រដ្ឋបាលខេត្តកំពង់ចាម

អភិបាលខេត្តកំពង់ចាមអញ្ជើញ អញ្ជើញចុះពិនិត្យទីតាំងគម្រោងអភិវឌ្ឍន៍ សួនច្បារ និងហេដ្ឋារចនាសម្ព័ន្ធមួយចំនួនទៀត នៅតំបន់ទន្លេអុំ (កំពង់ចាម): ឯកឧត្តម អ៊ុន ចាន់ដា អភិបាលខេត្តកំពង់ចាម នៅថ្ងៃទី22 ខែតុលា ឆ្នាំ 2025 នេះ បានដឹកនាំក្រុមការងារ និងមន្ត្រីបច្ចេកទេសអញ្ជើញចុះទីតាំងគម្រោងអភិវឌ្ឍន៍ សួនច្បារ និងហេដ្ឋារចនាសម្ព័ន្ធមួយចំនួនទៀត នៅតំបន់ទន្លេអុំ ក្បែរវិមានឯករាជ្យក្នុងក្រុងកំពង់ចាម។ បើតាមការបញ្ជាក់របស់មន្ត្រីបច្ចេកទេស គឺគម្រោងខាងលើនឹងចាប់ដំណើរការនាដើមឆ្នាំ 2026 ខាងមុខ ដោយរំពឹងថានឹងរួចរាល់ 100% នៅក្នុងឆ្នាំ 2027។ នេះគឺជាសមិទ្ធផលថ្មីមួយទៀត ដែលជាចំណងដៃដ៏ថ្លៃថ្លារបស់រាជរដ្ឋាភិបាលកម្ពុជា បន្ទាប់ពីសមិទ្ធផលជាច្រើនបានរីកដុះដាលគ្រប់ទីកន្លែងក្នុងក្រុងកំពង់ចាម ក៏ដូចជាខេត្តកំពង់ចាមទាំងមូល ក្រោមការដឹកនាំដ៏ឈ្លាសវៃ និងស្វាហាប់ របស់ឯកឧត្តម អ៊ុន ចាន់ដា អភិបាលខេត្ត ក្រោមមាគ៌ាដឹកនាំដ៏ត្រឹមត្រូវ ប្រកបដោយគិតិបណ្ឌិត របស់សម្តេចតេជោតេជោ ហ៊ុន សែន ប្រធានព្រឹទ្ធសភា នៃកម្ពុជា បន្តមក សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា៕

នៅរសៀល​ថ្ងៃពុធ​ ទី២២​ ខែតុលា​ ឆ្នាំ២០២៥​ឯកឧត្តម ខ្លូត ចិន្តា ប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប បានអញ្ជើញចុះជួបសួរសុខទុក្ខ មេភូមិ អនុភូមិ សមាជិកភូមិ និងបាននាំយកនូវអំណោយរបស់ឯកឧត្តម ហ៊ុន ម៉ានិត ប្រធានក្រុមការងាររាជរដ្ឋាភិបាលចុះមូលដ្ឋានស្រុកចំការលើ និងលោកជំទាវ ចែកជូនប្រជាពលរដ្ឋដែលមានជីវភាពជួបការលំបាកចំនួន៣ភូមិគឺភូមិស្រែព្រាល ភូមិព្រឹក្ស និងភូមិ៧៧ ស្មើនិង២០គ្រួសារ ស្ថិតនៅឃុំស្វាយទាប ស្រុកចំការលើ ខេត្តកំពង់ចាម ។ ដោយមានការចូលរួមពី ក្រុមប្រឹក្សាឃុំ មេភូមិ អនុភូមិ សមាជិកភូមិ និងប្រជាពលរដ្ឋ សរុបចំនួន៤៣នាក់ ស្រី ១៣នាក់ ។ ក្នុង០១គ្រួសារទទួលបានអង្ករ១០គីឡូ មី១០កញ្ចប់ ទឹកត្រី០១យួរ ទឹកស៊ីវអុីវ០១យួរ ថវិកា១០,០០០រៀល នំប័ុង០១ដើម និងទឹកបរិសុទ្ធ០១ដប ព្រមទាំងបានឧបត្ថមជូនមេភូមិ អនុភូមិ សមាជិកភូមិចំនួន០៩ នាក់ ម្នាក់ៗថវិកាចំនួន២០,០០០រៀល ។

