ፍኖተ-አማራ ሚዲያ (Finote Amhara Media)
Відкрити в Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Показати більше4 387
Підписники
-1324 години
-657 днів
+1430 днів
Архів дописів
ለተከታታይ ሁለት ቀናት በቀጠለው አውደ ውጊያ ከ35 በላይ የብልፅግና ጦር የተደመሰሰበት የ19ኛ ክፍለ ጦር አኩሪ ተጋድሎ!
ሚያዚያ:-22/2018 ዓ/ም
የአማራ ፋኖ ብሔራዊ ንቅናቄ (አፋብን) ወሎ ቤተ-አማራ ምኒልክ ዕዝ 303ኛ ግዙፉ አሳምነው ኮር ክንፍ የሆነው 19ኛ ክፍለ ጦር በቡግና ወረዳ ከአይና እስከ ብርኮ ጉልሃ በሸፈነ የአውደ ውጊያ ቀጠና ጠላትን በመጣበት ልክ አይቀጡ ቅጣት በመቅጣት እንደ እብድ ውሻ እየተክለፈለፈ ወደ መጣበት እንዲመለስ በማድረግ ታላቅ ድል ተጎናፅፈዋል።
ከሚያዚያ 21/2018 ዓ/ም ጀምሮ የአካባቢውን ኔትወርክ በማጥፋት መነሻውን ከቡግና ወረዳ አይና ከተማ በማድረግ ወደ ብርኮና ጉልሃ አድርጎ ፋኖን አፍናለሁ ብሎ የተንቀሳቀሰው የብልፅግና ጦር ባላሰበውና ባልጠበቀው ሁኔታ ለማፈን አስቦ የሄደውን ስቦ በማስገባት ራሱ ታፍኖ ጠላት ከማጥቃት ወደ መከላከል ተሸጋግሮ ለተከታታይ ሁለት ቀናት እልህ አስጨራሽ ውጊያ ሲቀጠቀጥ ውሎ አድሯል።
በዚህ አውደ ውጊያ 35 የጠላት ኃይል ሲደመሰስ ከ20 በላይ ቁስለኛውን በሦስት አምቡላንስ ጭኖ ወደ አይና ከተማ ፈርጥጧል።
የጨበጣ ውጊያው እስከ ሚያዚያ 22/2018 ዓ/ም ረፋድ 5:00 ሰዓት የቀጠለ ሲሆን ፋኖዎቹ አራት የጠላት ምሽግን በማስለቀቅ ወደ ሙሉ ማጥቃት የተሸጋገሩ ሲሆን የብርሐኑ ጁላ ጦር ይህንን መቋቋም ሲያቅተው ከብርኮ ወደ አይና ከተማ እግሬ አውጭኝ ብሎ የፈረጠጠ ሲሆን ሐሙሲት ከተማ ላይ ለጥቂት ከፋኖዎች እጅ ሊገባ የነበረውን ዙ-23 በሞርተርና በመቶ ሰባት ሽፋን በመስጠት ከሰብዓዊነት ቁስን በማስበለጥ ከ15 በላይ እስከሬኑን ሳይቀብር አንጠባጥቦ ተመልሷል።
በዚህ መብረቃዊ ምት የተደናገጠው የአገዛዙ ሰራዊት በንፁሃን ላይ አሰቃቂ ግፍ የፈፀመ ሲሆን ሚያዚያ ጊዮርጊስ ዓመታዊ ንግስ ክብረ በዓል ወደ ብልባላ ጊዮርጊስ በእግራቸው የሚጓዙ ምዕመናንን አንድ ህፃንን ጨምሮ ሦስት ንፁሃንን በከባድ መሳሪያ ጨፍጭፏል፤ የአንድን ወጣት የቀኝ እግሩን በጥይት በመምታት እንዲቆረጥ በማድረግ ዘግናኝ ድርጊት በንፁሃን ላይ መፈፀሙን አጠናክሮ ቀጥሎበታል።
መዳረሻዉ ድል እና ነፃነት የሆነዉ የአማራ ህዝብ የህልዉና ተጋድሎ ተጠናክሮ ይቀጥላል ሲል የ303ኛ ግዙፉ አሳምነው ኮር ህዝብ ግንኙነት ክፍል መረጃውን አድርሷል።
አፋብን ወሎ ቤተ-አማራ ምኒልክ ዕዝ
ሚያዚያ:- 22/2018 ዓ/ም
30 квіт, 12:31
በአለም አቀፍ ደረጃ ''No ballots while bullet fly" የሚል ታላቅ የሕዝብ ተቃውሞ ሰልፍ ሊካሄድ ነው!
