ፍኖተ-አማራ ሚዲያ (Finote Amhara Media)
Відкрити в Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Показати більше4 401
Підписники
-1724 години
-527 днів
+5630 днів
Архів дописів
የፀሐፊ ትዕዛዝ አክሊሉ ሀብተወልድ የፖለቲካ መኮንኖች ማሠልጠኛ ማዕከል የ3ኛ ዙር ሰልጣኞቹን አስመረቀ!
በአማራ ፋኖ ብሔራዊ ንቅናቄ (አፋብን) ወሎ ቤተ አማራ ምኒልክ ዕዝ ሥር የሚገኘው የፀሐፌ ትዕዛዝ አክሊሉ ሀብተወልድ የፖለቲካ መኮንኖች ማሠልጠኛ ማዕከል፣ የ3ኛ ዙር ሰልጣኞቹን በደመቀ ሁኔታ አስመረቀ።
ማዕከሉ የፖለቲካ መኮንኖችን አሠልጥኖ ያስመረቀው ከዕዙ 105ኛ ኮር ከተውጣጡ የፋኖ አባላት ሲሆን፣ ቁጥራቸው 27 የሆኑት እነዚህ የፖለቲካ መኮንኖች ከሚያዝያ 27 ቀን 2018 ዓ.ም እስከ ሰኔ 16 ቀን 2018 ዓ.ም ድረስ ለባለፉት 49 ቀናት (ለ1 ወር ከ19 ቀናት) ከፍተኛ ሥልጠናቸውን ሲከታተሉ የቆዩ ናቸው። ተመራቂዎቹ በማዕከሉ ቆይታቸው ከወሰዱት ሰፊ የንድፈ-ሐሳብ ትምህርት ባሻገር፣ በምዕራብ ወሎ ቀጠና በተለያዩ አካባቢዎች እየተዘዋወሩ በርካታ ተግባራዊ የሕዝብ ግንኙነትና የንቅናቄ ሥራዎችን ሲያከናውኑ የቆዩ መሆናቸው ታውቋል።
በአሁኑ ወቅት እየተካሄደ ያለው የአማራ ሕዝብ የሕልውና ተጋድሎ በትጥቅ የተደገፈ የፖለቲካ ትግል መሆኑን ከግምት ውስጥ በማስገባት፣ መሬት ላይ ከሚደረገው ወታደራዊ እንቅስቃሴ ጎን ለጎን በጠላት ላይ የሐሳብና የፕሮፓጋንዳ የበላይነትን መውሰድ እጅግ አስፈላጊ ነው። ይህንን ክፍተት ለመሙላት ታስቦ የሠለጠኑት የዛሬዎቹ ተመራቂ መኮንኖች፣ የታላቁን የጄኔራል አሳምነው ጽጌን ታሪካዊ ቃልና አደራ አንግበው ሕዝብን የማስተማር፣ የማደራጀት እንዲሁም የማታገል ከፍተኛ ኃላፊነት ተጥሎባቸዋል።
ተመራቂዎቹ በማሠልጠኛ ማዕከሉ በነበራቸው ቆይታ በተለያዩ ርዕሰ-ጉዳዮች ዙሪያ የላቀ ግንዛቤ እንዲጨብጡ የተደረገ ሲሆን፣ ከእነዚህም መካከል፦ ፖለቲካ፣ መንግሥት እና የመንግሥት መሠረታዊ ግዴታዎች፣ ሕገ-መንግሥት፣ ሀገረ-መንግሥት እና ርዕዮተ-ዓለም፣ የአማራ ብሔርተኝነት፣ የጦርነት ፕሮፓጋንዳ እና የፋኖነት ፍልስፍና፣ በትግሉ ሂደት የተስተዋሉ ተጨባጭ ችግሮችና መፍትሔዎቻቸው የሚሉትን ያካተተ ጥልቅ ሥልጠና ወስደዋል።
ከዚህም በተጨማሪ ተመራቂ መኮንኖቹ በሥልጠናቸው ማጠናቀቂያ ላይ በተግባር ሕዝባዊ መድረኮችን እንዲመሩና የሰራዊት ግንባታ ሥራዎችን በብቃት እንዲሠሩ ተደርገው የተዘጋጁ በመሆናቸው፣ ወደ ቀጣዩ የትግል ምዕራፍ ሙሉ ዝግጁነት ይዘው መሸጋገራቸውን ማዕከሉ በኩራት አስታውቋል።
መዳረሻው ድልና ነጻነት የሆነው የአማራ ሕዝብ የሕልውና ተጋድሎ ተጠናክሮ ይቀጥላል!
ሕልውናችን በተባበረ ክንዳችን!
