ADLIYA HR (rasmiy) 🇺🇿

#Қонунчиликдаги_янгиликлар Давлат органи ёки ташкилотида меҳнат шартномаси тугатилган ёки хизматдан бўшатилган ходимни ўзи назоратни амалга оширган ташкилотларга ишга қабул қилишда коррупцияга қарши ички назорат бўлинмасидан хулоса олиш тартиби тўғрисидаги низом 2026 йил 10 октябрдан кучга киради. https://t.me/adliyahr

#Қонунчиликдаги_янгиликлар

❗️ Собиқ давлат хизматчиларини ишга қабул қилишдан олдин коррупцияга қарши хулоса олиш тартиби тасдиқланди

  Адлия вазирлиги собиқ давлат хизматчиларини ишга қабул қилишда коррупцияга қарши ички назорат бўлинмасидан хулоса олиш бўйича идоравий ҳужжатни давлат рўйхатидан ўтказди (рўйхат рақами 3894, 08.07.2026 й.).   ✅ Мазкур ҳужжат “Манфаатлар тўқнашуви тўғрисида”ги Қонун ижросини таъминлаш мақсадида қабул қилинди.   📌 Эслатиб ўтамиз, ушбу Қонунда давлат органи ёки ташкилотида ишлаган ходим ишдан бўшаганидан кейин 2 йил давомида уни ўзи назорат қилган ташкилотга ишга олишдан олдин аввалги иш жойининг коррупцияга қарши ички назорат бўлинмасидан мажбурий хулоса олиниши белгиланган.   📝 Бунда, назорат остида бўлган ташкилот собиқ давлат хизматчисини ишга қабул қилмоқчи бўлса, кадрлар бўлими 1 иш куни ичида ички назорат бўлинмасига мурожаат қилади.   📙 Ички назорат бўлинмаси 3 хил хулоса беради:   🔹 ижобий — ишга қабул қилиш мумкин; 🔹 чекловли ижобий — айрим чекловлар билан ишга қабул қилинади; 🔹 салбий — ишга қабул қилиш рад этилади.   ⛔️ Ушбу хулоса олинмаган ёки салбий хулоса берилган тақдирда номзодни ишга қабул қилиш тақиқланади.   📕 Чекловли ижобий хулоса берилганда, ходимга қуйидаги чоралар белгиланади:   🔸 3 ой давомида аввал назорат қилган ташкилот бўйича қарорлар қабул қилишда иштирок эта олмайди;   🔸 манфаатлар тўқнашувига олиб келиши мумкин бўлган вазифалари қайта тақсимланади;   🔸 фаолияти ички назорат бўлинмаси томонидан мониторинг қилинади.   📁 Агар собиқ давлат хизматчиси ички назорат бўлинмасининг хулосасидан норози бўлса, у юқори турувчи ташкилотга ёки Коррупцияга қарши курашиш агентлигига шикоят қилиш ҳуқуқига эга. https://t.me/adliyahr

🎙Бугунги вебинар ёзуви Вазирлар Маҳкамасининг 17.12.2025 йилдаги 796-сон қарори таҳлили ва касаллик нафақасини тўлаш тартиби мавзусидаги вебинаримиз ташкилотчилари ва ҳамкорларимизга миннатдорчилик билдирамиз! Мазкур тадбирда модераторлик қилган экспертимизга ва мавзуни чуқур ёритиб берган меҳмонларимизга алоҳида ташаккур изҳор этамиз:

🔹 Раъно Исамитдинова – “ЮРИСТ ВА КАДР” НТМ директори ва вебинар модератори; 🔹 Дилшодхон Мухамеджанова – Ижтимоий ҳимоя миллий агентлигининг Ижтимоий тўловлар методологияси бўлими бош мутахассиси; 🔹 Исматулло Турсунхўжаев – Давлат ижтимоий суғурта жамғармасининг Стратегик режалаштириш, прогнозлаштириш ва методология бўлими бошлиғи; 🔹 Асадбек Панжиев – “Барака” ижтимоий карталари лойиҳасининг алоқа маркази раҳбари.

Вебинар давомида янги тизимнинг моҳияти, касаллик нафақасини ҳисоблаш тартиби ҳамда соҳадаги мавжуд муаммолар ва уларга ечимлар юзасидан қимматли тавсиялар олдик. Биз бу мавзуда албатта яна ҳамкорликда вебинарлар ташкиллаштирамиз!