በአማራ ሕዝብ ላይ እየተፈጸመ ያለውን የዘር ማጥፋት ወንጀል፣ የድሮን ጥቃቶችን እና የአገዛዙን "የውሸት ምርጫ" (Fake Election) ድራማ ለመቃወም በተለያዩ የአለም ከተሞች ተከታታይ የሰልፍ ጥሪዎች መቅረባቸው ተገለጸ።
"ዛሬ የእኛ ዝምታ ነገ የእነሱ ጉልበት ነው፤ ዛሬ የእኛ ድምፅ እነሱን የሚቀይር ነው" በሚል መሪ ቃል የሚካሄዱት እነዚህ ሰልፎች፣ ዓለም አቀፉ ማኅበረሰብ በንጹሃን አማራዎች ላይ እየደረሰ ያለውን ግፍ እንዲገነዘብና አፋጣኝ እርምጃ እንዲወስድ ለማሳሰብ ያለሙ ናቸው።
በወጣው መርሃ ግብር መሠረት፦
• በስዊድን (Sweden): ዓርብ ሚያዝያ 23 ቀን (May 1) ታላቅ የተቃውሞ ሰልፍ ይካሄዳል።
• በቤልጂየም (Brussels): ሰኞ ግንቦት 3 ቀን (May 11) የአውሮፓ ኅብረት መቀመጫ በሆነችው ብራሰልስ ድምፅ ይሠማል።
• በፈረንሳይ (Paris) እና በእንግሊዝ (London): ቅዳሜ ግንቦት 15 ቀን (May 23) በሁለቱም ዋና ከተሞች የተቀናጀ ሰልፍ ይካሄዳል።
• በጣሊያን (Italy): እሁድ ግንቦት 9 ቀን (May 17) ሰልፉ ቀጥሎ ይውላል።
. በኖርዌይ May 29
. በካናዳ ኦቶዋ May 16 እና በ Monitoba May 17
. በአሜሪካ ሲያትል May 9 ፣ እና ዲሲ May 14
በአውስትራሊያ ሜልበርን May 17
ሰልፎቹ ይደረጋሉ።
አዘጋጆቹ "ለፍትሕ አብረን እንቁም" (Stand Together for Justice) በሚል ባስተላለፉት መልዕክት፣ በነዚህ ሀገራትና በአቅራቢያቸው የሚኖሩ ኢትዮጵያውያንና የሰብዓዊ መብት ተሟጋቾች በነቂስ ወጥተው ለወገኖቻቸው ድምፅ እንዲሆኑ ጥሪ አቅርበዋል።
በተለይም አገዛዙ በደም የተጨማለቀ "የምርጫ ሳጥን" (Fake Election Box) በመጠቀም ዓለምን ለማታለልና ሥልጣኑን ለማራዘም የሚያደርገውን ሙከራ ለማጋለጥ ሰልፎቹ ከፍተኛ ሚና እንደሚኖራቸው ተጠቁሟል።
የሰልፉ አስተባባሪዎች እንደገለጹት፣ እነዚህ ሰልፎች በሀገር ቤት እየተካሄደ ያለውን የህልውና ተጋድሎ በዲፕሎማሲው መስክ ለማጠናከር ታስበው የተዘጋጁ ናቸው ተብሏል።
30 квіт, 12:30
ሰበር ዜና
አምስት የአድማ ብተና አባላት መቶ አለቃውን በመሸኘት ግዙፋን ጎንደሬ በጋሻው ክፍለ ጦርን ተቀላቀሉ።
አምባጊወርጊስ ከተማ መቀመጫውን አድርጎ ለአገዛዙ ወንበር ጥበቃ ሲያገለግል ከነበረው ሀይል ውስጥ አምስት የአድማ ብተና አባላት ስዓቱ አሁን ነው በማለት መቶ አለቃ ምስጌ አስናቀውን እና ሶስት አባላቱን ወደ ላይኛው ላይመለሱ በመሸኘት ከፍተኛ ተጋድሎ በማድረግ የህዝብ ልጅ የሆነውን የአማራ ፋኖ ብሔራዊ ንቅናቄ (አፋብን) ጎንደር ጠቅላይ ግዛት በላይ ዘለቀ ዕዝ የዳግማዊ ቴዎድሮስ (5ኛ) ኮር ግዙፋን ጎንደሬ በጋሻው ክፍለ ጦር አሀድ የሆነውን ቴውድሮስ ብርጌድ ራስ አሞራው ውብነህ ቁጥር አንድ ሻለቃን በመቀላቀል ለአማራ ህዝብ የህልውና ትግልን የድርሻቸውን ለመወጣት ሲሉ ከአገዛዙ አሽከርነት ወደ ፋኖ የነፃነት ተፋላሚነት አምስት ክላሽ በመያዝ ተቀላቅለዋል ።
የጎንደሬ በጋሻው ክፍለ ጦርን ራስ አሞራው ውብነህ ቁጥር አንድ ሻለቃን የተቀላቀሉ የአድማ ብተና አባለት ስም ዝርዝር
1, ኮንስታብል ሙሉቀን ተፈራ
2, ኮንስታብል ተመስገን ውበቱ
3, ኮንስታብል ሀብታሙ ጌጡ
4, ኮንስታብል የኔነህ ዋጋው
5, ኮንስታብል ፍቅሩ በላይነህ ሲሆን በዚህ ሳምንት ውስጥ ከ22 በላይ የመንግስት የፀጥታ አካላት የተለያዩ የጎንደሬ በጋሻው ክፍለ ጦር ብርጌዶችን ተቀላቅለዋል።
ጎንደሬ በጋሻው ክፍለ ጦር በሚንቀሳቀስበት ቀጠና አንዱ በሆነው ወገራ ወረዳ ብቻ በባለፋት ሶስት ወራት 6 ወይም ግማሽ ደርዘን ወታደራዊ መሪዎች ላይመለሱ የጥይት ቀለብ ሁነው ሜዳ ላይ ቀርተዋል። የመንግስት ወንበር አስጠባቂዎች አሁን ላይ መሰልጠን ፣መታጠቅ ከመሞት ቀድሞ ፋኖን መቀላቀል በሚል ከብልፅግና ስርዓት እየወጡ ወደ አፋብን ሀይሎች በከፍተኛ ሁኔታ እየመጡ ነው እኛም በክብር እየተቀበልን ነው ።
የአገዛዙ ወታደራዊ መሪዎች ሰራዊታቸው በከፍተኛ ሁኔታ እየከዳ በመቸገራቸው የተነሳ መሳሪያ እና ስልክ ቢጠረንፋም ጀግኖች ግን እነሱን እና ባንዳዎችን እየገደሉ ፋኖን ከመቀላቀል ሊያቆሟቸው አልቻሉም።
ህልውናችን በተባበረ ክንዳችን !!!
