Diinii kee Anaakara (Md Ali)

የምሽት ስንቅ ለቀልብዎ❤️ [Part: ②④]👌 #ቁርኣን (وَأَن لَّيْسَ لِلْإِنسَانِ إِلَّا مَا سَعَىٰ!) «ለሰውም ሁሉ የሠራው እንጅ ሌላ የለውም፡፡» [አ-ን'ነጂም: 39]

ከሰውነታችን ላይ ማስወገድ የሚፈቀደውና የሚከለከለው ፀጉር የቱ ነው? ~~ ሰውነት ላይ የሚወጣ ፀጉርን በተመለከተ ዐሊሞች ለ 3 ይከፍሉታል። ① ይወገዱ ዘንድ ሸሪዐዊ ትእዛዝ የመጣባቸው የፀጉር አይነቶች። ለምሳሌ፦ – የብብት ፀጉር፣ – የብልት አካባቢ ፀጉር፣ – አፍንጫ ስር ያለው የቀድሞ ቀመስ ፀጉር (ማሳጠር)፣ – በሐጅ/ በዑምራ የእራስን ፀጉር መላጨት ወይም ማሳጠር ② መወገዳቸው የተከለከሉ የፀጉር አይነቶች። ለምሳሌ:– – የቅንድብን ፀጉር ማስወገድ (ከከባባድ ወንጀሎች ነው)፣ – ፂምን መላጨት (በኢጅማዕ የተወገዘ ነው) ③ ክልከላም ይሁን ትእዛዝ ያልመጣባቸው የፀጉር አይነቶች። ለምሳሌ:– – የክንድ ላይ ፀጉር፣ – የእግር / የጭን ላይ ፀጉር፣ – የደረት ፀጉር፣ – የአፍንጫ ፀጉር፣ ወዘተ በነዚህ ላይ ዐሊሞች ተወዛግበዋል። ከፊሎቹ ተፈጥሮን ከመቀየር ጋር በማያያዝ ሲከለክሉ፣ ሌሎች ግን ሸሪዐው ዝም ስላለው መሰረቱ ፍቁድነት ነው ብለዋል። ይህም በፍቃድም ይሁን በክለከላ መልክ ሸሪዐው ያልገለፀው ነገር ባለበት የመተውም ይሁን የማስወገድ ምርጫ አለው ማለት ነው። ነብዩ (ﷺ) እንዲህ ብለዋል:– ★ "ሐላል ማለት አላህ በመፅሐፉ የፈቀደው ነው። ★ ሐራም ማለት አላህ በመፅሐፉ የከለከለው ነው። ★ ከሱ ዝም ያለው፣ የተተወ (ያልተከለከለ) ነው።" [ሶሒሑ ቲርሚዚ] ስለዚህ በማስወገድም ይሁን በመተው ቁርኣንና ሐዲሥ ላይ ያልተገለፁት አይነቶች ከሶስተኛ ምድብ ላይ ያርፋሉ ማለት ነው። እናም ባለበት የመተውም ይሁን የማስወገዱ ምርጫ ለባለቤቱ የተተወ ነው። ይህንን አቋም በርካታ ዐሊሞች መርጠውታል። ለምሳሌ ያክል የሳዑዲ ዑለማዎች ቋሚ የፈትዋ ኮሚቴ (ለጅነተ ዳኢማህ) "ለሴት የሰውነቷን ፀጉር ማስወገድ ብይኑ ምንድን ነው?" ተብለው ሲጠየቁ እንዲህ ብለው መልሰዋል:– "ከቅንድብና ከራስ ፀጉር ውጭ ያለውን ማስወገድ ይፈቀድላታል። እነዚህን ግን ልታስወግዳቸው አይፈቀድላትም። …" [ፈታዋ ለጅነቲ ዳኢማህ: 5/194] በተለይ ደግሞ ፀጉሩ ባልተለመደ መልኩ የወጣ ከሆነ ለምሳሌ የሴት ፂም ወይም ቀድሞ ቀመስ ገፅታዋን ስለሚያበላሽ ማስወገድ ትችላለች። = (ኢብኑ ሙነወር፣ ሐምሌ 02/2010) የተሌግራም ቻናል፦ https://t.me/IbnuMunewor