Фойдали! Иш берувчилар, бухгалтерия ва кадрлар хизмати эшитишлари тавсия этилади. Мутахассислар фикр билдирмоқда.

⚠️ Диққат! Иш берувчилар, бухгалтерлар ва HR мутахассислари учун муҳим вебинар! Сўнгги вақтларда Давлат ижтимоий суғуртаси янги тизимининг мазмун-моҳияти ва аҳамиятини ёритишда кўплаб хатоликларга йўл қўйилаётгани кузатилмоқда. Энг ачинарлиси, ушбу нотўғри тушунчалар натижасида: ❌ Ходимларнинг касаллик варақалари (больничный) учун тўловлар нотўғри ҳисобланмоқда; ❌ Айрим корхоналарда эса тўловларни тўлашдан ноқонуний бош тортиш ҳолатлари юзага келмоқда. Қарор мазмунини асл мутахассислардан эшитинг. Бизнинг вебинарда Ижтимоий ҳимоя миллий агентлиги ва Давлат ижтимоий суғурта жамғармаси экспертлари барча саволларга нуқта қўйишади. 📅 Сана: 9 июль, 2026 йил, соат 11:00. 📍 Манзил: @yuristkadr овозли чати Мазкур вебинар мутлақо бепул! 👉@yuristkadr

#oyning_eng_yaxshi_texnik_xodimi ✅Adliya vazirligi Idoraviy normativ-huquqiy hujjatlarni davlat ro'yxatidan o'tkazish boshqarmasi 1-toifali ish yurituvchi kotibi Kenjayeva Marvaridxon Shuhrat qizi joriy yilning iyun oyi uchun “Oyning eng yaxshi texnik xodimi” deb topildi. 🤔Marvaridxon Kenjayeva 2025-yilda Toshkent davlat yuridik universiteti bakalavr bosqichini tamomlagan. Hozirda Toshkent davlat yuridik universiteti magistratura bosqichi talabasi. ✔️Marvaridxon Kenjayeva Adliya vazirligida o'z mehnat faoliyatini 2025-yilda boshlab, hozirda idoraviy normativ-huquqiy hujjatlarni amaldagi qonunchilikka muvofiqlashtirish doirasida O‘zbekiston Respublikasining 2 ta Qonuni hamda Vazirlar Mahkamasining 2 ta qarori xatlovdan o‘tkazish hamda ish yurituvida bo‘lgan 3 ta idoraviy normativ-huquqiy hujjat huquqiy ekspertizadan o‘tkazilib, ularning davlat ro‘yxatidan o‘tkazish kabi yo‘nalishlarda samarali faoliyat olib bormoqda. 🔖Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda. ✅Vazirlik jamoasi Marvaridxon Kenjayevani ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi! https://t.me/adliyahr

#oyning_eng_yaxshi_xodimi ✅Adliya vazirligi Davlat organlarini funksional tahlil qilish boshqarmasi Mahalliy davlat hokimiyati organlarida funksional tahlil qilish bo‘limi yetakchi maslahatchisi Usmanov Quvonchbek Muzaffar o‘g‘li joriy yilning iyun oyi uchun vazirlik tomonidan "Oyning eng yaxshi boshqaruv xodimi" deb topildi. 🤔Quvonchbek Usmanov 2019-yilda Jahon iqtisodiyoti va diplomatiya universiteti bakalavr bosqichini, 2020-yilda Jahon iqtisodiyoti va diplomatiya universiteti magistratura bosqichini tamomlagan. ⚖️Adliya vazirligi tizimida mehnat faoliyatini 2020-yilda Andijon viloyati Oltinko‘l tuman adliya bo‘limi yetakchi maslahatchisi lavozimidan boshlagan.