የአማራ ፋኖ ብሔራዊ ንቅናቄ ወሎ ቤተ-አማራ ምኒልክ ዕዝ ሚዲያና ኮሚዩኒኬሽን መምሪያ!
ሰኔ 17 ቀን 2018 ዓ.ም.
24 черв, 06:49
በስቦ ማስከዳቱ ስምንት የመከላከያ ሰራዊት አባላት 303ኛ አሳምነው ኮር ውስጥ ባሉ ክፍለ ጦሮች ውስጥ ተቀላቀሉ!
መነሻቸውን ከመቄት፣ ከላስታና ጋዝጊብላ ወረዳ ከሚንቀሳቀሰው የብልፅግና ሰራዊት ከተለያዩ አሀዶቻቸው ያደረጉ መከላከያ አባላት ስርዓቱን በመፀየፍና በመጥላት በየአቅራቢያቸው ከሚገኙ ወንድሞቻቸው የፋኖ አደረጃጀት ተቀላቅለዋል።
ሰኔ 16 እና 17 ቀን 2018 ዓ/ም የተቀላቀሉት መሰረታዊ ወታደር በላይነህ አለበል ላልኪው ከሚንቀሳቀሰው ከ38ኛ ክፍለ ጦር አራተኛ ሬጅመንት በመውጣት 30ኛ ክፍለ ጦርን፣ አንድ እግረኛ፣ ሁለት ድሽቃ ምድብተኛ በድምሩ ሦስት የመከላከያ ሰራዊት አባላት ላልኪው ከሚንቀሳቀሰው 38ኛ ክፍለ ጦር ስድስተኛ ሬጅመንት 14ኛ ክፍለ ጦርን እንዲሁም መሠረታዊ ወታደር ሙሉ ገብሬ፣ አስር አለቃ ጌታሁን እንዳለው፣ አስር አለቃ ክንዱ ፈንታሁን እና አስር አለቃ ገብርዬ አክሊሉ ከመቄት በመነሳት 81ኛ ክፍለ ጦርን በጥቅሉ ስምንት የመከላከያ ሰራዊት አባላት ፋኖን ተቀላቅለዋል።
የመከላከያ አባላቱም ሁሉም ጥቁር ክላሽ በመያዝ የገቡ ሲሆን በጥቅሉ ስምንት ጥቁር ክላሽ፣ ስድስት የክላሽ ካዝና ከነተተኳሹ፣ አራት የደረትና የወገብ ትጥቅ፣ ስድስት የእጅ ቦምብ ይዘው ተቀላቅለዋል ሲል የ303ኛ አሳምነው ኮር ህዝብ ግንኙነት መምሪያ መረጃውን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!
ህልውናችን በተባበረ ክንዳችን!!
አፋብን ወሎ ቤተ- አማራ ምኒልክ ዕዝ ህዝብ ግንኙነት መምሪያ!!
ህልውናችን በተባበረ ክንዳችን!
ሰኔ:- 17/ 2018 ዓ/ም
24 черв, 06:25
የሸዋ ጠቅላይ ግዛት አሳምነው ዕዝ ከሰም ኮር ድል ተቀዳጀ!!
ሰኔ 17/2018 ዓ.ም
የአፋብን ሸዋ ጠቅላይ ግዛት አሳምነው ዕዝ ከሰም ፪ኛ ኮር ስር የሚገኙ ሦስቱ ክፍለ ጦሮች በቅንጅት በወሰዱት ወታደራዊ እርምጃ፣ በከሰም ቀጠና ከፍተኛ ድል ማስመዝገቡን የግንባር መረጃችን አስታውቋል።
የአገዛዙ ጥምር ጦር በ42 ተሽከርካሪዎች የተጫነ የሰው ኃይል በማጓጓዝ የፋኖን ሰራዊት እደመስሳለሁ በሚል ቀቢፀ -ተስፋ በስድስት አቅጣጫዎች ተንቀሳቅሶ ነበር። ይሁን እንጂ ጀግናው ሰራዋታችን በደረሰው ቅድመ መረጃ መሰረት በሦስት አቅጣጫዎች ስልታዊ ጥቃት ሰንዝረውበታል።