ከኢስላም ውጭ ባለ እምነት ላይ ለሞተ ሰው ምህረት መጠየቅ! ~~ ኢስላምን ካወቀ በኋላ ያልተቀበለ፣ በሙሐመድ ﷺ ነብይነት ያላመነ ማንኛውም ሰው የእሳት ነው፡፡ ከዚህ ተነጥሎ የሚወጣ ከሃዲ የለም፡፡ ለምሳሌ ያክል አላህ እንዲህ ይላል፡- ﻟَّﻘَﺪْ ﻛَﻔَﺮَ ﺍﻟَّﺬِﻳﻦَ ﻗَﺂﻟُﻮﺍْ ﺇِﻥَّ ﺍﻟﻠّﻪَ ﻫُﻮَ ﺍﻟْﻤَﺴِﻴﺢُ ﺍﺑْﻦُ ﻣَﺮْﻳَﻢَ ... " “እነዚያ አላህ እርሱ የመርየም ልጅ አልመሲሕ ነው ያሉት በእርግጥ ካዱ!!” [ማኢዳህ፡ 17] ስለዚህ አንድ ሙስሊም ያልሆነ ሰው ሲሞት “አላህ ይማረው”፣ RIP /rest in peace/፣ “የጀነት ያድርገው” ማለት ከቁርኣንና ከሐዲሥ ጋር የሚጋጭ ነው፡፡ ሟቹ ምድር ላይ ሲኖር መልካም ስራ መስራቱ የሚቀይረው ነገር የለም፡፡ ምክንያቱም የመልካም ስራ መሰረቱ ኢማን ነውና፡፡ ኢማን በሌለበት ማንም ቢሆን ሙስሊም ሊባል አይችልም፡፡ የክህደት ዋጋው ደግሞ እሳት ነው፡፡ አላህ እንዲህ ይላል፡- " ﻭَﻗَﺪِﻣْﻨَﺎ ﺇِﻟَﻰ ﻣَﺎ ﻋَﻤِﻠُﻮﺍ ﻣِﻦْ ﻋَﻤَﻞٍ ﻓَﺠَﻌَﻠْﻨَﺎﻩُ ﻫَﺒَﺎﺀ ﻣَّﻨﺜُﻮﺭﺍً " “ከስራም ወደሰሩት እናስባለን፡፡ የተበተነ ትቢያም እናደርገዋለን፡፡” [ፉርቃን፡ 23] ነብዩ ﷺ በአንድ ወቅት የእናታቸውን ቀብር ከዘየሩ በኋላ አለቀሱ፡፡ በዙሪያቸው የነበሩ ሰዎችንም አስለቀሱ፡፡ ከዚያም " ﺍﺳﺘﺄﺫﻧﺖ ﺭﺑﻲ ﻓﻲ ﺃﻥ ﺃﺳﺘﻐﻔﺮ ﻟﻬﺎ ﻓﻠﻢ ﻳﺆﺫﻥ ﻟﻲ" “ምህረትን እንድለምንላት ጌታዬን ፈቃድ ጠየቅኩኝ፡፡ ግን አልፈቀደልኝም!!” አሉ፡፡ [ሙስሊም፡ 976] ከዚህ ሐዲሥ ከሚወሰዱ ቁምነገሮች አንዱ “ለከሃዲዎች ምህረት መለመን የተከለከለ መሆኑ ነው” ይላሉ ነወዊይ ረሒመሁላህ፡፡ [ሸርሕ ሙስሊም፡ 7/45] በተጨማሪም ነብዩ ﷺ እንዲህ ብለዋል፡- "ﺇﻥّ ﺍﻟﻠﻪ ﻻ ﻳﻈﻠﻢ ﻣﺆﻣﻨﺎ ﺣﺴﻨﺔ. ﻳﻌﻄﻰ ﺑﻬﺎ ﻓﻲ ﺍﻟﺪﻧﻴﺎ ﻭﻳﺠﺰﻯ ﺑﻬﺎ ﻓﻲ ﺍﻵﺧﺮﺓ. ﻭﺃﻣﺎ ﺍﻟﻜﺎﻓﺮ ﻓﻴﻄﻌﻢ ﺑﺤﺴﻨﺎﺕ ﻣﺎ ﻋﻤﻞ ﺑﻬﺎ ﻟﻠﻪ ﻓﻲ ﺍﻟﺪﻧﻴﺎ. ﺣﺘﻰ ﺇﺫﺍ ﺃﻓﻀﻰ ﺇﻟﻰ ﺍﻵﺧﺮﺓ. ﻟﻢ ﻳﻜﻦ ﻟﻪ ﺣﺴﻨﺔ ﻳﺠﺰﻯ ﺑﻬﺎ". “አላህ አማኝን በመልካም ስራው አይበድልም፡፡ በዱንያም በሷ ይሰጠዋል፡፡ በአኺራም በሷው ይሸልመዋል፡፡ ከሃዲ ግን አላህን አስቦ በሰራቸው መልካም ስራዎች ዱንያ ላይ ያበላዋል፡፡ ወደ አኺራ ሲሄድ ግን የሚመነዳበት መልካም ስራ የለውም፡፡” [ሙስሊም፡ 2808] ነወዊይ ረሒመሁላህ እንዲህ ይላሉ፡- “በክህደቱ ላይ የሞተ ከሃዲ መልካም ቢሰራ በኣኺራ ምንዳ እንደማይኖረው ዑለማዎች ተስማምተዋል፡፡ ዱንያ ውስጥ ወደ አላህ ለመቃረብ ብሎ በሰራው በየትኛውም ስራ (በአኺራ) አይመነዳም፡፡” [ሸርሕ ሙስሊም፡ 17/150] እናታችን ዓኢሻ ረዲየላሁ ዐንሃ “የአላህ መልእክተኛ ሆይ! ኢብኑ ጁድዓን በዘመነ ጃሂሊያ ዝምድናን ይቀጥል፣ ምስኪኖችን ያበላ ነበር፡፡ ያ ይጠቅመዋልን?” ብላ ጠይቃ ነበር፡፡ የነብዩ ﷺ መልስ ግን እንዲህ የሚል ነበር፡- ﻻ ﻳﻨﻔﻌﻪ. ﺇﻧﻪ ﻟﻢ ﻳﻘﻞ ﻳﻮﻣﺎً: ﺭﺏّ ﺍﻏﻔﺮ ﻟﻲ ﺧﻄﻴﺌﺘﻲ ﻳﻮﻡ ﺍﻟﺪﻳﻦ “አይጠቅመውም፡፡ እሱ አንድ ቀን እንኳን ‘ጌታ ሆይ! በፍርዱ ቀን ሃጢኣቴን ማረኝ’ አላለምና፡፡” [ሙስሊም፡ 214] ስለዚህ አንድ ሰው “ሙስሊም” ሊያስብለው