አርበኛ ታድሎ ደሴ (ካስትሮ ) የጎንደሬ በጋሻው ክ/ጦር ህ/ግን /ኃላፊ
ሚያዚያ 22/2018 ዓ/ም
30 квіт, 12:29
በንጉስ ሳህለ ሥላሴ ስም የተሰየመው አዲሱ ክፍለጦር የከተማ ውስጥ ኦፕሬሽን ሲፈፅም፣ ዕዙ ለወራት ያሰለጠናቸውን የአርበኞች ጦር ሰራዊት አስመርቆ አዲስ ብርጌድ መስርቷል።
ሚያዚያ 22/2018ዓ.ም
የአፋብን ሸዋ ጠቅላይ ግዛት አሳምነው ዕዝ የአፄ አምደ ፅዮን ኮር አካል የሆነው የንጉስ ሳህለ ሥላሴ ክፍለጦር የሞጃና ወደራ ወረዳ ዋና መቀመጫ በሆነችው በሰላድንጋይ ከተማ ትላንት ሚያዚያ 21 ቀን 2018ዓ.ም ከምሽቱ 2:00 ላይ በከተማዋ አደባባይ በልዩ ኦፕሬሽን ሰርገው በመግባት በአገዛዙ አየር ወለድ ክፍለጦር አባላት ላይ በፈፀሙት የከተማ ውስጥ ጥቃት አንድ የሰራዊቱ አመራር ሲገደል፣ በውል ያልታወቁ አባላት ከፍተኛ ጉዳት ማስተናገዳቸውን ኮሩ ገለፀ።
በተፈፀመው የተጠና የከተማ ውስጥ ኦፕሬሽን የተደናገጠው አገዛዝ አቶ አባየሁ ኃ/ስላሴ የተባለ የአገዛዙ ቅጥረኛ የሚሊሻ አባላል የፋኖ ተባባሪ ነሕ በሚል ከፍተኛ ድብደባ ከተፈፀመበት በኋላ የታሰረ ሲሆን ተጨማሪ በርካታ የአገዛዙ ሰራዊት አባላት ወደ እርስ በርስ ግጭት በመግባት ለእስር መዳረጋቸውን ኮሩ በመረጃው አረጋግጧል።
ይህ በእንዲሕ እንዳለ በትላንትናው ዕለት የዕዙ አካል የሆነው የአርበኛ መሃመድ ቢሆነኝ ኮር ግዙፉ አስቴጎማ ተራራ ክፍለ ጦር በአንፆኪያ ገምዛ ወረዳ መቅደላ ቀበሌ ላይ በአገዛዙ 102ኛ ልዩ ዘመቻ አየር ወለድ ሰራዊት ላይ የተሳካ የፈንጅ ጥቃት መፈፀሙን ኮሩ ገልጿል።
በግሼ ራቤል የሰፈረው የብልፅግናው ወራሪ ኃይል በጀግናው ሰራዊታችን በተፈፀመበት የፈንጅ ጥቃት በርካታ ጉዳት ማስተናገዱን ኮሩ አክሎ ገልጿል።
በሌላ የሸዋ መረጃ የአፋብን ሸዋ ጠቅላይ ግዛት አሳምነው ዕዝ የአርበኞች ጦር ሰራዊት በአንኮበር ቀጠና ለወራት ያሰለጠናቸውን አንድ ሙሉ ብርጌድ በማስመረቅ "መርዕድ አዝማች አብዬ ብርጌድን" በይፋ መስረቷል።
በሸዋ ጠቅላይ ግዛት አንኮበር ወርዳ ሐራምባ ክላስተር ስር የነበሩ የአርበኛ ጦር ሻለቆች ወደ አንድ አደረጃጀት በመምጣት ሚያዚያ 21/2018 ዓ.ም መርዕድ አዝማች አብዬ ብርጌድን መመስረቱን የዕዙ የአባት አርበኞች ጦር ሰራዊት መምሪያ አስታውቋል።
አዲስ የተመሰረተው ብርጌድ ስያሜውን ያገኛው በታሪካዊቷ የሐራምባ ከተማ መስራች መርዕድ አዝማች አብዬ ስም ሲሆን፣ መርዕድ አዝማች አብዬ አዲስ አበባ የነበረው የሸዋ ስልጣኔ በ16ኛው ክፍለ ዘመን ከፈረሰ በኃላ በሐራምባ ከተማ ቤተመንግስቱን ያደረገ 3ተኛው የሸዋ ጠቅላይ ግዛት መሪ ነው፣ አብዬም የመርዕድ አዝማች ስብስቴ ልጅ ነው።
በምስረታ ፕሮግራሙ ላይ የአፋብን ሸዋ ጠቅላይ ግዛት አሳምነው ዕዝ አመራሮች፣ የጣይቱ ክፍለጦር አመራሮች፣ የክላስተርና የቀበሌ አመራሮች ተገኝተዋል።
በመጨረሻም በብርጌዱ ምስራታ ፕሮግራም ላይ የተገኙት የዕዝና የክፍለጦር አመራሮች ለብርጌዱ የአመራር ምድባና የስራ ስምሪት ሰጥተዋል ሲል መምሪያው በላከው መረጃ አስታውቋል።
''ክብር ለትግሉ ሰማዕታት''
ህልውናችን በተባበረ ክንዳችን
የአፋብን ሸዋ ጠቅላይ ግዛት አሳምነው ዕዝ የህዝብ ግንኙነት መምሪያ
ሚያዚያ 22/2018ዓ.ም
30 квіт, 08:54
206ኛ ኮር ከብቁ ወጣቶች ጋር !!