នាថ្ងៃទី២២ ខែតុលា ឆ្នាំ២០២៥ លោកជំទាវ ញូង ចរិយា អ៊ុន ចាន់ដា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម បានដឹកនាំកិច្ចប្រជុំបូកសរុបលទ្ធផលការងាររយៈពេល ៩ខែឆ្នាំ២០២៥ របស់សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម ដោយចូលរួមពីសំណាក់ គណៈកិត្តិយស និងគណៈប្រតិបត្តិ សាខាសមាគមនារីខេត្ត និងអនុសាខាសមាគមនារីមន្ទីរ-អង្គភាពជុំវិញខេត្ត ក្រុង-ស្រុក ដែលពិធីនេះបានប្រព្រឹត្តធ្វើឡើងនៅសាលប្រជុំសាលាខេត្តកំពង់ចាម។

នាថ្ងៃទី២២ ខែតុលា ឆ្នាំ២០២៥ លោកជំទាវ ញូង ចរិយា អ៊ុន ចាន់ដា ប្រធានកិត្តិយស សាខាសាមាគនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម ដឹកនាំក្រុមការងារ សមាជិកាសាខា អញ្ជើញសួរសុខទុក្ខឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម លោកមានបញ្ហាសុខភាព នឹងបានចូលសម្រាកព្យាបាលជំងឺនៅមន្ទីរពេទ្យបង្អែកខេត្តកំពង់ចាម។