የሚበቃ ኢማን ባላስገኘበት የፈለገ መልካም ስራ ቢኖረው አላህ እንዲምረው ዱዓ ማድረግ ክልክል ነው፡፡ ሌላው ቀርቶ ነብዩ ﷺ እንኳን ለእናታቸው ይህን ዱዓ እንዲያደርጉ አልተፈቀደም፡፡ ከኢስላም ውጭ ባለ የትኛውም ሃይማኖት ላይ ለሞተ ሰው ምህረትን መለመን ግልፅ ስህተት ነው፡፡ አላህ እንዲህ ይላል፡- "ﻣَﺎ ﻛَﺎﻥَ ﻟِﻠﻨَّﺒِﻲِّ ﻭَﺍﻟّﺬﻳﻦ ﺁﻣَﻨُﻮﺍْ ﺃَﻥ ﻳَﺴْﺘَﻐْﻔِﺮُﻭﺍْ ﻟِﻠْﻤُﺸْﺮِﻛِﻴﻦَ ﻭَﻟَﻮْ ﻛَﺎﻧُﻮﺍْ ﺃُﻭْﻟِﻲ ﻗُﺮْﺑَﻰ ﻣِﻦ ﺑَﻌْﺪِ ﻣَﺎ ﺗَﺒَﻴَّﻦَ ﻟَﻬُﻢْ ﺃَﻧَّﻬُﻢْ ﺃَﺻْﺤَﺎﺏُ ﺍﻟْﺠَﺤِﻴﻢِ" “ለነብዩና ለነዚያ ላመኑት ሰዎች፡ ለአጋሪዎቹ - የዝምድና ባለቤቶች ቢሆኑ እንኳን - እነሱ (ከሃዲዎቹ) የእሳት ጓዶች መሆናቸው ከተገለፀላቸው በኋላ ምህረትን ሊለምኑ የሚገባ አልነበረም፡፡” [ተውባ፡ 113] በሺርክ ላይ የሞተ ሰው እንዲህ ሲል ተናግሯል፦ "ﺇِﻥَّ ﺍﻟﻠّﻪَ ﻻَ ﻳَﻐْﻔِﺮُ ﺃَﻥ ﻳُﺸْﺮَﻙَ ﺑِﻪِ ﻭَﻳَﻐْﻔِﺮُ ﻣَﺎ ﺩُﻭﻥَ ﺫَﻟِﻚَ ﻟِﻤَﻦ ﻳَﺸَﺎﺀُ" “አላህ በርሱ ማጋራትን በፍፁም አይምርም፡፡ ከዚህ በታች ያለውን ለሚሻው ሰው ይምራል፡፡” [ኒሳእ፡ 48] ሌላው ቀርቶ ነብዩን ﷺ እንኳን ያን ሁሉ ከመድከማቸው ጋር እንዲህ ብሏቸዋል፡- " ﻟَﺌِﻦْ ﺃَﺷْﺮَﻛْﺖَ ﻟَﻴَﺤْﺒَﻄَﻦَّ ﻋَﻤَﻠُﻚَ ﻭَﻟَﺘَﻜُﻮﻧَﻦَّ ﻣِﻦَ ﺍﻟْﺨَﺎﺳِﺮِﻳﻦَ " “ብታጋራ ስራህ በእርግጥ ይታበሳል፡፡ በእርግጥም ከከሳሪዎቹ ትሆናለህ!!” [ዙመር፡ 65] = የቴሌግራም ቻናል፦ https://t.me/IbnuMunewor

በፍጡር መማል ~~~~ በፍጡር መማል ከሺርክ ነው የሚመደበው። እንደ አካባቢውና ባህሉ በተለያዩ ፍጡሮች የሚምሉ ሰዎች አሉ። ለምሳሌ ያክል፦ 1. “አባቴን”፣ “እናቴ ትሙት” እያለ የሚምሉ አሉ። ነብዩ ﷺ ግን {አዋጅ! አላህ፡ በአባቶቻችሁ እንዳትምሉ ይከለክላችኋል። የሚምል በአላህ ይማል። ያለበለዚያ ዝም ይበል} ይላሉ። [ቡኻሪ፡ 6108፣ ሙስሊም፡ 4346] 2. “ሸሆቹን”፣ “ሸህ እከሌን”፣ “ሐጂ እንትናን” እያለ የሚምል አለ። ነብዩ ﷺ ግን በሸይኽ ቀርቶ {አንዳችሁ በመሲሑ (በዒሳ) ቢምል አደጋ ላይ ወድቋል። መሲሕ ግን ከአባቶቻችሁ የበለጠ ነው} ይላሉ። [አልሙሰነፍ፡ 12278] 3. “እንዲህ ካደረግኩኝ እኔ ክርስቲያን ነኝ!” እያለ የሚምል አለ። ነብያችን ﷺ ግን {ከኢስላም ውጭ ባለ ሃይማኖት መሀላ የማለ (ለምሳሌ 'ይህን ካደረግኩ እኔ ክርስቲያን ነኝ!' ያለ) እንዳለው ሆኗል (ከኢስላም ወጥቷል)!