በተደራጀ የፖለቲካ ስራ የአማራ ህዝብ ብሔራዊ ንቃት ይዳብራል፤ ህልውናውም ይረጋገጣል!
በሚል መሪ ቃል በምስ/ጎጃም የደባይ ጠላት ግን ወረዳ ዳማ ቀጠና የወጣቶች መድረክ እየተካሄደ ይገኛል።
ሚያዚያ 22/2018 ዓ.ም
=======================================
ከአፋብን በተሰጠ አቅጣጫ መሰረት 206ኛ ኮር በተቆጣጠራቸው ነፃ ቀጠናዎች የወጣቶች የውይይት መድረክ በተለያዩ አካባቢዎች በድምቀት ተካሒደዋል። የህልውና ትግሉን በተደራጀ መንገድ ጫፍ ለማድረስ ከባለ ድርሻ አካላት ጋር ለመወያየት የሚያስችል ሰነድ በመድረኩ ቀርቧል።
በምስራቅ ጎጃም ደባይ ጠላት ግን ወረዳ የዳማ ቀጠና እንዲሁ ህዝባዊ ውይይት የተደረገ ሲሆን አርሶአደሩ ተሳታፊ ሁኗል።
አዲስ ትውልድ! አዲስ አስተሳሰብ! አዲስ ተስፋ!
የአፋብን ቴዎድሮስ ዕዝ 206ኛ ኮር ህዝብ ግንኙነት!
30 квіт, 07:01
"ለመብቃት መሰልጠን ለመግባባት መመካከር"
አፋብን ጎንደር ጠቅላይ ግዛት በላይ ዕዝ 204ኛ አስቻለው ደሴ ኮር ለተከታታይ 3ቀናት አጠቃላይ የኮራችን ዕንቅስቃሴ ዙሪያ ተወያይቷል!!
🌲🌲🌲🌲==========🌲🌲🌲🌲
በውይይታችንም በዋናነት
⛰ የክብር ሽልማት እና የማዕረግ ስም ስያሜ
⛰ ከዚህ በፊት የመጣንባቸው የትግል ሂደቶች ከዚህ በኃላ መሆን ስላለበት የትግል ዕንቅስቃሴወች
⛰ ስለ ቀጣይ የትግል ግዳጂ
⛰ ስለ ጎንደር እንዲሁም ስለ አማራ ፋኖ አንድነት
⛰ የኮሩ የሰው ሀይል አያያዝ እና ትጥቅ አጠቃቀም
⛰ህዝብ አያያዝ እና አስተዳደር አፈጻጸም እና ሌሎች ጉዳዮች ላይ ከድርጅት; ከዕዙ; እንዲሁም በኮሩ ስር ያሉ የሁሉንም ክፍለ ጦር አመራሮች ማለትም
🔗 እትጌ ጣይቱ ክፍለ ጦር
🔗 ጋፋት ክፍለ ጦር
🔗 ጀኔራል ፈንታ በላይ ክፍለ ጦር
🔗 ፋሲል ክፍለ ጦር
🔗 ታዲወስ ታንቱ ክፍለ ጦር
የክፍለ ጦር አመራሮች እና ውስን የኮሩ ተወርዋሪ ሀይል በተገኙበት ሰፊ ውይይት ተደርጓል::
"የንጉሱን ለንጉሱ"
መሪን እናከብራለን መሪን እንጠብቃለን መሪን እናጀግናለን
አፋብን ጎንደር ጠቅላይ ግዛት በላይ ዕዝ 204ኛ አስቻለው ደሴ ኮር ለኮሩ ዋና አዛዥ ሜጀር ጀኔራል ተሾመ አበባው ትልቅ የዕውቅና እና የማዕረግ ስያሜ ተሰጥቷል::
ፋኖ ለመሆን መለኪያ ቢኖረው ሜጀር ጀኔራል ተሾመ አበባውን መሆን ይመስለናል። ተሾመ ማለት እውነት ነው; ቅንነት ነው; ሀቀኝነት ነው; ጀግንነት ነው; ታማኝነት ነው; ለአላማው የመነነ ሀብቱም ንብረቱም ትግሉ ብቻ የሆነ ሁሉን ነገሩን ለአማራ ህዝብ የሰጠ እንቁ መሪያችን ነው። ጥንቅቅ ያለ የሀቅ ሰው በቃ የፋኖነት መለኪያው መመዘኛው ሚዛኑ ራሱ ነው።
ታሪኩ በአጭር ጹሁፍ ለመግለጽ ይከብዳል።
እንደ አማራ የገጠሙንን ፈተናወች ሁሉ ለመመከት ገና በለጋ እድሜው ከወንዱ አስቻለው ደሴ ጋር ትግል የጀመረው እንቁው ታጋይ ፋኖነትን ተወልዶበት; ፋኖነትን አድጎበት; ፋኖነትን እየኖረለት የሚገኘው የዋሁ ገራገሩ የግዙፉ 204ኛ አስቻለው ደሴ ኮር ዋና መሪ ከዚህ በፊት የተለያዩ ስሞች አንድአንዴ ሻለቃ አንድአንዴ አርበኛ እያልን ስንጠራው ቆይተናል።
ነገር ግን ከሰራው ጀብድ እና ለትግሉ ካደረገው አስተዋጾኦ አንጻር የአማራ ህዝብ እና መላው ሰራዊታችን የመጠሪያ እና የማዕረግ ዕድገት እንድናደርግ ተደጋጋሚ ሀሳቦች አስተያየቶች ሲሰጡበት ቆይተዋል::
በመሆኑም ከዚህ በፊት በተለያየ ስያሜ ስንጠራው የነበረው ታማኙ የትግላችን ምልክት ከዛሬ ሚያዚያ 20/08/18 ዓ.ም ጀምሮ 🌷"ሜጀር ጀኔራል ተሾመ አበባው"🌷 ተብሎ የተሰየመ መሆኑን እንገልጻለን!!