▪️2021-2022 yillarda Andijon viloyat adliya boshqarmasi Nodavlat notijorat tashkilotlari bo‘limi katta va yetakchi maslahatchisi; ▪️2023-2024-yillarda Adliya vazirligi Huquqni qo‘llashni metodik ta’minlash boshqarmasi katta maslahatchisi;

🔵2024-yildan buyon Adliya vazirligi Huquqni qo‘llashni metodik ta’minlash boshqarmasi yetakchi maslahatchisi lavozimida faoliyatini davom ettirmoqda. ✔️ Quvonchbek Usmanov tomonidan “BPR loyiha ofisi” faoliyati doirasida ishtirok etilib, markaziy apparatning 5 ta boshqarmasi faoliyati tahlil qilindi hamda ish jarayonlarini takomillashtirishga qaratilgan takliflar ishlab chiqildi. Shuningdek, hokimliklarda “Manfaatlar to‘qnashuvi to‘g‘risida”gi Qonun talablariga rioya etilishi holati yuzasidan tahliliy ma’lumotlar tayyorlanib, Vazirlar Mahkamasiga kiritildi. ✔️ Bundan tashqari, davlat funksiyalarini tartibga solish bo‘yicha ishchi guruhi a’zosi sifatida reestr.gov.uz tizimini takomillashtirishga qaratilgan takliflar ishlab chiqildi hamda ularni amaliyotga joriy etish kabi yoʻnalishlarda samarali faoliyat yuritilmoqda. 🔖Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda. ✅Vazirlik jamoasi Quvonchbek Usmanovni ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi! https://t.me/adliyahr

#savolimbor Савол. Ходим ишдан ажралган ҳолда, унинг иш жойи бўйича лавозими ва ўртача иш ҳақи сақлаб, ўқишга (1,5 ёки 2 ва ундан ортиқ йилга) юборилганда байрам пуллари тўланадими? Жавоб. Ишдан ажралган ҳолда ўқишга юборилган ходимга тўланаётган ўртача иш ҳақи ходимнинг ўртача иш ҳақи сақланиб қоладиган ойдан олдинги ҳисоб-китоб даврида унга ҳисобланган солиқ солинадиган меҳнатга ҳақ тўлаш тарзидаги даромадларидан келиб чиқиб ҳисобланади. Агар байрам саналари муносабати билан берилган бир марталик мукофотлар ходимга мазкур ҳисоб-китоб даврида меҳнатга ҳақ тўлаш тарзидаги даромад сифатида ҳисобланган ва тўланган бўлса, улар ўртача иш ҳақини ҳисоблашда инобатга олинади. Буни амалдаги Қонун ҳужжутлари билан асослантирамиз: 1. Меҳнат кодексининг 257-моддаси иккинчи қисмига кўра

ўртача иш ҳақини ҳисоблаб чиқариш учун ходимга ҳисобланган иш ҳақининг таркибига солиқ тўғрисидаги қонунчиликда назарда тутилган, солиқ солиниши лозим бўлган, иш берувчи томонидан ҳақиқатда тўланган меҳнатга ҳақ тўлаш тарзидаги барча даромадлар киритилади

деб белгиланган ва шу сабабли ушбу модданинг учинчи қисми бўйича

меҳнатга ҳақ тўлашнинг барча тизимларидаги ходимларнинг ўртача иш ҳақи ходимнинг ўртача иш ҳақи сақланиб қоладиган ойдан олдинги 12 календар ой учун ходимга ҳисобланган меҳнатга ҳақ тўлаш тарзидаги барча даромадлар суммасининг ўн иккидан бир қисми миқдорида белгиланади.

Демак, ходимга ўртача иш ҳақи сақланадиган ойдан олдинги ҳисоб-китоб даврида тўланган ойлик иш ҳақи, устамалар, шунингдек байрам саналари муносабати билан берилган бир марталик мукофотлар меҳнатга ҳақ тўлаш тарзидаги даромад сифатида ҳисобланган ва тўланган бўлса, улар ўртача иш ҳақини ҳисоблашда инобатга олинади.

Ушбу норма Вазирлар Маҳкамасининг 2024 йил 14 ноябрдаги 758-сон қарори 5-иловаси билан тасдиқланган Алоҳида ҳоллар учун ходимларнинг ўртача иш ҳақини ҳисоблаб чиқаришнинг ўзига хос хусусиятлари тўғрисида низомда ҳам ўз аксини топган.

2. МКнинг 243-моддаси иккинчи қисми:

Иш берувчи томонидан ходимнинг малакасига, бажарадиган ишининг мураккаблигига, миқдорига, сифати ва шароитларига қараб тўланадиган меҳнат учун мукофот суммаси, шунингдек компенсация хусусиятига эга тўловлар (компенсация хусусиятига эга қўшимча тўловлар ва устамалар...) ва рағбатлантирувчи тўловлар (рағбатлантирувчи хусусиятга эга қўшимча тўловлар ҳамда устамалар, мукофотлар ва тақдирловчи тўловлар) иш ҳақидир.