} ይላሉ። [ቡኻሪ፡ 1363፣ ሙስሊም፡ 315] 4. በከዕባ የሚምሉም አሉ። ነብያችን ﷺ ግን ከዚህ ተግባር ከልክለዋል። [ሶሒሑ ነሳኢይ፡ 3782] 5. “ነቢን” የሚሉ፣ በዶሪሕ (በመቃብር) የሚምሉም ብዙ ናቸው። ውዱ ነብይ ﷺ ግን {በአባቶቻችሁ፤ በእናቶቻችሁና ያለአግባብ ሰዎች ለአላህ ብጤዎች ወይም አቻዎች አድርገው በሚይዟቸው አትማሉ። በአላህ እንጂ አትማሉ። እውነተኞች ሆናችሁ እንጂ አትማሉ} ይላሉ። [ሶሒሑል ጃሚዕ፡ 7249] 6. “የልጅነቴ አበባ ይርገፍ”፣ “ከፊትህ ይነጥለኝ”፣ “የናቴን አጥንት”፣ “የናቴን ቀን ይስጠኝ” እያሉ የሚምሉ ሞልተዋል። ድንጋይ በእጁ በመምታት፣ ጠመንጃ በመራመድ፣ ቆቲ (የአበጋር ብትር) በመራመድ የሚምልም አለ። ታማኙ ነብይ ﷺ ግን {ከአላህ ሌላ ባለ ነገር የሚማል መሀላ ሁሉ ሺርክ ነው} ይላሉ። [አሶሒሐህ፡ 2042] በሌላ ሐዲሣቸውም {ከአላህ ሌላ ባለ የማለ በርግጥም ክዷል ወይም አጋርቷል} ይላሉ። [ኢርዋእ፡ 2561] እዚህም እዚያም እንደዋዛ የምንሰማቸው ወጣ ያሉ መሃላዎች አደጋቸው ምን ያክል የከፋ እንደሆነ ተመልከቱ። ነገሩ ምን ያክል ከባድ እንደሆነ ከሶሐቦች ንግግር መረዳት እንችላለን። ዐብዱላህ ብኑ መስዑድ ረዲየላሁ ዐንሁ “እውነት ተናግሬ ከአላህ ሌላ ባለ ከምምል ውሸት ተናግሬ በአላህ ብምል እመርጣለሁ” ይላሉ። [ኢርዋእ፡ 2562] ኢብኑ ዐባስም እንዲሁ “አንድ ጊዜ ከአላህ ሌላ ባለ ምዬ እውነት ከምናገር መቶ ጊዜ በአላህ እየማልኩ ብወነጅል እመርጣለሁ” ይላሉ። [ሸርሑ ሙስሊም፣ነወዊይ፡ 11/105] ሱብሓነላህ! ሺርክ ምን ያክል አደገኛ ጥፋት ቢሆን ነው እንዲህ አይነት አስፈሪ ነገር የሚናገሩት?! = https://t.me/IbnuMunewor

ጥቂት ስለ ወሊዮች ~~ 1. አማኞች በሙሉ የአላህ ወልዮች ናቸው! ወሊዮች ሁለት ዓይነት ናቸው። የአላህ ወሊይና የሸይጧን ወሊይ። ስለዚህ የሰው ዘር በሙሉ ወሊይ ነው ማለት ነው። የሰው ልጅ ወይ ከሃዲ ወይ ደግሞ አማኝ ነው። አማኝ ሁሉ የአላህ ወሊይ ሲሆን ከሃዲ ሁሉ ደግሞ የሸይጧን ወሊይ ነው። “አማኞች በሙሉ የአረሕማን ወልዮች ናቸው። አላህ ዘንድ ይበልጥ የተከበሩት ይበልጥ ታዛዦቹና ይበልጥ ለቁርኣን ተከታዮቹ ናቸው” ይላሉ አልኢማም አጦሓዊይ ረሒመሁላህ (321 ሂ.)። [አልዐቂደቱ ጦሓዊያህ፡ 64] ከአማኞቹ የበለጠ የቂን ያለውና የበለጠ አላህን የሚፈራው የበለጠ የአላህ ወሊይ ነው። ተቅዋው ሲቀንስ ደረጃው ይቀንሳል። ከዚህ በመነሳት የነብዩ ﷺ ሶሐቦች ከነሱ ኋላ ከመጣ ትውልድ በበለጠ የአላህ ወሊዮች ናቸው ማለት ነው። ከነብዩ ﷺ ቀጥሎ ከዚህ ኡማ ታላቁ ወሊይ አቡ በክር ሲሆኑ ከዚያም ዑመር፣ ከዚያም ዑሥማን፣ ከዚያም ዐሊይ ናቸው። ከዚያም እንደ ኢማኑና እንደተቅዋው ደረጃ የወሊይነት ደረጃውም እየቀነሰ ይሄዳል። ረዲየላሁ ዐንሁም። ኢማንና ተቅዋ ያለው ሁሉ ወንድ ይሁን ሴት፣ ነጋዴ ይሁን ገበሬ፣ ወታደር ይሁን ወዛደር፣ ሐኪምም ይሁን አስተማሪ፣ ሊስቲሮም ይሁን ተላላኪ ሁሉም የአላህ ወሊይ ነው። በሰዎች ሰባራ መነፅር ሲታይ አይን የማይገባ አላህ ዘንድ ግን የመጠቀ ደረጃ ያለው ስንት የአላህ ወሊይ አለ?! ነብዩ ﷺ እንዲህ ይላሉ፡ {ስንት ፀጉሩ የተንጨባረረ፣ (ሰዎች) ከበራቸው የሚገፈትሩት አለ፣ በአላህ ላይ ቢምል ቃሉን የሚሞላለት!