Oromia Communications Bureau

Dubartoonni miseensa Mana Maree Bakka Bu'oota Uummataa fi Caffee Oromiyaa waamicha nageenya taasisan ----- Mootummaan Naannoo Oromiyaa naannicha keessatti nageenyi waaraan akka uumamuuf waldhabdee jiru hunda mariifi ilaaf-ilaameen akka furamuuf qaamota hidhatanii socho'aniif yeroo garaagaraatti waamichaa nagaa dhiyeessaa tureera; dhiyeessaas jira. Kanumaan walqabatee dubartoonni miseensa Naannoo Oromiyaarraa filatamuun miseensa Mana Maree Bakka Bu’oota Uummataa fi Caffee Oromiyaa ta'an qaamolee hidhannoon socho’aniif waamicha nageenyaa taasisaaniiru. Rakkoo nageenyaan adda durummaan kan miidhaman daa'immanii fi dubartoota ta'uu kan ibsan nageenyi waaraan biyyaafi naannoo keenya keessatti akka jiraatuuf gahee isaanii kan bahatan ta’uu miseensonni kunneen ibsaniiru. Sirna Gadaa keessatti hadhooliin siinqee waraana dhaabu kan danda'aan Siinqeen kabaja, Siinqeen jalaala Haadholiin Siinqees, Siinqee qabatanii waamicha nageenya taasisu. Af Yaa'iin Caffee Oromiyaaa Aadde Sa'aadaa Abdurahmaan dubartoonni nageenya waaraa mirkanessuu keessatti gahee guddaa qabaachuu kaasuun qaamonni waamicha dhiyaate fudhachuun dhufaniif mootumman simamnnaa kan taasisaa kan jiru ta'uu himaniiru.

Bu'uuraalee misoomaa babal'isuun fayyadamummaa uummataa mirkaneessa!

Qabeenya uumamaa kunuunsuun jireenya ofii ijaaruudha