3. МКнинг 248-моддасида иш ҳақининг тузилиши келтирилган:

Иш ҳақи асосий (базавий) ва қўшимча (ўзгарувчан) қисмлардан иборат бўлади.

Иш ҳақининг асосий (базавий) қисми ушбу иш берувчида амалда бўлган меҳнатга ҳақ тўлаш тизими асосида белгиланади ва қонунчиликда белгиланган меҳнатга ҳақ тўлашнинг энг кам миқдоридан кам бўлмаслиги керак. Иш ҳақининг асосий (базавий) қисми унинг доимий таркибий қисми бўлиб, ходимга белгиланган меҳнат нормаларига (тариф ставкаларига, маошларга) кўра ҳақиқатда ишлаб берилган вақт ёки ҳақиқатда бажарилган иш учун ҳисобланади. Иш ҳақининг қўшимча (ўзгарувчан) қисмини қўшимча тўловлар, устамалар, шунингдек мукофотлар ва компенсация ёки рағбатлантириш хусусиятига эга бошқа тўловлар ташкил этади.

4. МКнинг 252-моддаси иккинчи ва учинчи қисмлари:

Меҳнатга ҳақ тўлаш тизимида назарда тутилган мукофот ходимни олдиндан белгиланган кўрсаткичлар ва шартларга эришишга ундаш мақсадида иш ҳақининг таркибига киритилган ҳамда ходимга асосий маошидан (тариф ставкасидан) ташқари тўланадиган пул мукофотидир. Меҳнатга ҳақ тўлаш тизимида назарда тутилмаган рағбатлантирувчи мукофот бир марта бериладиган хусусиятга эга бўлган ҳамда иш берувчининг қарорига кўра ходимнинг олдиндан белгиланган кўрсаткичлар ва шартларга эришганлиги учун эмас, балки муайян воқеалар (юбилейлар, байрам саналари ва бошқалар) юз берганлиги ёки ходим томонидан муайян ҳаракатлар амалга оширилганлиги муносабати билан тўланадиган пул мукофотидир.

5. Солиқ кодексининг 365-моддаси бўйича солиқ солиш объекти бўйича солиқ тўловчининг жами даромади жисмоний шахслардан олинадиган даромад солиғининг солиқ солиш объекти деб ҳисобланади. Шу жиҳатдан, ушбу Кодексининг 370-моддасида жами даромадлар санаб ўтилган, жумладан:

а) Солиқ кодексининг 371-моддаси бўйича: Иш берувчи билан тузилган меҳнатга оид муносабатларда бўлган ва тузилган меҳнат шартномасига (контрактига) мувофиқ ишларни бажараётган ходимларга ҳисобланадиган ҳамда тўланадиган барча тўловлар, шу жумладан, рағбатлантириш хусусиятига эга тўловлар меҳнатга ҳақ тўлаш тарзидаги даромадлар деб эътироф этилади; б) Солиқ кодексининг 372-моддаси биринчи қисми (1, 2, 5, 7-бандлари) бўйича рағбатлантириш хусусиятига эга тўловлар: 1) йиллик иш якунлари бўйича пул мукофоти; 2) юридик шахснинг мукофотлаш тўғрисидаги низомида назарда тутилган рағбатлантириш хусусиятига эга тўловлар; 5) кўп йил ишлаганлик учун пул мукофоти ва тўловлар; 7) меҳнат натижалари билан боғлиқ бўлмаган бир йўла бериладиган мукофотлар.