} [ሙስሊም፡ 6848] የአላህ ወሊይ ለመሆን የወሊይ ዘር መሆን አያስፈልግም። ጋርዶ መቀመጥን አይጠይቅም። አጃቢ እንዲኖር አይጠበቅም። የአላህ ወሊይ ከምንም በፊት አላህ ግዴታ ያደረገበትን እየተወጣ ወደሱ ይቃረባል። እንጂ “ዐርሽ ላይ ነው የምስገድው” እያለ የኢስላም ምሰሶ በሆነው ሶላት አይሳለቅም። የአላህ ወሊይ “ሸሪዐው አይመለከተኝም” እያለ በኢስላም ላይ አይሸፍትም። የአላህ ወሊይ ታላላቆቹ ወሊዮች የነብዩ ﷺ ሶሓቦች በተጓዙበት ይጓዛል እንጂ በድርዮች በማያውቁት አዲስ ፈሊጥ አይኳትንም። የአላህ ወሊይ ከማንም በላይ የተውሒድ ጉዳይ ያሳስበዋል፣ የሺርክ ጉዳይ ያስጨንቀዋል። የአላህ ወሊይ ለተውሒድና ለሱና ይዋደቃል፣ ከሺርክና ከቢድዐ ይርቃል። 2. ወሊይነት እንደ ንጉሳዊ ስርኣት በውርስ የሚተላለፍ አይደለም!! ወሊይነት በኢማንና በተቅዋ የሚገኝ እንጂ ከአባት፣ ከወንድም ወይም ከአጎት የሚወርሱት ውርስ አይደለም። ዛሬ ግን የወሊይ ስርኣት ንጉሳዊ ስርኣት ሆኗል። በውርስ የሚተላለፍ። እናም አባቱ ወሊይ የሆነ ሁሉ እሱም ወሊይ ነው፣ ልጁም ወሊይ ነው። በአንድ የታወቀ ሀገር ላይ ልክ እንደ ንጉሳን ቤተ-መንግስት የተፈራና የታፈረ ቤተ- ወሊይ ይኖራል። ከዚያም ወሊይነቱ ልክ እንደ ንግስና ቀጭን መስመር ተከትሎ ይወርዳል። መንበረ-ዊላያው ላይ የተቀመጠው “ወሊይ” ሲባል በዙሪያው ያሉት ደግሞ እጩ ወልዮች ወይም የወሊይ ቤተሰቦች ናቸው። ከዚያ ውጭ ያለው ምናልባት እድሉን ካገኘ የወሊይ አገልጋይ ነው። ወሊይነት በኢማን፣ በተውሒድ፣ በሱናህ የሚገኝ ሳይሆን በውርስ የሚተላለፍ ንጉሳዊ አገዛዝ ሆኗል። ጌታችን ግን የሱ ወሊዮች እነዚያ ያመኑትና የሚፈሩ የሆኑት ናቸው ብሎ የወሊይነት መስፈርቶችን ሲጠቅስ ከኢማንና ተቅዋ ባለፈ የዘር ሀረግን አላካተተም። ደግሞ ማንም ቢሆን በስራው ያላገኘውን ማዕረግ በዘሩ አይቆናጠጠውም። ነብዩ ﷺ {ስራው ያስቀረውን ዘሩ አያስቀድመውም} ብለዋልና። [ሙስሊም፡ 7028] አዎ መልእክተኛው ﷺ ለሌላው ቀርቶ ለውድ ልጃቸው ለፋጢማ ረዲየላሁ ዐንሃ እንኳን {እራስሽን አትርፊ፣ ዱንያ ከቸገረሽ ጠይቂኝ። በኢኺራ በኩል ግን ምንም አልፈይድሽም} ነው ያሏት። [ቡኻሪ፡ 2753፣ ሙስሊም፡ 525] 3. ወሊይ ፍፁም አይደለም!! ወሊይ እንከን የማይወጣለት፣ ፍፁም የሆነ፣ የተናገረው መሬት ጠብ የማይል የሚመስላቸው ቀላል አይደሉም። ነገር ግን ወሊይ ሰው ነውና እንደማንኛውም ሰው ይሳሳታል። ነብዩ ﷺ እንዲህ ብለዋል፡ {የሰው ልጅ ባጠቃላይ ተሳሳች ነው። ከተሳሳቾች ሁሉ በላጩ መመለስን የሚያበዙት ናቸው።