የቡልጋ ክፍለ ጦር፣የነበልባል ክፍለ ጦር እና የኃይለማርያም ማሞ ክፍለ ጦርጦሮች ከአክርሚት ተነስቶ ወደ ሰቃዎጩ አቅጣጫ ይጓዝ የነበረውን ኃይል በመክበብ ከፍተኛ ወታደራዊና ቁሳዊ ኪሳራ እንዳደረሱበት የኮሩ ህዝብ ግንኙነት ክፍል ገልጿል። በጥቃቱም በርካታ ቁጥር ያላቸው የአገዛዙ ጥምር ጦር አባላት መደምሰሳቸውንና ቀሪው የቆሰለና የተበታተነ ኃይል ወደ ተራራማ ቦታዎች በመሸሽ ተጨማሪ ድጋፍ በመጠባበቅ ላይ እንደሚገኝ ተገልጿል።
የሸዋ ጠቅላይ ግዛት አሳምነው ዕዝ ከሰም ኮር ያደረሰበትን ከባድ ምት መቋቋም ያቃተው የአገዛዙ ጥምር ጦር በአካባቢው በሚገኙ አራት ቀበሌዎች ማለትም በስቻት ፣በጎርፎ፣በአክርሚት እና በሰቃጮ ቀበሌ ላይ ጥቃትና ዘረፋ ፈጽሟል።
በእነዚህ ቀበሌዎች በሚገኙ የአርሶ አደርና ነጋዴ መኖሪያ ቤቶች፣ ሱቆችና ግሮሰሪዎች ላይ በከባድ መሣሪያ (ዲሽቃ) ተኩስ የከፈተ ሲሆን፤ ወርቅ፣ ልዩ ልዩ ጌጣጌጥ፣ እንዲሁም የምግብ እህሎች (ሽሮ፣ በርበሬ፣ ዘይትና ዱቄት) መዘረፋቸውን የአካባቢው ማህበረሰብ ጠቅሷል። በተጨማሪም በመንገድ ላይ የተገኙ ከዘጠኝ በላይ የቤት እንስሳት (ፍየሎች) መታረዳቸውን የኮሩ ህዝብ ግንኙነት በላከው የግንባር መረጃ አስታውቋል።
ክብር ለትግሉ ሰማዕታት
ህልውናችን በተባበረ ክንዳችን !
ሸዋ ጠቅላይ ግዛት አሳምነው ዕዝ ህዝብ ግንኙነት መምሪያ
24 черв, 05:19
በምስራቅ ወለጋ መጠነ-ሰፊ ወታደራዊ ጥቃት መከፈቱና በንጹሃን ላይ የጅምላ ፍጅት ስጋት መጋረጡ ተገለጠ
ሰኔ 17 ቀን 2018 ዓ.ም (አዲስ አበባ)፦ በምስራቅ ወለጋ ዞን ጊዳ አያና ወረዳ እና በአካባቢው በሚገኝ ታዳጊ ከተማና ቀበሌዎች ላይ የመንግስት የጸጥታ ኃይሎች በምድር እግረኛ ጦር፣ በሜካናይዝድ ክፍለ-ጦር እና በአየር ኃይል የታገዘ መጠነ-ሰፊ ወታደራዊ ጥቃት መክፈታቸውን ከአካባቢው የተገኙ መረጃዎች አመለከቱ። በትናንትናው እለት ብቻ በተፈጸሙ ተከታታይ የአየር ላይ ድብደባዎች በርካታ ንጹሃን ዜጎች ህይወታቸውን አጥተዋል።
ጥቃቱ በዋነኝነት ያረፈው አንዶዴ ዲቾ ከተማን ጨምሮ በአሊ፣ በዋጃ እና በጉልማ ቀበሌዎች ላይ ሲሆን፣ በጥቃቱ ሳቢያ በርካታ ቁጥር ያላቸው አርሶ አደሮችና ነጋዴዎች ሰለባ መሆናቸው ተረጋግጧል። በአሊ ቀበሌ በትናንትናው እለት ብቻ በሁለት የጦር ሄሊኮፕተሮች እና በሰው አልባ አውሮፕላኖች (ድሮኖች) የታገዘ የ42 ጊዜ ድብደባ የተፈጸመ ሲሆን፣ በዛሬው እለትም የሄሊኮፕተር የቅኝት በረራዎች ቀጥለው መዋላቸው ታውቋል። በጥቃቱ ማግስት ዛሬ ሰኔ 17 ቀን የማዕከላዊ ዕዝ ጦር የኦሮሚያ ሚሊሻን፣ የአድማ ብተናንና የገዳ ኮማንዶን መንገድ መሪነት በማድረግ፣ በርካታ በቆንጨራና በቢለዋ የታጠቁ ወጣቶችን አስከትሎ ወደ አሊ ቀበሌ መግባቱ የተገለጸ ሲሆን፣ ይህም በአካባቢው በሚኖሩ የአማራ ተወላጆች ላይ የታቀደ የጅምላ ፍጅት ለመፈጸም ነው የሚል ከፍተኛ ስጋት በአካባቢው ላይ ጥሏል።