Хулоса. Юқоридагилардан келиб чиқиб, ўртача иш ҳақи ходимнинг аввалги ҳисоб-китоб даврида олган солиқ солинадиган меҳнатга ҳақ тўлаш тарзидаги даромадларидан келиб чиқиб ҳисобланади. Ходим ишдан ажралган ҳолда ўқишга юборилган даврда меҳнат мажбуриятларини ҳақиқатда бажармаётган бўлади, балки унга қонунчиликда назарда тутилган кафолат сифатида ўртача иш ҳақи сақланади. Шу сабабли, ўқиш даврида ходимга байрам саналари муносабати билан бир марталик мукофотларни алоҳида тўлаш фақат қонунчиликда, жамоа шартномасида, иш берувчининг ички ҳужжатида ёки меҳнат шартномасида бундай тўлов мазкур тоифадаги ходимларга ҳам татбиқ этилиши аниқ назарда тутилган тақдирдагина мумкин. Агар бундай алоҳида ҳуқуқий асос мавжуд бўлмаса, ишдан ажралган ҳолда ўқишга юборилган ва ўртача иш ҳақи сақланаётган ходимга байрам пулини алоҳида тўлаш мажбурияти мавжуд эмас. Бюджет ташкилотида эса бундай тўлов тегишли ҳуқуқий ва молиявий асосларсиз амалга оширилса, асоссиз харажат сифатида баҳоланиши мумкин. мавзуга оид: https://t.me/adliyahr/1254 https://t.me/adliyahr/1255 ©️ амалиётчи-юрист Ш.Хамрақулов https://t.me/adliyahr

ВАҚТИНЧА ЙЎҚ ХОДИМ ЎРНИГА ИШГА КИРГАН ХОДИМ ЎРИНДОШМИ? Меҳнат соҳаси мутахассиси, устоз Шерзод ака Толибов яхши масалага жавоб бериптилар, ушбу пост орқали амалиётда жуда кўп учрайдиган хатолик олди олинади. ✅ Жавоб: Йўқ, ҳар доим ҳам эмас. Амалиётда кўпчилик вақтинча йўқ ходимнинг ўрнига қабул қилинган ходимни ўриндош деб ҳисоблайди. Бу — нотўғри. 📖 Меҳнат кодекси 432-моддаси Ўриндошлик — ходимнинг асосий ишидан ташқари, асосий ишидан бўш вақтида алоҳида меҳнат шартномаси асосида бажарадиган қўшимча ишидир. ✔️ Ўриндошлик бўлиши учун: Асосий иш жойи бўлиши; Асосий ишидан бўш вақтда ишлаши; Алоҳида меҳнат шартномаси тузилиши керак. ❌ Вақтинча йўқ ходим ўрнига қабул қилинган ходим, агар меҳнат дафтарчаси (ёки электрон меҳнат ҳисоби) шу иш берувчида юритилса, у ўриндош эмас, балки асосий ходим ҳисобланади. 📝 Шартномада: «Фалончи ходим вақтинча йўқлиги даврида унинг ўрнига ишга қабул қилинди» деб кўрсатилади. ⚖️ Хулоса Вақтинча йўқ ходим ўрнига ишга қабул қилиш — ўриндошлик эмас, балки муддатли меҳнат шартномаси асосида ишловчи асосий ходим ҳисобланади. Бу икки хил ҳуқуқий тушунча. Бироқ вақтинча йўқ бўлган, масалан БПТдаги ходимнинг ўрнига ўриндошлик асосида асосий иш жойи бўлган ходимни меҳнат дафтарча билан эмас юқоридаги асосий иш жойидан Камбағалликни қисқартириш ва бандлик вазирлиги томонидан тасдиқланадиган шакл бўйича маълумотнома асосида ишга кирган бўлса у ўриндош ҳисобланади. https://t.me/adliyahr

#hamdarlik Адлия вазирлиги жамоаси вазирликнинг Юридик таълим ва суд-экспертиза бошқармаси бошлиғи Асадов Шавкат Ғайбуллаевич ҳамда унинг оила аъзолари ва яқинларига отаси Ғайбулло Асадовнинг вафоти муносабати билан чуқур ҳамдарлик билдиради. https://t.me/adliyahr

#Қонунчиликдаги_янгиликлар Кўп уиши интиқиб кутаётган қарор қабул қилинди.

❗️ ТДЮУда "Юриспруденция" йўналиши бўйича 2- ва ундан кейинги олий таълимга қабул қилиш тартиби белгиланди