የዚህ ሀሰብ ባለቤቶች የድርጂት የዕዝ እንዲሁም የ204ኛ አስቻለው ደሴ ኮር ስራ አስፈጻሚወች እንዲሁም መላው ሰራዊታችን ምስጋና ይገባችኋል!!
መሪያችን ሜጀር ጀኔራል ተሾመ አበባው እንደ እስካሁኑ በጽናት; በእምነት; በጀግንነት;በትብብር;በአንድነት;በቅንነት; ተተኪ መሪወችን በማፍራት ትግሉን ጫፍ እንደምታደርሰው እንተማመናለን::
ጠላቶቻችን ጠፋተዋል; ተበትነዋል;ፈርሰዋል;የሉም ; አይችሉም ሲሉን አይ እነ አሳምነው ጽጌ እነ አስቻለው ደሴ እና ሌሎችም በጎንደር;በሽዋ; በወሎ; በጎጃም የነበሩ እንቁ አርበኞቻችን በአጥንታቸው; በስጋቸው; በደማቸው አዋህደው ለዘላለም ላንናወጥ በጽኑ አለት ላይ የተገነባን መሆናችን ያሳየንበት ብቻ ሳይሆን ለጠላቶቻችን መራራ ኮሶ የእግር እሳት የሆንበት ጊዜ ላይ ሁነን እስከ ክብራችን አለን።
እንደ ኮር ወንዱ አስቻለው ደሴ 204ኛ ኮር ብለን ስንሰይም ስንሰባሰብ ያለ ምክንያት አይደለም!
አስቻለው (ገብርየ) በምርጥ ዘር ደረጃ አዘጋጂቶ ወደ ችግኝነት ቀይሮ ከችግኝ ወደ ዛፍነት ከዛፍነት ወደ ፍሬነት ተቀይሮ በዚህ ልክ ስንሰባሰብ
አስቻለውነት ፋኖነት
አስቻለውነት ጽናት
አስቻለውነት ታማኝነት
አስቻለውነት አማራነት
አስቻለውነት ድል አድራጊነት
አስቻለውነት እውነት
አስቻለውነት ሀገርነት
መሆኑን አውቀን; ተረድተን; ተገንዝበን; በምክንያት በስሙ ተሰባስበን ; በስሙ ተወያይተን; በስሙ ተዋግተን; በስሙ ተከብረን; በስሙም አሸናፊወች እንደምንሆን በመተማመን ነው።
የአደራው የአላማው የግቡ ተሸካሚወች መላው ሰራዊታችን በህጻንነቱ በገብርየ ተኮትኩቶ ባደገው የታማኝነት የጀግንነት የጽናት ምልክታችን ሜጀር ጀኔራል ተሾመ አበባው የሚመራ ኮር መሆኑ በራሱ ልዩ ያደርገዋል!!
በኮር ደረጃ መሰባሰባችን እንደ አማራ የገጠሙንን የህልውና ፈተናወች ሁሉ በቅርብም በሩቅም ካሉ አጋር የትግል ጓዶቻችን ጋር በፍጹም አማራዊ ስነ ልቦና; ፍቅር እና ወንድማማችነት እንዲሁም አንድነት ፈላጊነት በመላበስ እንደምንታገል ከዚህ በፊትም አሳይተናል ከዚህ በኃላም እናሳያለን
እንደራጃለን!
እንወያያለን!
እንሰለጥናለን!
እንታጠቃለን!
እናሸንፋለን!
አንድነታችን እያጸናን ልዩነቶችን እያጠበብን አሸናፊነታችን በቅርቡ እናውጃለን!!
ድል ለአማራ ፋኖ
ድል ለአማራ ህዝብ
አፋብን ጎንደር ጠቅላይ ግዛት በላይ ዕዝ 204ኛ አስቻለው ደሴ ኮር ህዝብ ግንኙነት ክፍል!!