በተመሳሳይ ሁኔታ በአንዶዴ ዲቾ ከተማ በትናንትናው እለት በረፋዱና በአመሻሹ ላይ የጦር ሄሊኮፕተር በከፈተችው አውቶማቲክ የተኩስ ጥቃት በእለት ተእለት እንቅስቃሴ ላይ የነበሩ በርካታ ነጋዴዎችና አርሶ አደሮች ተገድለዋል። በዋጃ ቀበሌ ደግሞ በአንድ ዙር የጄት ድብደባ፣ በሶስት ዙር የሄሊኮፕተር ጥቃት እና በታንኮች የታገዘ ከባድ ድብደባ የተፈጸመ ሲሆን፣ በጉልማ ቀበሌ በበኩሉ ከ5 ጊዜ በላይ የሰው አልባ አውሮፕላን (ድሮን) ጥቃት ተፈጽሟል።
ከጥቃቱ ሰለባ አካባቢዎች በ30 እና 40 ኪሎ ሜትር ርቀት ላይ በሚገኘው የነቀምቴ (ኡኬ) አየር ማረፊያ የሲቪል በረራዎች ሙሉ በሙሉ የተቋረጡ ሲሆን፣ አየር ማረፊያው ትናንትና ዛሬ የሙሉ ሰዓት የወታደር ማመላለሻ፣ የሄሊኮፕተር፣ የድሮን እና የጦር ጄቶች ማኮብኮቢያ ሆኖ እያገለገለ ይገኛል። በአሁኑ ወቅት በአካባቢው መደበኛ የኮሙኒኬሽንና የኔትዎርክ አገልግሎቶች ሙሉ በሙሉ መቋረጣቸው ተረጋግጧል።
በሌላ በኩል፣ መንግስት በምስራቅ እና ምዕራብ ወለጋ ዞኖች አዋሳኝ፣ ከአርጆ ጉደቱ ከተማ በቅርብ ርቀት ላይ የሚገኘውንና በደርግ ዘመን ተገንብቶ ከአገልግሎት ውጭ የነበረውን የደዴሣ አየር ማረፊያ መልሶ በማፅዳትና በማደስ በአዲስ መልኩ ስራ ማስጀመሩ ታውቋል። ይህ ስፍራ በቄለም ወለጋ (ደምቢዶሎ) በኩል በረራ ሲለካ ለሱዳን ድንበር ቅርብ በመሆኑ፣ የጄነራል መሀመድ ሀምዳን ዳጋሎ (ሄሜቲ) የፈጣን ድጋፍ ሰጪ ኃይል (RSF) እንደ ድሮን ጣቢያ ሊጠቀምበት እንደሚችል የደረሱን መረጃዎች ያመለክታሉ።
የደዴሣ ካምፕ አካባቢ ከ1950ዎቹ እና 60ዎቹ ጀምሮ በርካታ ቁጥር ያላቸው የአማራ ተወላጆች የሰፈሩበት ስፍራ ነው። አካባቢው በ2013 እና 2014 ዓ.ም የጅምላ ጭፍጨፋ ከተፈጸመበት የጊምቢ (ቶሌ) አካባቢ በ10 ኪሎ ሜትር ርቀት ላይ ብቻ የሚገኝ ሲሆን፣ አሁንም በቶሌ፣ ጊምቢ፣ አርጆ ጉደቱ፣ ጨዋቃ፣ ኤፍሬም እና ዲጋ አካባቢዎች ከፍተኛ ቁጥር ያለው የአማራ ማህበረሰብ ይኖራል። ካምፑ ከቤኒሻንጉል ጉምዝ ክልል በሎ-ጂጋንፎይ ወረዳ ጋር የሚዋሰን ሲሆን፣ የአየር ማረፊያው በአዲስ መልኩ መዋቀር በአካባቢው ባለው ሰፊ ህዝብ ላይ የወደፊት የአየር ጥቃቶችን ለመፈጸም እንደ አመቺ ሁኔታ ሊያገለግል ይችላል የሚል ስጋት ማሳደሩን ከአካባቢው የወጡ መረጃዎች ያመለክታሉ።
24 черв, 05:09
ታሪክ የማይረሳው በደል፣ ምድሪቱን ያጨማለቃት የአብይ አህመድ ስርዓት የደም አዙሪት!