Ҳукумат қарори (350-сон, 30.06.2026 й.) билан "Олий маълумотга эга бўлган шахсларни Тошкент давлат юридик университетига ўқишга қабул қилиш тартиби тўғрисида"ги низом тасдиқланди. 📌Мазкур низомга кўра, олий маълумотга эга бўлган шахслар ТДЮУнинг махсус 3 йиллик таълим дастури доирасида тест синовлари асосида иккинчи ва ундан кейинги олий таълим олиш учун "юриспруденция" таълим йўналишига қабул қилинади. 📥Абитуриентлар ҳар йили 10 июльдан 10 августга қадар (шу куни ҳам) Билим ва малакаларни баҳолаш агентлигининг махсус электрон тизими орқали рўйхатдан ўтади. ‼️Олий маълумотга эга бўлган шахслар “юриспруденция” таълим йўналишининг фақат мутахассислик фанлари ва чет тили доирасида тест жараёнларига қатнашади. ⛔️ Бунда умумий тартибдаги кириш имтиҳонларида қўлланиладиган имтиёзлар (хорижий тилни билиш бўйича сертификатлар бундан мустасно) махсус 3 йиллик таълим дастурига татбиқ этилмайди. 📍Маълумот учун: қабул ТДЮУнинг мавжуд қувватлари, моддий-техника базаси, профессор-ўқитувчилари таркиби ҳамда бакалавриат таълим йўналишлари хусусиятидан келиб чиқиб, қабул параметрларидан ташқари квота доирасида “юриспруденция” таълим йўналиши ва ўқитишнинг кундузги, кечки, масофавий таълим шаклларида ташкил этилади. ⏳ Шунингдек, ТДЮУнинг магистратурасида ўқиш муддати "Юриспруденция" бакалавриат таълим йўналишини тамомлаганлар учун 1 йилни, турдош таълим йўналишларини тамомлаганлар учун эса 2 йилни ташкил этади. https://t.me/adliyahr

#savolimbor ❓САВОЛ! 2 нафар 2 ёшга тўлмаган фарзандим бор. Катта фарзандим, 26 июнда 2 ёшга тўлади, лекин мен таътиллар жадвалига асосан 15 июн куни ариза ёзиб, 1 июлдан меҳнат таътили берилишини сўраганман, шунда менга 4 кун қўшимча таътил бериладими? (Оминахон, Тошкент) ❗️ЖАВОБ! Таътилингизга қўшиб берилмайди, бироқ... ✍️Аслида ариза таътил беришга асос эмас (меҳнат шартномасини бекор қилиш чоғина фойдаланиш бундан мустасно (235-м. 1-қ.)). Асл асос тасдиқланган меҳнат таътиллари жадвалидир (228-м. 1-қ.). ❗️Меҳнат кодексининг 401-моддаси 1-қисмига эътибор беринг! ➖12 ёшга тўлмаган икки ва ундан ортиқ боланинг ёки 16 ёшга тўлмаган ногиронлиги бўлган боланинг ота-онасидан бирига (ота-она ўрнини босувчи шахсга) ҳар йили давомийлиги камида 4 календарь кун бўлган ҳақ тўланадиган қўшимча таътил берилади. ❌Демак, аризани 1 ой олдин ёзсангиз ҳам таътилдан фойдаланиш кунингизда болаларингиз 2 ёшга тўлмаган бўлиши шарт. Шунда ушбу кафолатдан фойдалана оласиз, бўлмаса йўқ. 💡Битта йўли МКнинг 2-қисми бўйича бола 2 ёшга тўлгунча кафолатдан фойдаланиб қолиш керак эди. ⚠️Унга кўра, 401-модданинг 1-қисмида назарда тутилган таътил йиллик меҳнат таътилига қўшиб берилиши ёки иш берувчи билан келишиб белгиланадиган даврда ушбу таътилдан алоҳида (тўлиқ ёхуд қисмларга бўлиб), лекин фақат тегишли иш йили давомида фойдаланилиши мумкин. Ушбу таътилни кейинги иш йилига кўчиришга ёки уни пулли компенсация билан алмаштиришга йўл қўйилмайди. ‼️Демак! Агар меҳнат таътилига қўшиб фойдаланаман десангиз болангиз 2 ёшга тўлиб қолади ва кафолат қўлланилмайди, асосий МТ бошлангунга қадар иш берувчи билан келишган ҳолда алоҳида фойдалансангиз кафолатдан фойдаланиб қолишингиз мумкин. https://t.me/adliyahr

#infografika 💬Ташкилотларда ходимлар учун ҳафта давомида ҳар кунлик жамоавий (корпоратив) тадбирларнинг тавсиявий режани таклиф қиламиз. 🔘Ушбу тадбирлар ходимларни шахсий билим ва иш самарадорлигини ўстиришга ёрдам берувчи ва кайфиятга ижобий таъсир қилувчи воситалар сифатида хизмат қилади деб умид қиламиз. https://t.me/adliyahr