អភិបាលខេត្តកំពង់ចាម អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្ត(ថ្មី​​) ដែលសម្រេចបានប្រមាណជិត80% ខណៈរួចរាល់100% នៅមុនចូលឆ្នាំខ្មែរ ឆ្នាំ​2026   (កំពង់ចាម​):​ អភិបាលនៃគណៈអភិបាលខេត្តកំពង់ចាម​ ឯកឧត្ដម​ អ៊ុន ចាន់ដា នៅព្រឹកថ្ងៃទី22 ខែតុលា ឆ្នាំ2026 បានដឹកនាំក្រុមការងារ និងមន្ត្រីបច្ចេកទេស អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្តកំពង់ចាម (ថ្មី​​) ដែលសម្រេចបានប្រមាណ75% ហើយរំពឹងថានឹងកសាងរួចរាល់100% នៅមុនចូលឆ្នាំខ្មែរ ឆ្នាំ​2026។ ក្នុង​ឱកាស​នោះ​ ឯកឧត្តម អ៊ុន ចាន់ដា អភិបាលខេត្តកំពង់ចាម​ បានថ្លែងថា​ ដោយមើលឃើញ ពីការលំបាករបស់មន្ត្រី ដែលកំពុងបម្រើការងារនៅសាលាខេត្ត ក៏ដូចជា ការផ្តល់នូវទីកន្លែងសមរម្យ សម្រាប់មន្ត្រីបំពេញការងារប្រចាំថ្ងៃ ក្នុងការបម្រើសេវាសាធារណៈ ជូន​ដល់បងប្អូនប្រជាពលរដ្ឋ ក៏ដូចជាសាធារណៈជនផងនោះ គណៈអភិបាល បានឯកភាព និងអនុញ្ញាត​ឱ្យ​ក្រុម​ការងារ​ជាង​ ធ្វើការ​សាងសង់​អគាររដ្ឋបាលថ្មីនេះ​ ​ឱ្យ​បាន​ឆាប់​រហ័ស​តាម​ការ​គ្រោង​ទុក​ ក្នុង​ ររយៈពេល6ខែ​ ពោលគឺ​ដេីមខែ​4 មុនចូលខ្មែរ ឆ្ឆ្នាំ2026 ខាងមុខ​នេះ​។ ឯកឧត្តមអភិបាលខេត្ត បាន​ណែនាំ​ដល់​ក្រុម​ការងារជាង​ ធ្វេីយ៉ាងណា​ត្រូវ​សាងសង់​អគារ​រដ្ឋបាល​ថ្មី​ ជាពិសេស​ត្រូវ​រៀបចំរចនាបទ និងសោភ័ណភាព នៅខាងក្នុងឱ្យ​បាន​ឆាប់​រួចរាល់​​ ដេីម្បី​ប្រារព្ធ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ ​នៅ​មុន​ពេល​ចូលឆ្នាំ​ថ្មី​ ប្រពៃណី​ជាតិ​ខ្ខ្មែរ ឆ្នាំ2026។ គួរ​បញ្ជាក់ផងដែរថា បច្ចុប្បន្នសំណង់នេះ​កំពុង​សាងសង់​លទ្ធផល​សម្រេចបាន​ប្រមាណជិត80% ហើយ​ ខណៈ​គម្រោងអាគារថ្មី​ នៃរដ្ឋបាលសាលា​ខេត្ត​នេះ​ ត្រូវ​បាន​សាងសង់ឡើង​អំពី​បេតុង​អាមេ​ ជញ្ជាំងរៀបឥដ្ឋ និងតំបូលប្រក់ក្បឿង ដែលមានទំហំបណ្តាយជាង​ 53ម៉ែត្រ ទទឹង 24ម៉ែត្រ និងកម្ពស់ 3ជាន់​ ដោយមានទីតាំងនៅ​ក្នុងបរិវេណសាលាខេត្ត ស្ថិត​ក្នុង​ភូមិទី៧ សង្កាត់កំពង់ចាម ក្រុងកំពង់ចាម។ ក្រៅពីអគារថ្មីនេះដែរ រដ្ឋបាលខេត្តកំពង់ចាម ក៏មានអគារចាស់ជាច្រើន និង​ទីធ្លា​ក្នុង​សាលា​ខេត្ត​ ត្រូវ​បានធ្វើការជួសជុលកែលម្អ ទុកសម្រាប់មន្ត្រី​បម្រើ​ការងារ ជារៀងរាល់ថ្ងៃផងដែរ៕