ይህ አገዛዝ ወደ ስልጣን ከመጣበት ቀን ጀምሮ በሀገሪቱ ላይ ያልተፈጸመ የግፍ አይነት፣ ያልተዘራ የጥል ዘር የለም። በታሪክ ሰነድ ላይ ጥቁር ጠባሳ ሆኖ የሚቀረውና አማራን ከምድር ገፅ ለማጥፋት ያለመው የመጀመሪያው የጆነሳይድ ስራ፣ ዛሬም ድረስ በንጹሀን ደም ምድሪቱን እያራሳት ይገኛል። ሆኖም ግን... ይህ የጥፋት እሳት በሀገር በቀል ወገኖች ላይ ብቻ አልተገታም። ዛሬ የኦሮሚያ መሬት ለኢንቨስተሮችና ለውጭ ሀገራት ዜጎች ጭምር የፍርሃትና የደም መሬት ሆናለች።
በአደባባይ መዋረድ፣ መደብደብና መዘረፍ የዕለት ተዕለት ክስተት ሆኗል። ሰሞኑን በዚሁ በኦሮሚያ ክልል ውስጥ የተፈጸመው አሰቃቂ ድርጊት ደግሞ የጉዳዩን አሳሳቢነት ይበልጥ ያጎላዋል። በክልሉ ኢንቨስት አድርጎ የሚንቀሳቀሰውን የሆላንድ ዜጋ ባለሀብት በማነጣጠር፣ ንብረቱን ከመዝረፍ ባለፈ በአደባባይ ከፍተኛ ድብደባና ውርደት ተፈፅሞበታል።
የህግ የበላይነት በጠፋበት፣ ስርአተ-አልበኝነት በነገሰበት መድረክ ላይ... ማንም ዋስትና የለውም! ይህ በሆላንዱ ዜጋ ላይ የደረሰው ጥቃት፣ የአገዛዙ ስርአት-አልበኝነት የት ደረጃ ላይ እንደደረሰና ንጹሀን ዜጎችም ሆኑ የውጭ ሀገር ተወላጆች ለዝርፊያና ለደህንነት ስጋት መጋለጣቸውን በግልፅ ያሳየ ክስተት ሆኗል።
የደም መሬቷ ኦሮሚያ ዛሬም በውጭ ዜጎች እንባና ስቃይ እየታመሰች፣ ዝርፊያውና ግፉ ያለማቋረጥ ቀጥሏል።#Dawit #Amhara
24 черв, 05:08
የአገዛዙ ወታደሮች ከኦነግ ሸኔ ታጣቂዎች ጋር በመቀናጀት በድሮን ጭምር ታግዘው በደራ አማራዎች ላይ የከፈቱት ጥቃት ተባብሶ ቀጥሏል።
በትናንትናው እለት በተፈፀመ የድሮን ጥቃት 18 ሰዎች ሙትና ቁስለኛ ሆነዋል።
ኦህዴድ መሩ የብልፅግና አገዛዝ ከኦነግ ሸኔ ታጣቂዎች ጋር ቅንጅት በመፍጠር በደራ እና አካባቢው አማራዎች ላይ የዘር ጭፍጨፋ እየፈፀመ ነው።
በጥቃቱ የንፁኋኖች ሕይወት አልፏል።ህፃናትና አረጋውያንን ጨምሮ ከ80 በላይ ንፁኋን ወገኖች ታግተው ተወስደው ደብዛቸው ጠፍቷል። ሃብት ንብረት ወድሟል፣ የቀንድ ከብቶች ጭምር ተዘርፈዋል።
በደራ ወረዳ ትላንት ሰኔ 15/ 2018 ዓ/ም በተፈፀመ የድሮን ጥቃት ሰባት ሰዎች ሲገደሉ፡ 11 ሰዎች ደግሞ የአካል ጉዳት እንደ ደረሰባቸው ነው መረብ ሚዲያ ለማረጋገጥ የቻለው።
ከድሮን ጥቃቱ በተጨማሪ አበጦ ቀበሌን ጨምሮ በሌሎች የደራ ወረዳ አከባቢዎች ትላንት ሰኔ 15/ 2018 ዓ/ም ህፃናትና አረጋውያንን ጨምሮ ከ80 በላይ ንፁኋን ወገኖች በመከላከያ ሠራዊቱና በኦነግ ሸኔ ታጣቂ ጥምር ጦር ታግተው ተወስደው ደብዛቸው መጥፋቱም ታውቋል።
በተጨማሪም 500 የሚደርሱ የቀንድ ከብቶች በጥምር ጦሩ ተዘርፈው የተወሰዱ ሲሆን፡ ቀሪ የነዋሪዎቹ ሃብት ንብረትም በታጣቂዎቱ መውደሙን መረብ ሚዲያ ለማረጋገጥ ችሏል።
ጀምበር ያዘቀዘቀችበት የብልፅግናው አገዛዝ በይልማ መርዳሳ አየር ኃይል አዛዥነት በድሮን ጭምር በመታገዝ በደራ ጉምዶ መስቀልና አከባቢው አማራዎች ላይ የከፈተው የዘር ፍጅት ተባብሶ ቀጥሏል።
24 черв, 03:09
የጥንቃቄ መልዕክት!!