} [ሶሒሑል ጃሚዕ፡ 4515] አልኢማም ማሊክ ረሒመሁላህ ወደ ነብዩ ﷺ ቀብር እያመላከቱ እንዲህ ብለዋል፡ “ሁላችንም አራሚና ታራሚ ነን። የዚህ ቀብር ባለቤት ሲቀር።” “እኔ ሰው ነኝ። እሳሳታለሁ። ትክክልም እሆናለሁ። ስለዚህ ሀሳቤን ተመልከቱ። ከቁርኣንና ሱና ጋር የተስማማውን ሁሉ ያዙት። ከቁርኣንና ሱና ጋር ያልተስማማውን ሁሉ ተውት።” አቡ ሐኒፋም “እኛ ሰዎች ነን። ዛሬ የሆነን ነገር እንናገራለን። ነገ ከሱ ልንመለስ እንችላለን።” “የላቀውን አላህ ንግግርና የመልእክተኛውን ሐዲሥ የሚፃረር ነገር ከተናገርኩኝ የኔን ንግግር ተውት” ይላሉ። ሻፊዒይም “የዘርፉ ባለሙያዎች ዘንድ እኔ ካልኩት በተለየ ከነብዩ ﷺ ትክክለኛ ማስረጃ የመጣበት እያንዳንዱ ርእሰ-ጉዳይ በህይወት እያለሁም ሆነ ሞቼ እኔ ከሱ ተመልሻለሁ!” ይላሉ። ኢማሙ አሕመድም እንዲሁ “በጭፍን አትከተሉኝ። ማሊክንም፣ ሻፊዒይንም፣ አውዛዒይንም፣ ሠውሪይንም በጭፍን አትከተሉ። እነሱ ከያዙበት ያዙ” ይላሉ። [ሲፈቱ ሶላቲ ነቢይ ሊል አልባኒይ፡ 46-53] ስለዚህ ወሊይ ማለት ፈፅሞ ስህተት የማይታይበት ልዩ ፍጡር አይደለም። ይልቁንም ከትንሽ እስከ ትልቅ ስህተቶች ላይ ሊወድቅ ይችላል። ስለሆነም ስህተቶች ሲታዩ አቅሙ ባላቸው አካላት ይታረማል ማለት ነው። = ኢብኑ ሙነወር የቴሌግራም ቻናል:- https://t.me/IbnuMunewor

እህቶቻችን ወደ ዲን ሲቀርቡ፣ ኒቃብ ሲለብሱ፣ ቁርኣት ላይ ሲያተኩሩ አቅማቸውን የሚፈታተኑ ብዙ ፈተናዎችን ያስተናግዳሉ። ይበልጥ የሚያመው ደግሞ ከውጪው በበለጠ በቅርብ ሰው የሚመጣው ፈተና ነው። ከዚህም ይበልጥ የሚያመው ወደ ዲን ከቀረበው፣ ሰበብ ይሆናል ተብሎ ተስፋ ከሚጣልበት ወንድም የሚታየው ነገር ይበልጥ ሞራልን የሚያቀዘቅዝ፣ ስሜትን የሚጎዳ መሆኑ ነው። ቀጥሎ የማሰፍረው ከአንዲት እህት የደረሰኝ መልእክት ነው። መቼም የሁላችንም ልብ አንድ አይደለም። ምናልባት ቆም ብለን እናስብ ዘንድ በአላህ ፈቃድ የሆነ ያክል እገዛ ይኖረው ይሆናል። اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ አንዳንዴ ነገሩ ይከብዳል... ብዙ እህቶች የሚወድቁበት የሆነ ብዙ ከባድ ፈተና አለ። በጣም ጠንካራ የሆኑት እንጂ የማይቋቋሙት። ደግሞ ሴቶች ደካማ እንደሆኑ ታውቃለህ። የታላቁ ጌታ በፍፁም ከኔ ራህመት ተስፋ አትቁረጡ የሚል የተስፋ ቃል ባልነበረ ብዙ እህቶች ተስፋ በቆረጡ ነበር.... አሏህ ካዘነላቸው የሱና ወንድሞች ዉጪ ነገሩ እንዲህ ሆኗል ከዲን ይልቅ መልክ እድሜ ላይ በርትተዋል። መስፈርቶቹ ከአንድ ሰው ነው የሚላኩት ተብሎ እስኪጠረጠር ድረስ እንድ አይነት በመልክ ወላ በእድሜ ቀይ ቆንጆ እድሜዋ ከዚህ በታች ብዙ ኪታብ የቀራች የተማረች...