អភិបាលខេត្តកំពង់ចាម ថ្លែងអំណរគុណក្រុមគ្រូពេទ្យជំនាញស្ម័គ្រចិត្តមកពីប្រទេសអូស្ត្រាលី ចុះពិនិត្យព្យាបាលជម្ងឺភ្នែក និងគ ថ្លង់ ជូនពលរដ្ឋដោយឥតគិតថ្លៃ (កំពង់ចាម): អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានថ្លែងអំណរគុណ ចំពោះក្រុមគ្រូពេទ្យជំនាញស្ម័គ្រចិត្តមកពីប្រទេសអូស្ត្រាលី របស់អង្គការ Cambodia Vision ដែលបានលះបង់ពេលវេលាចុះពិនិត្យព្យាបាលជម្ងឺភ្នែកឡើងបាយ ដុះកន្ទុយថ្លែន និងពិនិត្យជម្ងឺ គ ថ្លង់ ដោយឥតគិតថ្លៃ ចាប់ពីថ្ងៃទី១៩ ដល់ថ្ងៃទី២៤ ខែតុលា ឆ្នាំ២០២៥ នៅមជ្ឈមណ្ឌល គរុកោសល្យភូមិភាគខេត្តកំពង់ចាម ស្ថិតក្នុងភូមិទី៦ សង្កាត់វាលវង់ ក្រុងកំពង់ចាម (ជិត វិមានឯករាជ្យ) ។ ក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា ការចុះពិនិត្យ និង ព្យាបាលជំងឺ នាពេលនេះ គឺ ដើម្បីលើកម្ពស់កម្រិតសុខភាព ជូនបងប្អូនប្រពលរដ្ឋ ដែលជាផ្នែក មួយបានចូលរួមចំណែកកាត់បន្ថយភាពក្រីក្រ ពីព្រោះថា បើយើងមានជំងឺឈឺស្កាត់ គឺយើងត្រូវ ទៅកាន់ពេទ្យឯកជន និងត្រូវការចំណាយប្រាក់ផ្ទាល់ខ្លួន ប៉ុន្តែកម្មវិធីថ្ងៃនេះ គឺពុំមានការបង់ថ្លៃ សេវាព្យាបាលនោះឡើយ។ ឯកឧត្តមអភិបាលខេត្ត បានលើកឡើងផងដែរថា បច្ចុប្បន្ន ប្រមុខរាជរដ្ឋាភិបាលកម្ពុជា បានគិតគូ និងលើកកម្ពស់កម្រិតជីវភាព របស់ប្រជាពលរដ្ឋគ្រប់ទីកន្លែង ។ យ៉ាងណាមិញ ទន្ទឹមនឹងការ កសាង សមិទ្ធផល ហេដ្ឋារចនាសម្ព័ន្ធ រាជរដ្ឋាភិបាលកម្ពុជា ក៏បានយកចិត្តទុកដាក់ខ្ពស់ ផងដែរ អំពី សុខភាព របស់បងប្អូនប្រជាពលរដ្ឋទូទៅ ពីព្រោះថា ដើម្បី ជីវិតរស់នៅបានយឺនយូរ ចាំបាច់ ណាស់ មនុស្សម្នាក់ៗ ត្រូវតែមានសុខភាពល្អទាំងផ្លូវកាយ និងផ្លូវចិត្ត។ ជាមួយគ្នានោះ ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានសំណូមពដល់ក្រុម គ្រូពេទ្យ ស្ម័គ្រចិត្ត សូមបន្តសកម្មភាពសប្បុរសធម៌ ចុះជួយពិនិត្យ និងព្យាបាលជម្ងឺជូនប្អូនប្រជាពលរដ្ឋ នា ពេលក្រោយៗ បន្តទៀត សំដៅលើកកម្ពស់សុខមាលភាព ប្រជាពលរដ្ឋ និង រួមគ្នាកាត់បន្ថយភាពក្រីក្រផងដែរ ៕

លោកជំទាវ ញូង ចរិយា អ៊ុន ចាន់ដា ប្រធានកិត្តិយស សាខាសាមាគនារីកម្ពុជា ដើម្បីសន្តិភាព និងអភិវឌ្ឍន៏ខេត្តកំពង់ចាម ដឹកនាំក្រុមការងារចូលរួម ពិធីសំណេះសំណាល និងផ្សព្វផ្សាយពីភារកិច្ចចំពោះមុខរបស់សមាគមនារីកម្ពុជា ដើម្បីសន្តិភាព និងអភិវឌ្ឍន៍ ក្រោមអធិបតីភាពដ៏ខ្ពង់ខ្ពស់ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារី កម្ពុជា ដើម្បីសន្តិភាព និងអភិវឌ្ឍន៍ តាមរយៈ Zoom នាព្រឹកថ្ងៃទី២២ខែតុលា ឆ្នាំ២០២៥។

អភិបាលខេត្តកំពង់ចាមជំរុញមន្ត្រីឃុំ-សង្កាត់បន្តខិតខំលើកកម្ពស់កែលម្អសកម្មភាពអនុវត្តការងារ

ឯកឧត្តម ហ៊ុន ម៉ានី អញ្ជើញបើកសិក្ខាសាលាចែករំលែកបទពិសោធន៍នៃការគ្រប់គ្រងនិងផ្តល់សេវាវិស័យសុខាភិបាល