ሃገር አፍራሹና ፀረ አማራው የብልፅግና አገዛዝ በተለያዩ ቦታዎቺ የደረሰበትን ምት መቋቋም ሲያቅተው የፈሪ ዱላውን ንፁኋን ማህበረሰብ ላይ እያሳረፈ ይገኛል። በኦሮሚያ ክልል ምስራቅ ወለጋ ዞን ስር በሚገኙ የአማራ ተወላጆች ብቻ በሚኖሩባቸው የተለያዩ ቀበሌዎች ላይ በጦር ሄሊኮፍተርና በጄት እንዲሁም በሰው አልባ አውሮፕላን የታገዘ ጥቃት በመፈፀም የንፁኋኖችን ሕይወት ቀጥፏል።
ጥቃቱ የተፈፀመው ዛሬ ሰኔ 16/2018 ዓ/ም ሲሆን፡ በተለይ በምስራቅ ወለጋ ዞን ጊዳ አያና ወረዳ አንዶዴ ዲቾ ቀበሌ ላይ አድት እናት የጥቃቱ ሰለባ ስትሆን በረካቶቺ ደግሞ ቀስለኛ ሁነዋል። በሌላኛው ልዩ ቦታው ደግሞ አሊ በተባለ መንደር ላይ ቁጥራቸው በውል ያልታወቀ በርካታ ንፁኋን ወገኖች የጥቃቱ ሰለባ ሆነዋል።
ጥቃቱ ከተፈፀመበት አከባቢ በግምት በ30km ርቀት ላይ በሚገኘው በነቀምቴ አየር ማረፊያ መነሻና መንደርደሪያውን ባደረገው የጦር ጄት፡ በተለይ በአሊ ቀበሌ በተፈፀመው ጥቃት ሕይወታቸው ካለፈ ንፁኋኖች በተጨማሪ የቆሰሉ ወገኖች ወደ አንገር ጉትን ከተማ ተወስደው እንዳይታከሙ መከላከያ ሠራዊቱና የገዳ ኮማንዶ መንገድ በመዝጋት ጭምር አረመኔያዊ ድርጊት ፈፅመዋል።
በተመሣሣይ በዞኑ ዋጃ ተብሎ በሚጠራው አከባቢ አገዛዙ በንፁኋኖች ላይ በጦር ሄሊኮፍተር ታግዞ ፈንጅ ሲወረውር ውሏል።
በተመሣሣይ፡ ጉልማ ተብሎ በሚጠራው አከባቢ በጦር ጄትና በሰው አልባ አውሮፕላን የታገዘ ድብደባ ሲፈፀም የዋለ ሲሆን፡ በዚህም በእርሻ ስራ ላይ የነበሩ አርሶ አደሮች ጭምር የጥቃቱ ሰለባ መሆናቸው ታውቋል።
በተያያዘ ዜና፡ ቱሉጋና ከተማን ጨምሮ ለምስራቅ ወለጋ አጎራባች በሆኑ የሆሮጉድሩ ወለጋ ዞን አከባቢዎች ላይ ሰፊ የሆነ የሰው አልባ አውሮፕላን ቅኝት ሲደረግ ውሏል።
ስለሆነም መላ ህዝባቺን ከዚህ ፀረ ፋሺስት አገዛዝ እራሳቸንን በመከላከልና አለስፈለጊ የሆኑ ስብስቦቺን እድናቆም ስንል በጥብቅ እናሳስብለን።
አፋብን ወለጋ(ቢዛሞ) አንሻ ሰይድ ዕዝ ህ/ግንኙነት መምሪያ
24 черв, 01:04
አገዛዙ ንፁኋኖችን ኢላማ ያደረገ የጄትና የሄሊኮፍተር ድብደባ ፈፀመ!