29 квіт, 15:45
+7
ምኒልክ ዕዝ 105ኛ ኮር 47ኛ ክፍለ ጦር አትሮንስ ሻለቃ ለወራቶች ያሰለጠናቸውን ምልምል ፋኖዎች በደማቅ ሁኔታ አስመረቀ::
አማራ ፋኖ ብሔራዊ ንቅናቄ (አፋብን) ምኒልክ ዕዝ 105ኛ ኮር 47ኛ ክፍለ ጦር አትሮንስ ሻለቃ ለወራት ያሰለጠናቸውን ሰልጣኞች በድምቀት አስመረቀ::
አትሮንስ ሻለቃ ለአምስት ወራት በብቃትና በጥራት ያሰለጠናቸውን ከ150 በላይ ብቁ ሰልጣኞች አስመርቋል።
ምኒልክ ዕዝ በስሩ ያሉ ኮሮችን ራሳቸውን በሰው ሃይል እንዲያጠናክሩ ባወረደው አቅጣጫ መሰረት 105ኛ ኮር 47ኛ ክፍለ ጦር አትሮንስ ሻለቃ ለወራቶች ያሰለጠኗቸውን ምልምል ፋኖዎች በደማቅ ሁኔታ በማስመረቅ ራሳቸውን በሰው ሃይ እያደራጁ ይገኛሉ::
መዳረሻዉ ድል እና ነፃነት የሆነዉ የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
አፋብን ወሎ ቤተ-አማራ ምኒልክ ዕዝ
ሚያዚያ 21/2018 ዓ/ም
29 квіт, 14:51
#ተጠነክሮ_የቀጠለው_ድርጅት_አቀፍ_ህዝባዊ_መድረክ!
የአማራ ፋኖ ብሔራዊ ንቅናቄ (አፋብን) ባወረደው የስራ መመሪያ መሰረት በሸዋ ጠቅላይ ግዛት የተለያዩ አካባቢዎች የህዝብ መድረኮች ከተለያዩ የማህበረሰብ ክፍሎች ጋር እየተደረገ ይገኛል።
ሚያዚያ 21/2018ዓ.ም
እንደ ድርጅት አፋብን ባስቀመጠው የስራ አቅጣጫ መሰረት "በተደራጀ የፖለቲካ ስራ የአማራ ህዝብ ብሔራዊ ንቃት ይዳብራል፤ ህልውናውም ይረጋገጣል!" በሚል መሪ ቃል የአፋብን ሸዋ ጠቅላይ ግዛት አሳምነው ዕዝ በተቆጣጠራቸው በሁሉም የሸዋ ቀጠናዎች በተለያዩ አጀንዳዎች ላይ እየተካሄደ ባለው የህዝብ መድረክ የተለያዩ የማህበረሰብ ክፍሎች በመሳተፍ ላይ ይገኛሉ።
በዛሬው ዕለት ሚያዚያ 21 ቀን 2018ዓ.ም በሸዋ ጠቅላይ ግዛት መርሀቤቴ አውራጃ በሞረትና ጅሩ ወረዳ በዜናማርቆስ ክላክተር ታላቅ ህዝባዊ መድረክ መካሔዱን የአፋብን ሸዋ ጠቅላይ ግዛት አሳምነው ዕዝ አፄ አምደ ፅዮን ኮር በላከው የግንባር መረጃ ገልጿል።
የአፋበን ሸዋ ጠቅላይ ግዛት አሳምነው ዕዝ አፄ አምደ ፅዮን ኮር የራስ አበበ አረጋይ ክፍለጦር አመራሮች፣ የአርበኞች ጦር ሰራዊት አመራሮች እንዲሁም የዕዙ የፖለቲካ መምሪያ አመራሮች በተገኙበት በጅሩ ቀጠና በዜናማርቆስ ክላስተር ስር ካሉ ቀበሌዎች ከተወጣጡ ነዋሪዎች ጋር ደማቅና ውጤታማ ህዝባዊ መድረክ መካሔዱን ኮሩ ገልጿል።
በክላስተሩ ዙሪያ ካሉ ቀበሌዎች የተወጣጡ የማህበረሰብ ክፍሎች ጋር በተለያዩ አጀንዳዎች ላይ በተደረገው ወቅታዊ ድርጅት አቀፍ ውይይት በትግሉ ሒደትና ተያያዥ ጉዳዮች ዙሪያ በሳል የመድረክ ውይይት የተደረገ ሲሆን፣ ከመድረኩ ተሳታፊዎች ለተነሱ ወቅታዊ የተለያዩ ጥያቄዎች መድረኩን በሚመሩ በየደረጃው በሚገኙ አመራሮች ምላሽና ማብራሪያ ተሰጥቶበታል።
''ክብር ለትግሉ ሰማዕታት''
ህልውናችን በተባበረ ክንዳችን
የአፋብን ሸዋ ጠቅላይ ግዛት አሳምነው ዕዝ የህዝብ ግንኙነት መምሪያ
ሚያዚያ 21/2018ዓ.ም
29 квіт, 14:06
+2
አፋብን ምዕ/አማራ ቀጠና ቴዎድሮስ ዕዝ
105ኛ ኮር 44ኛ ክ/ጦር የጓጉሳ ሽኩዳድ ወረዳ ጊዚያዊ መንግሰት 20/8/2018 ሰፊ የሆነ ህዝባዊ መድረክ በመክፈት ህዝቡ ተቃውሞውን አሰምቷል‼️
በመድረኩም፦
➡️ የአማራ የህልውና ትግል ቁመና አና አሁን ያለው የትግሉ ነባራዊ ሁኔታ ከጊዜ ወደ ጊዜ በተሻለ ሁኔታ እንዳለና ወደፊት እየሄደ መሆኑን አርሶ አደሮች ተናግረዋል።
➡️ የአማራ የህልውና ትግል ወደፊት እየሄደ አንደሆነ በመድረኩ የነበሩ አርሶ አደሮች ተናግረዋል አክለውም የአማራን የህልውና ትግል እንደሚደግፉ ተናግረዋል።
➡️ ምርጫን በተመለከተም ሰፊ የሆነ የተቃውሞ ድምጥ ሲያሰሙ ውለዋል።
➡️በምርጫ ህዝብን ማታለል አይቻልም እየሞትን ምርጫ የለም በማለት የጓጉሳ ሽኩዳድ ወረዳ አርሶአደሮች ተናግረዋል።
1.አርሶ አደሩ ፍትህ እንጅ ድሮን አይፈልግም፤
2,ብልጽግና ሴት ልጆቻችን አግቶ አልመለሳቸውም!