អភិបាលខេត្តកំពង់ចាម អមដំណើរ ឯកឧត្តម ឧបនាយករដ្ឋមន្ត្រី ហ៊ុន ម៉ានី អញ្ជើញជួបសំណេះសំណាល និងឈ្វេងយល់ពីអង្គភាពផ្តល់សេវាសាធារណៈគំរូ របស់មន្ទីរពេទ្យបង្អែកខេត្តកំពង់ចាម នៅព្រឹកថ្ងៃទី២១ ខែតុលា ឆ្នាំ២០២៥នេះ ឯកឧត្តម អ៊ុន ចាន់ដា អភិបាលខេត្តកំពង់ចាម បានអអមដំណើរ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ អញ្ជើញជួបសំណេះសំណាល និងឈ្វេងយល់ពីអង្គភាពផ្តល់សេវាសាធារណៈ របស់មន្ទីរពេទ្យបង្អែកខេត្តកំពង់ចាម។ ក្នុងឱកាសនោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ បានលើកទឹកចិត្តឱ្យអង្គភាពផ្តល់សេវាសាធារណៈ បន្តកិច្ចខិតខំប្រឹងប្រែង កែលម្អ ពង្រឹង និងលើកកម្ពស់គុណភាព ប្រសិទ្ធភាព គណនេយ្យភាព នៃការគ្រប់គ្រង ដើម្បីបំពេញសេវាជូនប្រជាជន ក្នុងមូលដ្ឋានរបស់ខ្លួនឱ្យកាន់តែល្អប្រសើរ។ ឯកឧត្តមឧបនាយករដ្ឋមន្ត្រី បានលើកឡើងដូចនេះ នៅក្នុងពិធី សំណេះសំណាលជាមួយមន្ត្រីសុខាភិបាល ក្នុងមន្ទីរពេទ្យបង្អែកខេត្តកំពង់ចាម ដើម្បីចែករំលែកបទពិសោធនៃការគ្រប់គ្រង និងការផ្តល់សេវាសាធារណៈ នាថ្ងៃទី២១ ខែតុលា ឆ្នាំ២០២៥។ ឯកឧត្តមឧបនាយករដ្ឋមន្ត្រី បានលើកទឹកចិត្តអង្គភាពផ្តល់សេវាសាធារណៈទាំងអស់ បន្តកិច្ចខិតខំប្រឹងប្រែង និងប្រើប្រាស់ធនធានប្រកបដោយនវានុវត្តន៍ និងអស់សក្តានុពល ក្នុងស្មារតីរួមសាមគ្គីគ្នា និងសហការគ្នា ឱ្យកាន់តែជិតស្និទ្ធរវាងថ្នាក់ដឹកនាំអង្គភាពជាមួយមន្ត្រី អាជ្ញាធរមូលដ្ឋាន សហគមន៍ ស្ថាប័នដៃគូអភិវឌ្ឍន៍ និងតួអង្គពាក់ព័ន្ធទាំងអស់ ដើម្បីកែលម្អ ពង្រឹង និងលើកកម្ពស់គុណភាព ប្រសិទ្ធភាព គណនេយ្យភាព នៃការគ្រប់គ្រង និងការផ្លាស់ប្តូរនៃការផ្តល់សេវាសាធារណៈ ដើម្បីបំពេញសេវាជូនប្រជាជន ក្នុងមូលដ្ឋានរបស់ខ្លួនឱ្យកាន់តែល្អប្រសើរ។ ឆ្លៀតក្នុងឱកាសនោះ ឯកឧត្តម ហ៊ុន ម៉ានី ក៏បានលើកទឹកចិត្តឱ្យមានការផ្សព្វផ្សាយឱ្យបានទូលំទូលាយនូវសកម្មភាពនានា នៃការអនុវត្តការងាររបស់មន្ត្រីរាជការគ្រប់ជាន់ថ្នាក់ទាំងអស់ ក្នុងគោលដៅ បង្កើនការផ្សព្វផ្សាយឧត្តមានុវត្តន៍ និងនវានុវត្តន៍ នៃការផ្តល់សេវារបស់អង្គភាពជ័យលាភី និងគុណតម្លៃនៃមន្ត្រីសុខាភិបាលមូលដ្ឋាន៕

ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជើញអមដំណើរ ឯកឧត្តមឧបនាយករដ្ឋមន្ត្រី ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ អញ្ជើញចុះពិនិត្យស្តង់ពិពណ៌ របស់មន្ទីរពេទ្យបង្អែកជាប់ជ័យលាភី ចំនួន ៩ មកពី៩ រាជធានី-ខេត្ត ក្នុងពិធីបើកសិក្ខាសាលាចែករំលែកបទពិសោធនៃការគ្រប់គ្រង និងការផ្តល់សេវាសាធារណៈរបស់ជ័យលាភីអង្គភាពផ្តល់សេវាសាធារណៈគំរូក្នុងវិស័យសុខាភិបាល ឆ្នាំ២០២៤ (CPA3) ស្ថិតនៅសាលាខេត្តកំពង់ចាម នាព្រឹកថ្ងៃទី២១ ខែតុលា ឆ្នាំ២០២៥។

អភិបាលខេត្តកំពង់ចាម​ អញ្ជើញចូលរួមបើកសិក្ខាសាលាចែករំលែក បទពិសោធនៃការគ្រប់គ្រង និង ផ្តល់សេវាសាធារណៈ ក្នុងវិស័យសុខាភិបាល (កំពង់ចាម): ឯកឧត្ដម​ អ៊ុន​ ចាន់ដា​ អភិបាលនៃគណៈអភិបាលខេត្តកំពង់ចាម​ បានអញ្ជើញចូលរួមបេីកសិក្ខាសាលាចែករំលែក បទពិសោធនៃការគ្រប់គ្រង និងផ្តល់សេវាសាធារណៈរបស់ជ័យលាភី អង្គភាពផ្តល់សេវាសាធារណៈគំរូ ក្នុងវិស័យសុខាភិបាល ដែលបានធ្វើឡើងនាព្រឹកថ្ងៃទី២១ ខែតុលា ឆ្នាំ២០២៥ នៅសាលាខេត្តកំពង់ចាម ក្រោមអធិបតីភាព ឯកឧត្តម ហ៊ុន ម៉ានី ឧបនាយក រដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដោយមានការអញ្ជើញចូលរួមពីតំណាងក្រសួងពាក់ព័ន្ធ ប្រតិភូរដ្ឋបាលរាជធានី-ខេត្ត និងមន្ត្រីសុខាភិបាលប្រមាណជា ៦០០នាក់ មកពីរាជធានី-ខេត្ត ចំនួន១០ ។ ក្នុងអង្គសិក្ខាសាលានេះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា បន្ទាប់ពីការ ដាក់ឱ្យអនុវត្តការវាយតម្លៃ របស់គណៈកម្មការវាយតម្លៃអង្គភាពផ្តល់សេវាសាធារណៈ ក្នុង ឆ្នាំ២០២៤ ខេត្តកំពង់ចាម បានបញ្ជូនបេក្ខភាពមន្ទីរពេទ្យបង្អែកចំនួន៥ ចូលរួមក្នុងការវាយតម្លៃ និង ការទទួលស្គាល់ អង្គភាពផ្តល់សេវាសាធារណៈគំរូ​ ក្នុងវិស័យសុខាភិបាល ដោយក្នុងនោះ មន្ទីរ ពេទ្យបង្អែកខេត្តកំពង់ចាម ទទួលបានជ័យលាភីជាអង្គភាពគំរូចំណាត់ថ្នាក់លេខ១ មន្ទីរពេទ្យបង្អែក ស្រុកបាធាយ ទទួលបានជ័យលាភីចំណាត់ថ្នាក់លេខ៤ និងស្រុកចំការលើ ទទួលបានជ័យលាភីចំណាត់ថ្នាក់លេខ៨ និងមន្ទីរពេទ្យបង្អែកស្រុកព្រៃឈរ ទទួលបានជ័យលាភីជាអង្គភាពគំរូចំណាត់ថ្នាក់លេខ៩ ។ ឯកឧត្តមឧបនាយករដ្ឋមន្ត្រី ហ៊ុន ម៉ានី សង្ឃឹមជឿជាក់ថា សិក្ខាសាលាថ្ងៃនេះ នឹងទទួលបានពុទ្ធិថ្មីៗ មិនត្រឹមតែចូលរួមក្នុងការអនុវត្តការវាយតម្លៃ នៃការទទួលស្គាល់អង្គភាពផ្តល់សេវាសាធារណៈគំរូ ក្នុងវិស័យសុខាភិបាលប៉ណ្ណោះទេ ប៉ុន្តែថែមទាំងសម្រាប់ធ្វើជាមូលដ្ឋាន ក្នុងការរៀបចំ ការពង្រឹង កែលំអគុណភាព និងប្រសិទ្ធភាព នៃការផ្តល់សេវាសាធារណៈ នៅតាមមន្ទីរពេទ្យរបស់ខ្លួន ប្រកប ដោយស្មារតីទទួលខុសត្រូវខ្ពស់ ដើម្បីរួមចំណែក ក្នុងការសម្រេចចក្ខុវិស័យដ៏ពិសិដ្ឋរបស់ប្រមុខ រាជរដ្ឋាភិបាល នីតិកាលទី៧ នៃរដ្ឋសភា ព្រមទាំងដើម្បីត្រៀមលក្ខណៈសម្បត្តិ ក្នុងការចូលរួម ប្រកួតប្រជែង និងផ្តល់សេវាសាធារណៈគំរូ នៅឆ្នាំខាងមុខបន្ថែមទៀត ៕