ሃገር አፍራሹና ፀረ አማራው የብልፅግና አገዛዝ በኦሮሚያ ክልል ምስራቅ ወለጋ ዞን ስር በሚገኙ የአማራ ተወላጆች ብቻ በሚኖሩባቸው የተለያዩ ቀበሌዎች ላይ በጦር ሄሊኮፍተርና በጄት እንዲሁም በሰው አልባ አውሮፕላን የታገዘ ጥቃት በመፈፀም የንፁኋኖችን ሕይወት ቀጥፏል።
ጥቃቱ የተፈፀመው ዛሬ ሰኔ 16/2018 ዓ/ም ሲሆን፡ በተለይ በምስራቅ ወለጋ ዞን ጊዳ አያና ወረዳ አንዶዴ ዲቾ ቀበሌ ልዩ ቦታው አሊ በተባለ መንደር ላይ ቁጥራቸው በውል ያልታወቀ በርካታ ንፁኋን ወገኖች የጥቃቱ ሰለባ ሆነዋል።
ጥቃቱ ከተፈፀመበት አከባቢ በግምት በ30km ርቀት ላይ በሚገኘው በነቀምቴ አየር ማረፊያ መነሻና መንደርደሪያውን ባደረገው የጦር ጄት፡ በተለይ በአሊ ቀበሌ በተፈፀመው ጥቃት ሕይወታቸው ካለፈ ንፁኋኖች በተጨማሪ የቆሰሉ ወገኖች ወደ አንገር ጉትን ከተማ ተወስደው እንዳይታከሙ መከላከያ ሠራዊቱና የገዳ ኮማንዶ መንገድ በመዝጋት ጭምር አረመኔያዊ ድርጊት ፈፅመዋል።
በተመሣሣይ በዞኑ ዋጃ ተብሎ በሚጠራው አከባቢ አገዛዙ በንፁኋኖች ላይ በጦር ሄሊኮፍተር ታግዞ ፈንጅ ሲወረውር ውሏል።
በአከባቢው መደበኛው የኔትዎርክ አገልግሎት በመቋረጡ የደረሰውን ሰብአዊ ጉዳት በውል ለማወቅ አልተቻለም።
በተመሣሣይ፡ ጉልማ ተብሎ በሚጠራው አከባቢ በጦር ጄትና በሰው አልባ አውሮፕላን የታገዘ ድብደባ ሲፈፀም የዋለ ሲሆን፡ በዚህም በእርሻ ስራ ላይ የነበሩ አርሶ አደሮች ጭምር የጥቃቱ ሰለባ መሆናቸው ታውቋል።
በተያያዘ ዜና፡ ቱሉጋና ከተማን ጨምሮ ለምስራቅ ወለጋ አጎራባች በሆኑ የሆሮጉድሩ ወለጋ ዞን አከባቢዎች ላይ ሰፊ የሆነ የሰው አልባ አውሮፕላን ቅኝት ሲደረግ ውሏል።
23 черв, 15:08
በሸበል በረንታ ወረዳ 2 የአገዛዙ ሰራዊት አባላት ሲወገዱ 2ቱ ከባድ ቁስለኛ ሆነዋል!!
64ኛ ክ/ጦር ሰኔ 16/2018 ዓ.ም
~~~~~~~
ሰኔ 16/2018 ዓ.ም በሸበል በረንታ ወረዳ የዕዱውሃ ከተማ ሰፍሮ የሚገኘው የአገዛዙ አረ* ናዊ ሰራዊት አባላት ከመንገድ መሪው ቅጥረኛ ሚሊሻ ጋር በመቀናጀት በየዕድውሃ እና አካባቢው የሚገኙ አርሶ አደሮች የግል መሳሪያ ለመዝረፍ እንቅስቃሴ ቢያደርጉም በጀግኖቹ የሽፈራው ገርባው ልጆች የዝረፊያ ዕቅዱን አክሽፈውታል።
አፋብን ቴዎድሮስ ዕዝ 201ኛ ኮር 64ኛ ክ/ጦር በሸበል በረንታ ወረዳ የዕዱውሃ እና አካባቢው ወረጎ ቀበሌ ወይንውሃ ጉጥ በወሰደው ከባድ እርምጃ 2 የአገዛዙ ሰራዊት አባላት ላይ እርምጃ ወስዶል። ከእነዚህም ውስጥ የ10 ዓለቃ ማዕርግ ያለው ሻንበል መሪ ሲወገድ 2 የአገዛዙ ሰራዊት አባላትን ከባድ ቁስለኛ ሆነዋል።
ክ/ጦር በአገዛዙ ሀይል ላይ በወሰደው ከባድ እርምጃ ተስፋ የቆረጠው የአገዛዙ ሰራዊት አባላት የአካባቢው ማህበረሰብን የቤት በር በመስበር አርሶ አደሮችን ለማዳበሪያ መግዥያ ያስቀመጡትን ገንዘብ በመዝረፍ ወደ መጣበት የዕድውሃ ከተማ ተመልሰዋል።
አዲስ ትውልድ፣ አዲስ አስተሳሰብ፣ አዲስ ተስፋ!!