ብዙ ብዙ ደግሞ እሱ ጋር ኖሮ ቢሆን እሺ። ሁሉም ሴቶች ቀይ ናቸውን?? እሺ አንድ ሴት ቢያንስ መልኩንና ቂርዓቱን ብታሟላ እንዴት የተማረችና እድሜዋ ከዚህ በታች እንዴት ሊሆን ይችላል?? Maybe ሊኖር ይችላል ግን እጅግ ጥቂት ነው። የምር እስኪ አንድ ወንድ ሱኒይ ሲሆን ወደ ሱና ሲጠጋ ፂሙን ይለቃል ልብሱን ከፍ ያደርጋል እና ሌሎችንም ነገሮች ይፈፅማል። የታዘዘውን ይሄን በማድረጉ ወሀቢይ ሊባል ይችላል እና ሌላም ፈተና ሊደርስበት ይችላል። ግን ሀቂቃ እንደ ሴቷ አይፈተንም። ሴቷ ኒቃብ ስትለብስ ሙተበሪጅ ሆና ዝም ያሏት ቤተሰቦቿ ሙተሀጂብ የሆነች ቀን ከገዛ ቤተሰቦቿ ፊትናው ይጀምራል። ከዛን ስራዋን ታጣለች። ሌላ ስራ ለማግኝትም ትቸገራለች። እቤት በገባች በወጣች ቁጥር አዛ ትደረጋለች። "እኔ ያስተማርኩሽ ለዚ አይደለም፣ እንደሷ አመድ አፋሽ ሆነሽ እንዳትቀሪ" እየተባለ ምሳሌ ይሰጥባታል። ሀታ በገዛ ቤቷ ባዳ የሆነች ያክል እስኪሰማት ድረስ። ታውቀዋለህ ግን ይሄ ስሜት ምን ያክል እንደሚያም?!! እኔ ግን በጭራሽ አመድ አፋሽ አልሆንኩም። እንዲያውም የጌታዬን እዝነትና ዉዴታን ነው ያፈስኩት። ከዚያም ደርስ ትከለከላለች። ግን የሚገርመው ደርስ ልትሄድ ልትቀራ "የትራንስፖርት አልሰጥም" ያለ ቤተሰብ ለዱንያዊ ትምህርት በሺዎች አውጥቶ ያስተምራል!! ትራንስፖርት አጥታ በእግርም ቢሆን እየሄድኩ ቂርዓቴን እቀራለሁ ብላ በህመም ምክንያት ያቆመች እህት እንዳለችስ...?? ከዚህ ሁሉ መውጫ ዲኗንም ለመማር ያላት አማራጭ ኒካህ ማሰር እንደሆነ ታስባለች። በቤተሰቦቿ ቤት እንዳትቀራ ተከልክላለችና። ግን ለኒካህ የሚመጡ ወደ ሱና ተጠግተዋል የሚባሉ ወንዶች ይሄ ነው መስፈርታቸው አላህ ካዘነለት ውጪ። ቢያንስ ዲንን አስቀድመው ቢሆን፣ ዲን የላትም ብሎ ቢሆን የሚተዋት በጣም ደስ ይል ነበር። እስኪ እናንተ የሱና ወንድሞች ካላዘናችሁልን ማን ያዝንልናል? ኢኽዋኑ!? አህባሹ!? በጭራሽ እነሱማ ሂጃባችንንም አቂዳችንንም ሊያጠፉ ነው ሚፈልጉት። አልገጠመህምን አልሰማህምን ሱኒይ ሆና ኢኽዋኒ አገባች ሲባል?! አንድ የሱና እህት ከዚህ ሁሉ በቃ አስተካክለዋለሁ ብላ ኢኽዋን አግብታ በዛው የቀረች የተገለበጠች። ግን አንዳንዷ ደግሞ የሱና ጀግና እንጂ አይሆንም ብላ ትንሽ እድሜዋ ከፍ ካለ......የሱና ወንድ የሚባሉት ደግም የሚፈልጉት በእድሜ ትንሿን ነው። ሁሉንም እየወቀስኩ አይደለም። ደግሞ የፈለጉትን መሰፈርት ማውጣት መብታቸው ነው። ማንም የፈለገውን መስፈርት ማድረግ መብቱ ነው ግን...??? አላህ ለነሱ ያለውን ሪዝቅ ማንም አይወስደውም ሶብር ማድረግ ነው አላህ የተሻለውን ምርጡን ያመጣል ግን ያው ሴቶች ደካማ አይደለን አንዳንዴ ያቅታል። ህመማችን እንዲገባችሁ ነው ይህን የምለው። ምን እንደምፈራ ግን ታውቃለህ? በፊት ኒቃብ ስለብስ ኡሚ አሪፍ ስራ ነው ያለሽ (የመንግስት ስራ ነበር የምሰራው) "ይሄን ስራ አትተይው። ሌላው ቢቀር ቢያንስ ኒካህ እስከምታስሪ ቆይ። እንዲህ ኒቃብ ከለበሽ ባል አታገኚም። ማን ያይሻል?" ብላኝ ነበር። እኔ ግን ለነፍሴ: "በጭራሽ አላህን በመታዘዝሽ ሪዝቅሽ ቢሰፋ እንጂ አይጠብም። እንዲያውም አላህን መታዘዝ ሪዝቅ ለመምጣት ሰበብ ነው" እያልኩ አበረታት ነበር የመንግስቱን