القناة الرسمية ... د.سمية محمود استشارى الطب النفسي

لحظة إدراك إن ستات كتير ناجحة في الغرب بقت بتقرّ في بيتها بعد الزواج تاخد بالها من زوجها وأولادها واحنا هنا اللي بقى عندنا هاجس شغل المرأة وتحقيق الذات. وإن الغرب بقا عندهم ثقافة البكور والصحيان الفجر واحنا هنا بقينا بنجاهد عشان نصلي الفجر وبنرجع ننام تاني. انتشرت عندهم ثقافة الدوبامين وتقليله وعدم استهلاك الانترنت قبل النوم بساعتين وفي بداية اليوم واحنا هنا بنفتح موبايلاتنا من أول ما بنفتح عنينا لحد ما ننام. تطور عندهم مفهوم الاتقان والتركيز في العمل، واحنا بقينا بنتفنن إزاي نكروت الشغل ونذاكر أي كلام. السباحة والرياضة بشكل عام جزء أساسي في حياة أي غربي، ولكنها أعجوبة ورفاهية وشيء يستحق الاندهاش في حياتنا احنا عيشتنا بقت عيشة شخص "إمّعة" سايب دينه اللي قايله إزاي يعيش صح ورايح يستمد ثقافة ناس تانية ويقلد لبسهم، وطريقة اكلهم، ومواعيد نومهم وسهراتهم، وأفكارهم شخص بيتكسف يقول كلام عربي وبقا صعب يقول جملة كاملة من غير ما يدخلها كلمة غربية بقصد أو بدون قصد. بيشوف الآية القرآنية أو الحديث النبوي ميأثرش فيه، ويسمع نفس الأمر مغلف بغلاف غربي تطويري ينبهر. التأمل واليوجا بقوا هما العلاج الروحي بالنسباله وناسي إن عندنا "الصلاة" هي صلة بين العبد وخالقه يعني مفيش شيء روحاني يتفوق على شعيرة الصلاة. كتب التطوير والتحفيز بقوا هما مرجعه في التعامل ويومه فاضي من القرآن الكريم اللي هو مرجعيته في كل شيء وكل حاجة موجودة في ال ٣٠ جزء. أكتر حاجة بتشد انتباهه هي قصص الغرب الناجحين جامد أوي، وناسي ان عندنا عظماء التاريخ في السيرة النبوية والأثر. احنا محتاجين وقفة مع نفسنا. وكل واحد يبدأ بنفسه ولو عايز تفصيل أكتر إزاي تبدأ بنفسك هقولك ٣ حاجات بسيطة: ١- جدد نيتك كل يوم اول ما تفتح عينك راجع أهدافك والحاجات اللي بتعملها يعني بتروح الكلية ليه؟ بتشتغل ليه؟ بتنضف ليه؟ بتتجوز ليه؟ بتخلف ليه؟ كلمة ليه دي اسألها لنفسها ١٠٠ مرة يوميًا ولو لقيت الإجابة هدف دنيوي.. جدده بسرعة لهدف أخروي مثال: = بشتغل ليه؟ - عشان أجيب فلوس = ليه؟ - عشان أصرفها × - عشان انا راعي ومسؤول عن رعيتي، عشان هتسأل عن عمري فيم أفنيته، عشان أعمر الأرض. = رايح أنام ليه؟ - أريح العضمتين وعاوز أنام × - عشان جسمي يرتاح ويتعافى وأتقوى على عبادة الله بكرة وأداء مسؤولياتي بإتقان. ٢- متعديش يوم من غير "قرآن" خليه أولوية كده وخط أحمر في يومك وياسلام لو رجعت تحفظ كده وتتابع في دار تحفيظ والصلوات الخمس في المعاد خط أحمر ممنوع الاقتراب من مواعيد لو في إيدك ايه سيبه وروح صل أول ٣- مدخلاتك يكون أغلبها من دينك مش عيب إنك تسمع محاضرات ودروس وبودكاست أجنبي بس دول يكونوا شيء كمالي الأساس إن مدخلاتك اليومية من القرآن والسنة محاضرات دينية، سلاسل، دروس، كتب هتلاقي افكارك بتنضف واحدة واحده وعقليتك بتتغير للأفضل بإذن الله. المنشور ده كتبته عن تجربة ضياع فكري ووجداني مدته سنتين بين طيّات كتب الغرب، متمناش حد يمر بالتوهان اللي مرّيت بيه وتخبط أهدافي ونسيان الغاية، وربط كل النجاح بالشغل والفلوس. ارجع لربنا من دلوقتي جدد نيتك شوف لو مأخر صلاة اتوضى وصلّ لو مصحفك بقا عليه طبقة من التراب نفضه واقرأ من تاني وثبت ورد يومي ولو صفحة واحدة. مهما لفيت وروحت وجيت هتكتشف في الآخر ان الصلاة والقرآن والسنة هما كل شيء انت محتاجهم عشان تعيش .. فاختصر على نفسك الطريق وابدأ صح من النهاردة واستدرك. والسلامُ خِتام.. ~ ميرا سمير

استحضار النبي صلى الله عليه وسلم الدائم للدار الآخرة

‌‎ 🌱 *لا يخذل الله عزوجل عبداً سعى في حوائج عباده ومن أكبر وسائل الثبات وأظهر إمارات التأييد : الإحسان إلى الناس وبذل الخير لهم 📌قالت أمنا خديجة رضي الله عنها لرسول اللهﷺ : "والله لا يخزيك الله أبدا، إنك لتصل الرحم وتحمل الكلّ وتكسب المعدوم وتقري الضيف وتعين على نوائب الحق"

"عندما تخور قواك, ويستنزف الهمُّ طاقة إشراقك, فتلجأ إلى ترداد لاحول ولاقوَّة إلا بالله فاعلم أنَّك هُديت إلى ركنٍ حصين, ذلك بأنَّ استشعار معنى الحوقلة بحدِّ ذاته يرمِّم صدوع القلب, فكيف بك عندما تلمس أثرها على أيَّامك”

كل ما نفسك او الشيطان يحاولوا يخلوك تقع مع اى محنة قول لنفسك ياما دقت على الرأس طبول المحنة دى من تقدير الله و الله لا يكلف نفس الا وسعها و الله أرحم بى من نفسي و الله اعلم بى من نفسي ان شاءالله كل مر سيمر و ساخرج منها أقوى كالعادة و تدبير الله يكون لخير الدين و الدنيا و الآخرة و اطمئن لا تجعل الألم النفسي يكسرك او يهزمك #لست_وحدك د.سمية محمود

مهما بلغت من الفطنة والذكاء، والحذق والدهاء، وتميز الإدارة، وقوة الإرادة، فإن أدواتك وقدراتك لن تغني عنك من الله شيئاً، وأنت في غفلة عن الدعاء والافتقار، وصدق الاضطرار. ‏هذا كليم الله موسى عليه السلام، من أولي العزم من الرسل يفتقر إلى ربه، ويتبرأ من حوله وقوته: (رَبِّ إِنِّي لِمَآ أَنزَلۡتَ إِلَيَّ ‌مِنۡ ‌خَيۡرٖ ‌فَقِيرٞ). ‏وكان من دعائه ﷺ عند لقاء العدو: "اللهم أنت عضدي ونصيري، بك أحول ، وبك أصول ، وبك أقاتل". ‏-أمارة الافتقار: دوام الدعاء بقلب حاضر. د.عبدالعزيز الشايع

اللهم اعذرنا فيهم

يارب لطفك بيهم اللهم ثبتهم اللهم اويهم اللهم ايدهم اللهم انصرهم

حسبنا الله ونعم الوكيل