ሰኔ 16/2018 ዓ.ም
አፋብን ቴዎድሮስ ዕዝ 201ኛ ኮር 64ኛ ክ/ጦር ሕዝብ ግንኙነት
23 черв, 14:22
በማህበራዊ ሚዲያ የኑግ አገዳ አቅም ያላቸው "ቀበኛ" የሚያሰራጩት መረጃዎች በሆዳቸው ያደሩ የብልፅግናን አጀንዳ በመሸከም የጎበጡ ሐስተኛ መሆናቸውን ስለማሳወቅ፤
♨️♨️♨️♨️♨️♨️♨️♨️♨️♨️
ሰኔ 16/2018
👉የተከበራችሁ ውድ የአማራ የፋኖ መሪዎች፣
👉የተከበራችሁ የአማራ ፋኖዎች፣
👉 የተከበራችሁ ውድ የትግሉ ደጋፋዎች እንዲሁም የፋኖ ድል ናፋቂዎች አማራውያን በሙሉ፤
=======================
📌 በመጀመሪያ ከሁሉም በማስቀደም ሰላምታ ማቅርብ እንወዳለን🙏🙏🙏
ከዚህ በመቀጠል አሁን እስከ አለንበት ሰዓት ድረስ የመከራ ቀንበር ለተሸከመው ለታላቁ አማራ ህዝብ ህልውና ሲሉ አካላቸውን ላጡና አይተኬ ህይወታቸውን ለገበሩ ለትግሉ ሰማዕታት ለከፈሉት የህይወት ዋጋ ያለነን ታላቅ አክብሮት እና ስሜትን መግለፅ እንሻለን።
የአማራ ፋኖ ትግል በጀግኖች መስዕዋትነት ከአለት የተመሰርተ እንደ "ፌሮ"ብርት የጠና መሰረቱ በአማራ ህዝብ ውኃ ልክ የተሰራ ሳይሆን ኖሮ ቢሆን በሚወረወረው የአንባገነኑ ስርዓት የማህበራዊ ሚሊሻ የሚዲያ ጋጋታ ፣ ሽለላ፣ቅርርቶ፣ የፔስታል አቅም የተሸከሙ የውስጥም ተኩላዎች እና ቁራዎች ጨምሮ በሚሰጡት አጀንዳዎች ቢሆን ኖሮ እንፈርስ ነበር።
እውነተው ግን እንዲህ ነው.....!
አባታችን ታላቁ ሰማዕቱ ሜጀር ጀኔራል ውባንተ አባተን ጨምሮ ታሪካቸውን በብዕር ቀለም ሳይሆን በደምና አጥንት አስቀምጠው ያለፉትን የታሪክ ጀግኖች ወንድሞቻችን የእነሱን ፈለግ በመከተል በጀብደኝነት መፋለም በክብር ለወጣንለት ዓላማ እስከ ህይወት መስዕዋትነት በመክፈል የታላቁን አማራ ህዝብ ህልውና ማረጋገጥ ህፀፅ የሌለው የአዕምሮ ማህተማችን ነው።
የጀመርነውን የህልውና ተጋድሎ ከታለመለት ዓላማ ግብ ለማድረስ በመንደር፣ በጎጥ ፣በቀጠና ፣በዘር ሀርግ ፣ጠላቶቻችን በሰጡን አቅጣጫ፣ ፣እርስ በራስ በመጠላለፍ፣ የተለያዩ ታልጋዎችን በመለጠፍ፣የራስን ፍላጎት በማስቀደም፣ በእኔነት አባዜ ሳንባዝዝ በግል ጥቅም ሳንወድቅ በፅኑ ታምነን ትግላችን በተግባር እንደ ወርቅ በእሳቱ ተፈትነን አላማችን እስከ ቀራኒዮ ድረስ ማስቀጠል የዘወትር ግዴታችን ነው።
ስለሆነም የአገዛዙ የሚዲያ ጉድፍቻ በጥቅም የሰከሩ በቀዳሚነት የሆነው "ሙሉጌታ ካሴ"እና ግብር አበሮቹ በማሳተፍ በሜ/ጀኔራል ውባንተ አባተ ፩ኛ ኮር ስር በርካታ ጀብዶችን በመፈፀም የሚታወቀው የጠላት ራስ ምታት ጉና ክፍለ ጦር ሰም የማጠልሸት ከውስጥም ከውጭም የጠላትን ስውር አጀንዳ በማስፈፀም የነፈዙ በማህበራዊ ሚዲያ AIን በመጠቀም የሚያሰራጩት ሃሳብ ፍፁም በሬ ወለድ ሐስትን የተሸከመ እውነትን የቀበር ፀረ አንድነትን በመሆኑ የአማራ ፋኖ የትግላችን ፊታውራሪ መሪዎች፣ ታጋይ ሰራዊታችን እንዲሁም የትግሉ ደጋፊዎች እውነቱን እንዲረዱ እና እንዲያውቅ ስንል መልዕክታችን እናስተላልፋለን።
የጀመርናውን ታሪካዊ የህልውና ተጋድሎ ሳንካዎች ሳይበግሩን ይበልጥ ካስማ ሁነን ተጠናክረን ቀጥለናል።
ዘላለማዊ ክብር ለትግሉ ሰማዕታት!
ህልውናችን በተባበረ ክንዳችን!
✍️ የሜጀር ጀኔራል ውባንተ አባተ ፩ኛ ኮር ጉና ክፍለ ጦር ህዝብ ግንኙነት ሃላፊ
23 черв, 14:16