ስራም ተውኩት፣ በኒቃብ መስራት አይቻልምና። አሁን ግን ድሮም ነግሬሽ ነበር እኔ ያልኩሽን ብትሰሚ ኖሮ ... መባሉ ያስፈራኛል። እሷን ደስ ይበላት ብዬ የምወደውን ቂርዓት ትቼ እሷ ደስ የሚያሰኛትን ነገር እየሰራሁ ነው አላህ ነገሮቼን እስከሚያስተካክልልኝ ድረስ። ኒቃብ ስለለበስኩ ኡሚ ለወራቶች ነው ያኮረፈችኝ። አብረን አንድ ቤት ውስጥ ሆነን ትናፍቀኝ ነበር። ሀቂቃ በጣም የሚያሳምም ነው ስሜቱ። ግን መፀናኛዬ ጌታዬ ነበር። እሱ ቅርብ የሆነ ሁሉን ነገር እያየልኝ እየሰማ ስለሆነ ደስ ይለኝ ነበር። ወሏሂ በጣም የሚያስከፋ ነገር ገጥሞኝ እኔ ግን ጌታዬን እያሰብኩ እስቅ ነበር። ሶብር በማድረጌ ከእሱ የማገኝውን አጅር እያሰብኩ እፅናና ነበር። አልሀምዱሊላህ በፊትም አሁንም በቃላትም በንግግርም ልገልፀው የማልችለው ሰላምና መረጋጋት ደስታ በውስጤ አለ። ሌሎችም ኒቃባቸውን ቤተሰብ የሚያቃጥልባቸው በጣም ከባድ ፊትና የሚገጥማቸው ብዙ እህቶች አሉ። ከኔም የባሰ ብዙ አለና አብዝቼ ጌታዬን አመሰግነዋል ሁሌም። ኒቃቤ ለኔ ክብሬ ውበቴ ነው ከአጉል እይታ የሚከላከለኝ በጌታዬ ፍቃድ መጠበቂያዬም ጭምር። አላህ ከፊትና ይጠብቀንና የሞትኩ ቀን ቢሆን እንጂ አይወልቅም ኢንሻ አላህ። ዱንያ ላይ ያለውን ነገር ሁሉ እንስጥሽ ቢሉኝ እንኳን ወላሂ ሱመ ወላሂ እኔ በኒቃቤ አልደራደርም። ከፍ ያለው አላህ ለሁላችንም እስቲቃማውን ይስጠን።

በቲክቶክ ለተለከፉ እህቶች ሼር አድርጉላቸው። እህቴ ሆይ! ከፊት ለፊታችን ታላቁ እንግዳ ወርሃ ረመዿን እየመጣ ነው። ረመዿንንም በቲክቶክ ልታሳልፊው ነው? አስቢበት! አንቺ ሳታስቢው ድንገት ሞት ሳያማክርሽ መጥቶ ወደ አኺራ ሂደሽ፤ ሐያእሽን ገፈሽ የሠራሽው ቪድዮ ግን ቲክቶክ ላይ እንደተቀመጠ ነው። አንድ ጊዜ ይፈቀድልኝና አጥፍቼው ልመለስ? የምትይበት እድል ወይም ዱንያ ላይ ላሉ ቤተሰቦችሽ አካውንቴን አጥፉልኝ ማለት አትችይም። አስቢበት ኡኽታ! || t.me/MuradTadesse

★Makkin....!! ★ Ku numut yaaban waqdi "defensive" Makkin! ★ Ku numuh yaaban waqdi "supportive" Makkin! https://t.me/httpsDiiniKeeAnaakara

★ Tamaatem Ramadhaana!☔️🌙 ★ Edde nanim carbik adda!😭 ★ Ummatta nek fixixih tan !😭 ★Masaajid naqboyti gabat yan!😭 ★Yable Rabbow illacabo eymeeq!😭 https://t.me/httpsDiiniKeeAnaakara

★ Tamaatem Ramadhaana!☔️🌙 ★ Edde nanim carbik adda!😭 ★ Ummatta nek fixixih tan !😭 ★Masaajid naqboyti gabat yan!😭 ★Yable Rabbow illacabo eymeeq!😭 https://t.me/httpsDiiniKeeAnaakara