#Адлия_табриги Азиз ёшлар! Сизларни севимли байрамингиз, азму шижоат, гўзаллик ва камолот айёми – Ёшлар куни билан самимий муборакбод этамиз. Сизларнинг чуқур мушоҳадали, вазиятни атрофлича таҳлил қила оладиган, муаммоларга қонун доирасида ечим топишга интиладиган кенг фикрли инсонлар бўлиб камол топишингизда тилакдошмиз. Барчангизга сиҳат-саломатлик, бахт ва омад тилаймиз. Ҳурмат билан, Адлия вазирлиги жамоаси https://t.me/adliyahr

#Adliya_xabari 🎉 Matbuot va ommaviy axborot vositalari xodimlari kuni munosabati bilan adliya tizimi xodimlari taqdirlandi 🗞 27-iyun — Matbuot va ommaviy axborot vositalari xodimlari kuni munosabati bilan adliya organlari va muassasalarida axborot siyosatini samarali amalga oshirish, tizim faoliyatining ochiqligi va shaffofligini ta'minlash hamda huquqiy axborotni keng jamoatchilikka tezkor yetkazish yo‘lida munosib hissa qo‘shib kelayotgan xodimlar taqdirlandi. 🎁Tadbirda bir guruh faol xodimlarning samarali mehnati e’tirof etilib, ularga Adliya vazirligining esdalik sovg‘alari topshirildi. 🤝 Bugungi kunda ushbu yo‘nalishda faoliyat yuritayotgan xodimlar adliya tizimida amalga oshirilayotgan islohotlarni keng yoritish, huquqiy axborotni tezkor va ishonchli yetkazish hamda tizimning ochiqlik siyosatini ta'minlashda muhim o‘rin tutmoqda. ✨ Fursatdan foydalanib, adliya organlari va muassasalarida axborot siyosatini yuritish va tizimning ochiqligini ta'minlash yo‘nalishida faoliyat olib borayotgan barcha xodimlarni kasb bayrami bilan samimiy tabriklaymiz! 💐 Barchangizga mustahkam sog‘liq, oilaviy baxt-saodat, yangi g‘oyalar va mas'uliyatli faoliyatingizda ulkan muvaffaqiyatlar tilaymiz! Kanalga ulaning va yangiliklardan xabardor bo‘ling 🚀Telegram | 📷Instagram | 🔵Facebook | 📱YouTube | Bot

✅"Bos, adliyada bir kunda ko‘rinasan" — bu tavsiya hayotimni o‘zgartirdi Nuridin Shermatov — Adliya vazirligi huzuridagi Qonunchilikni tahlil qilish va tartibga solish ta’sirini baholash instituti yetakchi maslahatchisi

Adliyaga kelganimga endigina ikki oy bo'ldi, bu joydan taklif bo'lgan paytda ustozlarimning birinchi aytgan gaplari "bos, ikki yil ishlading ko'rinmading, lekin adliyada bir kunda ko'rinasan" deyishdi. Ularning tavsiyasiga amal qilib keldim. 10 kun 15 kun ichida rahbarimizning ko'ziga ko'rindim, keyingi oyning o'zidayoq vazirimizga bir nechta loyihamizni taqdimot qildik. Shundan so'ng, Prezident Administratsiyasi ishchi guruhiga jalb qilinib, loyihaning muallifi sifatida ishlayapmiz.

https://t.me/adliyahr

#yilning_eng_faol_yosh_xodimi 🏆 “Yilning eng faol yosh xodimi” ko‘rik-tanlovining respublika bosqichi yakunlandi ⚖️ Adliya vazirligida adliya organlari va muassasalarida faoliyat yuritayotgan yosh xodimlar o‘rtasida o‘tkazilgan “Yilning eng faol yosh xodimi” ko‘rik-tanlovining respublika bosqichi bo‘lib o‘tdi. 👥 Tanlovda hududiy (saralash) bosqichlarda munosib natija ko‘rsatgan eng faol yosh xodimlar o‘zaro bilim, kasbiy mahorat, tahliliy fikrlash, tashabbuskorlik va liderlik salohiyatini namoyon etdi. 🎙 Tanlovning ochilish marosimida so‘zga chiqqan adliya vaziri o‘rinbosari Mirjalol Allakuliyev yoshlarni qo‘llab-quvvatlash, ularning kasbiy va shaxsiy rivojlanishi uchun yaratilayotgan imkoniyatlar haqida to‘xtalib, bunday tanlovlar adliya tizimining ertangi rivoji uchun munosib kadrlar zaxirasini shakllantirishda muhim o‘rin tutishini ta’kidladi. 🔥 Qizg‘in va murosasiz bahslarga boy o‘tgan tanlov yakunida hakamlar hay’ati qaroriga ko‘ra eng yuqori natijalarni qayd etgan ishtirokchilar g‘olib deb topildi hamda tantanali ravishda taqdirlandi.