3,ለአማራ ገበሬ ትራክተሩ ሳይሆን ታንኩ ቤታችን ደርሷል በማለት ተቃውሞአቸውን አሰምተዋል።
አዲስ ትውል፣አዲስ አስተሳሰብ፣አዲስ ተስፋ!
የጓጉሳ ሸኩዳድ ወረዳ ጊዚያዊ መንግስት ሚዲያና ኮምኒኬሽን ክፍል
21/ዐ8/2018 ዓ.ም
29 квіт, 08:58
303ኛ ኮር 14ኛ ክፍለ ጦር በጋዝጊብላ ወረዳ መቀመጫ የተሳካ ኦፕሬሽን በማድረግ ድል አስመዘገቡ::
የአማራ ፋኖ ብሔራዊ ንቅናቄ (አፋብን) ወሎ ቤተ-አማራ ምኒልክ ዕዝ 303ኛ አሳምነው ኮር አካል የሆነው 14ኛ ክፍለ ጦር በጋዝጊብላ ወረዳ መቀመጫ አስከተማና ዙሪያው ቅልጥም መስበሪያ ላይ በአገዛዙ ሰራዊትና በብልፅግና ካድሬ ላይ ታላቅ ድል ተጎናፀፈ።
ሚያዚያ 20/2018 ዓ/ም ከረፋዱ 5:00 ሰዓት አካባቢ መነሻውን ከአስከተማ አድርጎ ወደ ላልኪው ለማድረስ የተንቀሳቀሰው የብልፅግና ጦር አምስት ሬሽን የጫኑ መኪናዎችን የክፍለ ጦሩ አንደኛ ሻለቃ ቃኝዎች ቅልጥም መስበሪያ ላይ ደፈጣ በመያዝና በቡድን መሳሪያ በመታገዝ ከፊሉን ሬሽን ከጥቅም ውጭ በማድረግና ሬሽን ያጀቡትን በመደምሰስና ቀሪዎቹ ወደ መጡበት እንዲመለሱ አድርገዋል።
የአንደኛ ሻለቃ ቃኝዎች ላደረጉት የተሳካ ኦፕሬሽን መከታና ደጀን በመሆን በሌላ አቅጣጫ የሦስተኛ ሻለቃ ፋኖዎች ላልኪው ስላሴ አምባ የሚገኘውን የብልፅግና ጦር ላይ ጥቃት በመክፈት እና መፈናፈኛ በማሳጣት ለጠላት ኃይል እገዛና ሽፋን እንዳይሰጡት አድርገዋል።
በተጨማሪም ሚያዚያ 20 ለ21/ 2018 ዓ/ም ሌሊት 8:00 ሰዓት ላይ የክፍለ ጦሩ አንደኛ ሻለቃ ቃኝዎች፣ ከሻምበሎች የተወሰኑ ተጨምረውና የክፍለ ጦሩ አመራሮች ጋር በቅንጅት በደብረወይላ በኩል አድርገው በአስከተማ ቴክኒክና ሙያ በኩል የነበረውን የብልፅግና ሚሊሻና ፖሊስ አባላት ላይ ጥቃት በመፈፀም የነበሩበትን ምሽግ በማስለቀቅና ሁለት ሚሊሻ እስከወዲያኛው በመሸኘት ከሰባት በላይ በማቁሰል ታላቅ ጀብዱ የፈፀሙ ሲሆን የተኩሱን ድምፅ ቀድመው የሰሙት የጋዝጊብላ ወረዳ ብልፅግና ካድሬዎች ሌሊቱን ሻንጣቸውን በመሰብሰብ ወደ ዞኑ መቀመጫ ሰቆጣ ከተማ መኮብለላቸው ታውቋል።
መዳረሻዉ ድል እና ነፃነት የሆነዉ የአማራ ህዝብ የህልዉና ተጋድሎ ተጠናክሮ ይቀጥላል ሲል የ303ኛ ግዙፉ አሳምነው ኮር ህዝብ ግንኙነት ክፍል መረጃውን አድርሷል።
ህልውናችን በተባበረ ክንዳችን!
አፋብን ወሎ ቤተ-አማራ ምኒልክ ዕዝ
ሚያዚያ 21/2018 ዓ/ም
29 квіт, 08:57
ሰበር የቅንደሻ ዜና
አዳኞቹ መራዊ ከተማ ምሽት2:00ሰዓት በመግባት አስደማሚ ሰርጀሪ ሰርተዋል !!
ቴዎድሮስ ዕዝ 102ኛ ኮር 11ኛ ክፍለ ጦር አነፍናፊወች መራዊ ከተማ ዘልቀው በመግባት አስተዳደር ህንፃው አካባቢ በባንዳወቹ ላይ መብረቃዊ ጥቃት ፈፅመዋል ። አዳኞቹ በወሰዱት እርምጃ የስርዓቱ የጀርባ አጥንት አቢቴ ማለደ እና ከወገን ከድቶ ጠላትን ተቀላቅሎ የነበረው ጌታቸው የተባሉ ትልልቅ ባንዳወችን ጨምሮ በቁጥር 07የሆኑት እስከ ወዲያኛው ተሸኝተዋል ።
👇🏻
1ኛ አቢቴ ማለደ
2ኛ ጌታቸው ፈንቴ
3ኛ አንዷለም መዘጋጃ ውስጥ የሚሰራ
4ኛ ፈጠነ
5ኛ አለልኝ
6ኛ ጋሻነህ ብዙ አየሁ(ዘገር)
7ኛ አንተሁነኝ እንቢያለ
☑️ባንዳው አቢቴ ማለደ ማነው ?
