاب، آنکارا، 2023  چئویرن: مجید تیموری فر (م. صفا)    https://t.me/Adabiyyatsevanlar

ایضاحلار 1-حکایه کارگاهینین اویه لرینین هامیسی ایله دانیشابیلمه دیک 2-هرنفرین حکایه سیندن بیر پارچا اوخوندو 3-چوخ اوزون اولماسین دئیه تنقیدلری ضبط ائله مه میشیک https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه :ویدا خانیم حشمتی 12 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه:فرانک خانیم فرید(ایپک)11 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه: کبری خانیم میرحسینی10 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه افسون خانیم سلطانی 9 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه مهین خانیم صفری8 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 حکایه ذکیه خانیم ذوالفقاری7 چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 افسون خانیم سلطانی چکیلیش:  "کریم قربانزاده "ادبیات سئونلر https://t.me/Adabiyyatsevanlar

قادین کتابخاناسی‌نین، حکایه کارگاهی "ادبیات سئونلر گوزگوسونده1405/4/23 کوبراخانیم میرحسینی5 چکیلیش:  "کریم قربانزاده "ادبیات سئونلر https://t.me/Adabiyyatsevanlar