✅Natijalar: 🥇 1-o‘rin — SULAYMONOV Shuhrat To‘lqin o‘g‘li (Jizzax viloyati) 🥈 2-o‘rin — SHOYADBEKOV Shaxbozbek Shuxratbek o‘g‘li ("Adolat" MHAM) 🥉 3-o‘rin — YUSUPOVA Faringiz O‘ktam qizi (Yuridik kadrlarni qayta tayyorlash va malakasini oshirish instituti)

🌟 Mazkur tanlov yosh xodimlarning kasbiy salohiyatini ro‘yobga chiqarish, ularni yangi g‘oya va tashabbuslarga ruhlantirish hamda adliya tizimida faol, fidoyi va malakali kadrlar safini yanada kengaytirishga xizmat qiladi. https://t.me/adliyahr

#savolimbor ❓Мен 19 июн (жума) куни ишдан бўшаш ҳақида ўз хоҳишим билан ариза ёздим, аризада сана кўрсатилмаган, шунда огоҳлантиртиш муддати қачондан бошлаб, тугаши қайси кунга тўғри келади. ✅Жавоб. Меҳнат кодексининг 9-моддасига кўра, ...белгиланган муддатлар календарь сана билан, йиллар, ойлар, ҳафталар, кунлар ёки соатлар билан ҳисобланадиган вақт даврининг тугаши билан ёхуд юз бериши керак бўлган воқеани кўрсатган ҳолда аниқланади. (1-қисм)   👇Демак ариза 19 июн (жума) куни берилган бўлса: Огоҳлантириш муддати 20 июндан бошланади (МК 9-моддаси ва 160-моддасига мувофиқ). ➖14 календарь кун ҳисобланганда: ➖20 июн – 1-кун ➖21 июн – 2-кун ➖... ➖3 июл – 14-кун (огоҳлантириш тугайди).   Ҳуқуқий асослар: МКнинг 9-моддаси ва 160-моддалари бўлиб ҳисобланади, демак: 👉МК 9-моддаси. Меҳнат ҳуқуқлари ва мажбуриятларининг юзага келиши ёки бекор бўлиши билан боғланадиган муддатларни ҳисоблаш унинг бошланиши белгиланган календарь санадан кейинги кундан эътиборан бошланади. (2-қисм)   👉Календарь йиллар, ойлар, ҳафталар ёки кунлар билан ҳисобланадиган муддатга ишланмайдиган кунлар ҳам қўшилади.   👉Агар муддатнинг сўнгги куни ишланмайдиган кунга тўғри келса, ундан кейин келадиган биринчи иш куни муддат тугайдиган кун деб ҳисобланади. (6-қисм)   👉Бундан ташқари, МКнинг 160-моддасига кўра ходим меҳнат шартномасини 14 календарь кун олдин бу ҳақда иш берувчини ёзма шаклда огоҳлантирган ҳолда бекор қилишга ҳақли. (1-қисм)   👉Огоҳлантириш муддатининг ўтиши иш берувчи томонидан ходимнинг меҳнат шартномасини бекор қилиш тўғрисидаги аризаси олинганидан сўнг кейинги кунда бошланади. (2-қисм)   🕐Хулоса қилиб айтганда, агар сиз меҳнат шартномасини ўз хоҳишингизга кўра бекор қилиш ҳақидаги аризани 19 июн куни топширган бўлсангиз, огоҳлантириш муддати 20 июндан бошланади ва 14 календарь кунлик муддат – 3 июл куни тугайди ва 4 июлдан сиз ходим статусидан чиқасиз. Аризани шу муддат орасида қайтариб олиш ҳолати бундан мустасно. ©️ Амалиётчи-юрист Ш.Хамрақулов https://t.me/adliyahr