አርበኛ ዘመነ ካሴን 2014 ዓ.ም ግንቦት 12ቀን ከነቤተሰቦቹ ያስከበበ በተደጋጋሚ ጊዜ ጠላትን እየመራ የቤተሰቦቹ ሀብት ንብረት እንዲወድም ሲያደርግ የቆየና በ2017ዓም የአርበኛውን ታላቅ ወንድም የገደፋው ካሴን ከብት በጠላት እንዲዘረፍ ያደረገ በጥቅሉ አቢቴ የስርዓቱ ታማኝ አገልጋይ በመሆን የሜጫ ህዝብ ላይ ያልፈፀመው የግፍ አይነት የሌለ ቢሆንም የፋኖ ቤተሰብን ሀብት በመዝረፍ፣ በማፈናቀል ፣በማሳደድ እና ፋኖ ዘራፊ ነው ለማስባል ከባህር ዳር እስከ ቢኮሎ አባይ አጋች ቡድን አሰማርቶ ከሹፌር እስከ ተሳፋሪ ከባለሀብት አስከ አርሶ አደር በማሳገት የሚታወቅ የቀጠናው ጋንግሪን ሆኖ የቆየ ባንዳ ነበር ። አቢቴ ከዘራፊ እስከ ነፍሰ ገዳይ አደራጅቶ ቀጠናውን ሰላም ከመንሳት ባለፈ ከካቢኔ እስከ ኮለኔል እና ጀኔራሎች በጥቅም የተሳሰረ እና የማይረካ በቀልተኛም ነበር ።ታዲያ ላንዴና ለመጨረሻ ጊዜ የሜጫ ምድር እፎይ ይል ዘንድ ካንሰሩ በጀግኖቹ ተነቅሏል ።
☑️ጌታቸው ፈንቴ ከጠላት ተልዕኮ ተቀብሎ ፋኖን ተቀላቅሎ ለጠላት መረጃ ሆኖ የቆየና ወገንን ከድቶ ጠላት ገብቶ ለባንዳነቱም ሀላፊነት ተሰጥቶት መራዊ ከተማ 01ቀበሌ ስራ አስኪያጅ ሆኖ እየሰራ የነበረ።
☑️ ጋሻነህ ብዙአየሁ (ዘገር)ልክ እንደ ጌታቸው ከጠላት ተልዕኮ ተቀብሎ ወገንን ተቀላቅሎ ለጠላት ሲሰራ የቆየና ከወገን ብሬን ይዞ ከድቶ ወደ ጠላት የተቀላቀለ እና ከፋኖ ጋ በነበረበት ወቅት ያጠናቸውን ከተማ የሚኖሩ የፋኖ ቤተሰቦች እየጠቆመ ሲያስጠቃ የቆየ ባንዳ ነበር ። የትግል አሚካላ የእናት ጡት ነካሽ ባንዳን የማፅዳቱ ስራ ተጠናክሮ ይቀጥላል ።
ለዚህ ነው የጊዜ ጉዳይ እንጅ አታመልጡንም የምንላችሁ !!
ቴዎድሮስ ዕዝ 102ኛ ኮር ህዝብ ግንኙነት
29 квіт, 08:56
የዕዙ ህግና ፍትህ መምሪያ ከሚመለከታቸው ባለ ድርሻ አካላት ጋር ወቅታዊ ውይይት አድርጓል።
ሚያዚያ 21/2018ዓ.ም
የአፋብን ሸዋ ጠቅላይ ግዛት አሳምነው ዕዝ ህግና ፍትህ መምሪያ በሸዋ ጠቅላይ ግዛት ተጉለትና ቡልጋ አውራጃ በስሩ ከሚገኙ የሳሲትና አካባቢው ከሚገኙ የክላስተርና የቀበሌና አመራሮች ጋር በህግና የፍትሕ አሰራር፣በወቅታዊ አጠቃላይ የትግሉ ሂደት ዙሪያ እንዲሁም በሌሎች ተያያዥ ጉዳዮች ላይ ያተኮረ ውይይት አድርጎል።
በመድረኩም መምሪያው ከተቋቋመ ወዲህ በተሰሩ ስራዎች ላይ ያተኮረ የአፈፃፀም ግምገማ በማድረግ ለቀጣይ የስራ አቅጣጫ ያመች ዘንድ በሚመለከታቸው በዘርፉ አመራሮች የሙያ ስልጠና ተሰጥቷል።
በተዘጋጀው መድረክ ላይ በቀጠናው የተመደቡ የፖለቲካ አመራሮች እንዲሁም የህግና የፍትህ አመራሮች እና ከሁሉም ቀበሌ የተወጣጠ የማህበረሰብ ወኪል አመራሮች ተገኝተዋል።
''ክብር ለትግሉ ሰማዕታት''
ህልውናችን በተባበረ ክንዳችን
የአፋብን ሸዋ ጠቅላይ ግዛት አሳምነው ዕዝ የህዝብ ግንኙነት መምሪያ
ሚያዚያ 21/2018ዓ.ም
29 квіт, 07:35