នាព្រឹកថ្ងៃទី២១ ខែតុលា ឆ្នាំ២០២៥ លោកជំទាវ ប៉ាង ដានី អភិបាលរងខេត្ត និងជាប្រធានក្រុមការងារពង្រឹងការឆ្លើយឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រខេត្តកំពង់ចាម (GBV) និងក្រុមការងារ បានអញ្ជើញជួបជាមួយ ក្រុមការងារទីភ្នាក់ងារសហប្រជាជាតិលើកកម្ពស់សមភាពយេនឌ័រ និងភាពអង់អាចរបស់ស្ត្រី(UN Women) ប្រចាំតំបន់អាស៊ី និងប៉ាស៊ីហ្វិក ដឹកនាំដោយលោកស្រី Robin Mauney ដោយមានការអញ្ជើញចូលរួមពីក្រុមការងារក្រសួងកិច្ចការនារី នៅសាលប្រជុំសាលាខេត្ត ។ ជំនួបពិភាក្សា មានគោលបំណង៖ ស្វែងយល់ពីការអនុវត្តយន្តការការសម្របសម្រួលដែលមានស្រាប់ទាំងនៅថ្នាក់ជាតិ និងថ្នាក់ក្រោមជាតិ ដើម្បីកំណត់ពីការអនុវត្តល្អ បញ្ហាប្រឈម និងចន្លោះប្រហោង និងដើម្បីជួយ ឱ្យមានភាពស៊ីសង្វាក់គ្នាជាមួយនឹងការណែនាំជាសកល និងក្នុងតំបន់ ជាពិសេស កញ្ចប់សេវាសំខាន់ៗរបស់អង្គការ សហប្រជាជាតិ (ESP) ម៉ូឌុល 5 ស្តីពីការសម្របសម្រួល និងការគ្រប់គ្រងការងារសម្របសម្រួល ជាពិសេសផ្តោតលើកិច្ចការពារផ្នែកច្បាប់ សេវាពហុវិស័យ និងការពង្រឹងយន្តការសម្របសម្រួលឆ្លើយតបចំពោះអំពើ ហិង្សាទាក់ទងនឹងយេនឌ័រ។